Уклінно просимо заповнити Опитування про фемінативи
В лЂто 6505 [997]. Володимеру же шедшю Новугороду по верховьниЂ воЂ на ПеченЂгы, бЂ бо рать велика бес перестани. В се же время увЂдЂша печенЂзи, яко князя нЂту, и придоша и сташа около БЂлагорода. И не дадяху вылЂсти из города, и бысть гладъ великъ в городЂ, и не бЂ лзЂ Володимеру помочи, не бЂ бо вой у него, печенЂгъ же множьство много. И удолжися остоя в городЂ, и бЂ гладъ великъ. И створиша вЂче в городЂ и рЂша: «Се уже хочемъ померети от глада, а от князя помочи нЂту. Да луче ли ны померети? Въдадимся печенЂгомъ, да кого живять, кого ли умертвять; уже помираем от глада». И тако свЂтъ створиша. БЂ же единъ старець не былъ на вЂчи томь, и въпрашаше: «Что ради вЂче было?». И людье повЂдаша ему, яко утро хотят ся людье передати печенЂгом. Се слышавъ, посла по старЂйшины градьскыя, и рече им: «Слышахъ, яко хочете ся передати печенЂгом». Они же рЂша: «Не стерпять людье глада». И рече имъ: «Послушайте мене, не передайтеся за 3 дни, и я вы что велю, створите». Они же ради обЂшашася послушати. И рече имъ: «СберЂте аче и по горсти овса, или пшеницЂ, ли отрубъ». Они же шедше ради снискаша. И повелЂ женамъ створити цЂжь, в немь же варять кисель, и повелЂ ископати колодязь, и вставити тамо кадь, и нальяти цЂжа кадь. И повелЂ другый колодязь ископати, и вставити тамо кадь, и повелЂ искати меду. Они же, шедше, взяша меду лукно, бЂ бо погребено в княжи медуши. И повелЂ росытити велми и въльяти в кадь в друзЂмь колодязи. Утро же повелЂ послати по печенЂгы. И горожане же рЂша, шедше к печенЂгомъ: «ПоимЂте к собЂ таль нашь, а вы поидЂте до 10 мужь в градъ, да видите, что ся дЂеть в градЂ нашем». ПеченЂзи же ради бывше, мняще, яко предатися хотят, пояша у них тали, а сами избраша лучьшиЂ мужи в родЂхъ и послаша в градъ, да розглядають в городЂ, что ся дЂеть. И придоша в городъ, и рекоша имъ людье: «Почто губите себе? Коли можете престояти нас? Аще стоите за 10 лЂт, что можете створити нам? ИмЂемъ бо кормлю от землЂ. Аще ли не вЂруете, да узрите своима очима».\144\ И приведоша я́ къ кладязю, идЂже цЂжь, и почерпоша вЂдромь и льяша в латки. И яко свариша кисель, и поимше придоша с ними к другому кладязю, и почерпоша сыты, и почаша ясти сами первое, потомь же печенЂзи. И удивишася, и рекоша: «Не имуть вЂры наши князи, аще не ядят сами». Людье же нальяша корчагу цЂжа и сыты от колодязя, и вдаша печенЂгом. Они же пришедше повЂдаша вся бывшая. И, варивше, яша князи печенЂзьстии и подивишася. И поимше тали своя и онЂхъ пустивше, въсташа от града, въсвояси идоша.
В лЂто 6508 [1000]. Преставися МалъфрЂдь. В се же лЂто преставися и РогънЂдь, мати Ярославля.
В лЂто 6509 [1001]. Преставися Изяславъ, отець Брячиславль, сынъ Володимерь.
В лЂто 6511 [1003]. Преставися Всеславъ, сынъ Изяславль, внукъ Володимерь.
В лЂто 6515 [1007]. Пренесени святии въ святую Богородицю.
В лЂто 6519 [1011]. Преставися цариця Володимеряя Анна.
В лЂто 6522 [1014]. Ярославу же сущю НовЂгородЂ, и урокомь дающю Кыеву д†тысячЂ гривенъ от года до года, а тысячю НовЂгородЂ гридемъ раздаваху. И тако даяху вси посадници новъгородьстии, а Ярославъ сего не даяше к Кыеву отцю своему. И рече Володимеръ: «Требите путь и мостите мостъ», — хотяшеть бо на Ярослава ити, на сына своего, но разболЂся.
В лЂто 6523 [1015]. Хотящю Володимеру ити на Ярослава, Ярославъ же, пославъ за море, приведе варягы, бояся отца своего; но богъ не вдасть дьяволу радости. Володимеру бо разболЂвшюся, в се же время бяше у него Борисъ. ПеченЂгом идущемъ на Русь, посла противу имъ Бориса, самъ бо боляше велми, в ней же болести и скончася мЂсяца иуля въ 15 день. Умре же на БерестовЂмь, и потаиша и́, бЂ бо Святополкъ КыевЂ. Ночью же межю двема клЂтми проимавше помостъ, обертЂвше в коверъ и́, ужи съвЂсиша на землю; възложьше и́ на сани, везъше поставиша и́ въ святЂй Богородици, юже бЂ създалъ самъ. Се же увЂдЂвъше людье, бе-щисла снидошася и плакашася по немь, боляре акы заступника ихъ земли, убозии акы заступника и кормителя. И вложиша и́ в корсту мороморяну, схраниша тЂло его с плачемь, блаженаго князя.\146\
Се есть новый Костянтинъ великого Рима, иже крестивъся сам и люди своя: тако и сь створи подобно ему. Аще бо бЂ и преже на скверньную похоть желая, но послЂже прилежа к покаянью, якоже апостолъ вЂщаваеть: «Идеже умножиться грЂхъ, ту изобильствуеть благодать». Дивно же есть се, колико добра створилъ РусьстЂй земли, крестивъ ю̀. Мы же, хрестьяне суще, не въздаем почестья противу оного възданью. Аще бо онъ не крестилъ бы насъ, то нынЂ были быхомъ в прельсти дьяволи, якоже и прародители наши погынуша. Да аще быхом имЂли потщанье и мольбы приносили богу за нь, в день преставленья его, и видя бы богъ тщанье наше к нему, прославилъ бы и́: намъ бо достоить за нь бога молити, понеже тЂмь бога познахом. Но дажь ти господь по сердцю твоему, и вся прошенья твоя исполни, его же желаше царства небеснаго. Дажь ти господь вЂнець с праведными, в пищи райстЂй, веселье и ликъствованье съ Аврамомь и с прочими патриархы, якоже Соломонъ рече: «Умершю мужю праведну, не погыбаеть упованье».
Сего бо в память держать русьстии людье, поминающе святое крещенье, и прославляють бога въ молитвахъ и в пЂснехъ и въ псалмЂхъ, поюще господеви, новии людье, просвЂщени святымь духомь, чающе надежи великаго бога и спаса нашего Иисуса Христа въздати комуждо противу трудомъ неиздреченьную радость, юже буди улучити всЂмъ хрестьяномъ.
О убьеньи БорисовЂ. Святополкъ же сЂде Кые†по отци своемь, и съзва кыяны, и нача даяти имъ имЂнье. Они же приимаху, и не бЂ сердце ихъ с нимь, яко братья ихъ бЂша с Борисомь. Борису же възъвратившюся съ вои, не обрЂтшю печенЂгъ, вЂсть приде к нему: «Отець ти умерлъ». И плакася по отци велми, любимъ бо бЂ отцемь своимь паче всЂхъ, и ста на ЛьтЂ пришедъ. РЂша же ему дружина отня: «Се дружина у тобе отьня и вои. Поиди, сяди Кые†на столЂ отни». Он же рече: «Не буди мнЂ възняти рукы на брата своего старЂйшаго: аще и отець ми умре, то сь ми буди въ отца мЂсто». И се слышавше, вои разидошася от него. Борисъ же стояше съ отрокы своими. Святополкъ же, исполнивъся безаконья, Каиновъ смыслъ приимъ, посылая к Борису, глаголаше, яко «С тобою хочю любовь имЂти, и къ отню придамь ти»; а льстя под нимъ, како бы и́ погубити. Святополкъ же приде ночью Вышегороду, отай призва Путшю и вышегородьскыЂ болярьцЂ, и рече имъ: «Прияете ли ми всЂмъ сердцемь?». Рече же Путьша с вышегородьци: «Можемъ главы своя сложити за тя». Онъ же рече имъ: «Не повЂдуче никомуже, шедше, убийте брата \148\ моего Бориса». Они же вскорЂ обЂщашася ему се створити. О сяковыхъ бо Соломонъ рече: «Скори суть пролити кровь... бес правды. Ти бо обьщаются крови, сбирають собЂ злая. Сихъ путье суть скончавающих безаконье, нечестьемь бо свою душю емлють». Послании же придоша на Льто ночью, и подъступиша ближе, и слышаша блаженаго Бориса поюща заутреню: бЂ бо ему вЂсть уже, яко хотять погубити и́. И, вставъ, нача пЂти, глаголя: «Господи! Что ся умножиша стужающии мнЂ. Мнози въстають на мя»; и пакы: «Яко стрЂлы твоя уньзоша во мнЂ, яко азъ на раны готовъ, и болЂзнь моя предо мною есть»; и пакы глаголаше: «Господи! Услыши молитву мою, ине вниди в судъ с рабомъ своимъ, яко не оправдится предъ тобою всякъ живый, яко погна врагъ душю мою». И кончавъ ексапсалма, увидЂвъ, яко послани суть губитъ его, нача пЂти псалтырю, глаголя, яко «Обидоша мя унци тучни... И соборъ злобивыхъ осЂде мя. Господи, боже мой, на тя уповах, и спаси мя, и от всЂхъ гонящих мя избави мя». Посемь же нача канунъ пЂти. Таче, кончавъ заутреню, помолися, глаголя, зря на икону, на образъ владычень, глаголя сице: «Господи Иисусе Христе! Иже симь образомь явися на земли спасенья ради нашего, изволивъ своею волею пригвоздити на крестЂ руцЂ свои, и приимъ страсть грЂхъ ради наших, тако и мене сподоби прияти страсть. Се же не от противныхъ приимаю, но от брата своего, и не створи ему, господи, в семь грЂха». И помолившюся ему, възлеже на одрЂ своем. И се нападоша акы звЂрье дивии около шатра, и насунуша и́ копьи, и прободоша Бориса, и слугу его, падша на нем, прободоша с нимь. БЂ бо сей любимъ Борисомь. Бяше отрокъ сь родомь сынъ угърескъ, именемь Георги, его же любляше повелику Борисъ; бЂ бо възложилъ на нь гривну злату велику, в ней же предъстояше пред нимь. Избиша же и ины отрокы Борисовы многы. Георгиеви же сему не могуще вборзЂ сняти гривны съ шиЂ, усЂкнуша главу его, и тако сняша гривну, а главу отвергоша прочь; тЂмже послЂже не обрЂтоша тЂла сего въ трупии. Бориса же убивше, оканьнии, увертЂвше в шатеръ, възложивше на кола, повезоша и́, и еще дышющю ему. УвЂдЂвъ же се, оканьный Святополкъ, яко еще дышеть, посла два варяга прикончатъ его. ОнЂма же пришедшема и видЂвшема, яко и еще живъ есть, единъ ею́ извлекъ мечь, проньзе и́ къ сердцю. И тако скончася блаженый Борисъ, вЂнець приимъ от Христа бога съ праведными, причетъся съ пророкы и апостолы, с ликы мученичьскыми водваряяся, Авраму на лонЂ почивая, видя неиздреченьную радость, воспЂвая съ ангелы и веселяся с лики святыхъ. И положиша тЂло его, \150\ принесше отай Вышегороду, у церкве святаго Василья. Оканьнии же си убийцЂ придоша къ Святополку, аки хвалу имуще, безаконьници. Суть же имена симъ законопреступником: Путьша, и Талець, Еловить, Ляшько, отець же ихъ сотона. Сици бо слугы бЂси бывають, бЂси бо на злое посылаеми бывають, ангели на благое посылаеми. Ангели бо человЂку зла не творять, но благое мыслять ему всегда, паче же хрестьяномъ помагають и заступають от супротивнаго дьявола; а бЂси на злое всегда ловять, завидяще ему, понеже видять человЂка богомь почтена, и завидяще ему, на зло слеми скори суть. Золъ бо человЂкъ, тщася на злое, не хужи есть бЂса; бЂси бо бога боятся, а золъ человЂкъ ни бога боится, ни человЂкъ ся стыдить; бЂси бо креста ся боять господня, а человЂкъ золъ ни креста ся боить.
Святополкъ же оканьный помысли въ собЂ, рекъ: «Се убихъ Бориса; како бы убити ГлЂба?». И приимъ помыслъ Каиновъ, с лестью посла къ ГлЂбу, глаголя сице: «Поиди вборзЂ, отець тя зоветь, не сдравить бо велми». ГлЂбъ же, вборзЂ всЂдъ на конЂ, с малою дружиною поиде, бЂ бо послушливъ отцю. И пришедшю ему на Волгу, на поли потчеся конь въ рвЂ, и наломи ему ногу мало. И приде Смоленьску, и поиде от Смоленьска, яко зрЂемо, и ста на СмядинЂ в насадЂ. В се же время пришла бЂ вЂсть къ Ярославу от Передъславы о отни смерти, и посла Ярославъ къ ГлЂбу, глаголя: «Не ходи, отець ти умерлъ, а братъ ти убьенъ от Святополка». Се слышавъ, ГлЂбъ възпи велми съ слезами, плачася по отци, паче же по братЂ, и нача молитися съ слезами, глаголя: «Увы мнЂ, господи! Луче бы ми умрети съ братомь, нежели жити на свЂтЂ семь. Аще бо быхъ, брате мой, видЂлъ лице. твое ангелское, умерлъ бых с тобою: нынЂ же что ради остахъ азъ единъ? КдЂ суть словеса твоя, яже глагола къ мнЂ, брате мой любимый? НынЂ уже не услышю тихаго твоего наказанья. Да аще еси получилъ дерзновенье у бога, молися о мнЂ, да и азъ быхъ ту же страсть приялъ. Луче бы ми было с тобою умрети, неже въ свЂтЂ семь прелестнЂмь жити». И сице ему молящюся съ слезами, се внезапу придоша послании от Святополка на погубленье ГлЂбу. И ту абье послании яша корабль ГлЂбовъ и обнажиша оружье. Отроци ГлЂбови уныша. Оканьный же посланый ГорясЂръ повелЂ вборзЂ зарЂзати ГлЂба. Поваръ же ГлЂбовъ, именемь Торчинъ, вынезъ ножь, зарЂза ГлЂба, акы агня непорочно. Принесеся на жертву богови, в воню благоуханья, жертва словесная, и прия вЂнець, вшедъ въ небесныя обители, и узрЂ желаемаго брата своего, и радовашеся с нимь неиздреченьною радостью, юже улучиста братолюбьемь своимь. «Се коль добро, и коль красно еже жити братома вкупЂ!». Оканьнии же \152\ възвратишася въспять, якоже рече Давыдъ: «Да възвратятся грЂшници въ адъ». ОнЂм же пришедшимъ, и повЂдаша Святополку, яко «Створихом повелЂная тобою». Онъ же, се слышавъ, възнесеся сердце его болма, не вЂдый Давыда глаголюща: «Что ся хвалиши о злобЂ, силый? безаконье весь день... умысли языкъ твой».
ГлЂбу же убьену бывшю и повержену на брезЂ межи двЂма колодама, посемь же вземше везоша и́, и положиша и́ у брата своего Бориса у церкве святаго Василья.
И съвкуплена тЂлома, паче же душама, у въладыкы всецесаря пребывающа в радости бесконечнЂй, во свЂтЂ неиздреченьнЂмь, подающа ицЂлебныя дары РусьстЂй земли, и инЂмъ приходящим странным с вЂрою даета ицЂленье: хромым ходити, слЂпымъ прозрЂнье, болящим цЂлбы, окованым разрЂшенье, темницам отверзенье, печалным утЂху, напастным избавленье. И еста заступника РусьстЂй земли, и свЂтилника сияюща и молящася воину къ владыцЂ о своихъ людех. ТЂмже и мы должни есмы хвалити достойно страстотерпца Христова, молящеся прилЂжно к нима, рекуще: «Радуйтася, страстотерпца Христова, заступника Русьскыя земля, яже ицЂленье подаета приходящим к вама вЂрою и любовью. Радуйтася, небесная жителя, въ плоти ангела быста, единомысленая служителя, верста единообразна, святымъ единодушьна; тЂмь стражющимъ всЂм ицЂленье подаета. Радуйтася, Борисе и ГлЂбе богомудрая, яко потока точита от кладязя воды живоносныя ицЂленья, истЂкають вЂрным людемъ на ицЂленье. Радуйтася, лукаваго змия поправша, луча свЂтозарна явистася, яко свЂтилЂ озаряюща всю землю Русьскую, всегда тму отгоняща, являющася вЂрою неуклоньною. Радуйтася, недрЂманьное око стяжавша, душа на свершенье божьихъ святыхъ заповедей приимша в сердци своемь, блаженая. Радуйтася, брата, вкупЂ в мЂстЂхъ златозарныхъ, в селЂхъ небесныхъ, в сла†неувядающей, ея же по достоянью сподобистася. Радуйтася, божьими свЂтлостьми я†облистаема, всего мира обиходита, бЂсы отгоняюща, недугы ицЂляюща, свЂтилника предобрая, заступника теплая, суща съ богомь, божественами лучами ражизаема воину, добляя страстьника, душа просвЂщающа вЂрнымъ людем. Възвысила бо есть ваю свЂтоносная любы небесная; тЂмь красных всЂхъ наслЂдоваста въ небеснЂмь житьи, славу, и райскую пищю, и свЂтъ разумный, красныя радости. Радуйтася, яко вся напаяюща сердца, горести и болЂзни отгоняща, страсти злыя ицЂляюща, каплями кровными, святыми очервивша багряницю, славная, ту же красно носяща съ Христомь царствуета всегда, молящася за новыя \154\ люди хрестьяньскыя и сродникы своя. Земля бо Руска благословися ваю кровью, и мощьми лежаща въ церкви духомь божественЂ просвЂщаета, в ней же съ мученикы яко мученика за люди своя молитася. Радуйтася, свЂтлЂи звЂздЂ, заутра въсходящии. Но христолюбивая страстотерпця и заступника наша! покорита поганыя подъ нозЂ княземъ нашим, молящася къ владыцЂ богу нашему мирно пребывати в совокуплении и въ сдравии, избавляюща от усобныя рати и от пронырьства дьяволя, сподобита же и нас, поющих и почитающих ваю честное торжьство, въ вся вЂкы до скончанья».
Святополкъ же сь оканьный и злый уби Святослава, пославъ ко горЂ УгорьстЂй, бЂжащю ему въ Угры. И нача помышляти, яко «Избью всю братью свою, и прииму власть русьскую единъ». Помысливъ высокоумъемь своимь, не вЂдый яко «Богь даеть власть, ему же хощеть; поставляеть бо цесаря и князя вышний, ему же хощеть, дасть». Аще бо кая земля управится пред богомь, поставляеть ей цесаря или князя праведна, любяща судъ и правду, и властеля устраяеть, и судью, правяшаго судъ. Аще бо князи правьдиви бывають в земли, то много отдаются согрЂшенья земли, аще ли зли и лукави бывають, то болше зло наводить богъ на землю, понеже то глава есть земли. Тако бо Исаия рече: «СогрЂшиша от главы и до ногу, еже есть от цесаря и до простыхъ людий». «ЛютЂ бо граду тому, в немь же князь унъ», любяй вино пити съ гусльми и съ младыми свЂтникы. Сяковыя бо богъ даеть за грЂхы, а старыя и мудрыя отъиметь, якоже Исаия глаголеть: «Отъиметь господь от Иерусалима крЂпкага исполина, и человЂка храбра, и судью, и пророка, и смЂрена старца, и дивна свЂтника, и мудра хитреца, и разумна, послушлива. Поставлю уношю князя имъ, и ругателя обладающа ими».
Святополкъ же оканный нача княжити КыевЂ. Созвавъ люди, нача даяти овЂмъ корзна, а другым кунами, и раздая множьство. Ярославу же не вЂдущю отьнЂ смерти, варязи бяху мнози у Ярослава, и насилье творяху новгородцем и женамъ ихъ. Вставше новгородци, избиша варягы во дворЂ Поромони. И разгнЂвася Ярославъ, и шедъ на Рокомъ, сЂде въ дворЂ. Пославъ к новгородцемъ, рече: «Уже мнЂ сихъ не крЂсити». И позва к собЂ нарочитыЂ мужи, иже бяху иссЂкли варягы, и обльстивъ я̀ исЂче. В ту же ношь приде ему вЂсть ис Кыева от сестры его Передъславы си: «Отець ти умерлъ, а Святополкъ сЂдитъ ти КиевЂ, убивъ Бориса, а на ГлЂба посла, а блюдися его повелику». Се слышавъ, печаленъ бысть о отци, и о братьи, и о дружинЂ. Заутра же собравъ избытокъ \156\ новгородець, Ярославъ рече: «О, люба моя дружина, юже вчера избихъ, а нынЂ быша надобе». Утерлъ слезъ, и рече имъ на вЂчи: «Отець мой умерлъ, а Святополкъ сЂдить КыевЂ, избивая братью свою». И рЂша новгородци: «Аще, княже, братья наша исЂчена суть, можемъ по тобЂ бороти». И събра Ярославъ варягъ тысячю, а прочих вой 40000, и поиде на Святополка, нарекъ бога, рекъ: «Не я почахъ избивати братью, но онъ; да будеть отместьникъ богъ крове братья моея, зане без вины пролья кровь Борисову и ГлЂбову праведную. Егда и мнЂ сице же створить? Но суди ми, господи, по правдЂ, да скончается злоба грЂшнаго». И поиде на Святополъка. Слышавъ же Святополкъ идуща Ярослава пристрои бе-щисла вой, руси и печенЂгъ, и изыде противу ему к Любичю об онъ полъ ДнЂпра, а Ярославъ объ сю.
Начало княженья Ярославля КыевЂ. В лЂто 6524 [1016]. Приде Ярославъ на Святополка, и сташа противу обаполъ ДнЂпра, и не смяху ни си онЂхъ, ни они сихъ начати, и стояша мЂсяцЂ 3 противу собЂ. И воевода нача Святополчь, Ђздя възлЂ берегъ, укаряти новгородцЂ, глаголя: «Что придосте с хромьцемь симь, а вы плотници суще? А приставимъ вы хоромо†рубити нашихъ». Се слышавше новгородци, рЂша Ярославу, яко «Заутра перевеземъся на ня; аще кто не поидеть с нами, сами потнемъ его». БЂ бо уже в заморозъ. Святополкъ стояше межи двЂма озерома, и всю нощь пилъ бЂ с дружиною своею. Ярославъ же заутра, исполчивъ дружину свою, противу свЂту перевезеся. И выседше на брегъ, отринуша лодьЂ от берега, и поидоша противу собЂ, и сступишася на мЂстЂ. Быстъ сЂча зла, и не бЂ лзЂ озеромь печенЂгомъ помагати, и притиснуша Святополка с дружиною ко озеру, и въступиша на ледъ, и обломися с ними ледъ, и одалати нача Ярославъ, видЂв же Святополкъ и побеже, и одолЂ Ярослав. Святополкъ же бЂжа в Ляхы, Ярославъ же сЂде Кые†на столЂ отьни и дЂдни. И бы тогда Ярославъ лЂтъ 28.
В лЂто 6525 [1017]. Ярославъ иде в Киевъ, и погорЂ церкви.
В лЂто 6526 [1018]. Приде Болеславъ съ Святополкомь на Ярослава с ляхы, Ярославъ же, совокупивъ русь, и варягы и словЂнЂ, поиде противу Болеславу и Святополку, и приде Волыню, и сташа оба полъ рЂкы Буга. И бЂ у Ярослава кормилець и воевода, именемь Буды, нача укаряти Болеслава, глаголя: «Да то ти прободемъ трЂскою черево твое толъстое». БЂ бо Болеславъ великъ, и тяжекъ, яко и на кони не могы сЂдЂти, но бяше смыслень. И рече Болеславъ къ дружинЂ своей: «Аще вы сего укора не жаль, азъ единъ погыну». ВсЂдъ на конь, вбреде в рЂку и по немь вои его.\158\ Ярослав же не утягну исполчитися, и побЂди Болеславъ Ярослава. Ярославъ же убЂжа съ 4-ми мужи Новугороду. Болеславъ же вниде в Кыевъ съ Святополкомь. И рече Болеславъ: «РазведЂте дружину мою по городомъ на покоръмъ», и бысть тако. Ярославу же прибЂгшю Новугороду, и хотяше бЂжати за море, и посадникъ Коснятинъ, сынъ Добрынь, с новгородьци расЂкоша лодьЂ ЯрославлЂ, рекуще: «Хочемъ ся и еще бити съ Болеславомъ и съ Святополкомъ». Начаша скотъ събирати от мужа по 4 куны, а от старостъ по 10 гривен, а от бояръ по 18 гривен. И приведоша варягы, и вдаша имъ скотъ, и совокупи Ярославъ воя многы. Болеславъ же бЂ Кые†сЂдя, оканьный же Святополкъ рече: «Елико же ляховъ по городомъ, избивайте я̀». И избиша ляхы. Болеславъ же побЂже ис Кыева, възма имЂнье и бояры ЯрославлЂ и сестрЂ его, и Настаса пристави Десятиньнаго ко имЂнью, бЂ бо ся ему ввЂрилъ лестью. И людий множьство веде с собою, и городы червеньскыя зая собЂ, и приде в свою землю. Святополкъ же нача княжити КыевЂ. И поиде Ярославъ на Святополка, и бЂжа Святополкъ в ПеченЂгы.
В лЂто 6527 [1019]. Приде Святополкъ с печенЂгы в силЂ тяжьцЂ, и Ярославъ собра множьство вой, и изыде противу ему на Льто. Ярославъ ста на мЂстЂ, идеже убиша Бориса, въздЂвъ руцЂ на небо, рече: «Кровь брата моего вопьеть к тобЂ, владыко! Мьсти от крове праведнаго сего, якоже мьстилъ еси крове Авелевы, положивъ на КаинЂ стенанье и трясенье; — тако положи и на семь». Помоливъся, и рекъ: «Брата моя! Аще еста и тЂломь отошла отсюда, но молитвою помозЂта ми на противнаго сего убийцю и гордаго». И се ему рекшю, поидоша противу собЂ, и покрыша поле Летьское обои от множьства вой. БЂ же пятокъ тогда, въсходящю солнцю, и сступишася обои, бысть сЂча зла, яка же не была в Руси, и за рукы емлюче сечахуся, и сступашася трижды, яко по удольемь крови тещи́. К вечеру же одолЂ Ярославъ, а Святополкъ бЂжа. И бЂжащю ему, нападе на нь бЂсъ, и раслабЂша кости его, не можаше сЂдЂти на кони, и несяхуть и́ на носилЂхъ. Принесоша и́ къ Берестью, бЂгающе с нимь. Онъ же глаголаше: «ПобЂгнЂте со мною, женуть по насъ!». Отроци же его всылаху противу: «Еда кто женеть по насъ?». И не бЂ никогоже вслЂдъ гонящаго, и бЂжаху с нимь. Он же в немощи лежа, и въсхопивъся глаголаше: «Осе женуть, о женуть, побЂгнЂте». Не можаше терпЂти на единомь мЂстЂ, и пробЂжа Лядьскую землю, гонимъ божьимъ гнЂвомъ, прибЂжа в пустыню межю Ляхы и Чехы, испроверже злЂ животъ свой в томъ мЂсте. «Его же по правдЂ, яко неправедна, суду нашедшю на нь, по отшествии сего свЂта прияша мукы, оканьнаго. Показоваше \160\ явЂ... посланая пагубная рана, въ смерть немилостивно въгна», и по смерти вЂчно мучимъ есть связанъ. Есть же могыла его в пустыни и до сего дне. Исходить же от нея смрадъ золъ. Се же богъ показа на наказанье княземъ русьскым, да аще сии еще сице же створять, се слышавше, ту же казнь приимут; но и больши сее, понеже, вЂдая се, сътворять такоже зло убийство. 7 бо мьстий прия Каинъ, убивъ Авеля, а Ламехъ 70; понеже бЂ Каинъ не вЂдый мьщенья прияти от бога, а Ламехъ, вЂдый казнь, бывшюю на прародителю его, створи убийство. «Рече бо Ламехъ къ своима женама: мужа убихъ въ вредъ мнЂ и уношю въ язву мнЂ, тЂмьже, рече, 70 мьстий на мнЂ, понеже, рече, вЂдая створихъ се». Ламехъ уби два брата Енохова, и поя собЂ женЂ ею; сей же Святополкъ, новый Авимелехъ, иже ся бЂ родилъ от прелюбодЂянья, иже изби братью свою, сыны Гедеоны; тако и сь бысть.
Ярославъ же сЂде КыевЂ, утеръ пота с дружиною своею, показавъ побЂду и трудъ великъ.
В лЂто 6528 [1020]. Родился у Ярослава сынъ, и нарече имя ему Володимеръ.
В лЂто 6529 [1021]. Приде Брячиславъ, сынъ Изяславль, внукъ Володимърь, на Новъгородъ, и зая Новъгородъ, и поимъ новгородцЂ и имЂнье ихъ, поиде Полотьску опять. И пришедшю ему к Судомири рЂцЂ, и Ярославъ ис Кыева въ 7 день постиже и́ ту. И побЂди Ярославъ Брячислава и новгородцЂ вороти Новугороду, а Брячиславъ бЂжа Полотьску.
В лЂто 6530 [1022]. Приде Ярославъ къ Берестию. Въ си же времена Мьстиславу сущю Тмуторокани, поиде на касогы. Слышавъ же се, князь касожьскый Редедя изиде противу тому. И ставшема обЂма полкома противу собЂ, и рече Редедя къ Мьстиславу: «Что ради губи†дружину межи собою? Но снидеве ся сама боротъ. Да аще одолЂеши ты, то возмеши имЂнье мое, и жену мою, и дЂти моЂ, и землю мою. Аще ли азъ одолЂю, то възму твое все». И рече Мьстиславъ: «Тако буди». И рече Редедя ко Мьстиславу: «Не оружьем ся бьевЂ, но борьбою». И яста ся бороти крЂпко, и надолзЂ борющемася има, нача изнемагати Мьстиславъ: бЂ бо великъ и силенъ Редедя. И рече Мьстиславъ: «О пречистая богородице, помози ми. Аще бо одолЂю сему, сзижю церковь во имя твое». И се рекъ, удари имь о землю. И вынзе ножь, и зарЂза Редедю. И шедъ в землю его, взя все имЂнье его, и жену его и дЂти его, и дань възложи на касогы. И пришедъ Тьмутороканю, заложи церковь святыя Богородица, и созда ю̀, яже стоить и до сего дне Тьмуторокани.\162\
В лЂто 6531 [1023]. Поиде Мьстиславъ на Ярослава с козары и съ касогы.
В лЂто 6532 [1024]. Ярославу сущю НовЂгородЂ, приде Мьстиславъ ис Тьмутороканя Кыеву, и не прияша его кыяне. Онъ же, шедъ, сЂде на столЂ ЧерниговЂ, Ярославу сущю НовЂгородЂ тогда. В се же лЂто въсташа волъсви в Суждали, избиваху старую чадь по дьяволю наущенью и бЂсованью, глаголюще, яко си держать гобино. БЂ мятежь великъ и голодъ по всей той странЂ; идоша по ВолзЂ вси людье в Болгары, и привезоша жито, и тако ожиша. Слышав же Ярославъ волхвы, приде Суздалю; изъимавъ волхвы, расточи, а другыя показни, рекъ сице: «Богъ наводить по грЂхомъ на куюждо землю гладом, или моромъ, ли ведромь, ли иною казнью, а человЂкъ не вЂсть ничтоже». И възвративъся Ярославъ, приде Новугороду, и посла за море по варягы. И приде Якунъ с варягы, и бЂ Якунъ сь лЂпъ, и луда бЂ у него золотомь истъкана. И приде къ Ярославу; и иде Ярославъ съ Якуномь на Мьстислава. Мьстиславъ же, слышавъ, взиде противу има к Листвену. Мьстиславъ же с вечера исполчивъ дружину, и постави сЂверъ в чело противу варягомъ, а сам ста с дружиною своего по крилома. И бывши нощи, бысть тма, молонья, и громъ, и дождь. И рече Мьстиславъ дружинЂ своей: «Поидемъ на ня». И поиде Мьстиславъ и Ярославъ противу собЂ, и сступися чело сЂверъ съ варягы, и трудишася варязи секуще сЂверъ, и посемъ наступи Мстиславъ со дружиною своею и нача сЂчи варяги. И бысть сЂча силна, яко посвЂтяше молонья, блещашеться оружье, и бЂ гроза велика и сЂча силна и страшна. ВидЂв же Ярославъ, яко побЂжаемъ есть, побЂже съ Якуномъ, княземь варяжьскым, и Якунъ ту отбЂже луды златоЂ. Ярославъ же приде Новугороду, а Якунъ иде за море. Мьстиславъ же, о светъ заутра, видЂвъ лежачиЂ сЂчены от своих сЂверъ и варягы ЯрославлЂ, и рече: «Кто сему не радъ? Се лежить сЂверянинъ, а се варягъ, а дружина своя цЂла». И посла Мьстиславъ по Ярослава, глаголя: «Сяди в своемь КыевЂ: ты еси старЂйшей братъ, а мнЂ буди си сторона». И не смяше Ярославъ ити в Кыевъ, дондеже смиристася. И сЂдяше Мьстиславъ ЧерниговЂ, а Ярославъ НовЂгородЂ, и бЂяху Кые†мужи Ярославли. В семъ же лЂтЂ родися у Ярослава другый сынъ, и нарече имя ему Изяславъ.
В лЂто 6534 [1026]. Ярославъ совокупи воя многы, и приде Кыеву, и створи миръ с братом своим Мьстиславомь у Городьця. И раздЂлиста по ДнЂпръ Русьскую землю: Ярославъ прия сю сторону, а Мьстиславъ ону. И начаста жити мирно и в братолюбьствЂ, и уста усобица и мятежь, и бысть тишина велика в земли.
