Уклінно просимо заповнити Опитування про фемінативи  


Попередня       Головна       Наступна





СЛОВО ПРО МЕРКУРІЯ СМОЛЕНСЬКОГО



СЛОВО О МЕРКУРИИ СМОЛЕНСКОМЪ


БЂ убо нЂкто человЂкъ млад верстою именем Меркурий во граде Смоленске, благочестивъ сый в заповедехъ господних, поучаяся день и ношь, цвЂтый преподобным житием, постом и молитвою сияя, бо яко звЂзда богоявленна посредЂ всего мира. Бяше бо умилен душею и слезенъ, часто прихождаше ко кресту господню молитися за миръ, зовомый Петровскаго ста.

БЂ бо тогда злочестивый царь Батый пленилъ Рускую землю, безвинную кровъ пролия, аки воду силну, и християнъ умучи. И пришедъ той царь с великою ратию на богоспасаемый град Смоленскъ, и ста от града за 30 поприщь, и многи святыя церкви пожже и християн поби, и твердо вооружашеся на град той. Людие же бяху в велицей скорбЂ, неисходно пребывающе в соборной церкви пречистыя Богородицы, умилно вопиюще с плачем великим и со многими слезами ко всемогущему богу и пречистей его богоматере и ко всемъ святым, еже сохранитися граду тому от всякого зла. Се же бысть нЂкое смотрение божие ко гражаном, внЂ града бысть близъ за Непръ рекою в Печерстем монастыри: преславно явися пречистая богородица понамарю тоя церкви и рече: «О человЂче божий! скоро изыди ко оному кресту, идЂ же молится угодник мой Меркурей, и рцы ему: «Зовет тя божия мати!» Он же шед тамо и обрЂте его у креста, молящася богови, и возва его именемъ: «Меркурие!» Онъ же рече: «Что ти есть, господине мой?» И глагола ему: «Иди скоро, брате, зовет тя божия мати в Печерскую церковъ». Паки же вшедъ богомудрый во святую церковъ и видЂ пречистую богородицу, на злате престоле сЂдяща, Христа в нЂдрехъ имуща, обстоима аггельскими вои. Он же паде пред ногама ея, поклонися с великим умилением, ужасенъ бысть. Востави его от земля пречистая мати божия и рече ему: «Чадо Меркурие, избранниче мой! Посылаю тя: иди скоро, сотвори отмшение крови християнския; шедъ побЂди злочестиваго царя Батыя все войско его! Потом приидет ти человкъ, красенъ лицемъ, вдай же ему в руцЂ все оружие свое. И усечет ти главу, ты же ю возми в руку свою и прииди во свой град, и тамо приимеши кончину, и положено будетъ твое тЂло в моей церкви». Он же зЂло о том востужи и восплака, и глагола: «О пречистая госпоже, мати Христа бога нашего, како азъ окаянный и худый, непотребный раб твой на толикое дЂло твое силен быти? И недостало ли ти небесныя силы, владычице, победити злочестиваго царя?» И взем благословение от нея, и весь вооружен бысть и отиде, поклонився до земля, и изыде из церкви. И обрЂте ту прехрабра коня стояща, и воссЂдъ на нь, и исшед из града.

И дошед полки злочестиваго царя, божиею помощию и пречистыя богородицы побивая враги, собирая християнъ пленных и отпущая во град свой, прехрабро скакаше по полком, яко орелъ по воздуху лЂтая. Злочестивый же царь, вЂдЂвъ таково побЂждение людей своих, велиим страхом и ужасом одержим бысть и скоро отбЂжа града того без успЂха в мале дружине. И пришед во Угры, и тамо злочестивый Стефаном царем убиен бысть.

Та же предста Меркурию прекрасен воинъ. Он же поклонися ему и вда все оружие свое и, преклонь главу свою, и усечен бысть. И тако блаженный, взем главу свою в руку свою, а в другую руку коня своего, и пришед во град свой безглавен. Людие же видЂвше такое, удивляющеся божию строению. И дошед врат Мологинских, ту же вышла по воду нЂкая дЂвица и, зря святаго без главы идуща, и начат святаго нелЂпо бранити. Онъ же в тЂхъ вратех возлеже и предастъ честне душю свою господеви, конь же той невидим бысть от него.

Того же града архиепископъ пришед со кресты, со множеством народа, хотя взяти честное тЂло святаго. И не вдася имъ святый. Тогда бысть велий плачь в людех и рыдание, что не восхотЂ поднятися святый. Таже бысть архиепископъ в велице недоумЂнии моляся богови о том, и се глас бысть к нему, глаголя: «О слуго господень, о сем не скорби: кто посла на побЂду, той и погребет его».

Святому же ту лежащу 3 дни не погребенну, архиепископъ же той всю ношъ безъ сна пребываше, моляся богови, да явитъ ему богъ тайну сию. И зря во оконце свое опасно прямо соборныя церкве, се же видитъ ясно в велицей свЂтлости, аки в солнечной зари исшедши ис церкви, пречистая богородице со архистратиги господни Михаилом и Гавриилом. И дошедше мЂста того, идЂже лежаше тЂло святаго, взем же пречистая богородица в полу свою честно тЂло святаго, и принесше во свою соборную церковъ и положи на мЂсте своем во гробе, идЂже есть и до нынЂ, всЂми видим бысть, содЂвая чюдеса в славу Христу, богу нашему, благоухая, яко кипарис. Архиепископъ же, ко утренней вшед в церковъ, виде чюдо преславно: святаго лежаща, на своемъ мЂсте почивающа. Таже стекшеся людие и видивше чюдо то и прославиша бога.









За вид.: Слово о Меркурии Смоленском / Памятники литературы Древней Руси. XIII век. — М., 1981. — С.204-209.

Підготовка тексту Л.А.Дмитрієва.

Слово було створене не раніше другої половини XV — початку XVI ст. Але в основу цієї пам’ятки покладено місцеву смоленську легенду. Подається за рукописом ГИМ, Синодальна бібліотека, № 908, за публікацією цього рукопису у кн.: Л.Т.Белецкий. Литературная история «Повести о Меркурии Смоленском». Исследование и тексты. Пгр., 1922, с.55-57.








Попередня       Головна       Наступна



Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.