Уклінно просимо заповнити Опитування про фемінативи  


Попередня     Головна     Наступна





КНИГА ТРЕТИЯ




Глава 1

Ω ПЕРВОМЪ ПРИИТИЮ ТАТАР В ТУЮ ЗЕМЛЮ, ГДЕ ТЕПЕРЬ СИДЯТЪ, ПОЛОВЦОВЪ ОТТОЛ ВЫГНАВШИ И ПОБИВШИ, И О ЗВИТЯЖЕНЮ ОТ НИХ ЖЕ ЗНАЧНОМЪ КН̃ЗЕИ РУСКИХЪ


ІГирканскоє ЇтАгнучи арк. 142 зв. Йстаршїй арк. 143 КТаврики

Татаре от реки Тартаръ албо ωт отчистых мЂсть, албо ωт великости народу своего, што и сами о себЂ повидаютъ, такъ названныи. Первеи за КаспЂискимъ моремъ в запертю горы Имаусь и КавказЂиских скалъ на всход сл̃нца, таемныи и незначныї, /211/ мешкали. Потомъ, забивши короля индЂиского, Азию всю неималъ Великую и Малую звитязствомъ вдолжъ и вшир перешли, где много кролевьствЂ, князствъ и краин такъ поганскихь, якъ и хрстиянскихь спустошили. А потом, переправившися през Волгу реку, где Каспииское море албо ГарканскоеІ, которое Москва Хвалынскимъ моремъ называетъ, впадает, у Астрахани великою силою тягнулиЇ к заходу. И наипервЂи с половцами, которыї межи Доном и озеромъ албо моремъ, Меωтис названыи, также над Чорнымъ моремь мешкали, 162—воину сточили за часу тых же кн̃зеи руских—162, и поразили барзо половцовъ, прогнавши ихь до реки Днепра. А сами вернулися до своихь вежь, то естъ наметовь албо шатров. Половцы /211зв./ хотяи головныі были неприятели рускиї, еднакъ гвалтовною потребою примушены, прибЂгши, помочи от руских людеи жадали, приводячи имъ тое, же: «Що намь сегодн̃я, тое вамъ заутра ωт татарь будетъ». Князи рускиї, учинивши раду в Киевє, не ждучи татар вь своеи земли, обЂцали з половъцами поити на татар. До того и татарскихь послов, которыї кн̃земъ радили, жебы половцомъ не помогали, кн̃зи позабивали. Затымъ сами всЂ кн̃зи рускиї землею и водою зь своими воисками пошли на татарь Днепромъ, Дономъ, Ворскломъ, Богомъ и Волгою реками: Мъстиславь Романовичь и Всеволод Мъстиславичь, кн̃зъ киевскии, зъ своимъ /212/ воискомъ киевскимъ, Мьстислав Мьстиславичъ зь своимъ галицкимъ, тыи были страшныїЙ в Руси кн̃зи, также Владимер Руриковичъ, Даниилъ 163—з Василкомъ з Володимера—163 и иншиї кн̃зи вси рускиї, черниговскиї, переяславскиї, новгородскиї, смоленскиї и прочиї пришли к нимъ, и всЂ половцы мсца апрЂля. И пошовши, споткали татар с товаромъ, и ωтняли у нихь товаръ. Потомъ за дватцать дн̃еи пришли до реки Калки, где татаре уже зь своими наметами были положилися. Тамъ, не допустивши татаре кн̃земъ рускимъ оддохнути, ударили на нихъ и зточили битву великую. Кн̃зи рускиї крЂпъко билися з татарами, тамъ жє кн̃зъ Даниил пострелен былъ, в тои чась ему было лЂть осмнатцат, и не чюлъ болю раны своеи, крЂпко и далеи уганялся /212зв./ за татарами. Такъжє и Мъстиславь Мьстиславовичъ, храбрыи кн̃зъ галицкиї, и Олегь, кн̃зь курскиї, и иншиї мужественно потыкалися. Еднакъ же попущениемъ Бж̃иимъ татаре звитяжили рускихъ кн̃зеи, такъже ледве утекли и много рускихь бояр, и людеи татере побили и поимали, и ошуканемъ иншихь побрали. Бо гды пришли татаре кь Светополковому Новъгороду, русь, разумЂючи, же ихъ кн̃зъ з воискомъ ворочается, вышли с крестами, а татаре ихь всЂхь побили.

Потомъ татаре вернулися на всход и воевали землю Танагатскую, и иныхъ много краин повоевали, и осЂли всю тую зе̃млю, где пред тымъ половцы седЂли, около Дону и Меотис ωзера и Херсону ТоврикиК, што теперь Перекопомъ от перекопаныїЛ Истму зовут, и над Чорнымъ моремъ, где теперь там в тых /213/ поляхь мЂстъ, замковь и веж давныхь мурованныхь, которыї влохове генуенсы з половцами будовали, знаками суть опалыи муры, ωсобливе в Тарговицы, ωткол знатъ, же тамъ з половцами и греки-хрстияне мешкали, где теперъ татаре опановали, половцовъ выбивши.






Глава 2

Ω ВОИНЂ КН̃ЗЯ МЬСТИСЛАВА ГАЛИЦКОГО З КН̃ЗЕМ ДАНИЛОМЪ И О ИХЬ ЗГОДЂ, И Ω ВОИНЂ МЪСТИСЛАВА З КОРОЛЕМЪ ВЕНГЕРСКИМЪ, И О ОТДАНЮ ДОЧКИ И ГАЛИЧА КОРОЛЕВИЧЮ ВЕНГЕРСКОМУ ΩТ МЪСТИСЛАВА


ЛпєрєкопанА М—МП вписано над рядком арк. 143 зв. Н—Ндо арк. 144 зв. Оωбачивши

164—По тыхъ часахъ—164 Алеξандерь, кн̃зъ, маючи вражду кь своимъ братомъ Романовичомъ, /213зв./ кн̃земь Данилу и Василку, послышавши, же кн̃зъ галицкии Мьстиславъ не маетъ любви кь своему зятю Данилу, подмущаль Мьстислава на Данила. Мьстиславъ, зведеныи, пошолъ воиною на Данила и сталъ на Лысои горЂ. Даниил зас, побЂгши до Ляховъ, привелъ з собою Леска, полскогω кн̃зя, и пошол з ляхами. Против его Мьстислав послалъ свое воиско М—на помочь Н—Н Алеξандра, которое воиско—М стрЂтивши ляхове, угнали в город БЂлзъ, мало и города не взяли. И пошли оттолъ противъ Мъстислава, чого Мъстиславъ, не стерпЂвши, отишолъ в Галичь. А Данииль з ляхами повоевалъ землю Галицкую и Червенскую аж до части Василковы, и много полону, людеи и стад конеи набрали, 165—толкω за прозбою обоихь кнзеи—165 пустили Демъяна и АндрЂя.

Потомь Мъстиславь привелъ Котяня, кн̃зя половецкого, зь множествомъ /214/ половцовь и Владимера Руриковича, киевского кн̃зя, на Ляхи творячися ити, а вес с порады Алеξандра, враждуючого на Данила, которыи Мьстиславу мовилъ, же: «Тя Даниил хочетъ убити». Самъ засъ Алеξандеръ не смЂлъ Ђхати къ Мъстиславу, але послал, зятя 166 своего, до которого Мьстиславъ мовилъ: «Ваша была рЂчь воеватися, поневажь Даниилъ два разы ляховъ вадитъ з вами». А гды всЂ кн̃зи познали вражду и зваду Александрову, рекли Мъстиславу: «Приими всю властъ его за свои соромъ». Лечь Мъстиславь за братолюбие не бралъ и принялъ къ себЂ Даниила знову в любовь, и далъ ему коня своего борздого Актязя 167, такъ доброго, якового тогды ни у кого не было, и дарами великими Данила и его княгиню, а свою /214зв./ дочку ωдарил. А з братиею своею, видившися у Премышли, покои учинили.

168—Тым часомъ Жирославъ—168, превротныи, налгалъ бояромъ галицкимъ на Мъстислава, кн̃зя ихъ, ижъ Мьстиславъ хочетъ ихь ωтдати тестю своему, Котяню половецкому, на забите. Галицкии бояре, тому увЂривши, пошли в горы и послали послы свои кь Мъстиславу, оповЂдаючи, што имъ Жирославь повЂдалъ. Мьстиславъ, тое услышавши, послалъ к нимъ от̃ца своего ТимофЂя, которыи присягь перед боярами, ижъ Мьстислав ничого тогω не мыслилъ, што налгалъ Жирославь. И такъ с ТимофЂемъ пришли къ Мъстиславу. Мъстиславь зас пред всЂми обличилъ Жирослава и выгнал егω от себе, проклявши, якь Каина, абы в Руси и вь Угрех, и нигде мЂстца не мЂв, же ωттворив уста свои на кн̃зя своего. Выгнанныи Жирославь хотЂль поити /215/ до Изяслава.

Потомъ кн̃зъ галицкии Мъстиславъ за порадою зрадливых галичанъ отдалъ дочку свою меншую за кралевича венгерского АндрЂя и далъ ему Перемышлъ. Семен зас Качеръ королевичь АндрЂю наговорилъ много на Мъстислава, якобы злое мыслилъ учинити королевичю. Которого королевичъ послухавши, побЂгь къ ωт̃цу до Венгеръ. За що розгнЂвавшися, кролъ з воискомъ пошолъ зимою на Мъстислава и пришолъ кь Перемышлю. Юрьи, тогды держачи власть в Перемышлю, побЂгь с Перемышля до Мъстислава. Король, пришовши далеи, стал вь ЗвенигородЂ, ωттолъ послалъ свои воиска къ Галичу, а самъ не їшолъ, бо ему волхвы его сказали: «Скоро поидешь къ Галичю, обачишъО Галичь, не будеш живь». Мъстиславь зъ своимъ воискомъ выЂхал противь венгеровь, а ижь Днестръ широко /215зв./ под весну розлился. Не могучи его перебыти, венгеры вернулися до короля, где был и Пакослав зь ляхами. Ωттолъ кролъ, пошовши, 169—взялъ Теребовль и Тихомълъ, и Холмъ, пошолъ тежъ и до Кремянца—169, але зь Кремянца, биючися, много венгеровъ побили и иншихь поранили. Ωттолъ пошолъ королъ знову къ Звенигороду. Тымъ часомъ послалъ Мъстиславъ Судислава кь зятю своему кн̃зю Данилу, абы от него не отступал, што кн̃зь Даниил обЂцал учинити. Самъ тежь кн̃зъ Мъстиславъ вышолъ з Галича против венгеровь и, ударивши на венгеровъ и з ними крЂпко бившися, звитяжилъ ихь, и гнав за ними ажь до кролевскихь становь, секучи.

Там жє Мартиниша, гетмана королевского, забито. Што ωбачивши, корол пошолъ з земли Рускои скорω. Даниил в тои час з братом Василкомъ и зь ГлЂбом, /216/ приЂхавши кь Мъстиславу, радили, жебы ишолъ за королемъ, але Судиславь боронил ити за королемъ Мъстиславу превротне, не хотячи згубы королеви, в котором надЂю свою покладалъ.

Тогды ж кн̃зь полскиї Леско пошолъ былъ королю на помочъ, але его не допустили кн̃зи Даниилъ и Василко, не давши через Бугь переправы, аж мусил Леско до Ляцкои земли вернутися, а кролъ пошолъ до Венгеръ.

Потомъ Судислав, ошуковаючи Мъстислава, радил, абы отдалъ дочку свою обрученную АндрЂеви, королевичю венгерскому, и Галичь абы ему отдалъ, мовячи, ижь: «И бояре тебе не хочютъ». Мьстислав засъ хотЂл Данилу дати Галичь, бо и галичане хотЂли /216зв./ Данила, але ГлЂбь ИеремЂевичъ и Судиславъ ему того забороняли, мовячи, ижь: «Гды даси Данилу Галичъ, то навЂки его будетъ Галичъ, а ωт королевича можешь знову ωтняти». И такъ Мъстиславь отдалъ АндрЂю, королевичю, Галичъ зь своею дочкою, а самъ взял себЂ Понизовье. И ωттол пошол къ Трецестомъ.

А Мъстислав НЂмыї далъ свою ωтчизну кн̃зю Данилу, а сн̃а своего Ивана ему жь поручилъ.






Глава 3

Ω ВЗЯТЪЮ ЛУЦКА И ЧЕРТОРЂИСКА ПРЕЗ ДАНИЛА И МЬСТИСЛАВА И О СМЕРТИ КН̃ЗЯ ГАЛИЦКОГО МЬСТИСЛАВА ХРАБРОГО /217/


По смерти Івана взяль Луцкь Ярослав, а ЧерторЂискъ пинян. 170—Потомъ поЂхал кн̃зъ Даниилъ—170 помолитися св̃тому НиколЂ в Жидичин. Тогды звалъ его Ярославъ кь себЂ в Луцкъ, а бояре радили Данилу, жебы взялъ от Ярослава Луцкъ. Кн̃зь Даниилъ не хотЂль тогды того чинити, мовячи: «ПриЂхалемъ св̃тому НиколЂ молитися, не могу того учинити». Потом поЂхавши Даниилъ в Володимерь, послалъ з воискомъ АндрЂя, Вячеслава, Гавриила и Ивана на Ярослава, которыї, поЂхавши, поимали Ярослава з жоною. Поималъ его Алеξа Яришко. И заперлися лучанє в Луцку, а гды назавътрии денъ пришли Даниил и Василко, здалися имъ лучане. Даниил теды далъ Луцкь и Пересопницу брату своему Василку, которому пред тымъ далъ Берестъе.

Тых же /217зв./ часов около Берестъя воевали ятвиги, але кн̃зи Даниилъ и Василко з Володимера ихь угонили и, крЂпко бивши ихъ, звитяжили и прогнали.

Затымъ кн̃зь Даниилъ послалъ Демъяна кь кн̃зю Мьстиславу, тестеви своему, мовячи: «Не могу того терпЂти, же пинян держитъ ЧарторЂискъ, не годится ему!». ΩповЂдилъ ему кн̃зь Мъстислав: «Согрешилемъ, сн̃у, же не далемъ тебЂ Галича, але далемъ иноплемянику, ωшуканныи ωт Судислава, привротного, але поидЂмъ на них. Я половцовъ приведу, а ты зь своими поидешь. Дастъ ихъ намъ Бг̃ь, теды ты возмешь Галичь, а я Понизовъе. А о ЧорторЂискь правду мовишь». Зь тымъ поселствомъ вернулся Демъянъ кь Данилу в Великую суботу. А на Великъден Даниил і Василко поЂхали кь ЧорторЂиску /218/ и в понедЂлокъ на ночь облегли городъ. Тогды коня Данилова зь города застрелили. Назавтрее, приступъ учинивши, взяли ЧорторЂискь и кн̃зеи ихъ поимали. Того жь часу захорЂлъ Мъстислав и хотЂл кн̃зю Данилу поручити домъ свои и дЂти свои, але ему того не допустилъ з зависти ГлЂбь ИеремЂевичь. И такъ преставился великиї кн̃зъ Мъстислав Мъстиславовичъ Храбрыї, и похован был.

Потом выпустили Ярослава и дали ему Перемышль и Межибож.






Глава 4

Ω ВОИНЂ КН̃ЗЕИ КИЕВСКОГО И ЧЕРНИГОВСКОГО З КН̃ЗЕМ ДАНИЛОМЪ И Ω ЗГОДЂ ИХЬ, Ω ЗАБИТЮ КН̃ЗЯ ПОЛСКОГО ЛЕСКА И О ВОИНЂ КН̃ЗЯ ДАНИЛА НА КАЛИШ /218зв./


171—По смерти Мъстислава—171 Кирилъ, митрополит киевскиї, хотЂль миръ учинити межи кн̃зями рускими и не могль. Ростислав пинскиї не пересталъ, клевечючи на Данила, бо егω дЂти поиманы были. Владимеръ Рурикович, кн̃зь киевскиї, такьже гнЂвался на кн̃зя Данила ω тое, иж Данииловь ωт̃цъ Романъ, кн̃зь галицкиї, постригь у чернцы ωт̃ца Володимерового, Рурика, кн̃зя киевскогω. Для того теды Владимеръ Руриковичъ собралъ воиска киевскиї и Котяна, и всЂх половцовъ, а Михаилъ, кн̃зь черниговскиї, зь иншими кн̃зями из курянами, из пинянами, из новьгородцами, из туровцами, знявшися, пошли з Володимеромъ кь Каменцу на Данила и облегли Каменецъ. Кн̃зъ Даниилъ, зненацка облеженыи, поЂхалъ з Каменца /219/ до Ляховь ω помочь, а Павла своего послалъ к Котяну, мовячи: «Сотри сию воину, а мене прими вь свою любовь». И учинил такъ Котянъ, пошол к Галичю з половцами і взяль землю Галицкую. Оттолъ пошолъ в землю свою. А в Галичи того часу был королевичь венгерскиї и Судислав з нимъ, з которыми Владимеръ и Михаилъ покої мЂли. И такъ кн̃зь киевскиї Владимер и кн̃зъ черниговскиї Михаилъ, ничого не справивши, пошли додому.

арк. 147 зв. ПзавоєваласА Р—Рвідсутнє Свротиславлих ТП вписано над рядком арк. 148 УМстивуА ФМстивуе†Хзброю ЦМстивуемъ арк. 148 зв. Чопрочъ арк. 149 ШБобрки Щ—Щ взявши Даннилъ Галичъ арк. 149 зв. Ювойшолъ Япустили

Кн̃зи зас Даниил и Василко Романовичи, взявши великое воиско лядское на помочъ, пошли к Киеву з Пакославом, гетманомъ, и зь Алеξандромъ. И споткали пословь от Владимера и ωт Михаила, Вротислава Петровича и Юрья ТолигнЂвича, /219зв./ просячихь примирья. Кн̃зи теды Даниил и Василко учинили з ними примире і вернулися зь ляхами.

172—Того жь року забитыи зосталъ великиї кн̃зь Леско—172 на сеимЂ от Св̃тополка Олговича и ωт Владислава за порадою невЂрных бояръ. По смерти брата своего Леска Конратъ принялъ вь свою любовъ кн̃зеи Данила и Василка и просилъ их, жебы пошли ему на помочъ на Владислава Старого. Кн̃зи Даниилъ и Василко пошли Конрату помагати, оставили зас пинского кн̃зя Владимера, абы Берестья, ихь города, пилновал зъ угоровьчанами и з берестянами от ятвЂгь 173—и от литвы—173. Тымъ часом литва завоевалисяП. /200/ Р—Оставили зас пинского кн̃зя Владимера, абы Берестья ихь города пилновалъ зь угоровчанами и з берестянами от ятъвЂгь и ωт литвы.

Тымъ часомъ литва завоевалися—Р зъ ляхами, и пришли кь Берестъю. Которых Владимер, кн̃зь пинскии, пошовши, погромилъ и побилъ много, иншиї ледве утекли.

А кн̃зи Даниилъ и Василко, знявшися з Конратом, пошли кь Калишу и пришли в вечерь. Назавтрее, реку перешовши, пошли под город. А же не было, кто бы имъ противился, послали воеват и пленить. Теды русь, добЂгши Милича и Старого города, сколка селъ вротиславлижьС заняли і, взявши великиї полон, вернулися вь станы. Назавьтреє Даниилъ и Василко зь своимъ воискомъ пошли на приступь кь городу Калишу. Конратъ, /220зв./ любячи рускиї вои свои, ляхов примушал до приступу, которыи неохочо ишли. Сами кн̃зи приступили к баштЂ Калискои, а Мирослава послали позад города зь иншими полками, бо около города вода была и лоза густая з вербою. И билися крЂпко того дн̃я з калишанами, але города не достали, же не знали, где кто боется, а зь города каменемъ кидали, которое, якъ дождъ, густо летало. Сиї зась на стенахъ убили сто и шестъдесятъ чл̃вковь и мостъ возводныи зажгли, і ворота, ледве ляхиТ калишские угасили. И такъ ввечер отступили от города. Конратъ просил кн̃зеи руских, абы назавтрее приступъ чинили кь городу. Даниилъ и Василко теды послали своих вперед теребити ωколо города лЂсъ, которых калишане видячи, не били, /221/ але мовили: «Нехаи змилуется Конрать и пришлет к намъ Пакослава и МъстиславаУ на розмову». Пакослав радилъ, абы самъ Даниилъ, взявши на себе Пакославову одежду, ишолъ послухати, што будутъ мовити з города. Не смЂлъ Даниилъ того, бо и Конратъ, не довЂрявь МъстиславовЂФ, еднакъ, взявши на себе зьбруюХ Пакославову, за порадою брата своего пошол зь МъстиславомЦ под город. Калишане, разумЂючи, же то Пакослав, рекли: «Мовте великому кн̃зю Конрату. сеи город не твои есть, нн̃Ђ брату твоему служимъ, а заутра можемъ твои быти. И едного лядского роду естесмо, чему позволяешъ руси нас добывати, мы уже изьнемогли. Если они нась добудутъ, якая тобЂ слава? Романовичемъ /221зв./ слава будетъ и корыстъ, а свою честь уничижишъ. Не погуби нась!». Данило, якобы Пакослав, отповЂдилъ: «Учинил бы вамъ Конратъ млсть, але Данило лютъ, не хочетъ ωтити, не взявши города». 174—Мъстивуи, тут же стоячи, засмЂявся и реклъ: «А то самъ Даниилъ з вами мовит». За тое кн̃зъ Даниилъ, розгнЂвавшися, ударил Мъстивуя—174 ощепомъ и зняв зь себе прилбицу Пакославову, а калишане крикнули, просячи: «Змилуися! Мы твои слуги, учини примирье з нами!». Даниилъ, много смЂявшися, взялъ от нихъ двохъ мужеи, приЂхал къ Конрату. И так Конратъ учинилъ примире з калишанами, взялъ у нихь богатство, много руси, бо русь много были взяли вь плЂн людеи ихъ. /222/ И учинили русь и ляхи межи собою присягу: если бы мЂли коли межи собою завоеватися, жебы русь лядскои челяди и ляхи рускои не воевали и в полон не брали.

Тое постановивши, вернулся Даниилъ зъ славою великою додому, бо перед тымъ ни единъ кн̃зъ рускиї такъ глубоко и далеко не въходилъ воевати въ землю Лядскую, опричъЧ Владимера, крестившаго землю Рускую.




Глава 5

Ω ВЗЯТЪЮ ГАЛИЧА ПРЕЗ ДАНИЛА ΩТ КОРОЛЕВИЧА ВЕНГЕРСКОГО И О СЛАВНОМЪ И ЧЮДОВНОМЪ ЕГО ЗВИТЯЗСТВЂ НАД КОРОЛЕМЪ ВЕНГЕРСКИМЪ /222зв./


Потомъ кн̃зъ Василко поЂхалъ на свадбу къ шурину своему, кн̃зю суздалскому Гургию, 175—зь Ярославомъ—175 и зь иншими. А къ Даниилу, кн̃зю, вь Угровскь прислали галичане, мовячи: «Судислав пошолъ в Понизовье, а каролевичь венгерскиї самъ в Галичю остался. Приїди скоро в Галичъ!». Кн̃зъ Даниилъ, собравши воиско, послал Демъяна з воискомъ на Судислава, а самъ з малою дружиною пошолъ к Галичу. Судиславь ωт Демъяна утеклъ в Галичъ, а Даниилъ взялъ домъ Судиславовь и вино, и овощи, и копиї, и стрЂлъ барзо много в дому его. И перешолъ Даниилъ на другую сторону Днестра, сталъ у Глиницахъ на березЂ Днестра. Тамъ галичане, выЂхавши з венгерами, /223/ стрелялися на леду и запалили мостъ на рецЂ, а река почала роспускатися, але мостъ погаслъ. А тымъ часомъ притягнул до Данила гетман его Дьмъян з воискомъ, и з боярами галицкими, з Мирославомъ, зь Владиславомъ и зъ иными многими, зь чого барзо урадовался Даниилъ. НазавьтрЂе пришолъ кн̃зь Владимеръ Ингваровичъ, и перешли вес мость, и стали над берегомъ. Потомъ ωблегли город Галичъ з чотырох сторон, 176—ωт БобрекиШ—176 до реки Ушицы и до Прута. Которымъ облеженемъ притиснены, галичане здали Даниилу город Галичъ Щ—Щ и, памятаючи кь себЂ любовь короля венгерского, сн̃а его АндрЂя з Галича зъ честъю самъ выпровадилъ. З ним же пошол единъ /223зв./ Судиславъ, на которого кидали галичане каменемъ, мовячи: «Выїди з города, мятежниче земли!».

И пришолъ АндрЂи, кролевичъ, кь своему ωтцу до Венгеръ, и Судиславь з нимъ. Намовлял короля Судиславъ, абы самъ пошол на Галич и взялъ землю Рускую. Учинилъ такъ крол венгерскиї Белоризь. Собравши барзо великое воиско, пошол на Галичъ, мовячи: «Не остоится Галичъ! НЂстъ, кто бы его выбивалъ от рукъ моихь». Гды вышолъЮ корол в горы Венгерскиї, послалъ на него Гс̃дъ Бг̃ъ архангела Михаила, которыи ωтворилъ ωблаки небесныи, же великиї дождь пустилЯ такъ, ажь кони ихь тонули, а сами венгеры узбегали на высокиї горы. Еднакъ же /224/ гордыи королъ тягнулъ далеи, ажь пришол под Галичъ и ωблегь город. И послалъ послы 177 свои, которыи, ставши под городомъ, великимъ голосомъ до Галича кричали: «Слухаите словь великого короля угорского! Нехаи васъ не зводитъ Демъянъ, мовячи: «Выбавит нас Гс̃дъ Бг̃ь зъ землею и Даниилъ». Нехаи не мает надЂи вь БозЂ, мовячи: «Не предасть Бг̃ь мЂсто сеє королеви!» Такъ много на розныи ходилъ краи, и никто ихь не вырвалъ з рукь моихь». Тыи слова слышачи, Даниилъ молился силно Гсду Бг̃у, а Демъянь, не боячися тых пострахов и на Бг̃а надЂючися, покреплял людеи. Даниил привелъ на помочъ себЂ ляхов и половцовъ /224зв./ Котяновыхь, а у короля были половцы БЂговарсовы. Гсдь Бг̃ь, не терпячи гордости и блюзнЂрьства королева, попустилъ на венгеровь рану фараонову, ωт которои и БЂлоризъ, знемогши, отступилъ от города и пошовь, зоставивши люд свои за собою. Которых галичане, выбегши, били и имали, и иншиї в рецЂ тонули. Самъ корол, перешовши ДнЂстрь, пошолъ над Прутомъ, а ангелъ Бж̃иї за попущениемъ Бж̃иимъ ударил ихь раною, от которои сами венгеры и кони ихъ умирали, черви зь ихь подошовь лЂзли, от которых умирали, и кони ихь черви росточивали, и иншиї, коло огня зышовшися, /225/ мясо къ устомъ несучи, умирали, и иншиї от попущения великого дожда тонули, і в реках. Тамъ тежь прислове учинилося тое: «Скит река лихую заиграла игру угромъ». Такъ венгерове ωт Гсда Бг̃а розными ранами скараныи, а Даниилъ за свою на Бг̃а надЂю цЂлыи ωдержалъ Галичь.






Глава 6

Ω ЗРАДЂ ГАЛИЧАНЪ И Ω ВОИНЂ КН̃ЗЯ АЛЕξАНДРА НА ДАНИЛА, Ω ВОИНЂ КОРОЛЯ ВЕНГЕРСКОГО ПРОТИВ ДАНИИЛА, Ω ВЗЯТЪЮ ΩТ НЕГО ГАЛИЧА И ИНЫХЪ ГОРОДОВЪ И О ПОСАЖЕНЮ ВТОРОМЪ В ГАЛИЧИ КОРОЛЕВИЧА ВЕНГЕРСКОГО АНДРЂЯ /225зв./


178—По часЂ немаломъ—178 збунтовалися невЂрныи бояре галицкиї Молибоговичи и иншиї на кн̃зя своего Даниила, 179—учинили раду зь сынами Алеξандра, брата стрЂиного Даниилова—179, убити его, и хотЂли заполити его избу, в которои сидЂлъ зъ братомъ своимъ Василкомъ. В тои час Василко, не знаючи о ихь радЂ злои, вышолъ из избы и, вынявши свои мечъ и граючи, махалъ на слугу, а другиї з нимъ, щить похвативъ. Обачивши тое, злыи порадцы Молибоговичи убоялися, разумЂючи, же ихь рада открыта есть кнземъ и вЂдома. Для того побЂгли прочъ. Затымъ Василко поЂхалъ кь Володимеру, а бояринъ Данииловь галицкии Филипъ поЂхал кь стрЂинему брату Даниловому Алеξандру, и з ним другая рада стала на зьгубу ДаниилаьЬ. /226/ ДовЂдавшися о тои радЂ злої, Демян, началникъ воискъ Данииловыхь, прислал кь Даниилу, воюючему на тои часъ 180—вь Браневи Чаверли—180, мовячи: «Злыи тобЂ, княже, банкетъ готуетъся: бояринъ твои Филипь змовился зь Алеξандромъ, кн̃земъ, тебе убити. Иди назад, держи столицу ωт̃ца твоего!».

арк. 150 зв. ЬДанилу арк. 151 зв. Акороль БпєрєдалисА арк. 152 Вгнали арк. 152 зв. Г Шумску Д ПЂнску арк. 153 зв. Е Данила Євыстю

Даниилъ, тое услышавши, зараз вернулся кь Галичу, але бояре невЂрныи, къ Днестру пришовши, инуды от него пошли. ПриЂхавши в Галичъ, Даниилъ послал к Василку, абы ишолъ на Алеξандра. Услышавши тое, Алеξандеръ побЂгъ в Перемышль къ своимъ совЂтникомъ, а Василко взялъ его город Белзъ. Ивана зась Михаиловича, сЂделника своего, послалъ по Молибоговичовъ, злых совЂтников, /226зв./ и по Волдрисевъ. И поимано тых злых совЂтниковъ дватцать и осми. Не карал еднакъ ихь кн̃зъ смертию, але млстъ показал. З которых един и очи былъ залилъ кн̃зю чашею, а кн̃зь стерпЂлъ, на Бг̃а помъсту свою вьскладаючи.

Потом самъ Даниилъ вЂче, то естъ раду собравши, реклъ тымъ бояромъ: «Хочетя ли мнЂ вЂрныі быти, жебымъ з вами пошолъ на моихь вораговъ?». Ωни всЂ крикнули: «ВЂрныи есмы Бг̃у и тебЂ, гс̃дрю нашему!». А Микула, соцкии, реклъ: «Гс̃дне кн̃же, не погнетши пъчелъ, не Ђсти меду!». И такъ, помолившися Гсду Бг̃у и Пресветои Бд̃цы, и св̃тому архистратигу Михаилу, Даниил з Мирославомъ и зь дружиною пошолъ на Алеξандра. За нимъ пошли и бояре галицкии, творячися вЂрныи, а были еднои рады /227/ зь Алеξандромъ на згубу Даниила. Гды пришол Даниилъ къ Перемышлю, Алеξандерь побЂгъ з Перемышля. На которымъ гонячиися, Лев 181 Храбрыи зосталъ забитыи. НевЂрныи засъ Владислав Юрьевичъ, Алеξандровь жє совЂтникь, гонил зь Алеξандромъ ажь до Башты Венгерскои. Лечь Алеξандерь утеклъ, все свое богатство оставивши, и прибЂгъ до Веягеръ, оповЂдил Судиславу тое все. Судиславь, давныи ворогь Даниилов, намовилъ короля венгерского, же самъ королъ зъ сынами своими, Белею и АндрЂемъ, пошол и пришол къ Ярославлю, где былъ Давыд Вышатич, ωт кн̃зя Даниила поставленыи, затворился, з нимъ же и Василии Гавриловичь. Которыи крЂпко билися зъ города ажъ до захода сл̃нца з венгерами. Вночи знялъ страхъ /227зв./Давыда, же теща его, бывшая кормилица Судиславова, мовила, ижъ не можетъ удержати города. И хотяи его укреплялъ Василко мужественныи, жебы держался в городЂ, еднакъ жє Давыд здалъ город королю венгерскому, самъ выпущеныи з города цЂлъ зъ своими.

А каролА, взявши город Ярославлъ, оттолъ пошол къ Галичю. В тои часъ Климота, боярин зь Голыхъ Горь, побЂгь от Даниила кь королю, за нимъ і всЂ бояре галицкиї передалияБ к королю.

Затымъ королъ, 182—взявши Галичъ, посадилъ в немъ знову сн̃а своего АндрЂя—182, а самъ пошолъ къ Володимеру. И пришовши, удивився города того красотЂ, мовячи, же нигдЂ і в Немецких сторонахъ такого не видалъ города. Мирослав в тои час ωт Василка держалъ Володимер город, мужъ /228/ храбрыи и смЂлыи. Але тогды устрашившися, учинилъ мирь з королемъ без вЂдомости Даниила и Василка, отдалъ Алеξандру Белзь и Червенъ, за што розгнЂвалися на Мирослава кн̃зи, же, маючи великое воиско, примирилъ з королемъ и отдалъ Белзь и Червенъ.

Королъ от Володимера вернулся до Венгерь, а Даниилъ великиї плЂнь взялъ, около Белза воюючи. Тогды прислал Данилу кн̃зъ киевскиї Владимерь Руриковичъ, просячи его к себЂ на помочь противь Михаила, кн̃зя черниговского, которыи ишолъ на Владимера. Кн̃зъ Даниилъ, пришовши кь Владимеру в Киевъ, учинилъ мирь межи ими и взяль себЂ от Владимера город Торцескъ, и отдаль тои город дЂтемъ Мьстиславовымъ, своимъ шурятом, за добродЂяние ωт̃ца ихь к нему./228зв./






Глава 7

Ω ВОИНЂ КОРОЛЕВИЧА ВЕНГЕРСКОГО З КН̃ЗЕМЪ ДАНИЇЛОМ И О СМЕРТИ КОРОЛЕВИЧОВОИ, Ω КНЯЖЕНИЇ В ГАЛИЧЂ ДАНИИЛА И О ПОИМАНЬЮ ОТ НЕГО КН̃ЗЯ АЛЕξАНДРА


Потомъ АндрЂи, королевичъ венгерскиї, поднеслъ воину на кн̃зя Данила и пошолъ з воискомъ къ БЂлобережью. Владиславъ от

Даниила поЂхалъ вь сторожи, споткалъ воиско в Белибережьї и бился з ними над рекою Случъю, и гналВ за нимъ до реки Деревнои. Из лЂса Чортова далъ Владиславъ вЂдомость ω томъ кн̃земъ Даниилу і Владимеру в Киевъ. Даниилъ зараз з Киева от Владимера пошол /229/ противь королевича. УвЂдавши о томъ, королевичъ з венгерами вернулъся къ Галичу, а Даниилъ, знявшися зъ братомъ своимъ Василкомъ, догналъ венгеровъ у ШумскаГ . 3 венгерами жь былъ Алеξандеръ и ГлЂбь ЕремЂевичъ,183 и иншиї кн̃зи болоховецкиї. Теды Даниилъ з Василкомъ, переправившися через Великую рЂку на Шумскъ и поклонившися, и помолившися Бг̃у и светому Семиону, а справивши свое воиско, билися 184 крЂпко з венгерами и зъ кн̃зями болоховецкими. Зъ обоихь сторон битва была потужная вес денъ, и много венгеровь позабивали кн̃зи Даниилъ и Василко, а зь ихь воїска толкω пятихь забито. И побЂгли венгери к Галичу, туды ж вернулся и королевичъ. Назавтреє, в Суботу /229зв./ великую, на венгерь знову Даниилъ строилъ воиско.

Затымъ прислалъ к нему и кь Василку братъ ихь Алеξандерь, просячи, абы его к себЂ приняли. Они з радостию его к себЂ приняли. А гды трава стала, пошли всЂ три кн̃зи, Даниилъ, Василко и Алеξандерь, къ ПлЂнскуД , 185 городу, і взяли его под Ярьбузовичами, где и полон великиї взявши, з корыстью вернулся Даниилъ къ городу своему Володимеру.

186—Потомъ королевичъ186 венгерскиї и Судиславь вывели Дьянуша на Даниила. Даниилъ засъ, поЂхавши кь Киеву, взялъ половцов и Изяслава противъ ихъ. Изяславъ присягь Даниилу в церкви, з ними жь и з Владимером Руриковичомъ, кн̃земъ киевскимъ, кн̃зъ Даниил пошолъ противъ королевича и Дъянуша. /230/ Тогды Изяславъ учинилъ ошукание, повоевавши волость Даниилову и взявши Тихомлъ, вернулся. А зь Данииломъ Владимерь и кн̃зь половецкии Котянъ пошли к Перемышлю. Там на мосту королевичъ и Дьянушъ билися з Данииломъ и зъ Владимеромь и, отбившися имъ, пошли в Галичъ, покинувши все. Даниилъ зас и Владимеръ гналися за ними, и гды пришли до Бузка, тамъ к нимъ притягнули Василко, брат родныи Данииловь, и Алеξандерь, братъ стрЂнныи, и знялися з Данииломъ. Ωттолъ Владимерь и Китян вернулися до Киева. Тогды ж ГлЂбь ЕремЂевичъ отступилъ ωт королевича къ Даниилу.

А Даниилъ з Василкомъ пошол кь Галичю и на березЂ, перешовши Днестръ, стрЂтили Даниила бояре галицкиї, болшая половина, Доброслав /230зв./ и ГлЂб зь иншими многими, и взял Даниилъ з братомъ городыи галицкиї, и пороздавалъ ихь бояромъ і воеводамъ, и мЂли корму много. А королевичь венгерскиї и Дъянишъ, и Судислав в ГаличЂ, городЂ, голодомъ знемогали девять недЂль. Даниилъ на них воевалъ, ждучи леду, жебы могь, к нимъ перешовши, ихь добывати. И Судислав з Галича послалъ хитре къ Алеξандру, ωбЂцуючи ему ωтдати Галичь, жебы ωт Данила ωтступилъ. Учинилъ такъ Алеξандеръ, прочъ пошолъ. Галичане засъ мыслили иняти ДанилуЕ .

По маломъ часЂ умерлъ королевичъ. Для того галичане послали, просячи Даниила в Галичь на княжение. Тымъ часомъ Судиславъ утекль 187—з Галича—187 до Венгерь, а Даниилъ сЂлъ в Галичи. Алеξандерь зас, боячисА /231/ Даниила за свою зраду, пошолъ к Володимеру, своему тестю, в Киевъ. Даниилъ, ω томъ довЂдавшися, погнался за нимъ з Галича и, доггнавши его, поималъ в Полономъ, три дн̃и и три ночи з воискомъ не спавши, і вернулся кь Галичу.






Глава 8

Ω ВОИНЂ КН̃ЗЯ ДАНИЛА И ВЛАДИМЕРА, КН̃ЗЯ КИЕВЪСКОГО, ЗЪ КН̃ЗЕМЪ МИХАИЛОМЪ ЧЕРНИГОВСКИМЪ И З ПОЛОВЦАМИ, ТАКЪЖЕ И ЗЬ ЛЯХАМИ, И З ЯТВЂГАМИ, И ЗЬ БЕРЕСТЯНАМИ, Ω БУНТАХЬ ГАЛИЧАН НА ДАНИЛА, Ω ВЫИТИЮ є ЕГО З ГАЛИЧА И О ВОИНЂ НА ГАЛИЧЬ, И О ВЗЯТЪЮ ЗНОВУ ПРЕЗ НЕГО ГАЛИЧА /231зв./


Тых же часовь Владимеръ Руриковичъ, кн̃зъ киевскиї, прислал сн̃а своего Ростислава к Данилу в Галичъ, любовь свою къ Данилу освЂтчаючи, и побратался з нимъ по-прежнему. И поневаж Михаилъ, кн̃зь черниговскиї, и Изяслав знову на Владимера повстали, просилъ Владимеръ Даниила кь себЂ на помочь. Даниилъ за любов его к себЂ пошол з воискомъ кь Киеву. ДовЂдавшися о немъ, кн̃зь Михаилъ отступилъ ωт Киева в Черниговъ, а Даниилъ, пошовши кь Чернигову, многиї городы по ДеснЂ побрали: Хороборь, Сосницу и Сьновскь, и иншиї. И гды пришли кь Чернигову, билися з ними з Чернигова, кидали з города великимъ каменемъ на полтора перестрЂла, кождыи /232/ единъ камен такь великъ, якь могли его четыреЖ силныи мужи подняти. Еднакъ же кн̃зь Михаилъ и черниговцы учинили примире зь Владимером и зь Данииломъ.

арк. 154 Жчотыри арк. 154 зв. ЗІлиничъ арк. 155 Ипославъ Іторковъ Їторками арк. 155 зв. Йдавъ арк. 156 КГєенрикъ арк. 156 зв. Лповоєваню МП 1233-г арк. 157 НкнАгиню ОкнАз П виправлено з к нимъ арк. 157 зв. Птой РкнАз П виправлено з нимъ

И такъ Владимерь з Даниилом вернулися спокоине къ Киеву. Даниилъ з воискомъ своимъ былъ зпрацованыи барзо, бо от Крещения Гс̃дня ажъ до Вознесения черниговскиї городы и волости воевалъ. Кн̃зь Изяславь не хотЂл того миру, бо былъ привелъ половцовъ, которых половцовъ привелъ на Киевскую сторону, тыї пустошили Киевскую землю. Даниилъ яко спрацованныи хотЂлъ поити к Галичу, але его Владимерь з Мирославомъ прозбою задержали противь половцовъ. И так Даниил зь Владимером и зь Мирославомъ пошли кь Звенигороду /232зв./ на половцы. И оттолъ 188—радили Владимеръ и Мирославь вернутися, обачивши великое множество неприятелеи—188. Даниилъ, рекши тое слово: «Не годится воину полохатися, вышовши на воину: или смертъ или животъ будетъ», пошол з ними далеи и, споткавшися з половцами под Торцескомъ, билися крЂпко, там же пострЂлено коня под Данииломъ, а Владимера, кн̃зя киевского, з Мирославомъ и з Молибоговичами, и зь иншими многими галицкими боярами половцы поимали. Даниилъ зас ушол к Галичу. Василко, в тои чась будучи в Галичу, стрЂтилъ брата своего Даниила.

Тогды Борись межибозкиї за порадою Доброслава и Збыслава послалъ хитре кь Даниилу, мовячи: «Изяслав /233/ с половцами идетъ к Володимеру». Тое услышавши, Даниилъ выправилъ от себе Василка для обороны къ Володимеру городу. Бояре зас галицкии, обачивши, же Василко отишолъ, учинили на Данила бунты, в чомъ Судиславъ ИльичьЗ перестереглъ Даниила, мовячи: «Княже! Зрадливыи слова на тебе в галичанахь. Не погуби себе, иди прочъ з Галича!» Даниилъ зараз отишол з Галича до Венгерь.

А гды наступила зима, Василко, взявши на помочь ляхов, пошолъ кь Галичу. Тогды и Даниилъ пришолъ к нему зъ Угорь і, воевавши около Галича, вернулися додому. 189—Галичане зас—189 і всЂ болховскиї кн̃зи воевали по Хомору и пошли къ Каменцу, ωколо Каменца побравши /233зв./ великии полон, ωтишли 190—к Галичю—190.

Тое увЂдавши, кн̃зъ киевскиї Владимеръ, освобожены от поиманя, послалИ турковъІ 191 Данилу на помочь и Даниила Жировича, которыи, гды скоро приспЂли бояре кн̃зя Даниила, выехали з Каменца, знявшися с туркамиЇ, догнали галичан и звитяжили ихь, и, всЂхь кн̃зеи болоховскихъ поимавши, привели кь кн̃зю Данилу в Володимер.

Потомъ, скоро лЂто настало, жалуючи тых кн̃зеи боловскихъ, кн̃зи Михаилъ и Изяславъ повели барзо многое воиско ляховъ, руси и половцовъ на Даниила. Конратъ з ляхами сталъ на томъ мЂстцу, где город Холмъ стоит, послалъ своихь около Червена воевати. Даниилъ засъ Гсду Бг̃у молился на тот часъ /234/ и св̃тому НиколЂ, а сн̃ы Василковы, змоцнившися, билися крЂпко зь ляхами и, поимавши много лядекихь боярь, привели къ Данилу в Городокъ. А кнзъ Михаїлъ стоялъ на Подгорьї, ωжидаючи половцовь изь Изяславомъ и хотячи знестися зь Конратомъ, кн̃земъ лядскимъ, але половцы, пришовши, взяли землю Галицкую и, не идучи на Данила, з корыстъю и с полономъ вернулися, а Конрать, звитяжены, побЂгь в Лядскую зе̃млю через ночъ. И потонуло много ляховъ, утекаючи, в рецЂ Вепру. Што все видячи, Михаилъ самъ пошол в Галичъ.

Потомъ кн̃зи Даниилъ и Василко, собравши воиско, пошли на Михалка и на Ростислава, сн̃а его, кь Галичу, которыї затворилися были /234зв./ в городЂ, и воевали около Звенигорода, але самого города не взяли, оборонилъ его образъ чудотворныи Пресветои Бд̃цы, которыи былъ вь ЗвенигородЂ. И тоеи жь осени взяли зъ собою кн̃зи примире.

НавеснЂ кн̃зи 192—Даниилъ и Василко—192 пошли на ятъвЂговь. А пришовши кь Берестью, за великимъ наводнениемъ реки гды не могли поити на ятвЂги, реклъ Даниилъ: «Не слушная есть речь нашу отчизну держати княжевникомъ-тепличемъ, названнымъ соломоничомъ». И пошолъ в великои потузЂ на них, и взяли город Берестье мсца марта. Старшого ихь Бруна и воиновь поимали и вернулися в Володимерь.

Того ж лЂта Даниил ходил на Михалка кь Галичю. Кн̃зь Михалкω, /235/ упросивши себЂ у Даниила примире, далъЙ ему Премышль.

Того ж лЂта кн̃зь Даниилъ водилъ литву з Миндогомъ, кн̃земъ ихъ, и зъ Изяславомъ новгородцкимъ на Конрата и на ляхи, 193—и повоевали Лядскую зе̃млю—193.

Потомъ кн̃зи Даниилъ и Василко, запрошеныи на честь от короля венгерского, будучи з нимъ в любви, Ђздили до Венгеръ.

Тых же часовъ Фридрихъ, кролъ, пошолъ воиною на Генрика. ГиндрикьК просилъ Даниила и Василка себЂ на помочъ, которыи гды хотЂли поити Генрику помагати, королъ имъ заборонилъ того походу, і такъ вернулися въ свою землю.

Потомь кн̃зь суздалскиї Ярослав, пришовши в Рускую землю з воискомъ великим, ωтнялъ ωт Владимера Руриковича Киевъ и сЂлъ в немь. Не по долгомъ часЂ кн̃зъ /235зв./ Михаилъ, оставивши сн̃а своего Ростислава вь ГаличЂ, пришол и отнялъ у Ярослава Києв, а Ярославъ знову пошолъ кь Суздалю. Ростиславъ зас от Данила отнялъ Перемышлъ и пошол на Литву зъ всЂми боярами.

О том довЂдавшися, Даниилъ пошол з Холма з воискомъ кь Галичю и, ставши под городомъ, реклъ галичаномъ: «Поколъ будете держати чюжихь кн̃зеи, а мене, дЂдичного своего кн̃зя, не держите?». За тымъ словомъ рекли всЂ галичане: «Сеи нашь природныи кн̃зъ, Бг̃ом данныи!». И побЂгли всЂ, якъ дЂти кь от̃цу и пъчолы кь матцЂ. Епископь Артемиї зъ Григоремъ, дворскимъ, заборонялъ имъ того, але видячи, же не можно задержати города, вышли зъ слезами зъ города кь Даниилу /236/ и рекли: «Прииди, возми город и прими свою дЂдичную столицу!». Такъ кн̃зь Даниилъ вышолъ в город свои Галичъ, пришол в церковъ Пресветои Бд̃цы и, помолившися, сЂль на своеи столицы, и поставилъ на Немецких воротахъ свою короговь на знакъ звитязства. А Ростиславъ, вернувшися кь Галичю и послышавши, ижь Даниилъ взяль Галичь, побЂгь до Венгерь. Бояре зась галицкиї невЂрныи пришли и поклонилися Даниилу, просячи прощения. Даниилъ, якъ добрыи, простил ихъ, упоминаючи, абы ему далеи вЂрныи были, а за Ростиславом в погоню послалъ свое воиско. Которыи гонили его ажь до горы Татры 194 і вернулися. /236зв./






Глава 9

Ω ПРИШЕСТВИЮ ЦР̃Я ТАТАРСКОГО БАТЂЯ ИЗ ТАТАРАМИ НА РУСКУЮ ЗЕМЛЮ И О ВОЕВАНЮ л ОТ НЕГО ЗЕМЕЛЪ РЕЗАНСКОИ, СУЗДАЛСКОИ И ВЛАДИМЕРСКОИ, И Ω ВЗЯТЪЮ КОЗЕЛСКА, ПЕРЕЯСЛОВЛЯ И ЧЕРНИГОВА


Року 6741-гМ 195 прошол на Рускую зе̃млю безбожныи цр̃ь татарскиї Батиї з незличонымъ множествомъ татаръ, маючи з собою воиска шесть кротъ сто тысячеи. Которыи пред тымъ, якь вышше сказалося, з рускими кн̃зями билися на КалцЂ. Тыї татаре первеи пришли на землю Резанскую и взяли на копие город славныи Резан. Поимали /237/ в немъ кн̃зя Гургия албо Георгия и повели кь Принску, где была его княгиня. Зь Принска вывели княгиню и забили кн̃зя Гургия, тамъ же и княгиняН его, і во всеи земли Резанскои позабивали людеи всЂхь нещадно, и самых немовлятокъ, ссущих молоко, забивали.

Курь Михаиловичъ утеклъ зь своими в Суздалъ и сказал кн̃зю суздалскому Гургиеви безбожныхъ татар приход. Тое услышавши, кн̃зъ суздалскии послалъ сн̃а своего Всеволода со всЂмъ воискомъ противъ татарь. З нимъ же поЂхав и Куръ Михаиловичъ. А гды Батиї з татарами пришолъ на землю Суздалскую, стрЂтилъ ихъ Всеволод на Колодни. Тамъ же былися крЂпко, зо обоихь сторон упало много людеи побитых, /237зв./ але Всеволод звитяженыи застал и, побЂгши назад, сказал от̃цу о своеи з татарами воинЂ и о идучихь на городы его. Теды кн̃зъ Гургиї, оставивши сн̃а своего и княгиню свою в Володимери, зобрал воиско великое на татарь, леч же не мЂлъ около себе доброи сторожи, зьЂхавъ его безбожныи Бурундаї, самого кн̃зя Гургия убилъ і вес город ωбогнали. Батиї, стоячи под городомъ Владимеромъ, до крЂпко боронячихся граждан тыи слова мовил: «Чого ωпираетеся намъ? Знаете, где славныи городы резанскиі и вашь город, и 196—князъО вашь Гургиі великии не всех ли—196 тЂх рука наша, поимавши, смерти ωтдала!». Услышавши тыи слова /238/ безбожного Батия, 197—преподобныи епспь—197 почалъ своих граждан укрепляти, жебы до смерти боронилися, не здаючися, ручачися имъ о томъ, иж в томъП обороне, хатя и побиты будутъ, мученическиі венець ωт Бг̃а приимутъ. Тыми славами укрепленыи, з города крепко отбивалися. А гды таторове барзо налегали на город, пороками биючи город и стрелами без числа стреляючи, князъР Всеволод устрашився, будучи молодыи. Вышолъ самъ з малою дружиною /238зв./ з города, великии дары несучи Батиеви, сподиваючися, же иж животомъ подарует. А Батии, якъ звЂрь окрутныи, зараз казаль кн̃зя пред собою зарЂзати и всЂх вмЂсте позабивати. Епспь з княгинею и з детъми кн̃яжими вьбехъ вь цр̃ковь, тамъ же ижС Батии з цр̃ковью казал запалити.

Сих арк. 158 Т—ТПотомъ арк. 159 У—Уи ω разорєнїй преславныА ст̃ыА великіА чудотворныА Лавры ПєчєръскїА кїєвскїА ФП 1240 ХП вписано над рядком Цвєлик Ч—Чи не слышати было гωлосу людского Ш—ШУрдюй, Байдакъ ШБирукъ ЮМєнчукъ ЯКуюкъ арк. 159 зв. ЬСєбєйдАк АБурундакъ на валы ВпотмЂли арк. 160160 зв. Г—Г див. Вступ, таблицю на с. 25 Д—Д Романовичомъ Е—Е такою клАтвою Є—єωтдали арк. 161 зв.Ж—Ж ІзАславовому и взАл єгω, ωттол пришол къ Камєнцу ЗСолоной арк. 162 И—ИСинєводско в

Так Батии, выбивши город Володимерь, пошоль и попленив всЂ городы суздалскиі, и пришол къ городу Козелску, вь которомъ биль князъР молодыи Василиі. ДовЂдавшися нечестивыи /239/ татарове, иж козляне высокои розум маютъ, не можно ижС города хитрыми славами взяти, умислили штурмомь добивати. А козляне порадилися не здаватися Батию, мовячи: «Хотя и молод нашъ кн̃зь, мы волимо, не здаючися, на пляцу померти, а такь умираючи, и туть славу примемъ, и мученическии венецъ от Хрста за вЂру, умираючи, одержим». Татаре зась, штурмуючи до мЂста, пробили стЂну і възбЂгли на валъ, а козляне ножами рЂзалися з ними. И порадившися, пошли, на полки татарскиї напавши, билися крЂпко и убили татаровь четыре тысячи. Т—Т И ихь татарове /239зв./ побили, і взялъ Батиі город Козелскъ, позабивалъ всЂхь в городЂ и немовяток, ссучих молоко. О кн̃зЂ Василиї не вЂдомо естъ, и иншиї мовили, же вь крови утонулъ, бо малъ былъ. Оттолъ татаре город Козелскь не назвали Козелескъ, але городомъ злымъ, бо там билися семъ недЂлъ, и убито и татаръ сн̃овъ трохь темничихъ, которых татаре, пилно шукавши, не нашли за множествомъ труповь. Батиї, взявши Козелескъ, пошолъ в землю Половецкую. Оттолъ посылал татар на городы рускиї. Потомъ взялъ Переясловль на копие і всЂхь позабивалъ, и церков Св̃тго архистратига Михаила розбилъ, сосуды церковныї безчисленыи сребреныи и золотыи и камене дорогое побралъ. Там же епископа /240/ преподобного Семиона забили.

Ωттолъ пошли татарове под Черниговъ и обступили город великою силою. Кн̃зъ Мъстиславъ ГлЂбовичъ пришол на них зъ своимъ воискомъ и, бившися з татарами, звитяженъ от них зостал, и много воиска его побито. I взявши, город Черниговь татарове спалили ωгнемъ, епископа взяли с собою и повели его кь Глухову.

Тымъ часомъ Менчакан татарскии приЂхалъ оглядати Киева и, ставши на другои сторонЂ Днепра у Городка ПЂсочного, обачивъ Киевъ и задивился красотЂ его і великости, и прислал ко кн̃зю киевскому Михаилу и къ грожданомъ, хотячи ихь прелстити, абы здалися. /240зв./ Але они ихь не послухали.

198—Потомъ Михаилъ, убоявшися татаръ, побЂгь зъ сыномъ своимъ Ростиславомъ в Венгеры—198, а кн̃зъ смоленскиї Ростиславъ сЂлъ в КиевЂ. Што услышавши Даниилъ, приЂхал и поимал Ростислава, а, взявши Киевъ, посадил в немъ старосту своего Дмитрия, жебы боронил Киева от татарь. Ярославъ зас, тое послышавши, же Михаилъ побЂгь до Венгеръ, поимал Михаилову княгиню и боярь, и город Каменецъ взялъ. Кн̃зъ Даниилъ послал к нему, мовячи: «Пусти сестру мою, княгиню Михаилову, ко мнЂ, поневажь кн̃зъ Михаилъ обоимъ намъ злое мыслитъ». На тыи слова Ярославь отпустилъ, и пришла сестра кь кн̃яземъ Даниилу і Василку, а они еЂ держали /241/ в великои чести. Ростиславь зас, сн̃ъ Михаилов, сватался дочки короля венгерского, але корол не толко не дал Ростиславу своеи дочки, лечъ выгналъ его зь своеи зе̃мли зъ ωтцемъ его Михаиломъ. Теды кн̃зъ Михаилъ и снъ его Ростиславъ пошов къ вуеви Конрату в Ляхи.






Глава 10

Ω ВЗЯТЪЮ И СПУСТОШЕНЮ СЛАВНОГО ГОРОДА КИЕВА, У—У Ω ПОЕДНАНЬЮ КН̃ЗЯ ДАНИИЛА ЗЬ КН̃ЗЕМЪ МИХАИЛОМЪ И О ОТХОДЂ ИХЪ З ЗЕМЛИ РУСКОи /241зв./


Року 6748-гФ пришолъ Батии къ Киеву з великою потугоюХ и з многими воисками и ωкружилъ Киевъ весь силою татарскою, и сталося Киеву облежение тяжкое, страх великиїЦ был Ч—Ч от скрипЂния возов БатЂевыхъ, и от ревЂния многих верблюдов его, и от рзания безчисленных стад конеи его, и полна была Руская земля поганых воискь татарскихъ. Тогды поимали у них татарина именемъ Товрула, которыи сказалъ всю силу татарскую. Тыи были братия Батиевы силныи воеводы 199—шУрдю, Бардаи—Ш, БирюиЩ, Кадал, Бечакъ, МенчюиЮ и КуюиЯ—199, кои зас вернулся, довЂдавшися о смерти кановои, и самъ сталъ каномъ не от роду его, але былъ воевода его первыи. До того /242/ еще воеводы БатЂівы, СебедяиЬ-багатырь, и БорондаиА-богатырь, которыи взял Болгарскую и Суздалскую землю, и иншихь без числа воеводъ, которыхь тутъ имена не писаны. Поставил теды Батыї пороки къ городу Киеву подле вороть Лядскихъ, бо тутъ пришли дебры, и, биючи пороки ден и ночь, выбили стЂны. Теды киевъляне взышли на отбитье татар от стЂнъ. Б—Б Туть то было видЂти безчисленных копии щепание и щитовъ, и стрЂлы густыї потемнилиВ свЂть, и зостали звитяжены киωвляне. Тамъ же и Дмитрия ранено.

Татаре, взышовши на стЂны, сЂдЂли тои ден и ночь, а киевляне тымъ часомъ уробили другиї город около Пресвятої /242зв./ Бд̃цы Десятиннои. Назавьтрее пришли знову на киевлянь татаре, и сталася межь ими битва барзо великая. Людеи засъ множество зъ своими товарами вьзбЂгли на полаты и на коморы церковныи, и от тоеи тяготы обвалилися з ними стЂны церковные. И такъ татарове взяли преславныи город Киевъ, і всЂхь выстинали, и зпустошили Киевъ до конца. Самого Дмитрия, старосту Данилова, раненаго, не забивали, лечь дивуючися великому его мужеству, зъ собою взявши, Г—Г на иншиї пошли городы рускиї.

200—Гды до Киева еще татарове ити готовалися—200, кн̃зь Михаил, у Конрата полского будучи, послалъ послы кь кн̃земъ Даниилу и Василку, Д—Д признаваючи свою вину, ижь много имъ пакости чинив за поводомъ невЂрных галичан, и клялся кн̃зем клятвою, ижь николи не маетъ мЂти на нихь вражды. /243/ Даниилъ и Василко за Е— такую клятву—Е приняли Михаила в любовъ Є—и дали—Є ему княгиню егω, а свою сестру, и самого припровадили его к себЂ з Лядскои земли. ОбЂцали ему Киевь отдати, а сн̃у его Ростиславу дали Луцкь. Михаилъ засъ для страху татарского не смЂлъ ити к Киеву. Для того Даниил и Василко вь своеи ему земли позволили жити, дали ему много пшеницы, меду, овецъ и товару.

Затымъ довЂдавшися Михаилъ, же взялъ Батиї Киевъ, побЂгь зь сн̃омъ своимъ кь Конрату полскому, а послышавши тамъ, ижь Батиї идетъ и на Лядскую землю, пошол в зе̃млю Вростиславскую и пришол к немецкому мЂсту именемъ Среда. Тамже нЂмцы отняли у него товару много и побили егω, /243зв./ людеи и внука его забили. И фрасовался барзо кн̃зъ Михаилъ, же не мЂлъ гдЂ подЂтися, бо уже и кь Конрату в Лядскую землю зъближалися татарове, еднакъ пошол кн̃зь Михаил знову кь Конрату.

Кн̃зь Даниил, зас, еще не слышачи о томъ, ижъ татарове взяли Киевъ, поЂхалъ до Венгерь к королеви.






Глава 11

Ω ВЗЯТЪЮ ОТ БАТЂЯ ВОЛОДИМЕРА, КРЕМЯНЦА, ГАЛИЧА И ИНШИХЬ РУСКИХЬ ГОРОДОВ, Ω НЕДОБЫТЮ КАМЕНЦА И О СПУСТОШЕНЮ ЛЯДСКОЇ ЗЕМЛИ И ВЕНГЕРСКО /244/


В тои часъ Батиї, цр̃ь татарскиї, послышавши, ижь Даниилъ есть въ Венгрехъ, пошол самъ кь городу Володимеру и поставил под стЂнами города двенатцатъ пороковь. Але не могши розбити стены, почал намовляти володимерцовъ, жебы здалися. Они его послушавши, ему здали город, а Батиї, взявши город Володимерь, всЂхь позабивал в городЂ нещадно.

Ωттолъ пошол кь Кремянцу, Ж—Ж городу Данииловому и, обачивши, же не можно его взяти, пошолъ къ Галичу, взялъ и тои город и спустошилъ. 201—Такъже и лядскиї городы ажь до Ленчицы побралъ, повыбивалъ и попустошил—201. И рускиі городы знову без числа побралъ и попустошилъ. Которых спустошеня /244зв./ жалуючи, Дмитриї, киевскиї староста, у БатЂя в неволи будучи, радилъ Батиеви, абы болеи, не бавячися в рускихь городах, ишол в Венгеры, мовячи ижь: «Якь зберутся и спотужатъся воискомъ, не пустятъ тебе вь свою землю». А тое мовилъ Дмитро, хотячи выманити Батия з Руси, жебы не до конца зпустошил Рускую землю.

Пошоль теды Батиї вь Венгеры. Которого корол Бела и Коломан стрЂтили на рецЂ СалоноиЗ, тамъ же бившися з татарми и не здолЂвши, побЂгли в Венгеры, а татаре ихь гнали до Дунаю. И стоялъ Батиї в земли Венгерскои три лЂта, и попустошил барзо землю Венгерскую. /245/





Глава 12202

Ω ВОИТИЮ КН̃ЗЯ ДАНИИЛА З ВЕНГЕРОВЬ В ЗЕМЛЮ РУСКУЮ И СН̃А ЕГО, КН̃ЗЯ ЛВА, Ω НЕВЂРНОСТИ ГАЛИЦКИХЬ БОЯРЬ КЬ КН̃ЗЮ ДАНИИЛУ И О ВОИНЂ КН̃ЗЯ РОСТИСЛАВА МИХАИЛОВИЧА ЗЪ КН̃ЗЕМЪ ДАНИИЛОМЪ


Кн̃зь Даниилъ, о которомъ выше сказалисмо, поЂхавши до Венгеръ, хотЂлъ былъ з королемъ венгерскимъ мЂти сватовство. Не змогши мЂти, вернулся назад в Русъ и, приЂхавши И—в Синебодсковь—И манастыръ Пресвятои Бд̃цы, назавтреє обачил /245зв./ множество людеи, бежачихъ от татаръ, гды ж еще не вышло были татарове з Рускои земли. Пошол знову в Венгеры, не могучи проити за татарми Рускои земли. Давши в руки галичаномъ сн̃а своего з Венгерь, пошол кь Ляхомъ и пришол вь Судомирь. Тутъ послышалъ о братиї своеи, ω дЂтехъ и о княгини своеи, якь вышли з Рускои земли в Ляхи от безбожных татарь. Поискал ихь и нашол на рецЂ ПолцЂ, и радовалися о своемъ совокуплениї, а фрасовалися о спустошенью земли Рускои. Тамъ Даниилъ, не смЂючи бавитися для близкости татар, отишолъ в землю Мазовецкую кь Болеславу, къ Конратовому сн̃у. И дал ему кн̃зь Болеславъ /246/ в Мазовецкои зе̃мли Вышьгород. Тамъ кн̃зь Даниилъ жилъ потол, покол ажь вЂстъ взялъ, ижь вышли татаре з земли Рускои, и пошолъ оттолъ в землю свою. Пришолъ кь городу Дорогичину, мовячи: «Се город от̃цовъ наших былъ». А вьишовши в город Дорогичин, обновил, его и поставилъ церковь прекрасную Пресвятои Бд̃цы, и реклъ: «Мои то градІ, я его копиемъ взялемъ».

арк. 162 зв, Ігородъ ЇІвору (?) арк. 163 Йкоторую арк. 163 зв. КДАйковъ арк. 164 зв. Лвідсутнє арк. 165 Мсрогїй

Потомъ кн̃зь Даниилъ зь братомъ Василкомъ пришол кь Берестю, и не могли в поле ити для смраду ωт труповь побитыхь от татаръ, а в Володимери ни един живыи не остал, церков Пресвятои Бд̃цы и иныї трупов полныї были. /246зв./ Для того Даниилъ отишолъ в Холмъ, которого то города Гсдь Бг̃ь сохранилъ цЂлого от татаръ.

Того жь часу кн̃зь Михаилъ, бывшиї черниговскиї, потомъ и киевскиї, пошол ωт вуя своего, кн̃зя полского Конрата, через Володимерь город до Пинска, а Ростиславъ Владимеровичъ пришол вь Холмъ кь Даниилу, показуючи себе, же не естъ вь еднои ради зь кн̃земъ Михаиломъ, которыи не помяталъ на добродЂиство Даниилово і Василково, и прошолъ ихь зе̃млю, не видячися з ними.

З Пинска кн̃зь Михаїлъ пришолъ къ Киеву и жилъ у остро†для того, же Киевъ пустъ был, а сн̃ь его Ростислав пошол к Чернигову./247/ Тогожь часу вышолъ з Венгеръ кн̃зъ Левъ, сн̃ь кн̃зя Данила, кь ωт̃цу своему, и рад ему был от̃цъ, кн̃зъ Даниилъ, а галичане Даниила своимъ кн̃земъ называли. Сами еднакь Галицкую землю держали, особливє Доброславъ укняжился был, и Судич, поповь внукъ, пришовши вь Бакоту, все Понизиє держалъ, а Григореи Василевичъ всю горнюю сторону Премысльскую заимовалъ без вЂдомости кн̃зя Даниила. За што розгнЂванныи Даниилъ послалъ з великою жалостъю столника своего Иякова къ Доброславу и кь иншимъ, мовячи: «Я вашъ кнзь, а моегω росказаня не чините! Я вамъ не велЂл боярь /247зв./ черниговскихь Михаиловыхъ приимати, але велЂлъ галицкимъ бояромъ волости давати, а солъ на мене отлучити. А вы не такъ чините!» ΩтповЂдилъ Доброславъ: «Нехаи такъ будеть!». Але не учинилъ такъ, казал отдати Коломыю Лазарю Доможирцу, дворІ Молибожцу, мужицкого племяни людемъ. И гды реклъ ему столникъ Данииловъ: «Чему без княжого вЂдома тымъ негоднымъ людемъ даешъ Коломыю, которыиЙ сами кн̃зи великии держатъ на роздаване оружникомъ?», Доброславъ тое смЂхомъ збылъ, што все столникъ ωзнаимилъ кн̃зю Даниилу, Ω томъ барзо скорбЂл Даниил, же отчизну его негодники держатъ. Потом самъ Доброславь зъ Григориемъ приЂхал /248/ къ кн̃земъ и во еднои сорочцЂ Ђхал, ни на землю не смотрячи, а галичане бЂгли подле стремени его. Ωбачивши ихь такую гордостъ, кн̃зи Даниил и Василко казали ихъ поимати, яко противныхь воли ихь и хитрых.

Потомъ Ростиславъ Михаиловичъ з Чернигова, приЂхавши, собралъ кн̃зеи болоховскихь и остатокъ галичанъ, пошол кь городу Даниловому БакотЂ, где был Кирило, печатникъ Даниилов, посланныи списати грамоты боярь хитрых галицких. К тому городу пришовши, Ростислав бился у воротъ з ними, потомъ, отступивши, перемовлялъ, жебы здалися. А Кирило ему реклъ: «Не помЂтаешь добродЂяния кн̃зеи Даниила и Василка, вуевъ твоихь. /248зв./ Такъ ли имъ платишъ, гды тебе зь от̃цемъ твоимъ Михаиломъ венгерскиї королъ выгналъ. Они тебе зь от̃цемъ приняли, не памятаючи ваших злостеи, тебЂ дали Луцкь, а твоему от̃цу Киевъ, и твою матку, а свою сестру от Ярослава освободили и дали ωт̃цу твоему». Тыхъ словь Ростиславь не слухал, теды Кирило вывелъ на него пЂхоту, и такъ Ростиславь отступилъ от города Бакоты и пошол за Днепръ.

Ω томъ взявши вЂдомость, кн̃зъ Даниилъ повоевал кн̃зеи болоховских городы, побралъ Деревичъ, Губинь, Кудинъ, Бузкии, ДяцковъК и огнемъ пожегь много, тамъ же и полону побралъ много. ГнЂвался на них барзо и за тое, ижь надЂю покладали в татарах, /249/ бо ихь татаре оставили живых для того, жебы для татарь на пъшеницу орали. Еднакъ же кн̃зеи нЂкоторых болоховецкихъ Даниилъ выбавил от рукь Болеслава, кн̃зя мазовецкого, дарами, которыи ихь был поималъ, жє вь его землю были увоишли. Они и того добродЂяния не были вдячныи.

Потомъ знову Ростиславь Михаиловичъ, собравши новое воиско, пошолъ на Галичъ зь Владиславом невЂрнымъ. И гды пришли кь ДомарЂ, намовилъ хитре ихь Владислав, же здалися Ростиславу. Оттолъ пошолъ Ростислав к Галичу. Послышавши о томъ, кн̃зи Даниилъ и Василкω зь своимъ воискомъ вьскорЂ пошли на Ростислава. Убоявшися ихъ, Ростиславь выбегь зь Галича до Щекотова. З нимъ жє побЂгь Артемиї, епископъ /249зв./ галицкиї, и иншиї галичане. За ними погнали Даниилъ и Василко, але послышавши о томъ, ижь татаре з Венгеръ идутъ, знову в землю Галицкую вернулися назад.

Даниил поЂхалъ до Бакоти и Калиуса, а Василко до Володимера. Ωттоль Даниилъ послалъ своего дворецкого АндрЂя кь Перемышлю на Костянтина резанского, присланного от Ростислава. Констянтинъ, послышавши о приходЂ АндрЂевомъ, вночи побЂгь. Которого не угнавши, АндрЂї владыку перемыслъского, которыи ему противенъ былъ, ободралъ и слуги ево розбил, тулы ихь богровые подралъ, также и прилбицы волчие и борсуковыи. ПЂвца славного Митусю, звязаннаго, привели кь Даниилу. /250/

Того ж часу татаре, идучи з Венгерь знову в Рускую землю, Ростислава розогнали в борку, ωнъ самъ побЂгь до Венгерь. Тамъ жє королъ венгерскиї отдалъ дочку свою за Ростислава и заразъ наготовалъ двоихъ богатыровъ, Манмана и Балая, на Даниила. О чомъ Даниилъ довЂдавшися от своегω полочина, казал в ХолмЂ своимъ затворитися, а самъ з Холму поЂхалъ к Василку в Володимеръ.

Послышавши кн̃зь Михаил, ижь королъ венгерскиї за сн̃а его Ростислава отдалъ свою дочку, побЂгь до Венгерь. Але королъ венгерскиї и снъ его Ростиславь чести Михаилу не учинили. Для того, розгнЂвавшися на сн̃а своего, поЂхалъ на свое первое княжениє /250зв./ кь ЧернЂгову.

Тогды жь татаровє воевали ажь до Володавы и, многω злого хрстияномъ учинивши, іЛ вернулися.






Глава 13203

Ω ЗАМОРДОВАНЮ ОТ БАТИЯ КН̃ЗЯ МИХАИЛА ЧЕРНИГОВСКОГО И БОЯРИНА ЕГО ФЕОДОРА, Ω ПОВОЕВАНЮ ЛЯХОВЪ, ЛИТВЫ И ЯТВЂГОВ ОТ КН̃ЗЕИ ДАНИИЛА И ВАСИЛКА И О ЗНАЧНОМ ИХЬ ЗВИТЯЗСТВЂ НАД КН̃ЗЕМЪ РОСТИСЛАВОМ МИХАИЛОВИЧОМЪ /251/


204—Батиї такъ звоевал Рускую землю, попустошилъ и под свою моцъ подбилъ, иж кн̃зи рускиї всЂ нЂ толко голдовниками Батия и по немъ инших цр̃еи татарских зостали были—204, але тежь от царев татарскихь были всажованыи на княжение столицы, а непослушныи скиданыи. Для того и кн̃зь Михаїлъ, вернувшися з Венгеръ, поЂхал къ БатЬю, просячи у него княжения своего Черниговского и волости дЂдичнои. БатЂи отповЂдилъ: «Естъли поклонишся от̃цовь нш̃их закону, дамъ тобЂ твоє княжениє и волостъ!». ОтповЂдилъ кн̃зъ /251зв./ Михаилъ: «Поневажь Бг̃ь предал насъ самыхь и властъ нашу вь твои руки за грехи наши, для того тобЂ кланяемся и честь тобЂ отдаемъ, а закону от̃цовъ твоихъ не кланяемся и твоего злочєстиваго повеления не слухаемъ». Батыї, якъ звЂрь срокиМ, розгнЂвавшися казав заколоти кн̃зя Михаила перед собою путивлцемъ. И закололи его тут жє, и боярина его Феодора закололи. Такъ принял кн̃зъ черниговскиї Михаїлъ з бояриномъ своимъ Феодоромъ от Бг̃а венецъ мучєническиї, за вЂру пострадавши./252/

По тых часах кн̃зи Даниилъ и Василко, завоевавшися з Болеславомъ, кн̃земъ лядскимъ, пошли на него четырма дорогами: Даниил воевал около Люблина, Василко — ωколо БЂлои, дворецкии Данииловь АндрЂи — около Сану а Вышета — Подгорье. И побравши великиї полон, вернулися, и знову пошовши, воевали землю Люблинскую до реки Вислы и Сану. А гды приЂхали под Завихвостъ, не могучи Вислы переити для великои поводы, вернулися до домов, много барзо полону набравши.

По маломъ часЂ ляхи, пришовши, воевали около АндрЂіва. Ω томъ взявши вЂдомость, Даниил и Василко /252зв./ пошли на Люблинъ и били крЂпко на город такъ, ажъ ляхи просили у нихь млсти, обЂцавши не помагати кн̃зю своему лядскому на нихъ. Теды Даниилъ и Василко отишли от нихь назад, повоевавши страну тую.

Затымъ Ростиславь Михаиловичь, зятъ короля венгерского, з венгерами пришовши и собравши много пЂшихь смердовъ, 205—то естъ мужиковъ—205, воевалъ на Даниила, але Даниилъ зь своимъ воискомъ его звитяжилъ и прогналъ знову до Венгерь.

Того жь року литва, пришовши, воевали около Пересопницы, а Ишъвно Рушковичъ пошол до Пинска з литвою къ кн̃земъ Даниилу и Василку, которыи /253/ того часу поЂхали до Пинска, і воевалъ около Пинска. Але Даниилъ и Василко, ударивши на литву, барзо ихь побили так, ижь Рушковичъ ледве з малою утеклъ дружиною, а превышаи Гсда, воеводу, поимал Василко и привелъ кь брату Даниилу. И была радостъ великая з великого звитязства в Пинску.

Потомъ знову литва иншим часомъ воевала около Мелницы, і взяли полонъ великиї, але знову ихь Даниилъ и Василко побили и полонъ отняли, а самъ кн̃зъ ихь Лонкогвении 206, ранныи, утеклъ.

Ндорогичинскихъ П текст пошкоджений арк. 167 Окн̃зєй арк. 167 зв. Пгордыми Риж арк. 168 зв. СдЂдомъ

По часЂ немаломъ ятвЂги, собравшися, воевали около Охожи и Бусочна, и всю сторону тую попленили. За которыми Василко /253зв./ з воискомъ погнался з Володимера в Дорогичин. Такъ гды ятвЂги билися у ворот дорогочин[ских]Н, пришолъ на них Василко и розбилъ ихь всЂхь, и утекаючих крЂпко зь своими людми рубалъ. Тамъ жє забито кн̃зеї ятвЂзскихь, сорокъ, и воиска ихь много побито. О томъ вЂдомость послалъ Василко кь Даниилу в Галичъ, и сталося радостъ великая. Былъ Василко возростом средниї, разуму высокого и дерзновен. Межи тыми погаными ятвЂгами был Скомондь, чаровникь, которыи чарами им̃ъ вь воинЂ помагал, и того там же забито, и на кол голову вьзоткнули. И иншими часами многокрот ятвЂговъ кн̃зи крЂпко побивали. /254/

207—По тых воинахъ кн̃зь Ростиславь Михаиловичъ, зять короля венгерского, упросивши у тестя воиско венгерское, пошол в землю Лядскую, взявши княгиню свою зь собою. З ним жє пошол и Филя Гордыи, о которомъ выше реклисмо. Упросил тежъ и у Лесковои бояръ и воиска лЂпшого лядского, заставил тамъ свою княгиню, самъ з венгерами и з ляхами пошол на городы Данииловы и Василковы—207. Пришол на Ярославлъ, где много боярь и людеи Данииловых и Василковых было. Обачивши, же город крЂпокъ, пошол кь Премышлю. Тамъ прибравши болше собЂ людеи и начиня до штурму належныи справивши, знову пришол под Ярославлъ и добывалъ Ярославля штурмомъ крЂпко. А з города /254зв./ теж моцно боронилися. Тамъ хвалячися, реклъ Ростиславъ: «Гды бымъ вЂдалъ, где Даниилъ и Василко, пошол бым на них з малою дружиною и взял бымъ ихь». Тое мовивши, играл на кони и, спавши з коня, збил себЂ плечє, што недобрыи былъ ему знакъ.

ДовЂдавшися Даниилъ и Василко о Растиславовомъ з воисками приходЂ, Гсду Бг̃у помолившися, почали свои воиска збирати. Послали тежь кь Конрату о помочъ, которыи послалъ имъ свое воиско, также и з Литвы от кн̃зя Миндога упросили воиско. Которых обоихь воискъ не дождавши, сами скоро зь своимъ воискомъ пошли. И гды шиковали свое в полю /255/ воиско, явилося над ихь воискомъ мнозствω ωрловь и вороновъ лЂтаючих Ωрлы весело лЂтали, якъ плаваючи, и кричали, 208—а вороны молчакомъ, якь унылыи, лЂтали.

Которыи знакъ кн̃зи за добрыи собЂ почитаючи, бо ихь гербъ орелъ—208, пошли над рекою Саномъ, маючи и половцовъ з собою. И перешовши Санъ реку, справили воиско. Даниил сн̃а своего Лва, же был молод, поручил брату Василку, а Ростислав, услышавши ихь приход, зоставивши пЂхоту под баштою мЂскою, самъ з венгерами и зъ ляхами пошол против Даниила и Василка.

Зышовшися воиска обои, крЂпко билися, з обоихь сторон много побитых /255зв./ падало, и раненых немало было, от копиї ламаня трЂскь былъ, якь громовыи. Андреи, дворецкии Данииловъ, продковал, которому на помочъ Даниилъ послалъ был кн̃зяО Василя ГлЂбовича, Всеволода Алеξандровича и Мъстислава, которыї, не могучи доити кь АндрЂю, вернулися, а АндрЂи крЂпко бился. Потомъ обачивши Даниилъ, ижь ляхи, «Кири елеисон» голосно спеваютчи, крЂпко на Василка наступают, а Ростиславъ з Филею Гордымъ и з венгерами идутъ за ними, кинулся на них зь Яковомъ Марковичомъ и сь Шелвомъ. Шелва тамъ же пробито копиемъ, а Даниїла /256/ един венгерин похватилъ был, але ωн, вырвавшися з рукъ, скололъ венгерина, а сн̃ь его Левъ удариль копиемъ на Гордого Филю и зломилъ свое копие, не трафивши его. Затымъ Даниилъ, крЂпко ударивши, розбил полкь Ростиславовъ и короговь его разодрал. Ростиславъ зь страху побЂгъ, и венгеры за нимъ, а Василко, гды мужественно кинулся на ляховъ, и ляхи, позираючи на бЂгьство Ростиславово, почали утЂкати. За которыми женучи, воиска Даниловы и Василковы много венгеровъ и ляхов позабивали и инших тежъ поранили, и иншихь много поимали. Тамъ жє и Филю Гордого поимал АндрЂи /256зв./ и привел къ Даниилу, которого за его и пред тым на Даниила бывшиї злости Даниил, не щадячи, забилъ. Жирослав зас привелъ Ярослава, мятежника земли, и того там же забито. И много корыстеи набрали. Такое славное звитязство далъ Гсдъ Бг̃ь над гордымП кн̃земъ Даниилу и Василку в навечєриє св̃тых мученикъ Фрола и Лавра. Спалил тєжь Даниилъ мЂсто, от Ростислава пред тымъ збудованое. Затымъ пришли воиска лядские и литовские, Даниилу на помочъ посланныи, але ихьР уже не потреба ихь было, отпустили ихь с честъю кн̃зи назад.

А Ростислав, прибЂгши до Лядскои земли, взял тамъ свою княгиню /257/ и пошол до Венгеръ, бо ωн для того привез былъ свою жену, ижь сподЂвался Галичъ взяти и тутъ з нею княжити, але Гсдь Бг̃ь его смирилъ за гордость его.






Глава 14209

Ω ЧЕСТИ КН̃ЗЯ ДАНИИЛОВА У БАТЂЯ О ПРИМИРЮ ДАНИИЛА З КОРОЛЕМЪ ВЕНГЕРСКИМЪ И О ЗВИТЯЗСТВЂ ЗНАЧНОМЪ НАД ЯТВИГАМИ


Тоеи жъ осени прислал Гучков Мичючин, воевода татарскиі, кь Даниилу и Василку, будучимъ имъ в Дороговску, жебы дали ему /257зв./ Галичь. Даниил з Василкомъ, думавши и нарадившися, отказалъ, мовячи: «Не дамъ своеи отчизны, поиду самъ к БатЂеви». И, помолившися Гсду Бг̃у, Даниилъ поЂхал къ БатЂеви на празникъ св̃тго Димитрия. ПриЂхавши кь Киеву, в тои час держал Киевъ кн̃зъ Ярославь, боярина своего Дмитра Ерковича в немъ посадивши, и пришол Даниилъ въ манастыр, Св̃тго Михаила, рекомаго Выдубичъ, и призвавши игумена и братию чернцов, просилъ их о молитву о себЂ, штобы Гсдъ Бг̃ь ему млсть свою в пути предложенномъ показал. И, поклонившися св̃тому архистратигу Михаилу, вышол з монастыря, поЂхалъ в лоди, /258/ видячи бЂду страшную, пред собою татарскую, приЂхал до Переясловля, гдЂ стрЂтили его татаре. Оттолъ поЂхалъ кь КуремъсЂ, обачилъ тамъ незбожностъ татарскую, иж бавятся чарами, и кн̃зи ихь, и всЂ кляняются слонцу и мЂсяцу, и земли, и от̃цомъ, и додомъС своимъ, вь адЂ живучимъ, ходячи около куста, и иншиї скверны, ихь закон и забобоны. Оттолъ, скорбячи, Даниилъ приЂхалъ к БатЂеви на Волгу и, пришовши, поклонился БатЂеви ведлугь ихъ звычаю татарского, и вьишол въ его вежу албо в наметъ. Реклъ ему БатЂї: «Чему, Данило, давно к намъ не пришол еси? Еднакъ, ижь пришол еси, частуися, пии молокω, /258зв./ нш̃е кобылее кумут!» ОтповЂдил Даниилъ: «До сего часу не пивалемъ, за твоимъ росказанемъ буду пити». Рекль ему Батыї: «Ты нашъ естесь татаринъ, пиї наше питие!». Даниилъ, напившися, поклонился знову ведлугъ ихъ звычаю и рекль: «Иду поклонюся великои княгини Баракчиновои!». ОтповЂдилъ Батиї: «Иди, поклонися!». Потом Батии казал вина принести и реклъ Даниилу: «Не звыкли вы пити молока, пии же вино!».

О злая честь Даниилу Романовичю, которыи владЂлъ Рускими землями, Володимером, Киевомъ, Галичемъ и иншиїми, которыи славныи над неприятелми звитязства показовал, и всЂ его боялися, тои з боязнию /259/ сЂдитъ пред БотЂемъ на колЂнкахъ, холопом его называютъ и дани от него вытягаютъ! Которого от̃ць не толко руских кн̃зеи себЂ покорил, але и Половецкую землю, и Лядскую, и Литовскую зь их пострахомъ повоевал, 210—якь самодержець всея Русиї—210, того сн̃ь ему в потузЂ ровныи, в такои теперь нечести татарскои 210—попущениемъ Бж̃иимъ—210. Былъ тамъ у Батия кн̃зь Даниилъ дватцатъ и пятъ дн̃еи и, поручивши ему Батиї землю его, отпустил от себе. И такъ, отЂхавши здоровыи, приЂхал вь свою зе̃млю, стрЂтилъ его братъ и сн̃ы, плакали о бЂде ево, а радовалися о здоровю его.

Тоеи жь зимы пошол был Василко з Конратомъ на ЯтвЂги, але за великим /259зв./ снЂгомъ и сереном не могучи ити, вернулися.

Того ж року, довЂдавшися королъ венгерскиї, же Даниилъ был у татаръ и выЂхалъ здоров, и Ростислава зь его венгерскими воисками значне звитяжилъ, боячися Даниила, послал к нему посла своего вЂцкаго, жебы взял у егω дочку за сн̃а своего Лва. Даниил не инялъ вЂры, бо и пред тымъ, гды Ђздилъ к нему Даниилъ, обЂцалъ дати дочку за Данилова сн̃а и не далъ.

Тогды ж Даниилъ и Василко послали Кирила святитися на митрополию Рускую. Которыи Кирил гды заЂхалъ до короля венгерского, просилъ его королъ, жебы намовилъ Даниила, абы учинилъ з нимъ примире і взял его /260/ дочку за своего сн̃а, обЂцуючи Кирилу допроводити его з великою честию на посвЂщение, и присягь ему на тое. Теды Кирилъ, приЂхавши, намовилъ кн̃зя Даниила, ижь поЂхавши з нимъ кь королю венгерскому, учинил з нимъ примире, повыпускал королевскихь боярь, которых былъ поимал, и, взявши его дочку за сн̃а своего Лва, вернулъся додому.

В тая жь лЂта умерль великиї кн̃зь лядскиї Конратъ, славныи и предобрыи, которого смерти жаловали кн̃зи Даниилъ і Василко. Потом умерль сн̃ъ его Болеславь, кн̃зъ мазовецкии, отдалъ Мазовшу брату своему Самовиту, послухавши рады Данииловы, бо за нимъ /260зв./ была дочка брата Даниилова, Алеξандра, Анастасия, которая потомъ пошла за боярина венгерского Дмитра. И сЂлъ Самовитъ в Мазовши.

Тогды ж Даниил і Василко за свое кь Самовиту добродЂиство вызвали его зь собою на ятвЂги, взявши у Болеслава ляховъ на помочь, з которыми знялися у ДорогичинЂ. Пошли и ляхи за болота на сторону ятвЂгов, за що Даниилъ и Василко на них розгнЂвалися и полону много взяли, воевавши до вечера. И собралася вся земля ЯтвЂзская, и пришли от нихь злинцы кь Даниилу без боязни, мовячи: «Оставъ намъ ляховь, а самъ поиди с покоемъ зь зе̃мли нашеи!»./261/ Але Даниил того не учинил, а ляхи осторожилися. Теды ятвЂги вночи напали на ляховъ, ляхи крЂпко боронилися сулицами и каменми, и головнями кидали, але тЂсно имъ было от ятвЂговъ. Для того Самовитъ послал до Даниила, о стрелцовь просячи. Ωн, гнЂваючися за тое, же вперед зажъгли село и знакъ ятвЂгомъ дали, не хотЂлъ посылати, але ижь ятвЂги уже острогь ихь хотЂли ломати, послалъ стрелцовь, которыи, поразивши ятвЂговъ, от лядского острога отбили и успокоилися.

НазавтрЂе собралося мнозство ятьвЂговь и пЂших, и Ђздныхъ такъ, ажъ лЂсы ихь полны были, зажгли /261зв./ колымаги, то естъ станы свои в недЂлю. И шол вперед на нихь Даниилъ з ляхами Болеславовыми, за нимъ Василко з Самовитом, а назадЂ Лазер з половцами. На Лазаря напавши, ятвЂги короговь его отняли, а он прибЂгь к Василку, и стала великая битва. ЯтвЂги натирали, а Василко з Самовитомъ крЂпко их отбивали, зъ обоих сторонъ много людеи забитыхь падало. Затымъ Василко послалъ до Даниила, и прибЂгши Даниил, почалъ на ятвЂговъ крЂпко бити такъ, ажь ятвЂгове, ωбачивши болшую крЂпость рускую и лядскую, почали уступати, а Даниилъ и Василко, и ляхи, идучи за ними, плЂнили и палили ихь землю. Перешовши реку Олегь, хотЂли стати в тЂсныхь мЂстьцах, але /262/ Даниил рекль: «Намъ пространное стояние естъ крЂпость, а поганцомъ тымъ теснота естъ обороною». И такъ, пришовши, за купленои стали, на чистомъ поли. Еднакь же и там ятвЂги на нихь нападали, а рус и ляхи гнали за ними, и много ятвЂзскихь кн̃зеи позабивали, и прогнали до реки Олги, и перестала воина.

Назавътрее вожи, не вЂдаючи, куды кн̃зеи провадити, блудили тамъ. Поимавши двох поганцов, забили, третего живого привели къДаниилови. Казал ему Даниилъ, жебы ихь на добрую привелъ дорогу, обЂцуючи ему животъ. Он ихь повел, и перешли рЂку Лукь. Назавтрее прибЂгли к нимъ прусы и борты. Теды, з конеи позсЂдавши, воиска вьоружилися /262зв./ пЂшиї, щиты ихъ, якъ зари свЂтлые были, шоломы албо прилбицы, якь слонце вьсходячєе, светилися, копиі в руках держали, а стрЂлцы, по обоимъ сторонамъ идучи, рожанцы албо луки в руках держали, наложивши на них стрЂлы. Даниилъ зас самъ воиско шиковалъ противъ ятвЂговь. Што нЂкоторыи от них обачивши, рекли ятвЂгомъ: «Можете ли сулицами дерево великое поддержати? Такъ теж кто можетъ на тое воиско осмЂлитися?».

За тымъ словомъ ятвЂги вернулися додому, а Даниил оттол зь своими пришолъ вь Кнезно и, перешовши рЂку Нарву, и многих хрестиян з полону поганского освободивши, хвалили Бг̃а, /263/ и пришли зь славою вь свою зе̃млю, подобен зоставши от̃цу своему Роману, которыи половцовъ наголову побивал. И страшен былъ имъ такъ, же и детєи своих его именемъ страшили, мовячи: «Романъ! Романъ!». Такъ и дЂти его имени полохалися.











Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.