Уклінно просимо заповнити Опитування про фемінативи  


[Зіновіїв Климентій. Вірші. Приповісті посполиті / Підг. тексту І. П. Чепіги. — К.: Наукова думка, 1971. — С.76-97.]

Попередня     Головна     Наступна






Ω(т) zдε почина́ю(т)сA ω бога́тства(х) и ω нищεта́хъ, и о нε(н)дза(х) и ω ско(р)бεхъ и о пεчалεхъ, и ω мятέжахъ


76. Ω убогихъ людέхъ


Ω го́рε бЂдны(мъ) людε(м) убоги(мъ) на свЂ́тЂ:

жε нε могутъ скутε(ч)но(и) радости имЂти.

А бога́тому ащε и ско(р)бъ часо(мъ) ткнέт(ъ)сA:

то в то(м) жε εму часЂ ры́хло и минέт(ъ)сA.

Бо бога́чъ судя(м) о́чи мздою забива́εтъ:

и тоεю до ко(н)ца ώны(х) ослЂпля́εтъ.

А убоги(и) нεборакъ хо(ч) мало споткнε(т)сA:

пε(в)нε побЂдε(н)ному да(р)мо нε минε(т)сA.

Або бу́дε(т) в здоро́в(ъ)ю бЂдны(и) шва(н)кова́ти:

и́ли кото́ры(м) і́ны(м) лихо(м) то(р)говати. /54/

I εслѝ о(т) бога́тыхъ мл(с)ти нε полу́читъ:

то хо(ч) ра(д) або нε ра(д), z дш̃έю разлучитъ.

Ω бж̃ε чεму (ж) то ты̀ вбоги(х) ωпущаεшъ:

на ско(р)бъ и на слεзы и(х) о́ко(м) нε сматря́εшъ.

Чи ты(м) жὲ бога́чъ ца(р)ство можε(т) купова́ти:

а ты̀ я́ко бг̃ъ можε(ш) и нε(н)дзному дати.

А понεва́жъ су́діA εстε(с) справε(д)ливы(и):

сотвори (ж) и на́ зεмли в пн̃о(в) су(д) правди́вы(и).



1 Унизу сторінки приписано: Ω зло(м) кεлε(и)но(м) сожи́тεли сεму (ж) прили(ч)ноε слово ли(ст) т̃ф. \77\



Абы́ тA судію̀ бо(л)шъ ю(ж) нε оско(р)бля́ли:

і жεбы̀ бεзви(н)нε дш̃ъ бо(л)шъ нε погубля́ли.

Алε дару(и) вла́стε(м) ми(р) и любо(в) в(ъ) іхъ ср(д)ца:

мл̃и(м) ти сA г(с)ди нш̃ъ о(т) всεго ср(д)ца.




77. Ω мятεжно(мъ) жи́тіи члч(с)ко(мъ), и о убожε(ст)вЂ


Вεли́къ свЂтъ да нЂгдε дЂ(т), людε повЂда́ю(т):

и нεло(ж)ную пра́вду о томъ признава́ю(т).

Кгды (ж) свЂту и зεмлЂ̀ нЂ(т) ко(н)ца̀ здаε(т)сA бы(т):

а нε зна(и)дε(т) убо́ги(и) гдὲ бεз(ъ)ско(р)бно пожи́т(ъ). /54 зв./

Я́къ рεкъ ап(ст)лъ бЂда̀ в(ъ) пусты́ни и в(ъ) морЂ:

раз†нε ε(ст) пεча́ли на́ нб̃сѝ го́рЂ.

А то вεздЂ житіε на zεмлѝ мятέжно:

а на(и)барзЂ(и) в(ъ)бо́ги(x) сA дε(р)житъ ско(р)бъ прилε(ж)но.

ТЂмъ поісти(н)нЂ бЂда̀ и горε убо́гимъ:

жε за́вшε облываютъ смутко(м) сA прεмноги(мъ).

А часомъ з(ъ) ско(р)бы са(мъ) сA чловε(к) погубля́εтъ:

о(т) чεго̀ бж̃ε хранѝ много то быва́εтъ.

Бо понεважъ з(ъ)бы(т)няA ско(р)бъ тоε справля́εтъ:

жε ско(р)бны(и) всяко(и) втЂхи своε(и) забыва́εтъ.

А якъ мовя(т) хочъ пεча́л(ъ) на εдну̀ годы́ну

кому̀ лучитъ: запо́мни(т) и мылу роды́ну.

Бога́ты(и) в(ъ)скорЂ скорбъ можε(т) прεмЂни́ти:

а вбоги(и) бЂдны(и) нε вЂ(ст) ка́къ έA из(ъ)бы́ти.

Кро(м) εму [кто̀] 1 інъ пεча(л) в радо(ст) прεтво́ритъ:

а к тому̀ о́ному са(мъ) бг̃ъ ласку о(т)во́ритъ.

А са(мъ) мало сεбε кто̀ z ско(р)бы свобожда́εтъ:

кро(м) па́чε і́ны(и) добры(и) помощи дава́εтъ. /55/

Zачимъ ω бж̃ε вбогимъ додава(и) рату(н)ку:

жεбы̀ нε погубили надεжды з фрасу́нку.



1 Квадратні дужки стоять у рукопису.





78. ВЂршъ вторы(и) ω мятεжно(мъ) жи́тіи: кого бг̃ъ нε хранитъ о(т) ско(р)бε(и)


Вεликъ свЂтъ да нЂгдε дЂ(т), з(ъ)да(в)на повЂда́ютъ:

zлыε людε бεзско(р)бно пожи́т(ъ) нε дава́ютъ. \78\

Хо́чъ бы̀ ю́жъ хотЂлъ, о εди́номъ бз̃Ђ

мы́слити: а(ж) нε даю(т) sлы́ε вра́зи мно́зи.

То(к)мо са(м) промы́слничε бл̃ги(и) да(и) пожи́ти:

и нε да(и) мнЂ дш̃Ђ грЂшно(и) погуби́ти.




79. Ω щасли́во(м) [кому̀ бг̃ъ да(л)] 1 жи́тіи чл̃ч(с)комъ


Еслѝ до́брε фо(р)туна мно́го кому̀ слу́житъ:

то жε(б) по́мнЂлъ и дру́га ко(т)ры(и) вε(л)мѝ ту́жы(т).

Бо и εму та́кож дε свЂта нε прεжи́ти:

нε грЂхъ бы и ско(р)бному помощъ приложи́ти.

А εму приложи(л) бы бг̃ъ бо(л)шъ поважέн(ъ)A

и всЂхъ жεла́εмы(x) добръ помножέн(ъ)A. /55 зв./




80. Ω пεча́ли


Ды́внаA рЂчь, що в хатЂ пЂчъ, та(к) повЂдаю(т):

о ко(т)ро(и) пέчи пра́вятъ и са́мы нε зна́ютъ 2.

ПЂчъ бо имεнуε(т)сA пεча(л) нεпотрεбна:

ко(т)ра́A и кождому zавшε бεзпотрέбна.

Пεча́л(ъ) кому́ сA лучи(т) радости нε маεтъ:

лε(ч) ώвшεмъ ср(д)цε εго̀ крЂпко увяда́εтъ.

Пεча(л) іно(г)да з(ъ) свЂта гу́бытъ чεловЂка:

и раз(ъ)лучаεтъ дш̃у у посро(д)ку вЂка.

Ω(т) чεго̀ сохраня(и) насъ всЂхъ Іс̃сε бж̃ε:

да жа́дноε на(мъ) zлоε одолЂт(ъ) нε зможε.



1 Квадратні дужки стоять у рукопису.

2 На полі з правого боку проти цих рядків олівцем помічено: NB.





81. Ω ско(р)би і сὲ, то(к)мо нε ω вεли́ко(и)


Ско(р)бъ быва́ε(т) ча́со(м) кгды̀ тру́дно(ст) ору́дуε(т):

а особно я(к) по(и)дεтъ да нε (з)ωрудуεтъ.

Лу(ч)шε(и) бы было̀ ба(р)зЂ(и) жεбы̀ ни почина́лъ:

нεжεлѝ нεви(н)нε сA дарεмнε ту(р)бова́лъ.

А вε(л)мѝ того̀ мно́го на свЂтЂ бываεтъ:

жε нε справи(в)ши к(ъ) дому сA повороча́εтъ. /56/ \79\




82. Ω ско́рби


Я́ко ώгнь прε(д) водою хо(ч) нε ра(д) смиря́ε(т):

тако и радо(ст) из(ъ) сму(т)комъ житыA нε ма́ε(т).

А вεсεліε прε(з) сεбὲ само̀ ликовству́εтъ:

и обрЂтши(и) ε ωко(л) вдя(ч)но то(р)жεствуεтъ.

I мнЂ пода(и) г(с)ди такъ то(р)жεствова́ти:

бы(мъ) из(ъ)бы́вши пεча(л) мо(г)лъ тA бл̃года(р)ствова́ти.




83. Ω ско́рби паки, и сὲ


УтЂха о(т) ώчію моέю сокры́сA:

а в(ъ)мЂсто о́ноA ско(р)бъ и пεча(л) о(т)кры́сA.

Котрую можε(ш) бж̃ε в радо(ст) прεтвори́ти:

и бεз(ъ)пεча(л)но мнЂ да(т) на́ zεмли пожи́ти.

ТЂмъ мо(л)бу Хр(с)тε я́ко бл̃гъ услышѝ:

и с(ъ) ст̃ы́ми вЂчно(и) радости нε лишѝ.




84. Ω ско(р)бящы(х) людε(х) збы́тнε /56 зв./


Ω(т) збы(т)ны(х) ско(р)бε(и) ско(р)бны(м) лица̀ увяда́ю(т):

и особε(н)но з(ъ) тЂла внЂвεчъ изпада́ютъ.

Пи́сано бо жε ско(р)бны(мъ) засыхаютъ ко́сти:

ω(т) опεчали(в)ши(х) и(х) прεзЂлноA зло́сти.

А що го(р)шε(и) часо(м) жε тщы̀ труды быва́ютъ:

жε злобныε и трудо(в) іхъ нε погада́ютъ.

Ты(л)ко раз†бг̃ъ можε(т) труды помяну́ти:

и сп(с)ніεмъ z ла(с)ки своε(и) нε забу́ти.




85. И сὲ прили(ч)ны(и) до ско(р)бы вЂршъ мл̃итвέнны(и) до бг̃а


Бж̃ε мо(и) чεму (ж) то мA ты̀ εстε(с) ωста́вилъ:

наставъ жε мA па́ки я(к) бы(л) εсѝ наста́ви(л).

Да нε всуε ти буду на свЂтЂ здε жи́ти:

но даждъ мнЂ з(ъ) добры(м) плодо(м) к тεбЂ сA явы́ти.

На тεбε бо εдного̀ то́кмо упова́ю:

и о(т) тεбὲ мл(с)ти всεнадεждно ча́ю. /57/ \80\




86. ВЂршъ в̃ до бг̃а мл̃и(т)вεнны(и) о прεмЂну скорби(и) и пεча́лε(и)


Іс̃сε бж̃ε почто̀ мA та́ко(с) ωпусты́лъ:

εда̀ ли ю(ж) zа грЂхѝ до ко(н)ца мA забы́лъ.

Нε забы(х) тÀ ты(л)ко сA во ско(р)бεхъ нε ω(т)ча(и):

алε и εшὲ на́ мA обы́чно упова(и).

ВЂси жъ самъ бж̃ε я́ко на́ тA упова́ю:

и інага г(с)да кро(м) тεбὲ нε зна́ю.

І́ны(и) бо богъ кро(м) мεнὲ нε можε(т) тA сп(с)тѝ:

раз(ъ)вЂ̀ можεтъ в(ъ) пагубу по смε(р)ти в(ъ)вεстѝ.

Ω мл̃ю́ тA нε прεда(ж)дъ мA іному бо́гу:

бо затра́чу и тую до тεбὲ доро́гу.

Нε пεчалу(и) зЂло. А́зъ и тÀ памAта́ю:

с(ъ) прочіими купно на тA призыра́ю.

Призыра(и) жε тво(р)чε мо(и) о́ко(м) мл(с)тивнымъ:

и бл(с)вεніε(мъ) втЂшъ мA бл̃гости́ннымъ. /57 зв./

Убл̃гословлю́ тA и о(т) вра́гъ свобожду̀:

и внЂвεчъ супоста́товъ твои(х) побЂжду̀.




87. До бц̃и, во ско(р)би


ПовЂждъ мнЂ ω дв̃и́цε прч(с)таA мт̃и:

εда́ ли буду εщε до(л)го ско(р)би zна́ти.

ПовЂмъ ти жε ужὲ и́хъ бо(л)шε(и) нε позна́εшъ:

а́щε уср(д)но на мA мт̃ε(р) упова́εшъ.

Уповаю ср(д)чно ч(с)таA дв̃и́цε:

нεвЂсто прεкрасна(г)[о] вышны(х) сы(л) цр̃и́цε.

Ты̀ жε мA о(т) гоня́щы(х) нεврε(д)на соблюдѝ:

и ω(т) всяки(х) пεчали(и) сама мA свободѝ.




88. Сε жε кому ко́л(ъ)вεкъ о само́мъ сεбЂ вЂршъ мл̃и(т)вε(н)ны(и) до Iс̃са


Призырая(и) на́ зεмлю и творя(и) ю тря(с)ты́сA:

мл̃итва́ми рождшε(и) та дару(и) мнЂ сп(с)ти́сA. /58/

Да сп(с)шεса мт̃ε(р)нымъ мл̃έніεмъ εÀ:

могу̀ вни(и)ти в(ъ) го(р)нAA обытεли твоÀ. \81\

I ωна́мо в(ъ) бл̃ги(х) твои(х) ликова́ти:

и з(ъ) ст̃ы́ми навЂкъ тεбε выхваля́ти.




89. Ω бога́тств Ђ и ω нищεтЂ̀


Ко(ж)ды(и) бы хотЂ́лъ сεбЂ̀ тако(ж) богаты(м) бы(т):

а́лε мусЂтъ на́ свЂтЂ такъ жи(т) я(к) набЂжи(т).

I ты(м) ро́гомъ чεса́ты(с) которы(мъ) доста́нεтъ:

и будε(т) троха имЂ(т), я(к) робити ста́нεтъ.

Бо убогихъ повсюду бо(л)шε ε(ст) на(и)па́чε:

и правды́ваA то рЂчъ ε(ст) а нε іна́чε.

Богатство кому то бг̃ъ исхо́чε(т) дарова́т(ъ):

и́ны(и) мало на то́ε будεтъ и працова́т(ъ).

А и́ны(и) хо(ч) прε(з) ввε(с) вЂкъ труды полага́εтъ:

а εдна(к) побЂдε(н)никъ мало чεго̀ ма́ε(т).

I дн̃ь о(т) днÀ працуεтъ и нε можε(т) мЂти:

ты(л)ко мусЂтъ бЂдны(и) хо(ч) и нε ра(д) тε(р)пЂти. /58 зв./

I подобно то та(к) бг̃ъ восхотЂлъ из(ъ)да́вна:

що поставилъ чловεка чловεку нεра́вна.

Бо εсли (б) правε мо(г)ли всЂ богатыми бы(т):

то нЂкому было бы и хлЂба роби́т(ъ).

Ты̀ жε бж̃ε нε забу(д) убоги(х) до конца̀:

εго жε мл(с)ти и ла(с)цЂ нε ма(ш) конца̀.

А богаты(мъ) повεлѝ вбоги(х) вспомага́ти.

а нб(с)нымъ цр(ст)вомъ ра(ч) и́мъ нагорожати.

И а́втора вспоможи сεго я(к) нищεтна:

бл̃года(т) бо и мл(с)ть твоA нεіщέтна.




90. Ω убогихъ и ω богаты(х)


Що далЂ(и) на свЂтЂ го(р)шъ бЂда настава́ε(т):

жε убоги(и) чεловЂкъ во всεмъ погиба́ε(т).

Хочъ можε(т) бЂдны(и) в людε(и) що и зароби́ти:

то богаты(и) нε хочε(т) слу(ш)нε нагороди́ти. /59/

I що̀ и́мъ за коры(ст) іжъ мзды̀ удε(р)жава́ютъ:

а з(ъ) того удε(р)жа́н(ъ)A пожы́тко(в) нε ма́ютъ.

Бо стокро(т)ны(и) и(м) за то̀ ущε(р)бокъ быва́εтъ:

кгды̀ за слεзы убоги(х) бг̃ъ таки(х) кара́ε(т).

Ал(ъ)бо громовым огнε(мъ), або тε(ж) водо́ю:

а(ж) выходя(т) и(м) тыε вдε(р)жан(ъ)A з(ъ) бЂдо́ю. \82\

Zачи(м) работника(м) прошу нагорожа(и)тε:

и εдны(м) шεляго(м) ґды заробя(т) нε вкры(в)жа(и)тε.

Бо zа мл(с)ты́ню и тоε сA вмЂня́εтъ:

кто трудника(мъ) я(к) слу(ш)нε го(д)ны(мъ), заплача́ε(т).

А написавшаго мA сε слово простЂтε:

и zдраво и сп̃сε(н)но в(ъ) до(л)ги(и) вЂкъ живЂтε.

Бо написа(х) уко(р), іжъ нб̃а ва(мъ) прія́ю:

и паки мл(с)ть вш̃у о ла(с)ку впраша́ю.




91. Ω по(д)ража́ніи Xв̃о(м) до властε(и) /59 зв./


Нε ба(р)зо тεпε(р) власти Хр(с)ту по(д)ража́ютъ:

и(ж) проступи́вшы(х) рЂдко ко(г)да̀ и(х) прощаю(т).

А хо(ч) и простя́тъ або из(ъ) помнε(н)εмъ злобны(мъ):

а нε з(ъ) мл(с)рдіεмъ сѝ бл̃гоутробнымъ.

А г(с)дь бг̃ъ нε тако якъ они справу́εтъ:

бо паки кающы(х)сA грЂшнико(в) милу́ε(т).

А в ны(х) звы́ча(и) залε(д)во и кающы(х)с(ъ) прощати:

а назавшε εднакъ zло памята́ти.

Zачи(мъ) ω бЂда̀ бЂда всεлила(с) на свЂтЂ:

жε нЂгдε згола грЂшну чловεку задЂти.

То(к)мо і́ны(и) из(ъ) скорби мови(т) на іхъ ду́шу:

впя(т) по прε(ж)нεму тоε (ж) дЂло чини(т) му́шу.

Да онѝ о(т)повЂдя́тъ за́ мA во дε(н) судны(и):

ко(г)да̀ сядε(т) суди́ти вл(д)ка чудны(и).

Насъ жε Хр(с)тε о(т) гнЂва таковы(х) соблюдѝ:

и ω(т) вЂчны(х) sолъ вЂрны(х) рабъ свои(х) свободѝ. /60/ \83\




92. Ω волоча́щи(х)сA понεволЂ людε(х), кото́рыε до́брε сA прε(ж)дε мЂ́ли, и на εдны(х) мЂсца(х) [при добры(х) повожε(н)яхъ] 1 сЂдЂли.

А пото(м) ко(г)[о] бг̃ъ нε заступи(т) мусЂтъ іны(и) бЂдны(и) и нε хотA волочитисA нε(н)дзно по свЂту в(ъ) своε(м) нεща(ст)ю, пожа(л)сA бж̃ε zвлаща на старо(ст).

И́ли лю́бо и в(ъ) мо́лодости нε мЂти станε(т) своε(г)[о] слушно(г)[о] совε(р)шεнного сЂдЂніA и пεвного пристанища по ω(т)падέніи доброи фо(р)туны до sЂла ωбнища(в)ши


Я́ко то повЂдаю(т) пусти(в) бг̃ъ Мики́ту:

на уставичную ю(ж) у миръ волоки́ту.

I нε ты(л)ко тεпε(р) то Микита(мъ) быва́εтъ:

а́лε тако(ж) и інымъ тоε (ж) сA случа́εтъ.

Жε нε можε(т) інъ бЂдны(и) гдε пεвно сЂдЂти:

и εдного мЂсца я(к) потрεба нагрЂти.

Ты(л)ко мусЂтъ та(мъ) и та(мъ) часто просмыка́ти

по сторона(х): и сεбЂ впя(т) мЂсца иска́ти. /60 зв./

А поку(л) взы(и)дε(т) сл̃нцε вы́Ђ(ст) ώчи роса̀:

а часомъ а́хъ бЂда и смε(р)тнаA коса̀

ПрεсЂчε(т) жы́знь: и нищо̀ до́броε нε справи(т):

εслѝ εго̀ в нε(н)дзЂ бг̃ъ до ко(н)ца̀ оста́ви(т).

ТЂмъ ω бж̃ε, мЂ(и) на и(х) своε призрЂніε.

и всεмощноε паки в(ъ) бл̃го хотЂніε.

Да нε впадутъ для ско(р)бε(и) в(ъ) ω(т)чая́ніε:

алε мЂть буду(т) нεха(и) на тA чая́ніε.

Кгды (ж) надЂющіисA на тA су(т) бл̃жε(н)ны:

и бываю(т) прε(з) помощъ твою з(ъ) бЂдъ збавлε(н)ны.

ТЂмъ и а́зъ грЂ́шны(и) к тεбЂ о і́хъ мо(л)бу вношу̀:

и сεбЂ купно з ны́ми в тεбὲ ла(с)ки прошу̀.




93. Ω чεтвεрочислέннои ско(р)би чεловЂчεско(и): (и моε(и)) 2


Трычислε(н)на вεщъ sЂ́ло ми ско(р)бъ наноша́ε(т):

грЂхъ, нέмо(щ), нищεта̀: а кро(м) сы(х) нε бываε(т) /61/



1 Квадратні дужки стоять у рукопису.

2 Круглі дужки стоять у рукопису. \84\



Ско(р)бъ: кро(м) паки случаε(т) из(ъ) озлоблεніA:

и чи́ни(т) а́хъ прεпону мнЂ до сп̃сέніA.

Ты (ж) бж̃ε на обиды мнЂ грЂшну творящы(мъ):

призрѝ на ны(х) свои(м) си о́ко(м) всεвидящы(мъ).

А воздаждъ и(мъ), яко ты сам(ъ) хощεши хо(ч) sло́мъ:

и́ли я(к) волA твоA ст̃аA хочъ добро́мъ.

А ω(т) обыдя́щы(x) мA ω(т)сεлЂ сохраня(и):

и sлобы̀ и(х) о(т) мεнὲ я(к) можεшъ о(т)враща(и).

А я́ко сы́лε(н) и грЂхи εси всЂмъ проща́ти:

та(к) и сп(с)ніε можεшъ мнЂ дарова́ти.

Мл̃ю̀ тÀ сп̃си́тεлю ω тоε прилέжно:

да пожыву хо(ч) мало на зεмлѝ бεзмятέжно.




94. Ω ско́рби мл̃итва до бг̃а


В розмаи́ты(х) припа́дка(х) си(х) ча́со(в) зостава́ю:

и ни о(т) кого̀ сεбЂ ю(ж) надέжды нε ма́ю.

Точію надЂюсA на тA самого бг̃а:

εго жε и до грЂшны(х) бываε(т) мл(с)ть мно́га.

Мо́жε(ш) ω(т) припа(д)ковъ си́хъ и мεнὲ свободи́ти:

и ско́рби и пεча́ли на радо(ст) прεтвори́ти. /61 зв./




95. Ω внεзаа́пно(и) або̀ тε(ж) о напра́сно(и) ско(р)би, и ω внεзаапно(и) радости; імε(н)но жε часо(м) чл̃ку нεсподЂва(н)но прилучи(т)сA ско(р)бъ, іли ра́до(ст)


И внεзаа́пнаA ра́до(ст) нε зашкожа́εтъ:

а скорбъ хо(ч) нεско́раA вε(л)мѝ заража́εтъ.

Ра́до(ст) бо зовε(т)сA то блг̃ополу́чно(ст):

а ско(р)бъ яка́A ко(л)вεкъ то ю(ж) злополу́чно(ст).

А ωсобъ и припа́дко(м) можε(т) сA ско(р)бъ зва́ти:

бода(и) бы ты(л)ко нихто̀ до́бры(и) нε мо(г)лъ зна́ти.

В ро(з)маиты(х) припадка(х) и писέцъ сы(и) быва́лъ:

а(ж) ни ω(т) ко́го ча́сомъ надέжды нε мЂва́лъ.

Ты(л)ко на бг̃а мусЂлъ ско(р)бы возвε(р)зати:

и того̀ εди́наго ω помощъ бл̃гати. \85\




96. Ω zлополу́чія(х), сирЂчъ о ты(х) жε ско(р)бεхъ


Ωкая́нε(н) то(и) іжε в ско(р)бε(х) днѝ прово(ж)даεтъ:

а ω(т)рады на ра́до(ст) сεбЂ нЂgды нε ма́εтъ.

Таковому годи(т)сA ср(д)цεмъ соболЂзнова́тъ:

а ратунку ґды̀ мо́щно мл(с)ти́вно подава́т(ъ). /62/

I εго̀ храни́лъ бы бг̃ъ о(т) злополучέніA:

и стокро(т) возмεзди(л), и сподоби(л) сп̃сέніA.

Прεто подава(и) помощъ людε(м) побЂдέнны(м):

нε будε(ш) зрЂти сεбε та́ко(ж) дε озлоблέнны(м).

Бл̃жε(н) бо мл(с)тивы(и) іжъ пом̃лова(н) будεтъ:

са(м) бг̃ъ доброчи́нно(с)тε(и) тако(г)[о] нε забудε(т).




97. Ω бл̃гополу́чностя(х) чл̃чεски(х)


Бл̃жε(н) ко(т)ры(и) чл̃къ бл̃гополу́чно(ст) стяжа(л):

нε зави́ди: бг̃ъ εму̀ за го́дно(ст) то дарова(л).

Котры(и) и тεбЂ ласку можε(т) показа́ти:

и бл̃гополучіε тако(ж) дε дарова́ти.

Токмо мл̃исA г(с)дεви завшε прилέжно:

да пожіε(ш) и ты̀ в вЂку своε(м) бεзмятε(ж)но.




98. Ω мεланколичныхъ людεхъ: сирЂчъ [я́ко бы тε(ж)] 1 ω сму́тны(х) всεгда̀, жε іному и до́брε сA пово́ди(т), а ώнъ нЂ́тъ вЂдома, чεго̀ смути(т)сA /62 зв./


В до́бры(х) інъ повожε(н)яхъ за́вшε ωбыта́εтъ:

а дывна рεчъ жε всε(г)да̀ смутε(н) пробува́εтъ.

Нε дивно жὲ хто жи́ε(т) при всЂхъ нεдоста́ткахъ:

а ω(н) в роскоша(х) многихъ и во всЂхъ доста(т)кахъ.

И сму(т)но ходи(т) всε(г)да̀, и тέжъ пεчалу́εтъ:

и нε знаε(м) чεго̀ южъ таковы(и) смуту́εтъ.

Ґды (ж) жаднаA вЂ(м) нεндза у нεго̀ нε жи́εтъ:

а ώнъ вла(с)нε в фрасу(н)ку або в ско(р)би жи́εтъ.



1 Квадратні дужки стоять у рукопису. \86\



Ґды (б) добрыε и мнЂ бг̃ъ дава́лъ повожε(н)A:

нЂgды бы(м) дарέмно(г)[о] нε по(з)на́лъ смущε(н)A.

Ажε и понεволЂ му́шу A ско(р)бЂти:

що нε могу̀ ко(н)тεнту анЂ ма́ло мЂ́ти.




99. Ω вступуючихъ z роско́шε(и) свЂтовы(х) людε(и) бога́тых, во убо́гоε и нищε(т)ноε жи́тіε іночε(с)коε.

Жε(б) нε ско(р)бЂли и нε ка́ялисA на по́то(м), нε призапа́си(в)ши з(ъ) потрεбу свою̀ імЂніA, сирЂчъ вεщε(и): и ядέніA и питіA и гро́шε(и) на(и)пачε. Ґды (ж) и во іноцε(х) бε(з) имЂніA трудно, и вε(л)мѝ ну(д)но, пачε жε прεждε богатство имущым(ъ) 1 /63/


Zдаε(т)сA жε пробу́дε(т) ни Ђвши ни пи́вши:

бога́ты(и) в чε(р)нεцкоε житіε вступи(в)ши.

I здаε(т)сA жε будε(т) ничо́го нε трεба:

разсмотри(т)сA на поты(мъ) а(ж) всεго̀ потрεба.

Бо ґды (ж) мно́го тако́вы(х) бога́ты(х) быва́εтъ:

жε іны(и) всю̀ худо́бу в(ъ) мн(с)ты(р) дава́εтъ.

Ему́ сA ви́ди(т) будε(т) и то(г)да̀ ко(н)тεнтъ мЂ́т(ъ):

а(ж) з за дубовы(х) двέрε(и) нε бу́дε(т) и видЂ́т(ъ).

А хоча(и) двέри бу́дутъ и нε дубо́выε:

нε бу́дутъ раство́рε(н)ны тожъ 2 и сосно́выε.

Із ру́къ бЂдны(и) нεбора́къ будε(т) ю(ж) глядЂти:

и нε бу́дεтъ того̀ що̀ прεждε имЂлъ мЂти.

Zачи(мъ) бога́ты(и) напро́дъ постεрЂга(и)сA:

и ґды̀ хо(ч) в чε(р)нέчεство здоро́въ по(с)трыга(и)сA.



1 Праворуч на полі приписано іншим почεрком: Зна́εтъ конъ на́сщо о(г)лоблЂ бε(т).

2 Слово тожъ було пропущене і надписане автором над рядком.





Ω чε(р)нца(х) ро́зны(х) ω(т) сεго̀ мЂ(с)ца ωбрЂтεши ли̃(ст) о̃. А за ты́ми и бо(л)шε(и) о чε(р)нца(х) жε зна(и)дεшъ, напродъ да́лЂ(и) на пεрεка́захъ, в мно́ги(х) мЂстЂхь, по ли́стахъ іщущи. /63 зв./





100. Ω(т) zдὲ почина́ю(т)сA вЂ́ршы, ω пя́н(ъ)ст†и ω пя́ницахъ


Ωста́нсA чл̃вЂчε пя(н)ства проклято́го:

бо часо(м) на(г)лε людε умыраю(т) з то́го. \87\

А хо(ч) пи(и) да помЂ(р)но жε(б) нε много тра́тылъ

або жεбы(с) и всεA худобы нε зтра́тылъ.

Бо пя́ному зда(ст)сA жε и ко́зы в золотЂ:

а са(м) валя́εт(ъ)сA якъ свиніA в болотЂ.

У пя́ного рεшεто грошε(и) повЂда́ε:

а кгды̀ проспи(т)сA то(г)да̀ и чεха нεма́ε.

Z рεшεта бεрε(т) гроши пяны(и) zа що̀ пи́ти:

а трε(з)вому нЂзащо рέшεта купи́ти.

Прεто о(т) запо(и)ства хо(ч) мало повстя(г)ни́сA:

а робити що роби(ш) о(т)то(л) нε лЂни́сA. /64/

А та(к) зно́ву на порЂ̀ своε(и) скоро ста́нεшъ:

εслѝ запиватисA ужὲ пεрεста́нεшъ.




101. Ω хоро́бЂ z пя(н)ства быва́εмо(и)


Нε жало(б)на хороба что̀ з(ъ) пя(н)ства быва́ε(т):

жало(б)нЂ(и)шаA таA що сама̀ случа́εтъ.

Бо пя́ны(и) доброво(л)но хоробы добу́дεтъ:

а ωсобно и грЂха̀ часо(м) придобудεтъ.

Кгды (ж) скорЂ(и) згрЂши(т) пяны(и) и самому бг̃у:

и людя(м), упи́вшисA вчини(т) пако(ст) мно́гу.

Мы́ жε братіε всε(г)да̀ трε(з)вы зостава(и)мо:

ап(ст)лскоε слово ωхо́чо сполня(и)мо.

У винЂ рεчὲ ε(ст) блудъ нε упива(и)тεсA:

алε о(т) пя(н)ства цЂлε выстεрЂга(и)тεсA.

I нε забороняε(т) правда ап(ст)лъ пи́т(ъ):

алε нεмощны(м) и впя(т) пεча(л)нымъ и вεли́т(ъ):

Кгды̀ рεчὲ стомаха рады испи(и) мало вина̀:

токмо абы нε была̀ ка́A злаA новина̀. /64 зв./

Прεто да(и) намъ г(с)ди в(ъ) трεзвости пожи́ти:

абы(х)мо в тεбε моглѝ ласку заслужи́ти.




102. Ω нεзажыва́ючи(х) вина̀ [сирЂ(ч) горЂлки] 1 або тε(ж) и всяко(г)[о] хмЂлного напи́тку


К подывέн(ъ)ю ωсо́бно(мъ) и ты́ε быва́ютъ:

що жа(д)ныхъ тру(н)ковъ пяны(х) нЂgды нε вжыва́ю(т).

Бо кожды(и) фа(н)тазЂю можε(т) причита́ти:

для ко(т)ро(и) правε мусЂлъ пи́ти пεрεста́ти.

Або з(ъ)мовя(т) бεзмЂ(р)но худобу пропива́лъ:

або тε(ж) нεуважно з(ъ) лю(д)ми́ сA задыра́лъ.



1 Квадратні дужки стоять у рукопису. \88\



Zна(т) то вε(д)лу(г) сло(в) ля(д)зски(х), нεщε(н)сноε ґа́рло:

вшы́тко добро̀ цо было у дому̀ пожа(р)ло.

I по само(и) правдЂ бы(т) мЂεтъ нε іна́ко:

алε цЂлε на́ свЂтЂ то́ε то ε(ст) та́ко.

Ты(м) то мовя(т) нε вино̀ лε(ч) пя(н)ство прокля́то:

да(и) бж̃ε жε(б) о(т) всЂхъ оно было̀ о(т)ня́то. /65/

Една(к) жε я(к) ап(ст)лъ ст̃ы(и) всὲ написа́лъ:

и словεсно за(с) многи(х) на́родо(в) науча́лъ.

НаставляA кождого на дЂло подобно:

и сиε слово многи(мъ) гл̃гола(л) особно.

Нε яды(и) ядущаго да нε осуждаεтъ:

и нε пія(и) пію́щыхъ да нε укоря́εтъ.

ТЂмъ жε в(ъ) бж̃ію славу мЂрно зажыва(и)мо:

а ст̃ымъ εго̀ даро(м) мы нε погоржа(и)мо.




103. Ω zарεка́ющы(х)сA горЂлки пи́ти, и зно́ву пю́чихъ


Zлε то(и) чи́ни(т) ко(т)ры(и) сA пити зарεка́εтъ:

часто сA зарεкаε(т), а εднакъ нε ка́εтъ.

Влε(г)цε собЂ тую та́къ кля(т)ву поважа́ютъ:

а нε минε(т)сA да(р)мо того нε уважа́ютъ.

Zачи(м) чεловЂчε пεрεста(н) зарεкати:

во(л)но и бε(з) зароку тобЂ пи(т) пεрεста́ти. /65 зв./

А εжεлѝ нε можεшъ пити покида́ти:

то зво(л) нε по многу горЂлки zажыва́ти.

А то що зажываεшъ горЂлокъ по мно́гу:

а прε(з) зарокъ и кля(т)ву пи́ε(ш) грЂшишъ бг̃у.

I εслѝ пяны(и) мЂεшъ собЂ злы(и) обыча(и):

то выпива(и) помЂрно я(к) налεжитъ звыча(и).

А так и худобы нε будεшъ утрача́ти:

да бг̃ови и людя(м) мε(н)шε(и) проступа́ти.




104. Ω винЂ або тέжъ ω горЂлцЂ 1


Давъ бг̃ъ и горЂлчаны(и) труно(к) на пожы́токъ:

а хто̀ збы(т)нε будε(т) пи(т) нε идε(т) у пожы́токъ.

А і́нъ хочъ бы и мало пи(в) то нε пануεтъ:

алε власнε руками сы́лу о(д)и(и)муεтъ.



1 Проти цього вірша на полі є позначка чорнилом: NB. \89\



А хо(ч) то ε(ст) жε часо(м) нεмощъ пу(д)крЂпля́εтъ:

и сму(т)ныхъ і́ногда мало пу(д)вεсεляεтъ.

Еднакъ жε хо(ч) хто тро́ха zажи́ε(т) чрε(з) сы́лу:

то лεдво оста́нε(т)сA и живы(мъ) насы́лу. /66/

Zвлаща хто на голову будε(т) хорова́ти:

добро (б) тако́му ω(т)ню(д) εи нε вжыва́ти.

I лучшε(и) бы чεловЂкъ то(и) цЂлε zдравствова́лъ:

и ωсма(к) бы в кишέнЂ в цЂлости зна(и)дова́лъ.

I кто̀ ε(и) нε кушаε(т) мε(н)шъ бг̃у згрЂша́εтъ:

и людя(м) добры(мъ) ника(к) то(и) нε проступаεтъ.




105. Ω пя́нствЂ, и εщὲ


Пя́ного повЂдаютъ, тако́ва моли́тва:

я(к) умε(р)шого кого̀ проты(в) кого̀ би́тва.

Бо я(к) хоры(х) по(ст) тако пя́ны(х) мо(л)ба ва́жна:

и обЂтница бг̃у пя́ного нεва́жна.

I хо(ч) бы пя́ны(и) нЂgды бг̃у сA нε мл̃и́лъ:

воісты(н)ну в то(и) рέчи вовЂкъ бы нε (з)грЂшылъ.

Кгдѝ пя́ного таково̀ мовя(т) молεніε:

я(к) фарысε(и)ско нέґды(с) было̀ xвалέніε.

Прεто вдосто(и) насъ бж̃ε часты мытарε(и)ско(и):

бы(х)мо нε о(т)рымали пла́ты фарысε(и)ско(и). /66 зв./

I да(и) г(с)ди вся́ки(м) людя(мъ) пи(т) помЂрно:

абы нε оско(р)бляли тA тво(р)ца бεзмЂрно.

Ты(л)ко абы̀ во славу твою̀ выпива́ли:

и трε(з)вымъ смы́сло(м) тεбЂ хвалу о(т)дава́ли.




106. Ω трέzвы(х) и ω піяныхъ 1


Еслѝ мовя(т) трε(з)вому мо(щ)но з(ъ) пя́ны(м) жи́ти:

то можε(т) и поросÀ из(ъ) вовкомъ пожи́ти.

Ты(л)ко жъ нε мощно сεму̀ слову вЂрова́ти:

жε(б) мощно поросяти з вовко(м) пробува́ти.

Такъ и пяны(и) з(ъ) трε(з)вымъ нε жывέтъ лаго́дно:

а то цЂлая правда zостаέтъ подобно.

Понεва́жъ трεзвы(и) дЂло чε(ст)но размы(ш)ля́εтъ:

а пя́ны(и) хочъ мысли(т) то ты(л)ко поxыбля́ε(т).



1 З правого боку на полі написано червоним чорнилом: Ω пяны(х) людε(х) чинячи(х) расколы ли(ст) н̃в. \90\



Кгды (ж) мовя(т) що в(ъ) трε(з)вого на вмЂ жытε(л)ству́ε(т):

то пяны(и) самы(м) сло́во(м) нε запамя(т)ствуεтъ:

Прεто да(и) бж̃ε бы(х)мо в(ъ) трεзвости коха́ли:

бы̀ тεбε нЂgды, и тво(и) лю(д) нε оско(р)бля́ли. /67/




107. І си́ε тому́ жъ подобноε, ω пяныхъ, и ω нεписмέнныхъ


Я́ко тя(ж)ко трεзвому из(ъ) пя́ны(мъ) обыта́т(ъ):

тако и писмε(н)ному иz просты(м) пробува́т(ъ).

Бо в просто(г)[о] мужыка̀ просты(и) έстъ ωбыча(и):

а в писмε(н)ныхъ особны(и) полЂты(ч)ны(и) звы́ча(и).

ПовЂдаю(т) жε ко(ж)ды(и) собЂ любитъ равна:

дозна(н)но то самою пра(в)дою из(ъ)да́вна.

I из(ъ) простыми бж̃ε да(и) в(ъ) люб†пробува́т(ъ):

бы́(х)мо посполу мо(г)лѝ нб̃о наслЂдствова(т).


И приповЂсты посполи́тыε лю(д)зкіε,

ωсобно научаютъ трε(з)во(с)ти, ґды мовя(т) 1.

Добро̀ тому пи(т), в ко(м) xмЂл(ъ) спѝ(т).

и па́ки: пѝ да ума̀ нε пропѝ.

и εщε: пи(и) да нε вы(и).

и з(ъ)нову (ж), пѝ да нε впива(и)сA, мε(ж) чужы́ми лю(д)мѝ выстεрЂга(и)сA:

бо хмЂл(ъ) мови(т) бεзпέчнε, да нε (с)татε(ч)нε 2. /67 зв./



1 З лівого боку на полі написано червоним чорнилом: зрѝ.

2 Далі, у кінці аркуша, червоним чорнилом, почерком автора, написано: ВЂрши похва(л)ныε любячи(мъ) пи́во пи́ти, и про(ч): эа εдины(м) zа́ходомъ. Кому нε ва́ди(т); и́ли нε шко́дитъ: ли(ст) рч̃и.





108. Ω ωбы́чаяхъ людзски(х), жε в(ъ) пяны(х) іныε ωбычаи, а в трεзвыхь іныε, або добрыε, або тεжъ злы́ε


Чудноε дЂло и то̀ на свЂтЂ бываεтъ:

жε нε εди(н) в(ъ) чловέку но́ровъ пробува́εтъ.

В трεзво(г)[о] любо добры(и) любо злы(и) обы́ча(и):

и в пя́но(г)[о] тε(ж) або злы(и), и́ли добры(и) звы́ча(и).

I та(к) бы вЂмъ потрεба тоε уважа́ти:

жε и ст̃ы(м) бы пя́ны(м) мощно (б) сA о(т)мЂня́ти. \91\

І́ли за(с) ґды бы а́г̃глъ бж̃и(и) з(ъ) нб̃а пришо́лъ:

да на зε(м)лѝ сA упилъ, то бεз(ъ) штуки (б) нε оды(и)шо́лъ.

Бо хмЂл(ъ) зда(в)на такую в собЂ справу маεтъ:

жε на(и)бо(л)шε(и) на злоε людε(и) привождаεтъ.

А до доброго ба(р)зо мало ω(н) приво́дитъ:

ты(л)ко всε людε(и) розны(х) до лихо́го зво́дитъ.

Для того да(и) бж̃ε на(м) сA нε упива́ти

алε для сп(с)ні А в(ъ) трεзвости быва́ти. /68/




109. Ω ωкка́зіяхъ вся́кихъ, я́ко прε(з) ωкказія(х) а́бо тε(ж) чрε(з) оказію, доброго дЂла и зло(г)[о] орудова(н)A ла(т)во завшε стаε(т)сA совε(р)шεнно


При окка́зіи слушно(и) мо́жε(ш) дЂло спра́ви(т):

а бε(з) ωкка́зіи ча(с) да(р)мо ты(л)ко стра́ви(т).

ΩкказіA добра̀ ε(ст) во вся́кую трέбу:

спра́ви(т) потрεбующи(м) на всяку потрέбу.

Бо мо́вя(т) zамуты́сA, творÀ того дЂлA:

и замути́вши(с) спра́ви(ш) хоча(и) и бεздЂ́л(ъ)A.

I при окказія(х) всὲ за шту́ку ухо́дитъ:

хо(ч) ча́сомъ и за і́ны(мъ) дЂло(м) гдε хто хо́ди(т).

I да(и) бж̃ε за злы́ми дЂлы нε ходи́ти:

іжъ бы нико(г)да̀ чεго̀ зло́го нε чини́ти. /68 зв./




110. Ω урядовы́хъ людέхъ, слу́хаючи(х) я́бεдниковъ 1


Що̀ то̀ пн̃о́вε у васъ ε(ст) таки(и) за звы́ча(и):

жε то̀ ωско(р)бляεтε слугъ своихъ на(д)звы́ча(и).

А на(и)пачε слугъ вЂрны(х) и ю́жъ zаслужε(н)ныxъ:

и жа(д)ною мЂрою в чε(м) нεподо(и)зрεнныхъ.

Кгды (ж) мε(р)зскимъ клεвε(т)нико(м) вЂру има́εтε:

а(ж) онѝ лгу(т) яко ψѝ: вы̀ и нε зна́εтε.

На́вε(т) кажЂт(ъ) ты(м) лгаря(мъ) до́во(д) дово(ж)да́ти:

а собЂ того̀ ча́су вся́ко розсужда́ти.

А нε мЂли бы слушны(х) дово́довъ дава́ти:

то̀ зволя(и)тε кія́ми таки(х) частова́ти.

І́жъ бы нε смЂли в други(и) разъ того̀ чини́ти:

да жεбы̀ и іному мо(г)лѝ запрЂти́ти.

Прεто (ж) прошу̀ ты(х) лгаровъ, нЂgды̀ нε слуша(и)тε:

да дубо́выε по́чε(ст)ки таки(м) дава(и)тε.



1 На полі проти цього вірша помітка, зроблена чорнилом: NB. \92\





111. Ω свЂди́тεлεхъ нεправди́вы(x): звла́ща пу(д)су́лы при(и)му́юч(и)х: и ло(ж)но свЂдЂтε(л)ствуючи(х) /69/


СвЂди́тεли ло(ж)ныε то́ε собЂ̀ зна(и)тε:

хочъ ма́ло на су(д) бж̃и(и) ко(г)да̀ вспамята(и)тε.

Жε то васъ за нεправду будε(т) бг̃ъ суди́ти:

и па́мя(т) вш̃у з(ъ) свЂта можε(т) скорεни́ти.

Ро́ди(т) бо ва(м) нεправда тЂлεсную зги́бε(л):

и дш̃εвну наноси(т) вто(ж) ва(м) жε погибε(л).

Прεто̀ и мзды̀ за то́ε собЂ нε при(и)му(и)тε:

да по справε(д)ливости ю(ж) свЂдЂтε(л)ству(и)тε 1. /69 зв./




112. Ω(т) zдε жε почина́εт(ъ)сA ω чε(р)нцаxъ и о хотя́щы(х) в чε(р)нεчεство


Z давны(х) часо(в) свЂтовы(и) лю(д) то̀ повЂда́εтъ:

жε нико́го чε(р)наA рыза нε сп̃са́εтъ.

I в чέ(р)нцаxъ εслѝ та(к) жε из(ъ)хочεтъ грЂши́ти:

то да(и) г(с)ди жεбы дш̃Ђ нε з(ъ)губи́ти.

I бЂлаA ры́за та́кожъ нε погубля́εтъ:

εжεлѝ хто добрыA дЂла о(т)правля́εтъ.

Ты(л)ко то кожды(м) на грЂхъ покута бываεтъ:

а нε трεба έA хто нε согрЂша́εтъ.

А що за(с) ω чε(р)нεцко(м) ткнε(т)сA тεжъ за́кону:

о котро(мъ) нεсвЂдомо свЂцкому вся́кому.

Бо ґды (б) вЂда(л) что εму в чε(р)нца(x) будε(т) случа(т):

нЂgды (б) пу(д) прысягою нε хотЂлъ пострыга(т).

I навяза(в)ши (б) на сA ка́мε(н) в(ъ) воду втопи(л):

нεжεли (б) на вЂчную ско(р)бъ в(ъ) чε(р)нεцство вступи(л). /70/

Бо пра(в)да то̀ жε в чε(р)нцаxъ вЂчнаA нεво́лA:

а свЂцки(мъ) во всЂхъ рεчахъ совε(р)шεнна во́лA.

I свЂцкимъ хда́εтсA то(и) чи(н) за хлЂбъ пшεничны(и):

а пострыгши(с) позна(в)ши да(л) бы и zа жи́тны(и).

А понεважъ свЂцки(и) господа(р) во всε(м) во́лεнъ

в своε(м) до́бро(м): а чε(р)нεцъ ю(ж) ни в чε(мъ) нε волεнъ.



1 Сторінка не до кінця дописана. Вільної більше половини. На вільному місці іншим почерком приписано: СвЂдитεли ло(ж)ни тоε собЂ знаитε а на смε(р)тъ всεгда помятаитε. Нижче розгонистим почерком написано: Шпаковскаго. Ще нижче на вільному місці хтось вправлявся в діленні чисел. \93\



I чε(р)нεцство нε ты(л)ко мла́ды(х) в чи(н) сво(и) в(ъ)водитъ:

алε часо(м) му(д)ры(х) и стары́хъ в то(и) заво́дитъ.

Прεто всЂ свЂтовыε людε ка(и)тε(с) на на́съ:

прошу я(к) на(и)поко(р)нЂ(и) о то(м) дЂлЂ всЂхъ ва́съ.

Една(к) хто сεбЂ того zакону жεла́εтъ:

г(с)дь бг̃ъ εму̀ на то нεха(и) помага́εтъ.

Ты(л)ко вступи(в)ши трεба тоε износи́ти:

до(л)жεнъ бεз(ъ)прεчъ о тоε г(с)да проси́ти.

Пишε(т) жε о томъ чину̀ совε(р)шεнъ дозна́вεцъ:

и на(д) всЂхъ в нε(мъ) стр(д)лцεвъ бЂднЂ(и)ши(и) стр(д)лεцъ

И па́ки жε прε(ж)нεε слово повторя́ю:

ла́ска(м) вш̃и(мъ) о то(м) жε чину̀ прε(д)лага́ю. /70 зв./

СмЂ́ючи мо́ви(т), жε хо(ч) хто бувъ свояво(л)никъ:

а якъ вступи(т) в чε(р)нεцство то будε(т) нεво́лникъ.

Ізъ басу(р)мански(х) нεво(л) свобо́дны быва́ю(т):

а з(ъ) чε(р)нεцства до смε(р)ти(и) нε ωсвобожа́ютъ.

Ты(л)ко жъ кгды̀ хочε(т), нεха(и) здра(в) в чи(н) то(и) вступаε(т):

оxо́чого нε вня(т) бг̃ъ нεха(и) помага́εтъ.

Я́ о то(м) дЂлЂ εму нε пεрεбива́ю:

лε(ч) ви́дячи воздεржно(ст) εго̀ поража́ю.

А нε воздε(р)жныхъ могу̀ о(т) того̀ впиня́ти:

и якъ мощно до того и(х) нε допуща́ти.

Бо нεіскусныε часо(м) чи(н) то(и) повε(р)гаютъ:

и по повε(р)жεніи цЂлε погиба́ютъ.

I далέко лЂпшъ чину того нε при(и)мати:

нЂжъ приня(в)ши ски́ну(в)ши бг̃у наруга́ти.

I да(и) бж̃ε принявшы(мъ) в чистости хова́ти:

а zа тру(д) zако(н)ны(и) мзду о(т) тεбε приня́ти.

I побожныхъ інокъ в Ро(с) 1 нш̃у помножѝ:

и в ны(х) навЂки сεбЂ хвалу ты умножѝ. /71/

I писавшаго си́ε такожъ нε забу́ди:

но я́ко творεцъ г(с)дь прεмл(с)ти(в) буди.



1 У В. Перетца вро(с) з відзначенням, що так у рукопису. Див. «Вірші єром. Климентія...», стор. 61.





113. Ω гл̃голю́щы(х) я́ко повЂдаε і́нокомъ нε трεбЂ жа́дны(x) мЂти стяжа́ни(и)


Было̀ то нέgды(с) чε(р)нца́мъ нищо нε надо́бно:

а тεпε(р) всε потрεба тако(ж)дε подобно. \94\

Бо и чε(р)нцε†та(к)жε xочε(т)сA що мЂти:

хоча(и) то и нε жона̀ в нεго и нε дЂти.

Една(к) и чε(р)нцу всты(д)но го́лому ходи́ти:

ты(л)ко я(к) нЂтъ ничого мусЂ(т) хочъ проси́ти.

Бо чε(р)нцо́въ голы(х) зову(т) опія́ками болшъ:

або нεцно(т)ливыми то εщὲ и на(и)го́ршъ.

Мовя(т) жε нεда(р)мо то(и) ничого нε маεтъ:

а бЂдному нЂгдε взя(т), о(н) того̀ нε зна́εтъ.

Кгды (ж) в мн(с)тыря(х) вε(л)ми нε часто давають

одεжду. а запа́сныε лЂпшк(и) сA маютъ. /71 зв./

Убогіε чε(р)нцЂ хочъ бо(л)шε(и) и працують:

ты(л)ко жъ вбоги(х) и та(м) нε ба(р)зо шану́ютъ.

А ма́ючи(и) якъ и вмрε(т) лучшε(и) помина́ютъ:

а нищε(т)ны(х) в скоры(и) часъ и zапоминаютъ.

I якъ свЂцки(м), нε добро̀: на́ свЂтЂ голышамъ:

та(к) жε то и чε(р)нцамъ сырота(м) побЂдаша́мъ.

I го́лы(х) и прышέлцовъ часомъ нε при(и)маютъ:

хо(ч) бы и рεмεсни(к) бувъ, про́чъ высыла́ютъ.

I такъ милы(и) бж̃ε, всЂмъ убогимъ нε добро̀:

а ко(т)ры(и) много всεго мЂεтъ тому добро.

I бл̃жεнъ и прεбл̃жε(н) то(и) в тεпεрε(и)ши(и) вЂкъ:

що мЂεтъ чεго ко(л)вεкъ дово(л)но чл̃вЂкъ.

[Бо и в лεкція(х) пи́шу(т), хто бога(т) то(и) всЂмъ братъ,

а хто ничого нε маε(т), того̀ нихто нε знаεтъ] 1.

Прεто ко(т)ры(и) на чε(р)нцо(в) бЂдны(х) вбогихъ ди́витъ:

то нεха(и) мл(с)тыню даέтъ добрε вчи́нитъ.

А ты̀ бж̃ε и чε(р)нцовъ вбогихъ нε ωпуща(и):

а творя́щы(м) ялму(ж)ны стокро(т) нагорожа(и). /72/




114. Ω і́ноцεхъ [на́съ ю(ж)] 2 послЂдныхъ тε(р)пя́щыхъ бεзви(н)нЂ и по винЂ̀ прεмногіA sЂло напасти и ско(р)бы и гонέніA и оклεвεта́ніA и нέнависти, и всячεскіи ωzлоблέніA


Ст̃ы́ε оц̃ѝ нέгды(с) то́ε гл̃гола́ли:

врέмε(н) своихъ на зε(м)ли и то̀ написа̀ли.

Буду(т) мовя(т) на і́нокъ многи гонεніA:

прε(з) котрыε доступя(т) раз†сп̃сέніA.



1 Квадратні дужки поставлені червоним чорнилом.

2 Квадратні дужки стоять у рукопису. \95\



I а́щε правε ско(р)бы прεтε(р)пятъ и бЂды:

з(ъ)бавлέни обрящу(т)сA о(т) вЂчнаA бЂды.

I пачε насъ прε(д) бг̃омъ буду(т) похвалέ(н)ны:

и по смε(р)тεхъ и(х) зЂло зостану(т) сп̃сε(н)ны.

Ужε жъ словамъ о(т)чεски(мъ) ε(ст) всὲ спо(л)нεніε:

и за тε(р)пεніε да(и) бж̃ε сп̃сεніε.

I самъ то(к)мо г(с)ди виждъ нш̃и пεча́ли:

ко(т)рыε на(мъ) дЂю(т)сA бε(з)прεчъ ю(ж) нεма́лы.

I дару(и) сп̃си́тεлю на(мъ) ты́A zноси́ти:

бы́хмо мо(г)лѝ у тεбὲ живо(т) получи́ти. /72 зв./




115. Ω бεзжεнномъ житіи і́ночεскомъ


Сво́бо(д) і́нокъ ω(т) жεны̀ и дЂтε(и) повЂда́εтъ:

εднакъ ну(ж)да жε своε(и) господынЂ нε ма́εтъ.

А хо(ч) и всεго та(к)жε і́ны(и) много можεтъ мЂ́т(ъ):

а в то(и) рεчи εдно̀ то мусЂтъ бЂдны(и) тε(р)пЂ́т(ъ).

А що мовя(т) нε жонЂ и нε дЂтямъ збыра́ти:

а εсли бы мЂвъ жону̀ тако(ж) бы мо(г)лъ з(ъ)пра(в)ля́ти.

Алε жεнити(с) законъ то(и) нε повεлЂваεтъ:

ты(л)ко бε(з) помо́щницы са(м) εди(н) прεбываε(т).

МЂ́ючи(и) жону то(и) сA и в(ъ) ско(р)бεхъ утЂша́εтъ:

а чε(р)нца бЂдно(г)[о] бг̃ъ тыл(ъ)ко нεха(и) потЂша́ε(т).




116. Ω уεдинέніи іночεскомъ


Ко́жды(и) і́нокъ возмо́жε(т) тоε цЂ́лε призна́ти:

жε наεдынЂ̀ нε та(к) ско(р)бно прεбывати.

А гдὲ в(ъ) кέліи собо(р) вεлики(и) пробуваεтъ:

та(мъ) нέнави(ст) и вра(ж)да часто сA украда́ε(т). /73/

Рεкъ нέgды(с) Дв̃и(д), добро бра́тіи в(ъ)купЂ жити:

а днε(с) и наεдинЂ лε(д)во мощно прожити.

Една(к) іноку добро̀ то уεдинέніε:

в нε(мъ) жε мо́щ(ъ)но стяжати іны(мъ) и сп̃сέніε.

ТЂмъ бл̃жεнъ то(и) которы(и) εго сεбЂ заслу́жи(т):

ужε бо ώнъ о рέча(х) общы́нски(х) мало тужи(т).

I такъ и на(мъ) да(и) бж̃ε оноε наслЂди́ти:

бы(х)мо бεзско(р)бно тεбЂ во(з)мо(г)ли по(с)лужи́ти. \96\




117. Ω нεбεзпέчно(мъ) жи́тіи і́ночεско(мъ) и ми(р)скомъ


Искупующε врεмA днε(с) жытε(л)ствова́ти:

абы(х)мо я(к) на свЂтЂ мо(г)ли пробува́ти.

Бо си(х) врεмε(н) на(и)пачε бо(л)шε(и) прεслЂдо́вцовъ:

а нεжεли яковы(х) добры(х) бл̃готво(р)цовъ.

Ты жε г(с)ди всЂхъ на(с) ώбщы(и) бл̃готво́рчε:

и прεдвЂчны(и) нб(с)ны(и) дрεвны(и) чудотво(р)чε.

Даждь на(м) в(ъ) мирЂ ми(р)но и бεз(ъ)пεчално пожы́т(ъ):

и бл̃года(т) и мл(с)тъ у тεбὲ zаслужи́т(ъ). /73 зв./




118. ВЂ(р)шы похва́лныε [о́коло пчέлъ] 1 тру(ж)дающы(мъ)сA в па́сЂка(х) іноко(м) з(ъ) по(с)лушани(и) мн(с)ты́рски(х)


Вся́ко послуша́ніε жывотъ имεну́εтъ:

яки(и) жε жыво(т), то ε(ст) вЂчны(и) zнамεнуεтъ.

Бо кгды (ж) и Хс̃ ωц̃у послушε(н)ство твори́лъ:

и до см̃рти кр(ст)ныA уср(д)но то чинилъ.

Z ко(т)рого послушε(н)ства намъ всЂмъ по(л)за мно́га:

жε(с)мо примиры́хо(м)сA тЂмъ до оц̃а бг̃а.

А я́ко пчεла̀ з розны(х) цвЂто(в) мε(д) збира́εтъ:

та(к) и і́но(к) правдивы(и) в(ъ) мн(с)ты(р) прія́εтъ.

А любо и нужно(г)[о] часомъ нε довлЂεтъ:

εдна(к) жε о то(м) ско(р)бы вεлико(и) нε мЂεтъ.

НадЂεтъ бо сA ла(с)ки о(т) ста(р)шыхъ надε(ж)дно:

и по г(с)дЂ бз̃Ђ жи́εтъ бεзмятέжно.

Ωсобно жε коло пчε(л) свя́то ε(ст) труждати:

кгды̀ з того могу(т) в цε(р)ко(в) свЂ́щи встроεвати. /74/

I и́наA в(ъ) мн(с)ты(р) прибы(л) ты(мъ) бываεтъ:

пачε ґды̀ ко(г)да̀ пчεла̀ добрЂ урожа́εтъ.

Нεха(и) жε и із(ъ) чужы(х) стра(н) в нш̃ъ кра(и) лЂта́ютъ

пчέлы: и із(ъ)ωбылно мέду приноша́ютъ.

I да(и) г(с)ди того достато(к) в(ъ) Ро́с(ъ) на́шу:

ку потрεба(мъ) цε(р)ковнымъ, и на коры(ст) на́шу 2. /74 зв./



1 Квадратні дужки стоять у рукопису.

2 Під цим віршεм підведено риску. Під нею написано почерком автора: Ω щыротру(ж)дающы(х)сA іноцε(х) и свЂ(т)ски(х). Ли(ст) т̃д. Ω іноцε(х) або тε(ж) о чε(р)нца(х) смирέнны(х) и го́рды(х). Ли(ст) т̃ε. \97\

Слово ко новонача(л)ны(м) и́ млады(м) іноко(м), я́ко трεбЂ ω(т) ми(р)ски(х) разнствова(т) во всεмъ. Ли(ст) т̃з.

Слово особноε о́ мятε(ж)но(м) жи́тіи іночε(с)комъ, я́ко гдъ злы(и) сожитε(л) бываε(т) в кέліи, и многіи во всε(м) па́кости творитъ. Ли(ст) т̃θ.

Ω входя́щы(х) іноки́ня(х) в(ъ) ωлта(р), ли(ст) то(и) жε т̃θ.

Ω волоча́щи(х)ся чε(р)нца(х) по мЂста(х) и по шко́ла(х), и по ко(р)чεмны(х) дворахъ, ли(ст) л̃и, назадЂ.
















Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.