Попередня       Головна       Наступна

НЕДЕЛЯ 18 ПО ВСЂХЪ СВЯТЫХЪ

СЛОВО О КНЯЗЬЯХЪ

Слышите князи противящеся старЂишей братьи и рать въздвижуще и поганыя на свою братию возводяще, не обличилъ ти есть богъ на страшнЂмъ судищи. Како святыи Борисъ и ГлЂбъ претерпЂста брату своему не токмо отъятие власти но отъятие живота. Вы же до слова брату стерпЂти не можете и за малу обиду вражду смертоносную въздвижете, помощь приемлете от поганыхъ на свою братию. НЂколи чающимь израильтяномъ рати халдЂискыя на Иерусалимъ послаша къ фараону Егупеть помощи просяще да быша халдЂи не плЂнили Иерусалима. Богь посла пророка к ызраильтяномъ глаголя: «Понеже не уповасте на бога създавшего вы, но надежю всю возложивше на егуптяны, халдЂя же отвожду от васъ но от егуптянъ плЂнени будете на них же уповасте, от тЂхъ погыбнути вы велю», якоже и бысть. Апостолу Павлу глаголющу: «Братия, тако ли не имате вЂры межю собою, и могуща вы родити яко пред невЂрныя грядете на судъ собЂ». И еуангелисту Иоанну глаголющу: «Аще кто глаголить, яко бога люблю, а брата своего ненавижю, ложь есть». Сам же господь рече: «0 семъ знають вси яко мои есте ученици, аще любовь имате междю собою», познаите князи свое величество и свою честь. Князя дЂда имать святаго Володимера, приведъше къ богу тысяща тысящами и тьмы тьмами душь праведных. Каку братию имате сиа великыя чюдотворца Бориса и ГлЂба. Сима поревнуите сею образ имЂите, сима накажетеся. Аще ли сотона коли вражду ввержеть между братьею да помянеть сею святою како смерть улюбита паче прияти, нежели вражду удержати. И то кто претерьпить и миръ и еже начнеть то сима от бога равну мъзду прииметь.

Скажю же вы притчю о семъ, не в чюже странЂ бывшю. Давидъ Святославичь а Святославъ Ярославичь святаго Бориса и ГлЂба братъ, тотъ Давидъ ни с кЂмъ не имЂаше вражды. Аще кто на нь рать въздвигнеть, он же покорениемъ своимъ рать уставляше, княжаше в Черниго†въ большемъ княженьи, понеже бо старии братьи своеи. Аще кто кривду створяше к нему от братьи он же все на собЂ притираше. Кому ли крЂстъ цЂловаше, въ весь животь свои не ступаше. Аще кто къ нему не исправляше цЂлованиа, он же единако исправляше, никого приобидЂ ни зла створи. Братья же его видяще тако суща, вси слушахуть его, яко отца, и покоряются ему, яко господину. Въ велицЂ тишинЂ бысть княжение его. Егда же изволи богъ пояти душу его от тЂла и болЂвшу ему недолго, позна епископъ Фектистъ, яко уже князь преставитися хощеть, повЂлЂ пЂти канунъ крЂсту, единою рассЂдеся верхъ теремцю, и вси ужасошася. И влетЂ голубь бЂлъ, и сЂде ему на грудехъ. И князь душу испусти, голубь же невидимъ бысть. И наполнися храмъ благыа воня. И несоша князя въ Спасъ святыи долго по вечернЂ. Пришедши звЂзда ста над крЂстомъ. ОттолЂ несоша и въ церьковь Бориса и ГлЂба създаную от него, звЂзда же от Спаса преступи над мученическую церковь. ПЂвшу епископу над княземъ гробъ недокончянъ бысть. Епископу рекшу: «Се уже солнце заходить, заутра похоронимъ и». ВсЂмъ сЂдящимъ над княземъ, шедъше въ церковь повЂдаша епископу: «Солнце не заходить но во единомъ мЂстЂ стоить». Епископъ же удивився и похвали бога. Дондеже камень сровнаша и князя вложиша въ грабъ, тогда солнце заидеть.

РазумЂите чядо, како богъ прославляетъ своа угодники и ходящая в павелЂниихъ его и сдЂ таковыми чюдесы: аггелъ явися въ голубинЂ образЂ, благоухание от тЂла, явися звЂзда с небеси пришедши, над тЂломъ ста, солнце заити не смЂаше повелЂниемъ владычьнимъ, дондеже въ гробъ тЂло святое вложено бысть. Каку славу приемлеть на небеси!

Речеть ли кто, яко жены нЂ имЂ, но и дЂти имЂаше. Преподобныи Никола Святоша его сынъ бЂ и ина два сына. Или речеть кто, яко дому не имЂ, ,того ради заповЂдь господню исправити возможе? Многажды бо слышахъ нЂкыя невЂгласы глаголюща: «Съ женою и съ чяды своими не можем спастися». Се бо князь не едиръ домъ имЂаше но многи, князь всеи земли черниговьскои, ЗаповЂдь владычню исправи в семъ животЂ своемъ, ни с кЂмъ вражды имЂ. Постыдитеся враждующи на братию свою и на единовЂрникы своя. Въстрепещете, въсплачете пред богом пакы славы отпадаете за едино злопомнение. Но не даи же вы господь, се слышавшимъ отпасти славы съ сима страстотерпцема, ею же днесь убиениа празднуемъ, ею же чюдеса предъ очима вашима предлежитъ. Сею прославимъ и сею възвеличимъ, сима въспоимъ. Приди, Давиде, и рци: «Радуитеся,.праведнии о господЂ». Воспои, Соломане: «Праведници въ вЂкы живуть и от господа мъзда ихъ». Се бо сам богъ прославляеть сею святою, глаголя: «Праведници просвЂтятся яко солнце въсла†отца ихъ. ИдЂ же буду азъ, и ти будуть съ мною. ГдЂ Христос съ отцемъ на престолЂ и си святая у престола съ архаггелы безъ престани поють пЂснь аггельскую: «Святъ отець, святъ сынъ и пресвятыи духъ въ единомъ божест†въ бесконечныя вЂкы».

За вид.: Слово о князьях / Памятники литературы Древней Руси. XII век. — М., 1980. — С.338-344.

Підготовка тексту М.В.Рождєственської.

Попередня       Головна       Наступна