Головна

ЗАХІДНОРУСЬКИЙ, АБО БІЛОРУСЬКИЙ ЛІТОПИС

(Уривки) [Див. текст повністю: «Супрасльський літопис»]

СКАЗАННЯ ПРО БИТВУ НА ВОРСКЛІ

В лЂто 1398 бысть побоище князю великому Витовту ¹ з Темир-Куклуем ² царем. Князь же великий Витовт Кестутевич литовский собра воя много безчисленно, и царь Тахтамиш ³ з ним своим двором, и литва, и немци, и ляхи, и жемоит, татарове и волохи, и поляне, и с ним бЂ князеи, и бысть сила ратных многа зЂло. И всими сими полкы вооружився поиде на царя Темир-Куклуя. И похвалися на орду Витовт, глаголаше: «Поидем, попленим землю татарскую, победим царя Темир-Куклуя и возьмем царство его, посадим царя Тахта-миша, и он мя посадит на всю землю руськую, и потом на всем». И поидоша татар воевати. В то же врЂмя приспЂ Темир-Куклуй царь со многими полки ратными и со князми своими ордынскими. И стретошася с Витовтом в поли на рецЂ на Ворсклии. И бысть бой велик месяца августа 12, во второк, и надолзе вельми биющимся им, и попусти бог татаром. Князь же великий побЂже во мале дружине. И царь Темир-Куклуй тогда приде ко граду ко Киеву, и взя с града окуп 3000 рублев литовских, и силу свою роспусти по Литовской земли, и воеваше татарове даиже и до Великого Луцька, и много зла сотвориша земли Литовской, и отыде во свою землю.

А се имена избиенных князей литовских: князь АндрЂй полоцкий Олигирдович ⁴, брат его Дмитрей брянский ⁵, князь Иоанн Дмитрович Кындыр, князь АндрЂй, пасынок Дмитреев; князь Иоанн Евлашекович, князь Иоанн Борисович киевский, князь Глеб Святославич смоленский, князь Лев Корятович ^б, брат его князь Семен, князь Михайло Подберезькый и брат его князь Олександро, князь Михайло Данилович, брат его князь Дмитрей, князь Феодор Патрыкиевич волыньский, князь Ямонтович, князь Иоанн Юревич бельский, князь Выспытко краковский.

ПОХВАЛА О ВЕЛИКОМ КНЯЗЕ ВИТОВТЕ

В лЂто 1430 князь великий Витовт Кестутевич созваша к собе короля польского Владислава ⁷, князя великого московского Василия Васильевича ⁸ и князя великого тверского

Бориса Александровича ⁹, и мистра немецкого и пруского, мистра лифанского, и велици послы от Ивана ^9а, царя царьгородского, и от римского цесаря приходили, и от донского короля послы и от великого князя рязанского Иона ¹⁰, и от волоского воеводы послы приходили. Подоевския князи сами были, от Великого Новагорода и ото Опскова ¹¹, и ото ордынского царя послы были, и ото иных князей и земль послы были. И тыи кополи и велици князи и послы быша у великого князя Витовта 7 недель на его страве, а на день шло оброка по триста бочок меду, а яловиць триста, а баранов и вепров по триста. Князь великий Витовт хотел на себе положити коруну, и его не приняли поляне, не пропустиша коруны, и за тым не положи на себе коруны. И розболися князь великий Витовт, и розпусти князей великих и послы царевы со многими дарами и с честию. А король польский Владислав и бысть у великого князя Витовта, и при нем приставися великий князь Витовт месяца октября 23, на память святого Якова, брата господня. И сяде на великое княжение князь великий Швитригайло ¹² на Вилни и на ТроцЂх. И княжи великий Швитригайло 2 годы без два месяцей, и при своем княжении отпусти смоленского владыку Герасима во Царьград на митрополию. И не вправляше земли. И Литва же посадиша великого князя Жигимонта Кестутевича ¹⁴ на великое княжение на Вилни и на ТроцЂх месяца сентября 1 день. И приде Швитригайло на Полоцк и на Смоленск, и князи руськии и бояре посадиша князя Швитригайла на великое княжение на руськое. И на ту же осень собра силу многу князь великий Швитригайло, и князь великий тверьской Борис Александрович дасть ему брата своего, князя Ярослава, со всею силою своею, и поиде на Литву, и не дошед до Вилни за шесть миль и сташа в Ошмени ¹⁵, и ту стояша неделю. Князь великий Жигимонт приде с литовскою силою, и бысть им бои месяца декабря в 8 день, на память святого отца Потапия, в понедЂлок. И поможе бог великому князю Жигимонту, и побиша князя великого Швитригайла, а князи руськии побиша, а иных поимаша: князя ЮрЂя Лыкгвеневича ¹⁶ иняша, князя Василия Семеновича ¹⁷ яша и князя Федора Одинцевича ¹⁸ иняша, пана Дедиголда ¹⁹ яша, воеводу виленского, а иных множство побиша и поимаша. Тои же зимы во Друбыи град князь великий Швитригайло собра силу многу руськую и поиде на Литву, и повоеваша Литовской земли множество, и пожЂгоша и полон поведоша. На лЂто ж собра силу многу руськую, и мештер лифанский со всею силою своею и приде ко Швитригайлу на помощь, и князь великий тверской Дасть ему свою силу и поидоша в Литовскукю землю. За полторы мили от Вилни ночовал в Рудомени и поиде к городу, и не доходя Троков и поверне на Старыи Троки ²¹, а под Троками стоял на Спасов день, а стоял 4 дни, и поиде от Троков искати великого князя Жигимонта и рати литовскои. И стояща во Векшюшках ²² 4 дни, и поиде на Русь во свою землю. И приде до Креиву ²³, и стояша два дни, взяша Креиво мурованны и сожже, а людеи много посекоша и в полон поведоша, и оттоле придоша к Молодечну ²⁴. И приде к великому князю Швитригайлу вЂсть, што ж идет литва погонею, и князь великий Швитригайло посла на них князя Михайла, киевского воеводу, а и с ним посла иных князей руських. И побиша пана Петраша Монкирдовича ²⁵ и литву, а иных поима на Копачех ²⁶. И оттоле поиде ко Жеславлю ²⁷, и.Жеславль возьме того же дни, пожже, а людей много в полон поведоша. И придоша ко Смоленску, и возьме град МенЂск и сожже, а люди многи в полон поведоша, мужи и жены. Иде во свою землю а многа зла сотвориша Литовской земли. И придоша ко Борисову ²⁸, и ту изымаша князя Михайла Ивановича Голшанского ²⁹ и на рЂце на Березине, и послаша его ко городу к Витебску, а тамо повели его втопити в рЂце во Двине под городом под Витебском, а няша его невинно. Не доходя Лукомля ³⁰ за милію, в озерах, мештер поиде во свою землю, в Лифянты ³¹, а князь великий Швитригайло к Лукомлю, и ту роспусти вои свои, князей и бояр, а сам поиде ко Киеву. На ту же осень князь великий Жигимонт собра силу многу литовскую и ляхи и приде на Литовскую землю, и сташа под Мстиславлем ³² месяца октября 26 день, на память святого мученика Дмитрия, во среду, и стоял три недели, не возьма города, поиде во свою землю. На лЂто ж собрашася Швитригайло со князи руськими и со бояры, и со всею силою руською поиде на Литву, а мештер и своею силою приде на помощь Швитригайлу, и содяша Швитригайлом во Брясловли ³³. И божиим повелением паде на землю моча велика, за тым не можаху в Литовскую землю поити. Князь Швитригайло возовратися во свою землю, а мештер во свою землю, и роспусти силу свою, князей и бояр в Полоцку, а сам поиде ко Киеву. На третее лЂто князь великий Швитригайло сожже Герасима митрополита у Витебску. И собраша князь великий Швитригайло у Витебску со руськими князьми и со руськими ратьми, и поиде ко Брясловлю, и ту во Брясловли приде ко Швитригайлу на помоч мештер лифянский со всею своею силою. И поидут от Брясловля по Завелской земли ³⁴ по Завелию к Вилкомирью . Сам князь великий Жигимонт не поиде на Швитригайла, и дасть король 8 сот копей помочи князю великому Жигимонту, и князь великий Жигимонт посла сына своего, князя Михайла ³⁶, на князя Швитригайла. И князь Михайло приде со всею силою литовскою и с ляхи, и бысть им бои со Швитригайлом на Семен день лЂтопроводца, а бися за Вилкомирием реце.

То бог не пособе князю Швитригайлу, што сожже митрополита Герасима, и поможе бог великому князю Жигимонту и его сыну, князю Михайлу. И побиша князя Швитригайла и всю силу его, и многих князей побиша, а иных руками поимаша. Убили братанича его, князя Жигимонта Корбутовича, и князя Ярослава Лыгвенича ^3?, иных князей много побиша, и князя Михайла Болобана Семеновича, и князя Данила Семеновича Голшанского, и князя Михайла вяземского Воловича, и иных князей много побиша, а руками изымаша князей 40 и 2. На имя изымаша князя Ивана Володимеровича ³⁸ киевского и брата его князя Федора Корбутовича ³⁹, а лифянского мештера самого убиша, и ланмаршалка, иных куторов много побиша, и всих лифянт перебиша, а иных живых переимаша, нечто ся их мало остало. И много иных госте перебиша, рукужан и сляжан и чехов, а иных руками поимаша.

А после того побития 3 недели спустя князь великий же Жигимонт собра всю свою силу литовскую и посла своего сына князя Михайла на Русь. И пришед князь Михайло, станет на Рши ⁴⁰. Смолняне стретили князя Михайла на Рши, и далися смолняне князю великому Жигимонту и его сыну, князю Михайлу, и князь Михайло к Смоленску не поиде, но поиде ото Рши к Витебску. И пришед под Витебск, князь Михайло стоял 6 недель и не взя города, прочь поиде. И после того тои же зимы князь великий Жигимонт собра опять всю свою литовскую силу й панов и послаша к городу к Полоцку. И пришед, панове под Полоцком стояли неделю и, не добыв города, прочь пошли. И на лЂто полотяне и видбляне, не чюя собе помощи ниоткуля, и дашася князю великому Жигимонту Кестутевичу. Нача князь великий Жигимонт княжити на великом княжении на Литовском и Руськом.

Таину таити цареву добро есть, а дела велика господаря поведати добро ж есть. Хочю вам поведати о великом князи Александри, зовемем Витовти литовском и руськом, иных многих земль господарь. Но по ней же по писаному есть: «Братие, бога боитеся, а князя чтите». Такоже и вам хощю аз поведати о славном том господари, но не мощно исповедати ни писанию предати дЂла великого князя. Яко же бы мощно кому испытати высота небЂсная и глубина морская, тоже бы исповедати мощно сила и храбрость того славного господаря.

Сий князь великий Витовт, бяше ему держащи великое княжение Литовское и Руськое, иныя многие земли, сопроста реку — вся Руськая земля. Не токмо же Руськая земля вся, но и еще ж господарь Угорской земли, зовемый римский и велицей любви живяще с ним. Тол би ми ся увирило. Неколи будущи тому славному господарю, бывши ему во своему граде, зовемый Луческ Великий , и посла послы своя королю угорскому, зовемому цесару римскому, и повели ему быти к собЂ. Он же без всякого ослушания вскоре приЂха к нему и своею королицею, и честь велику и дары многи подаваше ему, и оттоле в них утвердися велика любов. Како не почюдимся чести великого господаря, еже которыи земли на востоце или на западе приходяще поклоняются славному, еже есть царь над всею землю, и той пришед поклонися славному господарю великому князю Александру, зовему Витовту.

Еще же и туруский царь честь велику и многи дары и подавши. Славному господарю, благовЂрному же и христолюбивому царю царьгородскому, и тому с ним во велицей любви живущи. Також и Ческое королевство великому честь держащи над славным господарем, и еще и донской король велику честь и дары многи подавши славному господарю великому князю Витовту.

В та же лЂта брату его Ягайлу держащи стол Краковского королевства, по лядскому языку тому зовему Владиславу, и тому с ним во велици любви живущи. Коли славный господарь Витовт на котору землю гневен бываше и котору землю хотяше казнити, королю же Владиславу всегда дающи помощь. Еще же ины цари усточни служахуть ему. Також великий князь московский во велицей любви живяще с ним, и еще же иныи князи велици немецкии служахуть ему со всими городы своими и со землями. Ти же велици князи немецки, но немецкому языку зовемому мистрове, еще же господарь земли Молдавскои и Бесарабскои, по власкому языку зовемем воеводы, також господарь тои земли Болгарскои, по болгарскому языку зовемыя дЂиспоты, и еще ж иныи велици князи, великий князь тверский и великий князь рязанский, и великий Одоевский, и Великий Новгород, и великий Псков, сопроста реку, иже не обретеся во всем Помори ни град, ни мЂсто, иже бы не приходили к славному господарю Витовту. Тии же велици господари велици земли велици князи. И еще же писахом зде иныи во велици любви живущи с ним, а ини крипко служахоть ему, славному господарю, и честь велику и дары великы, и дани многи приносяхуть ему, не токмо по вся лЂта, но и по вся дни. Коли славный господарь великий князь Александро, зовемый Витовт, на которую землю бываше гневен и которую землю хотяше сам казнити или пакы силнех вои своих воевод посадити, послати гдЂ восхощеть, и которому от тех великих земль повеливаше к собЂ быти, и они без всякого ослушания воскоре прихожаху к нему и со своея земли. И коему господарю за которую нужу немощно быти, и он всю свою рать и силу посылаше на помощь и на его службу. Сий же великий князь Александро, зовемый Витовт, во великой чести и славе пребываше. Бяше ему неколко от своих городов во велицем граде Киеве нарицаемом, и прислашеся к нему велици ордынскии князи, полецаяся ему под великую службу, и просяще у него царя на царство. Много бяше бо ордынских великих царей служаху во дворе его; он же дал им царя, именем Салтана ⁴². Оному же царю, иже бЂ на орде, слышав яко славный господар отпустил своего слугу на царство, никако же не сми сопротивитися со славным господарем, остави царство и побЂже. Сему же Салтану дошедши орды и сяде на царство повелением великого господаря зовемого Витовта, и служаше с великою боязнию славному господарю. Не по мнозе времени согна за живот, иным же старейшинам ордынским послаша послы своя с великими дарами ко славному господарю и просися у него иного царя; он же дал им иного царя, именем малого Салтана. Сему же малому Салтану шедшю на царство некако же не сми ослушатися славного господаря: кдЂ коли ему повелит, и он ту тогда кочюет. И по мале времени тому минувши велици же цари ордынски никако же не смеяше розгневати славного господаря великого князя Витовта, дабы не от его руки поставити им царя, и послаша с великою честию и просися у него царя. Он же да им иного царя, именем Давлад-Бердея ⁴³. Яко же река пресходящи всю землю человеческии скоты пояющи, а сама не вмалящиеся, також и славны господарь и множество царей отпущает на орду, а в него большало царей навчено. И мы же на первореченое возвратимся. Царю сему Давлад-Бердею немного время побывши и тому мимо шедшю. Сим же старейшинам ордынским слышавшим, яко славный господарь близ есть, во преждереченом граде Киеви, и придоша сами, и поклонишася ему, славному господарю великому князю Витовту, и дары многи принесоша, и просят у него царя, он же дал им царя именем Магнета ⁴⁴. Яко ж бо от моря множество вод исходящи.

О ПОДОЛСКОЙ ЗЕМЛИ

На весну князь великий Витовт иде и взя землю Подолскую ⁴⁵. А князю Володимеру Олгирдовичу ⁴⁶, тогда бывши в Киеве, и не всхоте покоры учинити и челом ударити великому князю Витовту. Тои же весны князь великий Витовт поиде взя град Житомир и Вручии ⁴⁷, и приЂха к нему князь Володимер. Того ж лЂта на осень князь великий Витовт выведе его из Киева и дасть ему Копыл ⁴⁸, а на Киеве посади князя Скиригайла ⁴⁹. Сам же князь великий Витовт поиде на Подолскую землю, а князю Скиригайлу повели ити из Киева ко Черкасом и ко Звенигороду. Князь же Скиригайло божиею помощию, великого князя Витовта повелением взя Черкасы и Звенигород и возовратися пакы ко Киеву. Ту же паки княжящи ему в КиевЂ, бысть же нехто Фома, чернець Изуфов, держа намЂснитство от митрополита у святои Софии на митрополичьем дворе. Посхотевшю же князю Скиригайлу ехати за Днепро в ловы, той же прежереченный Фома нача звати его на пир на митрополичий двор. Князю же Скиригайлу сущю у него на пиру, аз же того не свЂм, зан же бЂх тогды млад, но нецеи глаголють, иже бы тот Фома дал князю Скиригайлу зелие травное пити. И с того пиру князь Скиригайло так поЂхал за Днепр к Милолавичам и тамо разболися. Канон канона крещения, в суботу, въехав в город во Киев болен, болев 7 дней, преставися в среду. И понесося на главах его священници, поюще пЂсни отходные, с свечами, из града Киева ко светий богородици печерской. И положен бысть чюдный князь Скиригайло, добрый, нареченный во светом крещении Иоанн, подле гроба святого Феодосия Печерского. Князь же великий Витовт услышав, иж князь Скиригайло преставися, и посла князя Ивана Олгимонтович ко Киеву, и да ему держати Киев. Мы же над пререченое возвратимся. Как выеде из немец князь великий Витовт на великое княжение, так отпусти нятца своего, князя ГлЂба Святославлича ⁵⁰, ко Смоленску на великое княжение, а князю ЮрЂю Святославличу ⁵¹ дав город Рославль. Князю ГлЂбу седящи во Смоленске и нача не в послушании быти великому князю Витовту. Князь же великий Витовт послы своя слаша о справлении, он же не всхоте исправитися. Тогда князь великий Витовт поиде со всими силами ко городу Смоленску, тако вдасть ему ГлЂб и з градом Смоленском. Князь же великий Витовт дав град Смоленск держати князю Манту ⁵² и Василию Бореиковичю ⁵³, а князю ГлЂбу вдасть город Полоны ⁵⁴. Сам же князь великий Витовт возовратися в Литовскую землю. На ту же зиму посла князя Семена Лынгвена ⁵⁵ со многими ратьми и смоленскими ратьми на князя Олга резанского ⁵⁶. И сплениша многое множество рязанския земли, и возвратишася с побЂдою восвояси. Тогда же бЂ зима вельми студена. Тои же зимы на весну приЂхал князь же великий Василий Дмитриевич ⁵⁷ московскый ко тестю своему, великому князю Витовту, во Смоленск во великое говЂние. И учти князя великого Витовта многими дарами: ченьми золотыми и поясы золотыми, и собольми, камками и суды златыми, и бахматы. И князь же великий Витовт зятя своего, великого князя, учти и удари различными дарами: сажеными порты и дорогими оксамиты, и многоценными камками, гиншты, во седлех золотых снастех, чюду достойных, отпусти ко граду Москве с великою честию, а сам поЂде к Литви.

Коли господар был на Литовскои земли князь великии Олгирд ⁵⁸ и, шед в поле с литовским войском, побил татаров на Синьи воде ⁵⁹, трех братов: князя Хочебия, а Кутлубугу, а Дмитрия ⁶⁰. А то с.и три браты, татарския князи, отчичи и дедЂчи Подолской земли, а от них завЂдали втомани а боискаки, приездяючи от них втоманов, имывали из Подолской земли дань. А брат великого князя Олгирдов держав Новгород Литовский, князь Корият ⁶¹, а в него были четыри сыны: князь ЮрЂи, а князь Александр, князь Костянтин, князь федор. Ино тыи княжятя Корятовичи три браты: князь ЮрЂи а князь Александр, князь Костянтин и князь Федор со князя великого Олгирдовым презволением и с помочию Литовския земли пошли в Подолскую землю. И тогды в Подолской земли не был ни один город ни деревом рубленого, а ни каменем будованого. И тогды тые княжата Корятовичи пришли в Подолскую землю от татар, и боскаком выхода не почали давати. И на первое цашли собЂ твержю на рецЂ на Смотричи, а в другом мЂсте были черници в горе, и в том мЂсте наредили город Бакоту ⁶². И ловячи в ловех пригодилося им так: угонили много оленей в тот остров, кдЂ нынЂ Каменское мЂсто лежит. И посекши лЂс город муровали Каменець ⁶³, а из того вси Подолски городы умуровали и всю землю Подолскую осели. И затым [узнал] полский король Казимир Локоткович ⁶⁴, што их три браты Корятовичи на Подолской земли, а люди мужнии, и он прислал к князю Костянтину кглейтовнии листы, со великою твердостию и прося его, штобы к нему приЂхал. А умыслив тое собЂ и своими паны, што в него сына не было, только была одна дочка, захотел за него дочку дати. И князь Костянтин на кглейт.овных листех к польскому королю Ђздил, и там как ся ему посмотрЂло, не похотел в той вЂре приступити, и опять на тых же листех отъехал до Подолской земли и на своем господарстве умерл. А князя ЮрЂя волохове взяли его собЂ воеводою и тамо его окормили, а князя Александра татарове убили. А здЂ брат четвертый, князь Федор Корятович, Новгородок держал. И услышал то князь Федор, што братий его в Подолской земли не стало в животе, и он, шед во Подолскую землю, засел Подолскую землю. А в тыя лЂта князь великий Витовт господарем стал на Литовской земли, и Подолская земля не хотела была послушна быти князя великого Витовта и Литовской земли, как же пред тым послушна была. И князь великий пошел со всими силами литовскими к Подолию. И то вслышал князь Федор

Корятович, выбегл из Подолской земли ко угром, а городы осадил волохи, и угорский князь Федору помочь дал. А князь великий Витовт первое пришед ко Брясловлю, и вьша Брясловль пришел ко Сокольцю ⁶⁵, и Соколець вынял, и пришел ко Каменцю вночи, Каменца добыл, а потом Смотрич вынял и Сколу ⁶⁶, и Черленый городок, и вси городы позаседал. И воеводу князя Федора, што на тых городех, на имя Нестиса ⁶⁷, вынел, и по всим городом князь великий Витовт свои старосты посажал. А добыл литовскими силами, а никто ему ни с которых сторон не помогал. Тогда пак король почал просити князя великого Витовта, рекучи: «Милый брате, дал тобЂ бог, добыл еси Подолской земли, учини ми тую честь, дай ми Подолскую землю». Князь великий Витовт дал Подолской земли половину королю у двадцати тисячех, дал Каменець, а Смотрич, и Скалу, а Черленый городок, а Бокату, а на иных на всих Подолских землях и городех князь великий Витовт свои старосты посажал, на Брясловли, и на Сокольци, и на Беници . А король в тые городы во двадцати тысячех пану Спытьку ⁶⁹ заставил, и коли князь великий бился на татарском побоищи, а пан Спытько приходил на помочь великому князю Витовту, и тогды пана Спытька убили татарове, а пани Спытьковая стала вдовою, а дЂти малы. И король почал присылати великому князю Витовту, рекучи, што «еси нам дал половицю Подолской земли во двадцати тысячех пЂнезех, мы дали были во двадцати ж тысячех пану Спытьку, и пани Спытьковая вдовЂла, а дЂти малы, а от татар земли тои некому боронити. Отда.й двадцать тысячей пЂнезей, а городы опять побери за себе». И князь великий послал королю сорок тысячей на имя паном Немиром ⁷⁰ а Дмитриом Васильевичем, луцьким боярином, а городы своя опять поимал за себе и старосту своего посадил, дворянина своего Грановского ⁷¹. А под Грановским дал пану Петру Монтикигирдовичу, а под п.аном Петром дал пану Дидикгоилду. Потом дал пану Дидикгоилду Смоленск, а пану Долкгирду ⁷² Подолье дал. Пан же Долкгирд старостил на всих тех городех на Подольи и до великого князя Витовта смерти, а как князя великого Витовта в животе не стало и, приЂхавши ляхове, пана Долкгирда из города Каменца созвали на раду к собЂ и до рады не допустивши самого иняли и ограбили, и Каменець засЂли, и все тое забрали, што Подолскои земли держать...

ЛІТОПИСИ

У XV — XVI ст. виникають Західноруський, або Білоруський літопис, писаний українсько-білоруською чи руською тогочасною мовою — офіційною мовою Великого князівства Литовського, а також Короткий Київський літопис з викладом подій від 862 до 1543 р. У цих літописах є вже відомості про події на українських землях: про боротьбу населення проти іноземних загарбників, про панування литовських князів на Україні, про селянсько-козацькі повстання, про українсько-білорусько-литовські зв'язки тощо. Автори літописів використовували різні доступні їм джерела, копіювали і пристосовували їх до місцевих подій та по можливості українізували їх.

Західноруський, або Білоруський літопис (Уривки).

Існує 14 списків літопису, що дійшли до нас. Дослідники вважають, що літопис мав три редакції: старшу (1440-ві роки), складну (1550-ті роки) і повну (1560-ті роки), які викладали історію Литви від найдавніших часів до середини XVI ст. Подаємо тут кілька уривків із Західноруського, або Білоруського літопису, які стосуються України періоду перебування її у складі Литовської держави. Уривки «В лЂто 1398. Бысть побоище князю великому Витовту...», де військо Вітовта зазнало поразки від татар (умовна назва «Сказання про битву на Ворсклі»), «В лЂто 1430. Князь великий Витовт Кестутевич созваша к собе...» (відомий під назвою «Похвала о великом князе Вітовте») і «На весну князь великий Витовт...» (відомий під назвою «О Подолской земли») подаємо за Супрасльським літописом.

Уривки друкуються за вид.: Полное собрание русских летописей. Летописи Белорусско-Литовские. М., 1980, т. 35, 305 с.

¹ Вітовт — Олександр (Вітолт, Вітофт), Кейстут (Кестутій, Керстух; 1350 — 1430), син великого князя Кейстута, великий князь литовський.

² Темир-Куклуй (Темір-Тиклуй, Мирклуй) — татарський хан.

³ Тактамиш (Тохтамиш; ? — 1406) — хан Золотої Орди, 1382 р. загарбав і спалив Москву.

⁴ ...Андрій полоцкий Олигирдович... — Андрій Ольгердович, син великого князя Ольгерда, полоцький і псковський князь.

⁵ ...Дмитрей брянський... — Дмитрій Ольгердович, син великого князя Ольгерда, брянський князь.

⁶ Лев Корятович (або Гліб Коріатович) — князь, загинув під час битви на Ворсклі (у Супрасльському літописі названий Левом Корятовичем).

⁷ Владислав II Ягайло (бл. 1348 — 1434) — великий князь литовський, король Польщі.

⁸ Василій (Василь) Васильович Темний (1415 — 1462) — син великого князя Василія Дмитровича, великий князь московський.

⁹ Борис Олександрович — син великого князя Олександра Івановича, великий князь тверський.

^9а Иван (Іоанн VIII Мануїлович Палеолог) — син візантійського імператора.

¹⁰ Ион — Іван Федорович, син князя рязанського Федора Ольговича.

¹¹ Опсков — м. Псков.

¹² Швитригайло (Свидригайло, Швертигайло; бл. 1370 — 1452) — син великого князя Ольгерда.

¹³ Герасим — єпископ смоленський, потім митрополит київський.

¹⁴ Жигимонт Кестутевич — Сигізнунд (Жигимонт) Кейстутович, великий князь литовський в 1432 — 1440 рр.

¹⁵ Ошмени (Ошмяна) — містечко в західній Білорусії.

¹⁶ ЮрЂй Лыкгвеневич — Юрій Лінгвен'євич-Семенович, син князя Семена-Лінгвенія, князь мстиславський.

¹⁷ Василь Семенович — князь, учасник битви біля Ошмян.

¹⁸ Федір Одинцевич — князь, учасник битви біля Ошмян.

¹⁹ Дедиголд (Кдиголд) — віленський воєвода, подольський намісник.

²⁰ Рудомени (Рудомино) — селище в Литві.

²¹ Троки Старі — містечко в західній Білорусії.

²² Векшюшки (Ейшишки) — селище в Литві.

²³ Креїв (Крево) — містечко в західній Білорусії.

²⁴ Молодечно — місто в західній Білорусії.

²⁵ Петраш Монкирдович — Монтигірдович Петро Янович, гетьман і маршалок князівства Литовського.

²⁶ Копачі — селище в західній Білорусії.

²⁷ Жеславль — Ізяславль, місто на Україні.

²⁸ Борисів — місто на р. Березині в Білорусії.

²⁹ Голшанський (Полоцький) Михайло Іванович — князь.

³⁰ Лукомль — місто на Полоцькій землі.

³¹ Ліфянти — Лівонія, де був Лівонський орден і його володіння.

³² Мстиславль — місто у східній Білорусії.

³³ Брясловль — Браслав, місто в північній Білорусії.

³⁴ Завелська земля — Завілейська земля, область на північ від р. Вілія до Західної Двіни.

³⁵ Вілкомир — місто в Литві.

³⁶ Михайло — Михаїл Сигізмундович, син великого князя Сигізмунда Кейстутовича.

³⁷ Ярослав Лыгвенич — Ярослав Семенович (Лингвеневич), син князя Семена-Лингвенія Мстиславського, князь.

³⁸ Іван Володимирович — син князя Володимира Ольгердовича, київський князь.

³⁹ Федір Корбутович — син князя Корибута Ольгердовича.

⁴⁰ Рша (Орша) — місто на Дніпрі у східній Білорусії.

⁴¹ Лучеськ Великий (Великий Луцьк, Луцьк) — місто на Волині.

⁴² Салтан (Солтан) Малий — татарський хан.

⁴³ Давлад-Бердей (Давлет-Бердей) — татарський хан.

⁴⁴ Магнет (Магомет) — татарський хан.

⁴⁵ На весну великий Витовт иде и взя землю Подолскую. — Йдеться про події, що відбулися між 1430 і 1432 рр. У вставній розповіді про Скиргайла маються на увазі події 1396 р.

⁴⁶ Володимер Олгирдович (Володимир Ольгердович) — син великого князя Ольгерда, київський князь.

⁴⁷ Вручії — місто Овруч.

⁴³ Копил — містечко в Білорусії.

⁴⁹ Скиригайло — син великого князя Ольгерда, князь.

⁵⁰ Гліб Святославлич — син смоленського князя Святослава Івановича.

⁵¹ Юрій Святославлич — син смоленського князя Святослава Івановича, смоленський князь.

⁵² Мант (Манта) — Ямонт, намісник великого князя Вітовта в Смоленську.

⁵³ Василь Борейкович — намісник Вітовта у Смоленську.

⁵⁴ Полони — Полоній, містечко в Україні.

⁵⁵ Семен Лынгвен — Семен-Лингвеній, Семен Гугнивий, син великого князя Ольгерда, мстиславський князь.

⁵⁶ Олг рязанский — Олег Іванович, син рязанського князя.

⁵⁷ ВасильДмитрович (1371 — 1425) — син великого князя Дмитрія Івановича Донського, великий князь московський.

⁵⁸ Олгирд (Ольгерд; бл. 1296 — 1370) — великий князь литовський.

⁵⁹ Синя Вода — урочище, місцевість у Литві.

⁶⁰ Хочебій, Кутлубуг і Дмитрій — татарські хани.

⁶¹ Коріят — Коріятовичі, князі литовські, а потім українсько-литовські.

⁶² Бакота (Боката) — місто на Поділлі.

⁶³ Каменець — місто Кам'янець-Подільський, нині Хмельницької області.

⁶⁴ Казимир Локоткович — Казимир III Великий (1310 — 1370), польський король з династії П'ястів. Проводив політику централізації країни. Заснував університет у Кракові (1364). Воював проти Тевтонського ордену.

⁶⁵ Соколець — містечко на Поділлі.

⁶⁶ Скола — Скала, містечко на Поділлі.

⁶⁷ Нестис — Нестан, воєвода князя Федора Корибутовича.

⁶⁸ Бениця (Вениця) — м. Вінниця.

⁶⁹ Спитько (Спитко, Виспитко, Воспитко) — краківський пан.

⁷⁰ Немира — уповноважений великого князя Вітовта.

⁷¹ Грановський — дворянин великого князя Вітовта.

⁷² Долкгірд (Довгірд) — староста подільський.

Головна