Попередня     Головна     Наступна

Глава 15²¹¹

Ω СЛАВНОМЬ ПОЂЗДЂ ДАНИИЛОВОМЪ ВЪ ВЕНГЕРЫ И О ВОИНЂ ЕГО ЗЪ КН̃ЗЕМ ЛИТОВСКИМЪ МИДОГОМЪ

Потомъ прислалъ корол венгерскиї до Даниила, просячи его себЂ в помочь на воїну з нЂмъцами. /263зв./ Послухавши прозбы его, Даниил пошол на помочъ и пришол кь Пожегу. В тои же час пришли и послы немецкии къ королю: воевода цр̃ьскии, бискупъ жалошъпурскии, рекомыи солшиї, и Гарих Пурунскиї, и ^212—Ота Гаретеник ПЂтоискии^—212. З тыми послами выЂхалъ корол венгерскии противъ Даниила. А Даниилъ, приЂхавь к нему, справивши полки свои, и дивилися нЂмцы поЂзду Даниловому и оружию ихь татарскому, были бовЂмъ кони ихь в личинахъ и в коярех кожаных, и люди вь ярицах. И была свЂтлостъ велика от полковь Данииловых, оружия блистаючогося. Самъ зас кн̃зъ Даниил Ђхал до короля ведлугь звычаю руского: был бовЂмъ кон под нимъ барзо дивныи, седло от золота чистого, каменми дорогими сажоное, /264/ стрЂлы и шабля золотомъ мистерне поробленыи на див кожухь ωловила грецкого, круживами золотыми обшитыї плоскими, чоботы зеленого хоза, золотом шиты.

НЂмцы, на тое все смотрячи, барзо дивилися, а корол рекль Даниилу: «Не взял бымъ тысячи червонных за тое, же пришел еси обычаемъ рускимъ от̃цовь своихь». И просился Даниилъ вь стан королев, бо было тогды барзо парно. Корол, взявши Даниила за руку, вьвел его вь свою полату, и самъ розболокалъ его и оболокал его вь свою одежду, такъ великую честь ему чинячи. По томъ^Т прозбЂ королевскои Даниил досыт учинивши, вернулься вь свою землю. /164зв./ Тых же часов Миндогь, кн̃зъ литовскиї, выгналъ своих сыновцовъ Тевтивила и Едивила от себе, пославъ ихь на воину з вуемъ своимъ Выкинтомъ воеват на Рус къ Смоленску, мовячи: «Кто што себЂ здобудетъ, то будетъ и держати», бо их богатство на тои чась литовское притерто было. И пощастилося имъ в воинЂ, бо Тевтивил взялъ Полоцкъ и зостал кн̃земъ полоцкимъ, а Викинть кн̃земъ витебскимъ. Едивилъ зас въ князст†Смоленскомъ взялъ килка городовь, и сидЂли, не дбаючи о Миндога. Чого не терпячи Миндогъ, ижь его не слухали, за ними жъ послал своих людеи, жебы ихь побили. О чомъ они, довЂдавшися, побЂгли къ кн̃земъ Даниилу /265/ и Василку, и пришли в Володимерь. За которыми вьслЂдъ прислалъ Миндогь кь кн̃земь, жебы сн̃овцомъ его не показали млсти, але они Миндога не послухали, сестра бовЂмъ ихь была за Данииломъ.

Того ж часу послалъ Даниилъ кь лядским кн̃земъ, рекучи: «Слушная реч поити на поганцовъ литву, коли меж собою биются». И обЂцали ляхи, але не пошли теды. Послалъ Даниилъ Викинта вь ЯтвЂги и вь Жмод, и кь нЂмцомъ вь Ригу, затягаючи ихь на помочъ себЂ, и всЂ обЂцали, наибарзЂи нЂмцы обЂцали Тевтивилу на Миндога помочъ. Затымъ Даниилъ з Василкомъ пошли /265зв./ кь Новгороду Литовскому, и, надумавшися, Даниилъ послаль Василка на Волковскъ, а сн̃а на Слонимъ, самъ зас пошол къ Здитову и, побравши многиї городы литовскиі, вернулися. Потомъ послалъ Даниилъ Тевтивила и з нимъ помочъ свою, воиска рускиї и половцовъ, и много воевалися, и пришли з полономъ в Ригу. Приняли Тевтивила рыжане з великою честию и тамъ его окрестили в рымскую вЂру.

ДовЂдавшися Миндогь, ижь хотятъ Тевтилу помагати бискупъ и всЂ духовныи, и вся земля Рымъская^У, послал таемне кь АндрЂю, учителю ризскому, дары многи золота і серебра, и сосудов /266/ дорогихъ, и конеи, просячи, жебы албо забилъ, албо выгналъ Тевтивила, и болшии дары обЂцуючи. АндрЂи, взявши дары, отказал: «Если не пошлешъ кь папЂжу и не примеш от него крещения, не учинишь неприятелеви твоему ничого». Учинил такъ Миндогь, окрестился, але облудное его было крещение, бо по-старому таемне своимъ богомъ офЂру приносил, ^213—КонадЂеви и Калявилу, и Дереверикзу^—213, заячому бг̃у и^Ф МедЂиныи. Гды кто выехалъ в поле, а заяць з поля побЂгь в лЂсь,— в тои лЂс не годилося входить, ни розги уломитъ, але бг̃у заячому офЂру приносити. Ω томъ крещениі Миндога сказали Тевтивилу. Бискупъ ризскиї и пробощъ Выржанъ^Х, /266зв./ жалуючи его, и АндрЂя зь его уряду зкинули.

Тое услышавши, Тевтивилъ пошолъ вь Жмод, кь вуеви своему Викинту. И взявши тамъ жмод и ятвЂговь на помочъ, з русю и зь половцами, ему от Даниила данными, пошол на Миндога. А Миндогь, аже готовое мЂль воиско, и вьишовши в город, названныи Вирута, вночи выслалъ шурина своего, которого рус и ятвЂги прогнали. Назавтреє вышли нЂмцы и самострЂлы, за которыми русь з половцами и зь ятвЂгами уганялися. Потомъ пошли знову до Жмод. Миндогь зас, собравши воиско великое, пошол на город Викинтовь, названныи Твиримет^Ц. Выехавши Тевтивилъ з русю, з половцами /267/ и зь жмотю, билися з нимъ крЂпко и, гонячи литву, пострелил половчин коня Миндугова вь стегно. Теды Миндогь вернулъся вь свою землю, а воиско, бившися з собою и гнавши литву, под тым же городомъ убили Висимота.

Ωттолъ прислалъ Тевтивилъ до Даниила, ознаимуючи ему о прогнаню Миндога и запрошуючи его, абы ишол кь Новгороду. Даниилъ з Василкомъ и з сн̃омъ своим Лвомъ, и з половцами, и з сватомъ своимъ, кн̃земъ половецкимъ Тиганомъ, пришли^Ч до Пинска и, взявши пинчанъ зъ собою и неволею на воину, попленили всю землю Новгородскую, и зь полономъ великимъ /267зв./ вернулися. Такжє и ятвЂги пошли были Даниилу на помочъ, а за великими снЂгами не могши доити, побрали полонъ и вернулися. Потомъ послал Даниилъ брата своего зъ сн̃омъ своимъ Романом, и, взявши Городецъ, вернулися от БЂлска додому.

Того жь року прислал Миндогь кь Даниилу, просячи примиря и жебы ему сватомъ зосталъ, а Даниил, послышавши от Тевтивила, же ятвЂгов к себЂ сребромъ Миндогь перенанялъ, гнЂвался на нихъ. /268/ ^Ш—Ш

Глава 16²¹⁴

Ω ВОЕВАНЮ И ЗВИТЯЗСТВАХ КН̃ЗЯ ГАЛИЦКОГО ДАНИИЛА В ЗЕМЛИ ЧЕСКОИ О ПРИСТЪЮ К НЕМУ ПОСЛОВЪ ПАПЕЗСКИХЪ

В тых жє лЂтахъ убиенъ был цр̃ь немецкии ^215—Генрикъ, рекомыи Фриндрихъ^—215, от своихь бояръ на воинЂ, и сталъ мятежь великии межи силными людми и его панство, ω землю Ракускую и о землю Отырскую. Королъ венгерскиї, рикъ, и королъ ческиї воевалися о тую землю. Корол венгерскиї дал сестру Генрикову за Романа, сн̃а Данилова, и обЂцал Роману городы немецкиї /268/ дати, хотячи от Даниила помочи засягнути. Потомъ послал до Даниила, мовячи: «Естес мнЂ свои сватъ, поможи мнЂ на чехи». А самъ корол пошол на Опаву путемъ своимъ, воевалъ землю Моравскую и многиї городы розсыпав, и пожогь, и великое забоиство учинилъ в тои земли. Даниил, послухавши прозбы короля венгерского, пошол з воискомъ ему на помочъ и, знявшися з Болеславомъ полскимъ, думалъ якбы проити землю Опарскую^Щ. Болеславь не хотЂл ити, але его упросила жена его именем Кинка, дочка венгерского короля. А Даниилъ з великою охотою хотЂлъ ити на Чехи, частъю для королевскои прозбы, частъю /269/ для славы, ни един бовЂмъ кн̃зъ рускиї, ^216—ни Мъстислав Храбрыи^—216, ни св̃тыи Владимеръ не входилъ воевати в землю Ческую.

Взявши теды сн̃а своего Лва и помочъ от брата Василка, знявшися з Болеславомъ, пошли зь Кракова и пришли на реку Одру къ городу, названному Козлиї. Тут приЂхалъ к нему Владислав, сн̃ъ Казимеров, Лескового Межки, і взявши конных и пехоту, пришли к рецЂ ПьсимЂ. Там же учинили раду Даниилъ и Левь зь Владиславомъ, куды б воевати, але Владиславь не сказал правды, далъ проводниковъ зь хитростью. И послал Даниил сн̃а своего Лва и Тевтивила, и Едивила, /269зв./ дворского, и все воиско с проводниками, а самъ застал^Ю з малыми и старыми боярами и зь Георгиемъ, Василковымъ тысяцкимъ. Левъ, идучи, воевалъ, а обачивши, ижь проводники лъгутъ, не слухаючи ихь, пошол в горы лесные, и взялъ великии полонъ. Даниил зас з Болеславом полскимъ ишолъ къ ОпавЂ, и послав Болеслав чатою на подслухь своихъ ляхов. Андреи з чехами, выехавши зь Опавы, споткал ляховъ и, бившися з ними, звитяжил ихъ, бо немного ляховъ было, и иншихъ побилъ, инших поималъ, которыи^Я звитязствомъ перестрашилися ляхи.

Даниил, приЂхавши до ляхов, мовил имъ: «Для чого страшитеся, не знаете ли, ижь на мужеи военныхъ, а не на жон пришли есте? Воина без забитых не бываетъ. Што за чюдо, /270/ ижь мужь будетъ забитъ на воинЂ? И иншии в дому без славы умираютъ, а тыи побитыи зь славою воины умерли. Укрепите сердцы ваши, подвигнЂте оружие ваше на неприятелєи, не боитеся!» Тыми словами и иншими многими додавши серца ляхомъ, Даниил ишол з ними къ ОпавЂ, славному мЂсту ческому, и, обачивши, ижъ з селъ утекаютъ люде в город, а не маючи кого за ними в погоню слати, бо людеи своихь отослал был зь сн̃омъ Лвомъ, рекль Владиславу: «И мнЂ учинилес неправду, и себе погубилес! Гдыбы Лев и люди моЂ, туть были, великую теперь учинили бысмо земли сеи поражку и город сеи ческии зарась взяли бысмо!» И жаловал, /270зв./ што отославъ сн̃а своего Лва з воискомъ, а ляховъ побужалъ, жебы ишли къ городу. Они не хотЂли, але далеко стали от городу, бо не было с кЂмъ воевати. Теды реклъ Даниилъ: «Если вы идете проч, я хочю самъ воевати з малою дружиною и сождати воиско свое». Послухавши Болеслав, сталъ нижше города на рецЂ ОпавЂ, не смЂли бовЂмъ ляхи от Даниила прочъ поити, жебы ихь без него чехи, напавши, не побили.

Того ж вечєра пришол Левъ зь воискомъ и привел великии полон зь собою ческии, и зараз учинили раду: назавтреє переити реку и облегти город, и попалити всЂ околичныи домы и гумна, и огорожи. Назавтреє /271/ Болеславъ не перешолъ за реку, але ставъ на горахъ, справивши воиско. А Владиславь перешолъ з Данииломъ и, перешовши под едну башту, пожгли, потомъ пошли къ другои баштЂ. Зъ тоиеї выЂхали на ихъ чехи, але чеховь з килка убили, а инших прогнали. А Бенякъ стоял с корогвою пред баштою. И около другои башты пожгли огорожу и хаты а гды пришли до третєи башты, казал Даниилъ, абы зъсЂли з конеи, а жъгли все около города. И скоро зсЂли всЂ разомъ з конеи, обачивши нЂмцы наступоване руское крЂпкое, которыи стояли пред баштою, всЂ побЂгли и убили ихъ з килка бЂгучих, и иншии утекаючи /271зв./ и башты не заперли. Того Даниил не обачил, бо зненацка на очи захорЂл был. Люд его кинулся был к баштЂ незапертои, а ωнъ, добывши меча, отвернулъ ихь ωт башты, не видячи, же башта незаперта. Для того и не взялъ города. Потомъ, увЂдавши, што сталося, барзо жаловал, же не взял города, и реклъ сынови Лву: «Пожжи все около города!» А самь, болЂючи очима, пошол вь свою коломагу, то естъ вь стан албо наметъ. Многиї радили ему, жебы вернулся, але не хотЂлъ того учинити.

Назавтреє собравшися, пошли в верхъ Опавы, палячи и полон беручи, и стали подле города, названнаго Насилия. А послышавши, /272/ ихъ^Ь в том городЂ естъ много поиманных, ляховь и руси, назавътреє справивши воиско, почали приступати кь городу. Видячи насиляне великое барзо воиско и приступъ крЂпкии, убоявъшися, здалися Даниилови. А Даниил, взявши город, выпустилъ колодниковь, то естъ неволников, рус и ляхов поиманных, и корогов свою поставилъ на городЂ, оказуючи свое звитязство, а имъ млстъ показал.

Оттол вышовши, стал на веси немецкои и послышавши, ижь Беняшъ поЂхал вь Глубичичи, назавтреє, спочивши полки, з Болеславомъ пошол, жгучи, къ Глубочичомъ. А Владислав, пославши /272зв./ вперед, все около города попалил. И гды пришолъ Даниилъ з Болеславом к городу, все воиско хотЂло добывати города. А гды искали соломы и дерева, чим бы приступ чинити и палити огорожу городовую, бо была зь елины учиненная, не нашли ни дерева, ни саломы: Владислав все вперед попалилъ был, зле учинилъ. Для того и города не запалили и не взяли.

Того ж вечера думали, куды бы поити: если къ Особолизи албо на Гербурта, албо додому вернутися. Тогды ж прислалъ Гербуртъ Даниилови мечъ з покорою своею, ему кланяючися. Теды Даниил з Болеславомъ и зь сн̃омъ своимъ Лвомъ, /273/ надумавшися, ижъ всю Ческую землю попустошили, назавътреє вернулися вь свою землю и, перешовши рЂку Одру, прошли землю Владиславову.

Тогды были вь Крако†послы папезскиї, присланы з короною королевскою и зь скипетромъ къ кн̃зю Даниилу, и хотЂли въ Крако†видитися зъ кн̃земъ Данииломъ, але кн̃зь Даниилъ имъ отказал, мовячи: «Не слушная речъ мнЂ з послами в чюжои земли видЂтися, в моеи земли Рускои нехаи со мною увидятся».

Ωттол, прошовши через зе̃млю Судомирскую, пришол с великою славою и честъю вь свои город Холмъ і, вшовши в церковъ Пресвятои /273зв./ Бд̃цы, падши, поклонился, хвалячи Гсда Бг̃а, бо ни единъ пред тымъ кн̃зь рускии не въходилъ в землю Ческую. И увидившися з братомъ, веселился, ходячи до церкви Св̃тго Иоанна Злотоустого вь градЂ ХолмЂ.

Глава 17²¹⁷

Ω ПРИСЛАНЮ ПОСЛОВЬ ОТ ПАПЕЖА РИМСКОГО И О ПРИНЕСЕНЪЮ ПРЕЗ НИХЪ КОРОНЫ КОРОЛЕВСКОИ И СКИПЕТРА КН̃ЗЮ ДАНИИЛУ, И О КОРОНОВАНЮ ЕГО НА КРОЛЕВСТВО РУСКОЕ /274/

Року ωт Рождества Хрства 1246, ведлугь Стрииковского. ПриЂхали къ кн̃зю Даниилу, продку кн̃зеи Острозских, присланы значныи послы от папЂжа римского Инокентия Четвертого: Опиж, опат мезанскиі, и ^218—бискупъ маденскиї, на Лугдунскомъ соборЂ назначеныи. Принесли ему корону королевскую и скипетръ за его славныи дЂла рицерскии и за звитязства над многими панствами значныи, особливє над Поляками, над Венгерами, над Чехами, над Литвою и над ЯтвЂгами, которыхъ завше, наЂзжаючи, бил и пустошил крЂпко, и рускихъ кнзеи /274зв./ себЂ в послушенство привел^—218. Тыи послы мовили кь кн̃зю Даниилу папежскиї овыї слова: «Прими, сн̃у, от нась корону кролевства!». И пред тым присылалъ папеж къ Даниилу бискупа беренскаго и каменецкого з короною королевскою и зь скипетромъ, але Даниил в тои часъ не принялъ, мовячи: «Воина татарская на насъ не перестаетъ, зле живут татаре з нами. Якъ могу приняти корону, если твоеи помочи мЂти не буду». Для того през сихъ другихъ пословъ, приславши корону и скипетрь, папеж отписал к Даниилу, обЂцуючи ему от себе и помочъ, жебы толко принялъ корону и скипетръ, але и такъ еще не хотЂл приняти, аж его убЂдила матка, /275/ Болеславъ, полскиї манарха, и ^219—Самоит, жмодскии^—219, бояре лядскиї, мовячи: «Прими королевскую корону, а мы всЂ тебЂ будемъ помагати против пагановъ!».

Теды кн̃зь Даниилъ принялъ в ДорогочинЂ корону королевскую и скипетръ от Гсда Бг̃а и от престола св̃тых апостолъ Петра и Павла, от папы римского Инокентия и, ^220—укоронованыи от своих православныхъ епископов^—220, засталъ всея Руси, на полудню лежачеи, королемъ.

Инокектиї албовЂмъ тои папа проклинал тыхъ, которыи ганили вЂру правовЂрную грецкую, і в тои чась не было гонения на вЂру грекорускую, ни ганили еи, и овшемъ хотЂл соборъ собрати папа, жебы церковь западную, восточную соединити./275зв./

Глава 18²²¹

Ω ЗВИТЯЗСТВЂ СЛАВНОМЪ КОРОЛЯ ДАНИЛА ДВОЯКОМЪ НАД ЯТВЂГАМИ И О БРАНЪЮ ДАНИ ОТ НИХЪ, ТУТ ЖЕ И О ЗВИТЯЗСТВЂ НАД КН̃ЗЕМЪ ИЗЯСЛАВОМЪ

Потомъ хоролъ Даниил сь сн̃омъ своимъ Лвомъ, Самоитом, кн̃земъ жмодскимъ, пошол на ятвЂги, землю ихъ воюючи. ДовЂдавшися

Левъ, ижь Стеикинтъ, кн̃зь ятвЂзскиї, осЂклъся в лЂсє зъ ятвЂгами, побЂгь на его, взявши зъ собою частъ воиска, и пришол кь осЂку. А ятвЂзи выбегли противъ его зъ осЂка. Люде его /276/ конныи отбЂгли, Левь зас, самъ зьсЂвши з коня, почал битися зь ятвЂгами. Што обачивши, Лвовы люде навернулися къ Лву на помочъ. Левь самаго Стеикита копиемъ ударилъ вь щитъ, а потомъ мечем его забилъ, тут жє и брата Стеикентова мечем проколол. ЯтвЂги почали утекати, а Лев, зь своим воискомъ доганяючи, много ихь позабивал. Корол Даниилъ вьшол во дворъ Стеикентовъ, там же кн̃зъ Левъ принеслъ от̃цу своему, королю Даниилу, оружие Стеикентово и брата его, оказуючи свое звитязство, з которого королъ Даниилъ барзо радовался.

Тут жє зараз приЂхал ωт ятвЂгь Комат, обЂцуючи /276зв./ королю Даниилу ятвЂговь подданство. А ляхи, зазрачи тому, почали прияти ятвЂгомъ, жебы в панство не поддавалися. За што розгнЂвавшися, корол Даниилъ казал повоеват землю ЯтвЂзскую и домъ Стеикинтовъ велю погубити, которыи и до сего дн̃я стоит пусть.

Оттолъ пошол Даниил додому и, идучи над озером, видел при березЂ гору пенкную и ^222—город, на неи бывшн, названныї Раи, пустыи^—222.

Тых же лЂтъ приЂхали татаре къ БакотЂ, которыи зарас передал Бакоту Милеи. Корол Даниилъ послалъ на Бакоту сн̃а своего Лва, которыи, зьЂхавши, поимал Милея и з нимъ баскака, и заЂхал Бакоту знову /277/ от̃цу своему, королю Даниилу, и привел к нему поиманнаго Милея. Которого за причиною того ж сн̃а своего Лва, поручаючогося, ижь вЂрныи обЂцался быти, ^А—А корол Даниилъ. Але Милеи, выпущены, знову татаром передалъ Бакоту.

Потом самъ Куремся, кн̃зь татарскии, пришол къ Кремянцу и, ничого не учинивши, вернувся, толко двоедушного АндрЂя, королевскимъ и татарскимъ отзываючагося и мовячого: «Маю грамоту БатЂеву», поимали и, забивши егω, серце з него выняли.

Того ж часу от татар тых кн̃зь Изяславъ просил татарского воиска себЂ на помочъ, хотячи поити /277зв./ в Галичъ. Татарове ему мовили: «Королъ Даниил лютъ естъ, отоиметь тебЂ животъ!» Пошол еднакъ Изяслав, собравши своих, и вышол в Галичъ. О томъ довЂдавшися корол Даниил, жалосныи, послал зъ своими боярами Романа, сн̃а своего, на Изяслава. Роман, днемь и ночю пошовши, зненацка вьишол в Галичъ. Изяслав, ни маючи, где утечи, вьзбЂгь на коморы церковныя з людми. Около его гды Роман стоялъ три дн̃и, Изяслав, знемогши жаждою, четвертого дн̃я зышол. И поимавши его, кн̃зъ Роман привел къ от̃цу своему.

Потом корол Даниил пошол на ЯтвЂги зъ братомъ своимъ и зь сн̃омъ Лвомъ, и зь /278/ Шварномъ, молодымъ. Пришол к нему з Новгородка и Роман, снъ, з новгородцами всЂми и с тестем своимъ ГлЂбомъ, и сь Изяславом выслоцким, такжє и Самовит з Мазовши, такжє и от короля лядского Болеслава на помоч судомирцы и раковляне пришли, и стало великое воиско. Самъ корол Даниил пред тым всЂмъ воискомъ пошол наперед. Анънад ему был проводникъ, которому обЂцалъ корол не палити его села. Ђхал з королемъ сн̃ъ его Роман.

А гды приЂхали къ селу, названому Болкидища, послал тамъ сн̃а своего Лва зъ братомъ своимъ Василкомъ. Тыі, обЂхавши тихо, все село высекли, едного толко живого къ королю привели, которыї ему /278зв./ ознаимилъ, ижь ятвЂги собралися в селЂ, названомъ Привища. К тому селу потягнулъ королъ Даниилъ, а^Б другого селца Оликидища выбегль ятвЂжинъ и дал своимъ знати. А королъ зь своими, справившися, пошолъ теды. В концы села Привища стрЂтили ихъ стрелцы ятвЂзскии и почали стреляти. А корол Даниилъ зъ Лвомъ, сн̃омъ, крикнули барзо на своих: «Сюды, сюды!» От того крику побЂгли ятвЂги. И прибЂгши къ своимъ, посередине села знову навернули на короля. Даниилъ тєжъ на них зь Лвомъ наступовал. Стрелцы крЂпко стреляли, а воиска оружеиныи не приспЂли еще королевы, и, бьючися зъ собою, /279/ многиі летали на землю, бо был лед слизкии зимою. ЯтвЂги почали к воротам уступоватї и змешалися. Корол Даниил зъ Лвомъ кинулися в ворота и розбили ятвЂгов, а ятвЂги побЂгли всЂ, наворочаючися. Корол Даниил и Левь инших утекаючихъ зь хворостов сЂкли, и инших вязали, и много неволников наимали. И зышовшися з Василкомъ и з Семовитомъ, тЂшилися о звитязст†поган.

Такъ Даниил звитяжил гордыхъ ятвЂговь и злинцовъ, и криснЂмцовъ, и починцовъ, и попленили села их, а на Привищах заночовавши, побрали их добра и пожгли ихъ домы. Назавтрее пошли далеи, /279зв./ жгучи ихь села и з земли полон беручи, попалили Таисевичи, ^223—Буряву, Рамочеика, Мата и Дора^—223, и домъ Стеикинтовъ, и иншии городы попленили. В селЂ Карковичах на двухъ дворахь великое ставши воиско, не могли всего поЂсти ^В—В сами, и кони ихъ наЂвшися, остатокъ спалили, и не было ниякои пакости воиску Даниила, короля, ωт ятвЂгъ, бо страх великии на них напалъ.

Тамъ жє приЂхали къ королю Даниилу ятвЂги, примиря просячи, ижебы неволников ихъ не забивалъ. Теды Даниил отишолъ от нихъ и пришолъ зъ звитязствомъ и славою вь свою землю.

По часЂ немалом корол Даниилъ знову хотЂлъ поити /280/ на ятвЂги, о чомъ довЂдавшися, ятвЂгове прислали своих пословъ къ Даниилу, обЂцуючи ему дан давати и робити, и городы ставляти. Королъ послалъ к нимъ Коснятина, названного Положишила, для выбираня дани, которыи брал на ятвЂгахь дан, чорныи кони и бЂлое, сребро. Зъ которыи дани дал корол Даниил даръ значныи воеводЂ лядскому Сигневу для свидЂтелства, жебы вЂдала Лядская зе̃мля, ижь платили ятвЂгове дан королю Даниилу, Романовому сн̃у, на припоминане вЂчное великого его мужества. Никто албовЂмъ зъ кн̃зеи руских; такъ не повоевал земли моцно ЯтвЂзскои, толко великии кн̃зъ Роман и сн̃ъ его Даниилъ./280зв./

Глава 19²²⁴

Ω НЕВЫПОЛНЕНЬЮ ΩБЂТНИЦЫ КОРОЛЯ ВЕНГЕРЬСКОГО СН̃У ДАНИЛОВОМУ И О ЗВИТЯЗСТВЂ КОРОЛЯ ДАНИИЛА НАД ЗВЯГЛЕМЪ НАД ЛИТВОЮ И НАД КУРЕМСЮ, КН̃ЗЕМЪ ТАТАРСКИМЪ

Корол венгерскиї, риксь, которыи дал сестру короля немецкого за Романа, сн̃а Даниилова, тои^Г обЂцалъ Романови помагати и дати зе̃млю Немецкую, на што и присягь матери егω и ему, але николи не давал помочи против Генрика. Един раз пришол Генрикь под город на Романа. И бившися, а не могучи его добыти, реклъ /281/ Роману: «Много тебЂ корол венгерски обЂцуетъ, а не чинитъ ведлугь обЂтници. Отступи от него ^Д— а самъ^—Д со мною на него! Ты мнЂ своякъ, я с тобою по половицЂ подЂлю землю Немецкую. На томъ тобЂ поруку поставлю от̃ца, папу рымского и двенатцатъ епископов». ОтповЂдилъ ему кн̃зь Роман: «ГрЂхь мнЂ и соромъ не слухати от̃ца своего второго, короля венгерьского, и отступовати от него». З тыми Генриковыми словами послал Роман кь королю венгерскому. А корол ему въ своеи Венгерскои зе̃мли обЂцал городы дати, з Немецкои вызываючи. Был бовЂмъ в тои чась Роман въ Ведню з материю, где голод был великии, такжє и конеи люде Ђли. Княгиня, мати Романова, сн̃у /281зв./ радила оттолъ къ отцу поити. И ωн пошол былъ, але ижь не моглъ оступленыи з мЂста выити, единъ пан именемъ ^225—Берелгеръ, прозвискомъ Присвел^—225, знаючи Романову доброту, бо был з Романомъ на воинЂ, пришовши з потугою, вывел Романа з мЂста ^226—и пошол къ от̃цу своему^—226.

По тых часах почал воину корол Даниилъ против татар за тое, же Куремля^Е , кн̃зь тятарскиї, воевал на Кремянецъ. Надумавшися з братомъ Василкомъ и зъ сыномъ Лвомъ, послал Дениса Павловича і взялъ Межибоже. Данииловы і Василковы люди воевали Болоховъ, Лвовы зас-Побоже, людеи, голдуючихь татаромъ. А гды настала весна, послал корол Даниилъ Шварна, сн̃а своего, на городокъ СЂмочъ. И всЂ городы, /282/ СЂмочъ, Городискъ и иншиї, за татарами сЂдячи, побрали, и по Тетереви до Жидчиева²²⁷ Шварнь побралъ. И по немъ пришли белоберезцы и чернятинцы, і всЂ болоховцы къ Даниилу.

Затымъ къ Даниилу прислалъ Миндогъ, кн̃зь литовскии, намовляючи, жебы ишол къ Звяглю, оттол к Киеву, обЂцуючи к нему Романа, сн̃а своего, на помочь з новгородцами и з литвою до Звягля. Корол Даниилъ з Василкомъ, зъ братом, и зь сн̃омъ Лвомъ притягнули под Звяглъ. И послал Даниилъ сн̃а Шварна з пятиюсотъ люде, жебы обышол город, абы никто з города не утеклъ. Звяглицы, обачивши мало людеи зь кн̃земъ Шварномъ, насмЂвалися з них. Корол Даниилъ, не дождавши /282зв./ литвы, назавътреє пришол со всЂми своими къ городу. Граждане, устрашившися, здалися Даниилу, а Даниил зараз город запалилъ, а людеи брату и сн̃омъ, и себЂ поделил. Тогды ж пришол к нему сн̃ъ его Роман з Новгородка и литва. А обачивши литва толко головни вь спаленомъ городе, розгнЂвалися. И Роман пошол кь ωт̃цу, а литва, пошовши, воевали около Луцка. Кн̃зи тежь, голдуючиі Даниилу, и люди Василковы, Юрьї, Олеξа, дворскиї, и иншнї, без вЂдомости Даниила и Василка побЂгли за литвою. Литва выбегла противъ ихь, и гды почали битися крЂпко, литва почала утекати. А Данииловы воиска, женучи за ними, вьгнали ихъ вь озеро. И кидалося десять мужєи на одного коня, /283/ и такъ утопали, и наполнили трупами и збруями озеро. А люде тамошниї ихъ выволокивали и великую з них корыстъ побрали. И королю Даниилу и Василку саигат албо здобычъ великую послали. Гетманы того воиска литовского Миндогового тыи были хвалны: которыи в Черниговскои земли великое чинил забоиство, того Даниловы люди забили, и Сирвидъ Рушковичъ — тои утеклъ, и иншихь многих тамъ побито и поимано. За которое звитязство Даниил и Василко хвалили Гсда Бг̃а, радуючися.

Потом Куремся, кн̃зъ татарскиї, без вЂсти пошол на Даниила, будучого в тои час в ХолмЂ. Куремса, не перешовши Стыра, послал люди свои /283зв./ к Володимеру, гдЂ былъ Василко, збираючи воиско. Тамъ жє, выЂхавши зь городу, володимерцы билися крЂпко з татарами, прогнали татаръ, ажь татаре, прибЂгши к КуремсЂ, ознаимили крЂпостъ володимерцовъ. А Даниилъ и Василко збирали воиско на татар. В томъ часЂ загорЂлся Холмъ, зь неопатръности еднои бабы запаленъ. Люде, здалека видячи великою зару огня, всЂ в лесы утекали, разумЂючи, же татаре мЂсто палят, за чимъ Даниилъ не могль людеи на воину собирати. И згорЂло мЂсто Холмъ з жалем людеи великим. Даниилъ, жалосны, поЂхалъ к Василку в Володимеръ, на Бг̃а печал вьскидаючи. Тамъ собрали мало дружины. Оттол выЂхавши, /284/ люде Василковы напали на татар и, побивши ихъ, поотнимали неволниковъ. Куремся самъ стоялъ под Луцкомъ. А Луцкъ ^228—по звоеваню от Батия^—228 не мЂлъ крепкои огорожи, и много тамъ збЂглося было людеи. Изъближившися Куремся кь Луцку, не могь реки переити, бо вода была велика, и хотЂлъ через мостъ поити, але^Є луцкии люде отсЂкли мость. Куремся поставилъ пороки отбивати людеи, але самъ Гсдъ Бг̃ь учинил оборону чюдовне, бо вЂтєръ великиї, повставши, пороки гналъ на татаръ и на них камене оборочал, и их жє било, и поламалися пороки. Такъ Бг̃омъ прогнанныї татаре, ничого не справивши, отишли въ сваи станы, ^229—то естъ в наметы^—229. /284зв./

Глава 20²³⁰

Ω ПОЧАТКУ И О ЗАЦНОСТИ МЂСТА ХОЛМА О ПОВОЕВАНЮ МЂСТЪ РУСКИХЪ И ЛЯДСКИХЪ ОТ БУРУНДУ, КН̃ЗЯ ТАТАРСКОГО

Поневажь воспомянулисмо выше о згорЂнъю мЂста преславного Холма, скажемъ тутъ, якимъ способомъ и коштомъ збудовал тое мЂсто Даниилъ. Еще гды кн̃зъ Даниилъ княжилъ в Володымери, збудовал мЂсто Угровскъ і поставилъ в немъ епископа. А едного часу, Ђздячи по полю на ловы, обачилъ мЂсто сличное и лесное на горЂ высокои, ωколо его поле, и спытал /285/ тамошнего чл̃вка: «Якь тое называется мЂстьцЂ?» Ωн ему отповЂдилъ: «Холмъ называется». Улюбилъ тое мЂстце Даниилъ и послалъ на немъ збудовати город малыи. ОбЂцал такъ учинити Гсду Бг̃у и збудовал тамъ малыи город и церковъ во имя Св̃тго Иоанна Злотоустаго. Потом, обачивши, ижь Гсдъ Бг̃ь ему в том городЂ поспЂшаетъ, почалъ призывати на мешкане в тои город русь, нЂмцов, иноязычниковъ, ляховъ, и збиралися денъ от дн̃я болше. И мастеры всяки, ремесники, седелники, лучники, из татаръ прибегали, золотари, котляры и иншиї, и наполнили поле все около города.

И поставил /285зв./ в мЂсте ХолмЂ великимъ коштомъ церковь Св̃тго Иоанна Злотоустого такимъ строем: четыре коморы з каждого угла, переводстояне тых комор на чотырех головахъ чл̃вческих, выбитых от мудрыхъ ремесников. Иконы албо образы три рымскихъ, скломъ уробленыи. При въходЂ вь олтаръ стояли два столбы з цЂлого каменя, и на нихъ комора была, которои верхъ звездами золотыми на лазуры украшен. А помость внутрнии былъ злитыи з мЂди и зь олова, отлистаючися, якъ зеркало. Двери еи украшенъ каменемъ галицкимъ и бЂлым, и зеленымъ холскимъ^Ж тесанымъ, рЂзаны от мудрого ремесника АвдЂА. Комора была украшена розными фарбами, /286/ на передЂ еи здЂланъ образ Спасов, а от полночи св̃тыи Иоаннъ Златоустыи. Такое украшение были^З, ижь всЂ дивилися тои сличности. Образы Спаса и Пресвятои Бд̃цы, и св̃тго архистратига Михаила, которыи зь Киева сестра ему Феодора дала, перлами и инымъ дорогимъ каменемъ и золотомъ приоздобивши, в тои церкви поставил. Привез тежъ з Киева до тоеи церкви звоны, а иншиї повыливалъ в ХолмЂ. Тое все погорЂло з церковью тогды, коли мЂсто горЂло, един образъ чюдотворныи св̃тго Михаила зостал.

До того поставил Даниилъ вежу высокую посерединЂ мЂста Холма, зысподу мурованную, всю з дерева тесанную, /286зв./ бЂлую, якъ сыръ, възвыш локтиї пятнатцатъ. Под нею ^231—колодезь сажнєи пятнатцат^—231. Постановилъ хоромы прекрасныи і в них мед, зь огня выходячии, якъ смола. Насадилъ сады сличныи. Тамъ же постоновилъ церковь Св̃тых Безсребрениковь, в которомъ чтыри столпы, от цЂлого камени тесаного, держащиї верхъ. В тои же церкви олтаръ св̃тго Димитрия пред дверми богоцЂнными. Того олторя стоитъ тис, здалека принесенныи от города, поприще постановилъ, столпъ каменныи и на немъ орелъ каменныї выбитыи. Высота того каменного ωрла десятъ локти з головою и с подножкомъ двенатцатъ локтии.

Тои город Холмъ так отвсюл укрепил, ижь и Батиї, всю землю Рускую /287/ повоевавши і всЂ городы рускиї подобывавши, города Холма не могь добыти. Тои город преславныи под чась воины Куремсы вес згорЂлъ, которого барзо жаловалъ Даниилъ, але не могь его тогды заразъ будовати за воиною татарскою, ажь потомъ знову тои город Холмъ збудовал Даниилъ и поставил в немъ церковъ великую Пресвятои Бд̃цы, и украсилъ еи, и освятилъ Иоанномъ, епископомъ, и надал до неи чашу дивную, которую привез з Венгерь, мармуровую, багранную, мудро рЂзанную, змЂевы головы около еЂ рЂзаны.

Сказавши тое о збудованю и о ссозженю славного города Холма, далеи о воинахъ почнемъ знову повЂдати. /287зв./ Корол Даниилъз вышъменованнымъ кн̃зем татарскимъ Куремсою завше безпечне воевал и не боячися. Але потомъ притягнул Борундаи, безбожныи злыи кн̃зъ татарскиі, з великою потугою полковъ многих татарских, стал на Куремсиных мЂстцахъ и послал послов своихъ къ коралю^И Даниилу, мовячи: «Иду на Литву! Если хочешъ от мене покою, иди со мною на Литву!» Даниил, погадавши з братом и зь сн̃омъ Лвомъ, ижь не будетъ добро, если самъ поЂдетъ, послал брата своего Василка вмЂсто себе и людеи своих з нимъ, и проводилъ до Берестъя. Тамъ помолився пред образомъ Спасовымъ, которыи стоит в городЂ Милницы в церкви Пресвятои Бд̃цы, обЂцуючи украсити тои образь, отпуст[илъ]^І /288/ брата Василка, Ђдучи за Борундаемъ, знашол на едномъ мЂсцу литву. И побивши ихь, привел сагатъ албо корысть Борундуеви. Принявши, Борундуи похвалилъ его, мовячи: «Добро, же-сь пришолъ»^Ї—Ї. И Ђздячи Василко з Будундуемъ, литву воевали и ЯтвЂзскую землю.

А каролъ^Й Даниилъ пришол к Волковску, шукаючи Воишелка и Тевтила, которыи зраду учинили брату его Роману, и хотЂл ихъ иняти, але не наишолъ, взял там кн̃зя ГлЂба і в чести его держал. Посылал тєжъ и инде ^К—людеи своих^—К Даниилъ шукати тых зраицовъ и^Л, не наишовши, хотЂл ити до Гродна, лечъ послышавши, ижь татаре в земли ЯтвЂзскои, зостал в Милницы.

По воеваню татар /288зв./ за д†лЂта учинилася была тишина по всеи земли. Тых часовъ тихихь Василко отдавал дочку свою Олгу за кизя АндрЂя Всеволодовича къ Чернигову. И учинил веселъе в городЂ своемъ Володимери, на которои^—М был корол Даниилъ зь двома сынами своими, зь Лвомъ и з Шварномъ, и много кн̃зеи и боярь там же было.

При веселю томъ пришла вЂдомостъ, ижъ Бурундуи: знову к нимъ идетъ. Которою вЂдомостъю барзо зафрасовался королъ Даниилъ. Тамъ жє прислал к ним Борундуи: «Уже есте мои спокоиныи, стрЂтаитє мєне, а кто мене не стрЂтитъ, тои воину подносить на менє!». Василко теды поЂхалъ зъ Лвомъ, а Данило послалъ вмЂсто /289/ себе епископа холмъского Иоанна на стретение Борундуя. И стрЂтили его у Шумска, принесли ему дары великии и питие дорогое. Бурундаи на них розгнЂвался и реклъ Василкови: «Поневажъ мои есте спокоиныи, роскидаите ж всЂ свои городы!». Што слышачи, епископъ з великимъ страхомъ стоялъ. Левъ теды зараз Даниловъ роскидалъ острожокъ. А Василко послалъ рыхлЂ епископа, даючи знать Даниилу о такомъ опалЂ албо гнЂве Бурундуевом. Тое послышавши, Даниил поЂхал през Лядскую землю до Венгерь.

Борундаи зас пошол кь Володимеру и, ставши на житах, почал мовити Василку, абы роскидалъ город Володимер, абы в немъ оборону не было. Василко, не могучи барзо роскидати, бо город великь и укреплен былъ, /289зв./ казал запалити, и згорЂлъ вес город Володимер. ^Н—Назаветреє^О приЂхал Бурундуи^{—Н п—п} і, обачивши весь згорЂлыи Володимерь^Р, пилъ и Ђлъ на дворищи Василковомъ и начовал тамъ. Назавтреє прислалъ Борундаи кь кн̃зю Василку татарина именемъ Баимура, росказуючи, абы до конца роскопал былъ город. ОтповЂдил Василко: «Твори, что тобЂ росказана^С». И роскоповал город татарин, знакъ чинячи звитязства.

Оттол пошол Борундаи къ Холму, взявши Василка зь собою зъ его боярами. И ставши далека от Холма, а видячи, иж крЂпокъ и людми военными и стрелбою утверженъ так, же не можна его взяти, реклъ Василкови: «Сеи город есть твоего брата, поиди, вели тымъ, которые в городЂ заперлися, жебы мнЂ передалися!». И придал Василкови трех /290/ татариновъ, КаичЂя, Ашика и Белюя, и Хому, толмача, умЂючого поруску, абы слухалъ, што будетъ Василко мовити. З тыми пошол Василко под город Холмъ, взявши в руку камене малое. И пришовши под город, почалъ мовити голосно, штобы и татаре слышали: «Холопе Костянтине и холопе Лука Івановичю, которыи держите брата моего сеи город! Передаитеся Бурундаю!» Тое рекши, кинулъ тихо каменецъ на землю, тымъ знакомъ означаючи, жебы не передавалися. Смотрили з города пилно на Василка и думали, якь отказати, не разумЂвши его знаку. Потомъ другиі и третиі раз, тыи ж слова рекши, кн̃зь Василко з рукъ пускалъ /290зв./ на землю камене. Костянтинъ, от Бг̃а вразумленъ, знакъ Василковь зрозумЂвши, отповЂдилъ з валу, мовячи голосно: «Иди, Василко, прочъ, дамъ тобЂ в голову каменем! Ты уже не Данииловъ братъ, але татарскии, на Даниила с татарми воюешъ!». Тое все услышавши, татаре пошли ωт города и сказали Бурундуеви слова Василковы и з города мовленыи.

Теды Бурундаи зараз пошол от Холма къ Люблину. Люблинъ взявши, пошол кь Завихвосту. И, нашовши бродъ на ВислЂ, перешли Вислу и почали воевати землю Лядскую. Потомъ пришол къ Судомиру. Оступили весь город и поставили свою около города огорожу, и пороками и стрелами били на город четыре дн̃и, не даючи з города /291/ ни выникнути. В четвертыи ден збили забрала, полЂзли лЂствицами в город і, вьлЂзши два татарины з корогвою, сЂкли людеи по мЂсту. И никто имъ не оперлся от страху. Единъ толко убил лях татарина, але зараз и самъ от другого забитъ, а всЂ ляхи побЂгли в замокъ. Але ижь мостъ был узкиї, едны подавилися на мостЂ, а другиї попадали с моста, якъ снопы. До того от огню загорЂлся замокъ и город. Люде иншиї до церкви преславнои, з каменя бЂлого тесаного уробленои, многиї збЂглися. А ижь у тоеи церкви былъ верхь деревянныи, запалился, и тамъ погорЂло много людеи, сповЂдавшися и причастившися у духовных, /291зв./ которыи з ними ж в церкви были. Затым пошли со крестами всЂ свЂцкии, поубирались вь всесилныи одежды, на сподкане Борондая зъ плачемъ великимъ, и посадили их татаре на болоню, где два дн̃и седЂли. Третьего дн̃я всЂхь от мала до велика нещадно позабивали татаре, ни едного не зоставивши.

Оттолъ пришли къ Лысцу городу, з которого городу иншии люде можнЂиши в лЂсы поутекали, бо не крЂпок былъ город. Для того Бурундаи тои город зараз взялъ, всЂхь людеи, которыи в нем были, выстинал. И такъ Судомирскому князству конецъ сталъ. А Борундаи з великими корыстьми вернулся в свои вежи албо въ станы и пошол прочъ. /292/

Глава 21²³²

О ПРИМИРЮ И О СВАТОВСТВЂ КН̃ЗЯ ЛИТОВСКОГО МИНДОГА З КОРОЛЕМЪ ДАНИИЛОМЪ И О ВОЕВАНЮ ЗЕМЛИ МАЗОВЕЦКОИ И ЛЯДСКОИ, И ЛИТВЫ ОТ РУСКИХЪ ВОИСКЪ, О ПОСТРИЗЂ В ЧЕРНЦЫ КН̃ЗЯ ЛИТОВСКОГО ВОИШЕЛКА И О ЗАБИТЮ МЕНДОГА И ТРОИНАТА, И ТЕВТИВИЛА, КН̃ЗЕИ ЛИТОВСКИХ

По тых часахъ, року от Рождества Хрстова 1262, крол Даниилъ учинивъ примире з Мендогомъ, кн̃земъ литовскимъ, и отдалъ Миндогь дочку свою за сн̃а Даниилова Шварна. Того жъ Шварна Даниилъ выправилъ з Мендогомъ на воеване Мазовши. Мендогь зъ Шварномъ /292зв./ в навечєрие Рождества Предитечева напали на несподЂванного Семовита, кн̃зя жмудского, вь фолворку Язовшу. Тамъ жє Шварно своею рукою забилъ Семовита, а сн̃а его Конрата поималъ Мендогь и за окупъ того жь року отдалъ. Оттолъ Мендогь з литовскимъ, а Шварно з рускимъ воискомъ всю землю Мазовецкую и часть Куявскои земли побурили и попалили и з добыткомъ великимъ людеи и стад конскихъ и товарачихъ до своихъ сторон вернулися.

На другии рокъ знову не толко Мазовшу, але и за Вислою Ловицкую землю, и иншиї лядскиі городы рускиї воиска з литовскими пустошили такъ, ижъ и Болеславу Вьстыдливому, кн̃зю краковскому и сердомирскому, душно было. И знову з великимъ полономъ и з корыстю /293/ воиска рускиє и литовскиї вернулися додому.

Потомъ межи Русю и Литвою почалася воина такимъ способомъ. Вьспомянувши Мендогь, ижь Василко воевал землю Литовскую, послалъ воиско на Василка, котроє, пошовши, воевало около Каменя. Василко самъ на нихь не пошол, сподЂваючися другого, болшого литовского воиска, ^Т—але послал, але послал^—Т на них своего Желислава, Стефана з людми. Тыи гонилися за литвою до Ясалды и не угонили ихь, бо мало ихь было, и з малымъ полономъ побЂгли. Затымъ другое воиско литовское воевало около Мелницы, над которымъ воискомъ былъ гетман ^233—Миновичъ Жекодбыжадъ ^У—233, /293зв./ и взяли полона много. За тыми самъ Василко зъ сн̃омь своимъ Володимеромъ и з боярми погналъ и, догнавши ихъ у Невля, города, при озерЂ, побили ихь такъ, иж ни един жив не осталъ, бо не было куды утекати за озеромъ. Которыи и хотЂли утечи. потонули. З которого звитязства и кн̃зи пинскиы Феодоръ, Диомид и Юриї, веселячися, приЂхали к Василку з питиемъ, допомагаючи ему веселя з звитязства. Потомъ розЂхалися тыи до Пинска, а Василко до Володимера.

Оттол Василко послал к королю Даниилу подарки зь корысти через Бориса ИзЂболка: кони з сЂдлами, щиты, сулицы, шоломы, то естъ прибицы^Ф. Даниилъ, тыї дары принявши, утЂшился о здоровю /294/ брата своего Василка и сыновца.

По тых часахь зьЂзды учинили Даниил і Василко и сн̃ы ихъ з Болеславомъ, кн̃земъ полскимъ, и учинили границу землямъ Рускои и Лядскои, на томъ собЂ и присягли.

Миндогь, кн̃зъ литовскии, отдавши свою дочку за Шварна, сн̃а Даниилова, а самъ выгнавши своихъ сн̃овцов и самодержцемъ учинившися, разгордЂлся, никого противь себе не ставячи. И отступил от лядскои вЂры, которую для обороны от ляховь на сн̃овца принял был, якь выше реклося. МЂлъ двохъ сн̃овь, Воишелка и Чида. Воишелку Миндогь пустил Новъгородокъ, и тамъ княжил Воишелкъ, а был окрутныи, людеи забивал. Которого дн̃я /294зв./ кого забилъ, того дн̃я и веселъ был, а которого дн̃я не убилъ чл̃вка, того дн̃я был невесел. Потомъ Воишелкъ, уваживши нестатечностъ сего свЂта и страхь Бж̃иі, взял до сердца своего, оставил от̃ца и княжение свое и ^234—пришелъ до короля руского^—234 Даниила ^234—до Холма^—234, принялъ св̃тое крещение. Оттолъ пошолъ до Галича и, пришовши тамъ в монастыръ кь Григорию Полонину, архимандриту, в тои чась св̃тобливостью жития славному, принялъ от него иноческии чинъ. Тамъ же мешкал три лЂта статечне в монастырЂ.

По трех лЂтахъ, взявши Воишекъ бл̃гословение у Григоря, архимарита^Х своего, пошол до Св̃тои Горы. А для небезпеченства в тои часъ в тых земляхъ не могучи проїти, вернулся /295/ назад, пришол в свои Новгородокъ, поставил себЂ монастырь на рецЂ НешнЂ ^Ц235, межи Литвою и Новгородкомъ, ^236—в которомъ мешкал з килканадватцатю^Ч чернцов, в побожности живота чернєчєскаго^—236. От̃цъ его Миндогь укарял его за такое житиє, за тое ωнъ от̃ца барзо не любилъ.

Того ж часу умерла княгиня Миндолгова. Тужачи барзо по неи, Миндогь послал по свою етровъ, сестру княгини своеи, жону Довмонта, налщовского кн̃зя, жебы приЂхала на погреб своеи сестры, а его княгини. А гды она приЂхала, улюбилъ еЂ Мендогь и, хотячи еЂ себЂ за жену взяти, реклъ до неи: «Сестра твоя, а моя жена, умираючи, просила мене, /295зв./ абымъ взялъ тебе за жону». И приневолил еи зъ собою жити. Тое услышавши, Довмонъть барзо зафрасовался и мыслилъ помъститися над Мендогомъ своеи зелживости, але не могь явне, бо Мендогь былъ потужнЂиши, нижь ωн. Змовился теды з Троинатомъ, сестренцемъ Миндоговымъ, которыи в тои часъ вь Жмодскои земли пановалъ. И настоялъ на вуя своего, и сприглися^Ш убити Миндога. А гды Мендогь послалъ всЂ свои воиска литовскии за Днепръ на Романа, кн̃зя бранского, з которыми пошол и ^237—Довмантъ яко Миндогов голдовникъ, усмотривши чась, упросился для пилнои потребы у Миндогового гетмана зь своими /296/ и вернулся назад. И зъЂхавшися з Троинатом обадва зь своимъ людомъ, напали на несподеванного Миндога^—237, спячого, и забили его, а при немъ и двох сн̃овъ его, Рукля и Репикасса, позабивали.

Послышавши о забитю от̃ца своего, Воишелкь, чернецъ, побЂгь от Новгородка до Пинска и тамъ жилъ в монастырЂ Пинскомъ, а Троинат, сестренецъ Миндоговь, почал княжити в Литовскои и Жмодскои земли. Року от Рождества Хрстова 1263 послал тежь Троинатъ заразь до своего брата Тевтивила, кн̃зя полоцкого, хотячи с нимъ розделити по половине князство Литовское. А гды приЂхал Тевтевил, /296зв./ думалъ зъ своею русью убити Троината, которую дому^Щ Тевтевилову его ж бояринъ Прокопиї, полочанин, ознаимил Троиноту. Што послышавши, Троинатъ упередил, убилъ Тевтивила, брата своего, и опановал его Полоцкое княжение. Алє змовившися чтыри вЂрныи слуги Мендоговы, и Троината, идучого до лазни, убили, а сами утекли в Пинскъ до Воишелка, чернца.

Глава 22²³⁸

Ω ВОИШЕЛКУ, ЯКЬ, ПОКИНУВШИ ЧЕРНЕЦЬСТВО, СТАЛЬ КН̃ЗЕМЪ ЛИТОВСКИМЪ И ПОМЪСТИВСЯ ОТ̃ЦА СВОЕГО ЗАБОИСТВА, Ω СМЕРТИ КОРОЛЯ ДАНИЛА И ВАСИЛКОВОИ КНЯГИНИ, О ВОИНЂ РУСИ З ЛЯХАМИ И Ω ЗАБИТЪЮ ВОИШЕЛКА, /297/ ^Ю—З СТРИКОВСКОГО^—Ю

Такии забоїства обачивши, кн̃зи и бояре литовскиї, боячися през междусобное забоиство упадку своему княжению Литовскому, зьЂхалися до Кернова, раду учинили обрати себЂ кн̃зя и по розныхъ умовах всЂ згодне постановили Воишелка, чернца, сн̃а Миндогового, яко власного дЂдича просити албо и силою взяти на Литовское княжение. Выправили теды пословь до Воишелка Мендоговича, на тои час мешкаючаго в манастрЂ Пинском, взываючи и просячи его на княжение. Онь долго отмавлялся званиемъ своимъ от Бг̃а иночєскимъ, але зневолены гвалтовную упадаючаго панства Литовского /297зв./ потребою и прозбою великою панов литовских выЂхалъ з монастыря Пинского до Новъгородка. Оттолъ з людомъ приЂхал до Корнева, где всЂ его бояре и посполство вдячне принявши, з радостию посадили на столицы великого князства Литовского, Жмодского, Новгородского, Полотского и Курляндьского.

Зоставши Воишелкъ великимъ кн̃земь литовскимъ, жилъ побожне в чернечомъ законЂ, вь княжиих одождах ходячи, носил завше клобукъ на головЂ. А мъстячися от̃ца своего Миндога забитя, многихь пановь, боярь позабивал, и иншии зас утекали от него, которых ωн имЂния своимъ роздовалъ, и многиї собрал /298/ себЂ скарбы. З Василкомъ и з Шварномъ, кн̃земъ дорогоцкимъ, в великои жилъ приязни. З которымъ то кн̃земъ зь Шварномъ Воишелко на Лядскую землю наезжали вшир і вдолжъ, пустошачи и палячи, и Илъжу мЂсто спалили.

Того ж часу впал в болезнь Даниило, корол рускии, в которои и преставился року от Рождества Хрства 1266, продокъ кн̃зеи Острозскихъ и Заславскихъ. И положили его з великимъ плачемъ в церкви Пресв̃тои Бд̃цы в ХолмЂ, которую самъ постановил был. Сеи корол барзо храбрыи, добрыи, братолюбивь и хрстолюбивъ, многиі городы /298зв./ и церкви побудовал и помуровал, ^239—якъ выше о немъ написано^—239.

Рокою^Я пред тымъ была комета, звЂзда хвостатая страшная, которая тривала през три мЂсяци.

Того ж року межи татарми было великое замЂшане, сами межи собою билися, и было убитых безчєсленное множество.

В том же лЂте преставилася великая княгиня Василковая Елена, и положили тЂло еЂ в церкви Пресвятои Бд̃цы, вь епископии Владимерскои.

Потомъ Шварно, кн̃зь дрогикии и луцкии, з Воишелкомъ, кн̃земъ литовскимъ и жмодскимъ, собравши великие воиска руские и литовскиї, воевали около /299/ Скаришева и около Вывыжі, Торжку и взяли много корыстеи и полону. Болеслав, монарха полскии, послал до Шварна, мовячи: «Без вины нашеи землю мою за што повоевал еси?» ОтповЂдилъ Шварно: «Не я, але литва воевала» Реклъ ему поселъ от Болеслава: «На литву не жалую, бо они з нами не мают покою, а ты покои розорвалес, Бг̃ь тебе судити будетъ, а на нас такжє не здивуи!». И собравши Болеслав воиско, послал воевати около Холма, и мало що взяли, бо вперед люде довЂдавшися о них, давали имъ отпорь. Шварно зас, побЂгши з Новгородка и собравши вскорЂ /299зв./ воиско, з Василкомъ, стриемъ своимъ, и зъ сн̃омъ его Владимеромъ, воевали около Люблина и около БЂлои и, много побравши полону, вернулися. И ляхи, ωколо Чернои воевавши, вернулися додому.

Потомъ Болеславь полскии прислал послы къ Василку, абы, зьЂхавшися до Торнова^Ь, з нимъ розмовили о покою. Василко рад на тое преизволилъ, и поЂхал Василко до Тарнова А гды был у Грабовцы, послышалъ, ижь ляхи, не ждучи Василка и не идучи на сеимъ до Тарнова, учинили межи собою сами раду, пошли къ Белзу і воюютъ Рускую землю. Василко, тое услышавши, рыхло пошол зь Шварномъ /300/ и з сн̃омъ своимъ Владимеромъ зь Грабовца. И, пришовши къ Червенои, обачили, иж села горятъ, ляхи воюютъ и палятъ. Пустил Василко людеи своихъ, которые ляхов и инших много побили, инших поимали, а воиско лядское, устрашившися, назад пошло. За которыми Василко послал сн̃овца своего Шварна зь сыномъ своимъ Володимером и приказал, жебы помалу ишли за ляхами, зжидаючися, а якь ляхи роздЂлятся, жебы на нихъ ударили. Але Шварнъ, того росказаня не слухаючи, вперед пошол зь своими многими людми и, не дождавшися, поки ляхи выдут с тЂсных /300зв./ мЂсть, ^А— и и^—А Володимера с полками ждучи, ударилъ на ляховъ. А ляхи, ωбернувшися, кинулися на Шварна. И поневаж тЂсное мЂсце было, а другиї хотяи прибЂгли полки, не могли за тЂснотою мЂсца Шварну помочи дати, звитяжили ляхи Шварна, и много руси, бояръ и простых, позабивали. Там жє и двохь сн̃овь тысяцкого, Лаврентия и АндрЂя убили, а Шварно зь малою дружиною прибЂгь до Василка. Зганил ему Василко, же его не послухал и такъ людеи потратилъ.

По тои воинЂ Болеслав зъ Василкомъ и з Шварном учинил примире и почали знову в городЂ с собою жити.

Потом Воишелкъ отдал свое /301/ Литовское княжение зятю албо швагру своему Шварну, мовячи: «Согрешилемъ много пред Бг̃омъ». А самъ пошол до Угровска в монастыръ Св̃того Даниила и тамъ жил, взявши на себе знову иноческую одежду, и призвалъ кь себЂ з Галицкого манастыря своего наставника, архимандрита Григория, которыи, приЂхавши, знову его утвердилъ в житиї иночєскомъ.

Тых жє часов ^240—Лев, сн̃ъ Даниила преставлъшегося, столицу от̃ца своего осЂвши, прислал к Василку^—240, повЂдаючи ижъ: «Хочю с тобою вЂдитися, а жебы и Воишелкъ тут жє былъ». Василко ознаимилъ тое Воишелку, а Воишелкь боялся Лва, же з ним /301зв./ мЂлъ пред тымъ завод и гнЂвъ за границы Рускиї и Литовскиі. Василко Воишелку ручился, ижъ ему Левъ ничого злого не учинит. И так Воишелкъ поЂхал къ Василку въ Володимер и сталъ у монастырЂ Св̃тго Михаила. Там же приЂхал и Левъ, сыновецъ Василковъ. По розмо†сполноі просил тых всЂхь кн̃зеи Марколтъ, нЂмецъ, ^241—пан рускиї^—241 на банкетъ, справца умерлого короля Даниила. Тамъ же всЂ былиї веселы. Василко, подпивши, поЂхал додому спати, Воїшелкъ поЂхал до монастыря. Потомъ приЂхал в монастыръ Левь и реклъ Воишелку: «Напиимося еще!». А скоро выишолъ к нему Воишелкъ, зараз /302/ Левь его с подученя дияволского забил, завидуючи тому, же Шварну дал князства Литовское. Чого довЂдавшися Василко, барзо жаловал. И положили тЂло его тамъ жє в монастыре, в церкви Св̃тго архистратига Михаила.

Глава 23²⁴²

Ω СМЕРТИ КН̃ЗЕИ РУСКИХЬ ШВАРНА I ВАСИЛКА, О ЗАЛОЖЕНЮ МЂСТА ЛВОВА, О ПОВОЕВАНЮ ЯТВЂГОВЬ, О ВОИНЂ КН̃ЗЕИ РУСКИХЪ И ТАТАРЪ ЗЬ КН̃ЗЕМЪ ЛИТ0ВСКИМЪ ТРОИДЕНОМЪ И О ЕГО ОТ СВОИХ ЗАБИТЮ, ТУТ ЖЕ О ЗБУДОВАНЮ КАМЕНЦА ЛИТОВСКОГО И О ЛАВРИШЂ, ЧЕРНЦЫ-КНЗЂ /302зв./

Шварнъ по Воїшелку немного в Лит†княживши, преставился, и положили его тЂло въ церкви Пресвятои Бд̃цы вь от̃чомъ гробЂ. Потомъ в Лит†княжил Троиден, кн̃зъ беззаконныи. По тых часахъ преставился благовЂрныи кн̃зь володимерскиї Василко Романовичъ, и положили его тЂло в церкви Пресвятои Бд̃цы вь епископиї владимерскои. На его столицы вь Володимери сЂл сн̃ъ Василков Владимеръ, а Левъ Даниловичъ по от̃цы своемъ, королЂ ДаниилЂ, сидЂл в ГаличЂ и в ХолмЂ, и заложил на свое имя мЂсто славное Лвовь. По смерти стриия своего /303/ Василка и брата Шварна широко і велможне пановалъ зъ братомъ своимъ Романомъ. А тыи всЂ были продки кн̃зеи Острозскихъ и Заславскихъ.

Затымъ Левъ, завоевавшися зь ятвЂгами, пошол на них зь кнзями зъ Володимеромь^Б Василковичомъ и з Мьстиславомъ, кн̃земъ луцкимъ. А иж зима настала, сами не пошли, але послали своих гетманов зъ воїскомъ: Левъ послалъ АндрЂя Путивльца, Владимер — Жаслава, а Мьстиславъ — Владислава Ломоногого. Тыи всЂ, пошовши, взяли Злину и много користи и полону набрали. Собралися были на нихъ ятвЂги, але, видячи рускую силу великую, не смЂли битися. И такь зъ звитязствомъ и з великою користъю, /303зв./ и з полономъ вернулися гетманове кь своим кн̃земъ.

За ними зараз кн̃зи ятъвЂзьскиї Минтеля, Шурпо и Пестиля прислали кь кн̃зем рускимъ, просячи ихь ω примире. Кн̃зи ледве учинили з ними примире, и рады были тому ятъвЂги.

В ЛитвЂ, гды Троїден княжилъ, зъ Лвомъ мешкал въ великои любъви, и з Владимером в незгодЂ мешкал для того, иж Владимеров ωт̃цъ Василко забилъ трехъ братов Троїденовых. И пославши Троїденъ воїска на Владимера, все лЂто з нимъ воевался. Потомъ Троїден, розорвавши из Львомъ покої, послалъ воїско своє і вьзял город Лвов кн̃зя Дорогичин на самыї Великьден, і въсЂхъ, в городЂ будучихь, позабивали. Ω тое розгнЂвавшися кн̃зъ Левъ, послалъ до цр̃я татарского Менгу-Тимора, просячи о помоч /204/ на литву. И далъ ему Менгу-Тимор Агурчина, воеводу, зь воїскомъ, и заднЂпрьскихь кн̃зеї дал ему на помочь: Романа добрынского сь сн̃ом Ольгомъ, ГлЂба, кн̃зя смоленского, и иншихь много кн̃зеї. Тогды бовЂмъ всЂ кн̃зи были въ воли татарскої.

Зимою теды пошли кн̃зи Левъ, Владимер и Мьстиславъ, з ними ж знялися кн̃зи пинскиї и туровскиї. Пришовши кь Слуцку, знялися зь татарми и пошли всЂ борзо къ Новгородку, а перешовши реку Сияръчу, справилися. И ишли татаре правою стороною, а Левъ лЂвою къ городу, и стали ωколо его. А Мьстислав еще не притягль был, забавился, идучи от Копыля, воевал ПолЂсъе. Такьже Роман и ГлЂбь и инъшие заднЂпрьские кн̃зи не притягли /304зв./ были. Лев, не сказавши братиї своеї, Мьстиславу і Вьладимеру, взял Новгородокъ мЂсто, а детинца або замку не взял. Назавтреє пошли^В кн̃зи Роман добрянскиї и ГлЂбь смоленскиї зъ великою потугою, и иншиї кн̃зи, а обачивши, иж хитре Левъ учинил, не ждучи ихъ взял город, а они думали, взявши Новгородок, далеї ити в Литву воевати, за тоє и братия Лъвов^Г , Мьстиславов^Д і Вьладимеров^Е , і всЂ кн̃зи розгнЂвавшися, не идучи далеї, вернулися всЂ^Є до домов. Владимер звал к себЂ тестя своего кн̃зя Романа, лечь ωнъ самъ не поЂхал, сн̃а своего Олга с нимь послал.

Затым пришли прусы къ кн̃зю литовскому Троїдену для неволЂ немецкої. Онъ ихъ принял /305/ и посадил ихь часть въ Городне, а часть въ СлонимЂ. Левъ зас зъ Владимером, пославши воїско свое вь Слониму, побрали ихь, жебы земли не посЂдали.

Потомъ Троїденъ послал Спурта, брата своего, зь воїскомъ своимъ, которыї воевал ωколо Каменя, Владимероваго города, а Владимер взаем послал свое воїско. И възяли Троїденов город Руриїскь ²⁴³ на рЂцЂ НемнЂ и села около его побрали. Затым взяли зъ собою примиръє.

Потомь Владимер почал думати, гдебы за Берестьемь город поставити, поневаж тамь земля по РоманЂ лЂтъ осмьдесять запустЂлая стояла. /305зв./ Надумавшися, послал ремесника доброгω и розумного АлеξЂА, которыї еше при отцу его ставлялъ городы, а послалъ его с туземцами верхь реки Лесны чолнами искати мЂстьца, способного на город, и нашовши, сказалъ кн̃зю. Кн̃зъ теды Владимер самь приЂхал и улюбил мЂстьце над берегом реки Лесны, и поставил там город, и назвал его Каменецъ, иж земля тая была каменная.

Потомь на зиму прислал безбожныї Нагаї, цр̃ъ татарскиї, послов своихъ зъ листами, Тегичаса, Котрубога^Ж и Ешима къ Льву, кь Мьстиславу и къ Владимеру, мовячи: «Часто мнЂ скаржитеся на Литву. Ω томь посылаю вамъ гетмана моего /306/ МамшЂя зь воїскомъ моим. ИдЂте ж з нимь на Литву, на своих вороговъ». Гды тежь^З пришло воїско татарское, пошли за ними кн̃зи Мьстиславъ і Вьладимер, а Лев послал сн̃а своего Юрья, кь Новгородку. А довЂдавшися, ижъ татаре пустошат ωколо Новгородка, пошли кн̃зи на цЂлое мЂстьце и стали за Волковскомъ на ночь. Зъ ночьлЂга без вЂдомости Владимира Мьстиславъ и Юриї послали воевати своихь лучьших бояръ и слугь зъ Тюшою, котриї там воевавши по селахъ, не идучи кь своему воїску, тамь же легли без сторожи на ночь, Ωт нихъ единь неволникь, утЂкьши, дал знати ω их безпечном и несправномь на селЂ лежаню до города. /306зв./ А прусы, выбегьши зь города, всЂхь их едныхь побили, других поимали до города, ледвє ихъ, мало утекьши, Тюїму, гетмана Юрьевого, барзо раненого, на санехъ увезли. Ω чомь довЂдавшися, Мьстиславъ и Юриї барзω фрасовалися, а Владимеру на нихъ не любо было, ижь без его вЂдома своих посылали и погубили. Пошли еднакь всЂ къ городу, добыти его хотячи. Была перед городомъ вежа каменная, зь котороЂ крЂпько прусы стреляли, не даючи до города приступити. Тую вежу взяли кн̃зи, ωт которої взятья въ городЂ будучиї устрашилися і възяли зъ кн̃зями примире, /307/ вернули кн̃земь бояръ ихь і всЂхь поиманыхь. А кн̃зи, города болеї не добываючи, вернулися.

Тых же часовъ Троїденъ, кн̃зъ литовскиї, посылалъ брата своего Сирпутья на Ляхи, коториї, повоевавши около Любьлина, зъ великимъ полоном вернулся.

Того Троїдена, кн̃зя литовского, братъ его Довманъ забиль, направивьши шесть мужиковъ, которыї, гды Троїденъ з лазни ишоль, ставъши по ωбоихь сторонахь будцы якобы скаржитися, киями его забили. А сн̃ъ Троїденовъ Лавришъ, черньцом пред тымъ зоставши, скинул на часъ чернецкую ωдежду и якь кн̃зъ, /307зв./ зобравши литовскоє воїско и бившися зь Довмантомъ, воїско его розбиль и самого Довмоньта, стрия своего, забил. А самь, кн̃яжение свое такь успокоивши, поручиль паномь литовским и знову зъ плачемь всЂхь пошолъ до мнстря, в которомь и животъ по-чернеческу скончиль. Ωт его имени тої монастыръ Лабришовскимъ^И названъ. /308/

Глава 24²⁴⁴

Ω ПОШАРПАНЮ И ПОЗАБИВАНЮ ЛЮДЕЇ ВЛАДИМЕРОВЫХЬ ОТ КОНРАТОВЫХЪ ЛЮДЕЇ И Ω ПОМСТЂ ЕГО НАД НИМИ, И Ω ПРИМИРЮ, О ВОЕВАНЮ ΩТ ЛВА ЗЕМЛИ ЛЯДСКОЇ И О ЗВИТЯЗСТВЂ НАД НИМЪ И О ВОЇНЂ БРАТИЇ КОНРАТА ЗЪ БОЛЕСЛАВОМЪ

Потомь великиї стал голод в Руси, в Ляховъ, в Лит†і вь ЯтвЂзяхъ. Для которого ятьвЂзи прислали кь Владимеру пословъ своихь, просячи его, абы имь хлЂбъ зь своеї /308зв./ земли пустил, ωбЂцуючи платити, якь схочеть, хотяї воїско^І, бобрами, черными куницами, белицами альбо и сьрЂбромъ. Послал теды Владимеръ к нимь жита много въ лодАхъ по Бугу. И гды въишли в рЂку Нарву и стали под городомъ Толтовскомъ на ночь, тутъ ихъ всЂхъ позабивано, жито побрано, а чольны потоплено. Ω чом довЂдавшися Владимер, зафрасованыї, послал кь братови своему Конрату, кн̃зю мазовєцкому, мовячи: «Если за твоим росказаньемъ мои люди побиты под твоимь городом?» Конратъ заперлься, мовячи, иж: «Я того не знаю, кто ихъ позабивал». Але Болеслав, полскиї монарха, /309/ гнЂваючися на своего сыновца Конрата, ωзнаїмиль Владимеру, иж: «Конратъ твоихь людеї позабивал, справся з нимь и помстися своего сорому и кривды!» Теды Владимер послал свои воїска на Конратову землю, котриї над Вислою повоевали его землю і, вьзявши великиї полонъ і користи, вернулися. А Конратъ, боячися, просил у Владимера примиря, и такь примирилися зъ собою.

Того жъ лЂта преставился великиї кн̃зъ краковскиї Болеслав, добрыї, и положили его у костелЂ у Франциншка. Было у Болеслава полского пять сыновцов: Самовитичовъ два — Конратъ и Болеслав, /309зв./ а Лесковичов три— Леско, Земомислав і Вьладиславъ. По смерти теды Болеслава року 1279 выбрали сенаторовє лядскиї себЂ на монархию Леска Чорного, кн̃зя сирадскаго, и посадили на столицы въ КраковЂ. Левъ зас, хотячи себЂ части земли Лядскої, города на УкраинЂ, упросил у цр̃я татарского Нагая себЂ на помочь Кончака, КозЂя и Кубатана зъ воїском татарскимъ и пошол зимою в землю Лядскую, зъ которымъ мусили Мъстислав зь сн̃омь своимь Данилом і Вьладимер зъ росказаня татарского поити, и збурили Любелскую землю. Оттоль /310/ Судомирскую землю мечемъ и огнемъ плюндровалъ, а от мЂста Судомира былъ опертыї. Ωттол пришол Левъ кь осЂку, там з нимъ крЂпько билися ляхи, еднакь взяль и тамь Левъ много людеї и товару. Оттол пришоль зъ всЂми воїсками рускими и татарскими к селу Гослицы и, положивъшися там, послал воїска свои воевати. Але собравшися ляхи, тамь же почали битися зь Лвом и побили много руси и татар. Такь Бг̃ь наказание учинил Лву, же чужого жадал, і вернулся назад з неславою.

А Леско, кн̃зъ лядскиї, розгнЂваныї на Лва, пошол і възял городъ Лва, кн̃зя, Переворескь, высекь там /310зв./ всЂхь людеї, город зпалилъ и, попустошивши села ωколичныї, ωтишолъ назад. Тогды ж воевали ляхи около Берестья по КерснЂ і вьзяли десять селъ Владимеровых. За тыми и^Ї Тит Вездиславъ зь семъдесятъ берестянами, погнавьши, зъвитяжил ихь, убилъ ωсмьдесятъ ляховь и иншихь поимал, и, полонъ свої ωтобравши, зъ славою вернулся до Берестя.

Потомь два Самобитичи^Й, Конратъ и Болеслав, погнЂвалися зь собою. Конратъ мешкал зъ Владимеромъ, своим братом, въ зьгодЂ, а Болеслав зъ Лескомь, кн̃зем /311/ лядскимъ, и з братомь его Владиславомъ. Взявши теды Болеслав помочь ωт Владислава, пошолъ на брата своего Конрата, взял город Конратовъ Уездовъ без вытности^К тамь Конрата, взял в томъ городЂ товару много, людеї немало потопил, и ятровство^Л ободравъ, княгиню Конратовую и дочку еи, и отишоль. А у ляхов был звичаї: гды меж собою завоюються, не брати людеї, только объдирати зъ всеї маетности. За тоє розгнЂвавшися Конрать, просил Владимера, кн̃зя, ω помочь. Жалуючи его, Владимер пошол зь своимь воїскомь, взявши /311зв./ зь собою и сыновца своего, люд, зь гетманомъ Туїмою, зъ котрими знялься в Берестью. От Берестя пошоль къ Мелнику, там учинил над воїском своимъ трохь гетмановъ: Василка, кн̃зя слонимского, Желислава и Дуная, а над Юревымъ воїскомь Туїма быль гетманъ. А иж у Конрата нещирыї ему были бояре, послал зь хитростью посла кь Конрату, жебы не дали Болеславу вЂдомости Конратовы бояре. Котриї посел Владимеров, приЂхавши кь Конрату, почалъ при всЂхъ его боярехь ему мовити: «Ознаїмуеть тебЂ брать твої Владимер, иж рад бы тебЂ на помочь приїти, але /312/ не можетъ, иж ωт татар у насъ тривога». Тое рекьши, взяль за руку Конрата. Домыслившися Конратъ, вывелся с посломъ вон. На дворЂ рекьль ему тихо посел: «Готуї лодї возитися на ВислЂ! Владимерово к тобЂ заутра воїско будеть». Конратъ зь радостью зараз казал лодї і воїско свое готовити.

Назаутрєе пришло воїско рускоє все и половцы, ^М—Мтатаре з ними и, перевезшися зъ Конратомъ за Вислу, пришли всЂ недалеко къ городу Сохачеву. Которого гды хотЂли добыти, просилъ ихъ Конратъ, абы тым не бавилися, а ишли къ Гостинному, бо тое мЂсто ^Н—Н /312зв./ милое Болеславово. Послухавши Конрата, пошли руские воїска кь Гостинному, добывали города, а любо и крЂпко зь города, камЂнемъ кидаючи, ωтбивалися, еднакь же взяли город. И възяли много товару, и полону, и користи. Зъ которого звитязства утЂшившися Конратъ и подяковавши рускимъ гетманомъ, вернулся домов, а рускиї воїска также зъ всЂмь тымъ вернулися кь кн̃зю Владимеру. Ωбачивши все воїско своє цЂлоє, Владимер былъ рад: двох тылко его значных забитω в тої вошЂ: на чатЂ единого пруса, а другого Раха Михаїловича, дворянина. /313/

Глава 25²⁴⁵

Ω ВОИНЂ КН̃ЗЕЇ РУСКИХЪ ЛВА И ВЛАДИМЕРА НА БОЛЕСЛАВА САМОВИТИЧА И НА ЛЯХОВЪ И Ω ВОЕВАНЮ ЗЕМЛИ ВЕНГЕРСКОЇ И ЛЯДСКОЇ ΩТ НАГАЯ, ЦР̃Я ТАТАРСКОГО, И ΩТ ТЕЛЕБУГИ, И О ШКОДАХ ΩТ НИХЬ В ЗЕМЛИ РУСКОЇ

По тыхъ часах самъ Нагаї, татарскиї цр̃ъ, зъ Телебугою пошолъ на Венгры з великою потугою. Росказали теж Льву зъ сыномъ Юрьемъ, Мьстиславу и Въладимеру, жебы ишли з ними, коториї мусЂли поити, /313зв./ бо были в воли татарскої. Толко ж Владимеръ самъ не пошол, был хорыї на ногу. Послал свое воїско зъ сыновцемъ своимъ Юрьемъ. Тымь часомъ, приЂхавши, Болеслав воевал ωколо Щекарева і вьзял десять селъ. Послышавши о том, Левъ упросилъ Нагая, же его отпустилъ. И пришовши, Левъ упросиль брата своего Владимера, иж послал по литву, зовучи на помоч. А самъ Левъ зъ Владимеромъ и з своими воїсками пошли кь Берестъю. Тамь, не ждавьши литвы на час назначеныї, послали своих гетмановъ зъ воїсками: /314/ Лев послалъ Тюїму, Василка, белжанина, и Рабца, а Владимер кн̃зя Василъка, Желислава и Оловянца, и Вышету. Которыї, пошовши на Болеслава, воевали ωколо Вышегорода и побрали много здобичи. Литва потом пришла ко Владимеру, которыхъ онъ послалъ на Леска за тоє, ижъ пред тымъ Леско прислал люблинца. Тої взялъ Владимерово село на Вокраїнцы именем Воинъ и иньшиї и не вернул людеї побраных, хотяї Владимеръ упоминался Литва теды, ωколо Люблина повоевавши и много барзо полону /314зв./ побравши, вернулися зь тымь назад. Такь же и рускиє гетмановє зъ звитязствомъ и з великою добычью вернулися до своихь кн̃зеи, помьстившися Львовы кривды.

Нагаї зас, цр̃ъ татарскиї, зь Телєбузою воевали землю Венгерскую: Нагаї пошол на Брашевъ, а Телебуз впоперекь гор. Где было переїти за три дни, тамъ ωнъ ишол, блудячи, тридцатъ дн̃еї, и стался у нихъ голод такь великиї, ажъ люди людеї Ђли. Почали теж зъ голоду и сами умирати. Умерло /315/ ихь , тамь сто тисячь, якь самовидцы повЂдали. Оттол Телебугь ледвє пЂшь вышолъ ω едної клячи, завстыжены от Бг̃а.

Потомь знову Болеславъ пакости дЂяль кн̃зямь Владимеру и Юрью Лъвовичю. А кн̃зи Владимер и Юриї, воїско зобравши, пошъли к Мелницы, ωттул затягнувши и литву, пошли і възяли мЂсто Болеславово Сохачев. Тамь же взявъши много людеї и товару, зъ великою добычью вернулися. /315зв./

По тыхь часахь Телебугь, не памятаючи на тоє, што ему въ Венгрех сталося, умыслилъ поїти на Ляхи и послалъ кь заднЂпъръскимъ кн̃земъ, такьже и къ волынскимъ, кь Льву, кь Мьстиславу и кь Володимеру, бо тогды всЂ кн̃зи рускиї татаромъ голдовали. Сказалъ ω томъ и Нагаеви, и так зъ всЂми кн̃зями заднЂпръскими пошол на Волынъ. Тамъ его кн̃зи волынскиї стрЂтили зь питиемъ и з подарками: Мьстиславъ на Горини, Владимер у Кремянца, а Левъ у Бузска. Нагаї /316/ такьже ωсобно пошолъ на Ляхи. Телебуг, на поли Бузскомъ ставши, пересмотрЂль воїска, а кн̃зи боялися, жебы ихь не позабивал и не побрал городовъ. Ωттол пошол кь Владимеру и ωсмотрЂлъ города. Не браль его, але насилие великоє татаре учинили городу, побрали конеї и товару без числа. Зоставил тамъ Телебугь у города Володимера татаров зъ конми любимымы, пасти кони. Которые татарове ωпустошили землю Володимерскую, обдирали людеї, а инших убивали, /316зв./ такьже кони и товар хватали, нЂлга ни выникнути было руси.

А самъ Телебугь зъ князями всЂми рускими пошол кь Завихвосту. Там Вислы не могучи переїти, же не стала, пошли въ верхъ Вислы къ Судомиру и переїшли Санъ рЂку, а Вислу выше Судомира перешли по леду. Учинили до Судомира приступь великою потугою зо всЂхъ сторонъ, але ничого не доказали. Ωтступивши, воевали ωколо Судомира десятъ днеї и много баръзо попустошили, и полону набрали. Оттол Телебугь пошол до Кракова, але послышавши, ижъ /317/ Нагаї тамь уже ωколо Кракова воюетъ, которыї не Телєбузским гостинцемъ, лечь на Премышлъ ишолъ. Еднакь же якь Телебуга у Судомира, такь Нагаї, у Кракова бывши, ничого не вскуравши, з полоном назад вернулься.

Телебугь стоял на земли Львової д†недЂли, кормячи, а не воюючи, але не давали татаре зъ города ни вылезти, иных людеї побивали, а инших обьдирали и нагих пускали, которыї ωт морозу умирали, бо была тогды зима лютая. Много теж і въ городахъ людеї померло, и такь, опустошивши землю, отишоль Телебуз. /317зв./ По ωтходЂ ТелебужинЂ зличилъ Лев людеї у городах его погиблых, сто тысячеї и полтрети тысячи.

Тоеи ж зимы у кн̃зя Юрья Лвовича преставился сн̃ь молодыї Михаило и, плакавши, положили тЂло его въ церкви Пресвятыя Бц̃ы въ ХолмЂ.

Тоеи ж зимы был великиї мор в Руси, въ Ляховъ, въ Татарехъ ^246—і въ НЂмьцахъ^—246. А на початку лЂта после зимы, гды мор престал, въ ^247—НЂмьцахъ вода велика была /318/ и потопила шестьнадцатъ тысячь людеї, а костелов мурованыхь сто пятьдесятъ и осмь, кромЂ деревяныхь^—247.

Того ж лЂта Леско Казимеровичь собрал свое воїско, воевал кн̃зя Конрата Самовитича. А Конратъ зь своимъ воїском, погнавъши за ними, звитяжил их, многихь бояр и простого воїска Лескового побилъ. Тамь же и воеводу сирадского МатфЂА забилъ и, свої полонъ ωтобравши, зъ славою вернулься. /318зв./

Того ж лЂта умерль великиї кн̃зъ краковскиї Леско Казимеровичь, и поховали его въ костелЂ Святої Троїцы в КраковЂ.

Глава 26²⁴⁸

Ω ВИЇСТЮ ЗНОВА ТЕЛИБУГА И ИНЫХ ТАТАРСКИХЬ ГЕТМАНОВЪ НА ЗЕМЛЮ ЛЯДСКУЮ И О ХОРОБЂ, Ω ТЕСТАМЕНТЂ И Ω СМЕРТИ КН̃ЗЯ ВЛАДИМЕРА /319/

На другую зиму знову Телебугь и Алчуї^О, гетманы татарскиї, зъ воїскомъ своимъ, взявши и кн̃зеї руских зъ собою, пошли на Лядскую землю воевати. Кн̃зь Владимер пошолъ был з ними ж, але ижъ боль мЂлъ великиї в нозЂ и рану, вернулся. А ворочаючися, призваль брата своего триечногω кн̃зя Мьстислава Даниловича, котрыї тамь же зь Телебугою мусил ити, и мовиль ему: «Видишъ, братє, иж у мене детеї нЂтъ, тобЂ даю мою землю всю и городы по моеї смерти, бо барзо естемъ боленъ». /319зв./ Мьстислав подяковал Владимерови, зычачи ему здоровА. Що гды Льву ознаїмили Владимер и Мьстислав, не барзо тому Левъ зъ сн̃омь своим Юръемъ был рад.

Вернулся Владимер до своего мЂста Владимера, там побывши мало, поЂхал до Любомьля сь княгинею своею, оставивши в Володимери на своемъ мЂстьцу епископа Марка. Ωттол поЂхалъ до Берестья, въ Берестьї два дн̃и побывши, поЂхал до Каменца зъ княгинею. Туть ещє болшая его болесть^П зняла. А гды вернулся Телебуга зъ земли Лядскої, /320/ и много шкоды начинивши, и пустошивши, з нимъ же вернулися в свою землю Рускую Левъ и Мъстиславъ. Послышавши ω своихь братиї здоровю, Владимер рад былъ. Тогды сказали Владимеру, иж Мъстиславъ уже твои городъ Всеволожь и иншиї роздаетъ своимъ бояромъ. Ω тое зафрасованыї, Владимер послал кь Мьстиславу, мовячи, ижь: «Не завоевалесь, ани през мЂчь досталесь мои городы, а уже за моего живота роздаешъ. Я ни Льву, твошу родному брату, ни его сн̃у Юръю за ихь гордостъ не далемъ ничого, толко тебе /320зв./ выбралемъ, и тобЂ з ласки моеи отказую по смерти, а не тепер моими городами за живота моего владЂти». Ωтказал покорне на тоє Мьстислав през того ж посла: «Имъ^Р якь не жадалемъ городовъ брата моего Владимера, такъ и не роздаю и не волен естемъ над ними.

Я въ его воли и якь ωт̃ца его шаную!». Зъ тоеї рЂчи барзо утЂшился Владимер и поЂхал зъ Каменца до Раю, чорду^{С 249}. Тамъ жє зь княгинею своею мовилъ: «Не дал ми Бг̃ь дитяти за мои грЂхи взялем дочку Изяславову ещє в пеленах ωт еи матери, вскормилем еи /321/ и любилемъ якъ свою дочку. Хочю послати по Мьстислава, брата, ему свои городъ^Т ωтказати и тобЂ, и дитяти сему Изяславовому. що належитъ». Тое рекьши, послал епископа своего володимерского зь иньшими по Мъстислава. И гды приЂхалъ к нему Мъстиславъ, казал Владимер своему писару Ходорцу писати духовную грамоту албо тестаментъ въ тыи слова:

«Во имя от̃ца и сн̃а, и святаго духа. Мл̃твами святыА Бц̃ы и прснодЂвы Мариї и святых ангелъ. /321зв./ Се аз, кн̃зъ Владимер, сн̃ь Василковъ, внукь Романов, даю землю свою всю и городы по моемъ животЂ брату своему Мьстиславу, и столныї город Володимер». Такую жъ хочу и еще княгини своеї написати грамоту такожьде:

«Во имя ωт̃ца и сн̃а, и святого дх̃а. Молитвами святыя Бц̃ы и прснодЂвы Мариї, и святыхъ ангелъ. Се аз, кн̃зь Владимер, сн̃ъ Василков, внукь Романовъ, пишу грамоту. Даль есмь княгини своеї по своем животЂ /322/ город свої Кобрин з людми и з данью, якь при мнЂ давали, так и по мнЂ. Далесмь и село, и городъ з мытомъ, Акь мнЂ робили, так и княгини робити будутъ, а з поборомъ и з татарщиною къ кн̃зю. Отдал есмь княгини и мнстръ свої Апостолы, тамъ создаль есмь своею^У силою и село купил есмъ Березовичку у Юревича, у Давыдовича Ходорка. Даль есмь за село ωсмъ гривенъ кунъ, а пятъ локьтеї шарлату, ^250—жебрины дощатої^—250. А тоє село далъ есмь къ Апостоломъ». Тыи /322зв./ написавши грамоты, Владимеръ мовил Мьстиславу: «Брате мої! ЦЂлуї крестъ на том, иж по моеї смерти ни маешъ ωт княгины моеї того отимати, што еї далемъ, и от дочки Изяславовы, моеї дЂтины, и ни маеш ωтдавати тоеї дитины ни за кого, толко за того, за кого моя нягиня схочетъ». Мьстиславъ цЂловал на том всемъ крестъ, обЂцуючи ятровъ свою, княгиню, Акь матку чтити, и дитя якь свою дочку отдати. Тое все дЂялося недЂли Федоровы.

Так спорадивши, кн̃зь /323/ Владимеръ, болныї, поЂхалъ до мЂста своего Володимера. Там же въ епископиї Пресвятої Бц̃ы, созвавши бояр і всЂхь людеї, ознаїмил тую свою имь остатною волю свою, ωставляючи имъ вмЂсто себє кн̃зя Мьстислава, и грамоты казал прочитати.

И благословил Мьстислава епископъ крестомъ на княжение Володимерскоє. Побывши Мьстиславъ сколко днеї, поЂхал до своего княжения, до Луцка и до Дубна, а Владимеръ поЂхалъ до Любомля. Тутъ въ великої болести лежал всю зиму, слугь посылал на ловы, /323зв./ ωхочиї бовЂмъ и самъ был до ловов добрыї ловецъ.

Гды настало лЂто, услышавши Конратъ, иж Владимер свое княжение ωтдаль кн̃зю Мьстиславу, прислал посла къ Владимеру, просячи его, абы Мьстиславу приказал, жебы его мЂль въ любьви и боронил от всЂхъ такь, якь и ωнъ самь Владимер послал своего посла къ Мьстиславу, ^251—приказуючи и просячи^—251, абы онъ князя Конрата чтилъ и борониль от всЂхъ неприятелеї, во всемь ему помочным будучи. Што все Мьстиславъ обЂцал, и голову свою за него положити готов будучи, и послал /324/ до кн̃зя Конрата Мьстиславъ, просячи, абы к нему приЂхалъ. Конрат зараз поЂхалъ через Берестьє першє кь Владимеру і, видячи его болестъ барзо великую, плакалъ, ωт него приЂхал къ Луцку, ωттол вь Гаї, мЂсто, в которомъ в тої час былъ Мьстиславъ, где и часто мешкал, бо мЂсто было красноє, будынками и церковью сличною украшенно. Тамь стрЂтивши Мьстиславъ кн̃зя Конрата, принял его под свою ωборону и, участовавши и конми зацными з коштовными сЂдлами, также и материями коштовными ударовавши, з честию отпустил до егω дому. /324зв./

По ωтЂздЂ Конрато†з Любомъля прислал пословъ з Люблина Яртакь, ляхъ, повЂдаючи, иж Леско умерль, а люблинцы прислали менє искати Конрата. Хотятъ, абы онъ пановал в КраковЂ. Тое услышавши, Владимер казал дати под посла борзого коня, на которомь посел, побЂгьши, знашол Конрата в Володимери и ознаїмил ему, же хотят его на монархию Краковскую. Урадовавшися Конратъ, поЂхал кь Владимеру і, възявши от него Дуная, гетмана, пошоль кь Люблину, а люблинцы перед і ним /325/ заперли мЂсто. Конратъ, ставши на горЂ у мниховъ, послал до люблинцов, мовячи, иж: «Звали есте мене през своего посла на панство, а тепер не пускаете къ себЂ» ΩтповЂдали ωни, иж: «Мы не посылали по тебе. Ђдь до Кракова, если тамь тебе оберутъ на панство, мы тобЂ будемь подданыї». Тымь часомь притягнулъ з воїскомъ руским под Люблинъ Юриї, сынъ Львовъ, хотячи себЂ Люблина, але люблинцы не подали ему города, битися готовы, и рекли: «Соромъ тебЂ, княже, з малою Ђздишъ дружиною!». РозгнЂвавшися, /325зв./ Юриї Лвовичь послал свои чаты, которыї, ωколо Люблина попустошивши и жита попаливши, з великимъ полономъ и з користью посполу зъ своимъ кн̃земь Юръемь вернулися додому. Кн̃зь тежъ Конратъ зъ соромомъ вернулся в своє княжение. I въ Лядскої земли была замешанина великая, нимъ ωбрали себЂ монарху по смерти Леска.

Потомь прислал Юриї Лвовичь къ Владимеру, стрию своему, повЂдаючи, иж /326/ ωт̃ць его Левъ отимаетъ городы у него, Белзъ, Червенъ и Хольмъ, которыЂ ему далъ был, и просиль у Владимера, жебы ему дал Берестье. Ωтказал ему Владимеръ: «Не могу моего слова и писма переиначовати. Ωтказалемъ всЂ городы мои кн̃зю Мьстиславу і всю землю мою». З тымь отправивши Юрьивогω посланца, послал слугу своего вЂрного Рачьшу къ Мьстиславу, мовячи: «Просил у мене Юриї Берестья, а я ему не дал ничого, и ты ему не даваї ни села!». I вынявши с-под постели соломы, реклъ Мьстиславу: «Хотяї бы и соломы /326зв./ вЂхоть тебЂ ωтказал, и того не даваї!» Мьстислав тое все обЂцал учинити и, ударовавши, посла отпустилъ.

Потомъ послал Левъ кь Владимеру епископа премышльского Мемнона. Которыї, принятыї честьно и посаженыї, почал мовити Владимеру: «Братъ твої Левъ кланяется тобЂ и мовитъ, ижъ твої стриї, а мої ωт̃цъ, король Данило, в ХолмЂ лежитъ, и брат мої, а твої Шварно и иншиї, а ты свечи николи над ними не поставил. Тепер умирати готовишся, даї Берестьє, /327/ город свої, жебы свеча твоя над твоими горЂла въ ХольмЂ!» Владимер, зрозумЂвши хитрую мову, яко высокого розуму кн̃зъ, отповЂдалъ владицЂ: «Мовъ такь брату: чи мало тобЂ твоеї земли? Три княжения держишъ: Галицкое, Премышльское и Белзъскоє, не насытишся тымъ! Твої стриї, а мої ωт̃цъ Василко лежитъ въ епископиї къ Володимерови. Чи много еси свЂчь над нимъ поставил? Чи дал еси на тоє якиї город? Такьжє и я тобЂ не толко города, ани села не дам, розумЂючи твою хитростъ!» /327зв./ Затым владыку ωтправилъ, ударовавши его, яко пред тымъ у него небывалого гостя.

Еще гды не барзо хорыї былъ Владимер, Ђздячи на кони, роздавал своею рукою убогимъ, сиротам и нищимъ все своє имЂниє, сребрω, золото, камЂньє дорогоє, поясы золотыї и сърЂбреныї, по ωт̃цы своемъ позосталиї, мису великую сърЂбреную отцевскую, кубки золотыї и срЂбреныї, мониста и матерни, бабы своеї, дорогиї, все убогимъ пороздавал и неволниковъ выкуповал. Кони теж тым роздавал, у которых /328/ в Телебужину воину погибли. Вдень і вночь давалъ милостыню. В великои своеи болезни лежалъ полчварта лЂта, якъ Иωв терпеливе. Первого року почали ему исподниі уста гнити, на другиї и на третиї болеи розгнилися, и отпало ему все мясо з бороды, и зубы исподниї всЂ выгнили, и челость исподнея перегнила. Потом вышол в церков Св̃тго Георгия і вьишол вь олтар тамъ, где свещенницы розбираются, там бовЂмъ всегды стоивалъ. И сЂвши на столицы, бо ужє не могь стояти, помолился, бл̃годарячи Гсда Бг̃а о своеи болезни тяжкои /328зв./ и просячи, абы его принял терпЂние. Причастился бж̃ественных таинъ и, пошовши зь церкви, лежал в дому. Опало ему с бороды все мясо такъ, ажъ горло видно было. ЦЂлую недЂлю ничого не Ђлъ, толко трохи воды пилъ. Потом, в четвергъ о куроглашениї помолившися Гсду Бг̃у, предал дх̃ь свои на свитаню в пятокъ.

Живши по от̃цЂ лЂть дватцатъ, преставился Владимеръ, нареченныи во св̃томъ крещениї Иоанъ, сн̃ъ Василковъ, внукъ Романовь, року от Сотворения СвЂта 6797-г^Ф в Любомли, мсца декабрия десятого дн̃я. И привезли его в Во/329/лодимерь. Княгиня его Олга и сестра еи, черница Елена, і всЂ бояре, и простыи плакали, якъ по от̃цы своемъ. Потом навеснЂ, пришовши епископъ Евсегниї и всЂ, игумены игумены^Х, и Агапитъ, игумен печерскиї, отворивши гробъ епископъ, учюли бл̃гоухание ароматное от его тЂла цЂлого, лежавшого вь гробЂ четыре мсцы, и затворили знову гроб, ^252—положили его вь епископиї, в церкви Пресвятои Бд̃цы, вь гробЂ от̃чемъ, мсца апрЂля дватцать перваго дн̃я^—252. Мъстислав не приспЂлъ на погребениє.

Сеи бл̃говЂрныи кн̃зь Владимер был возрастом /329зв./ высокъ, плечами великь, лицем красен. Волосы мЂлъ жолтыи, кудравыи, бороду стригь. РЂчъ его была толста, былъ мудрыи, в писмЂ бЂглыи и ловецъ разумныи. Пития хмелного николи змалу не пивал, справедливыи, в крестномъ цЂлованиі стоял, додержуючи присяги, любовенъ къ всЂмъ покорныи, нищих и чернцов, и черницъ кормителъ, якь от̃ць, милостыню всЂмъ нещадно давал. Побожныи, на мл̃т†всегды плакал, на небесныи барзЂи, ниж на земныи смотрЂлъ речи. Городовъ много и церквеи поставилъ, и много на церкви, и на монастырЂ /330/ понадовал сосудов, образов, золотомъ и сребромъ, и каменемъ дорогимъ оправных, ризь коштовных, книгь и инших дорогих потребных речєи, и принял от Бг̃а вЂнець своего побожного живота.

Глава 27²⁵³

Ω ОПОНОВАНЮ БЕРЕСТЬЯ ОТ ЮРЬЯ ЛВОВИЧА И О ВЫГНАНЮ ЕГО ОТТОЛЪ ПРЕЗ МЪСТИСЛАВА, О ДАНИ НА БЕРЕСТЯНАХ И О КНЯЖЕНИЇ МЪСТИСЛАВОВОМ В ВОЛОДИМЕРИ, А КОНРАТОВОМЪ ВЬ СУДОМИРУ /330зв./

По смерти кн̃зя Владимера Юриї Лвовичъ, сн̃овець его, зараз заЂхалъ Берестье и учинился в немь княземъ, бо еще гды хорЂль кн̃зь Владимерь, берестьяне поЂхалї кь Юрью Лвовичю, зраду чинячи под Мъстиславомъ, и присягли Юрью, его себЂ за кн̃зя приимаючи, а Юриї обЂцал, иж не выдавати Мъстиславу. Тое ознаимили Мъстиславу его и Владимерови бояре и радили ему, абы ишолъ на Юрья воиною. Мъстислав, кровопролития не хотячи, послалъ кь Юрью, пытаючи его: «Если то своею волею албо за росказанемъ от̃ца своего Лва сЂлъ на Бересты?» и грозячи /331/ ему воиною, же ему данныи от Володимера взялъ город. Также послалъ и къ-о Лву, мовячи: «ВЂдаешь, ижь Владимер мнЂ далъ свои всЂ городы, и^Ц за твоимъ росказанемъ сн̃ь твои взялъ Берестъе. Не здивуи, послалемъ по татарь. Тая кровь на вас будетъ, и я готуюся воеват!»

Левъ устрашился татар, бо еще не забыл Телебужины оскомы, послал до сн̃а своего Юръя, жебы Ђхал з Берестья, если не послухаетъ, обЂцуючи и самъ на его поити, абы за него не погибла земля от татар. За тымъ словомъ от̃ца своего Лва поЂхал Юриі з Берестъя зь соромомъ, пограбивши /331зв./ рЂчи стрия своего в Берестъї, в Каменцу и в БЂлску. А Мъстиславъ, вернувши того, которыи поЂхалъ былъ по татар, самъ приЂхалъ в Берестье. СтрЂтили его берестьянє со кресты и приняли вдячнє. А тыї, которыї началницы впроводили Юръя, за нимъ побЂгли з Берестья. ПоЂхалъ до Каменца и до Белска, тамъ, з радостъю принятыи, положил свою засаду и, укрепивши ихь себЂ, знову вернулся до Берестъя и спыталъ: «Если сут ловцы албо данъ у Берестьї? Рекли: «От вЂка нЂ^Ч». Реклъ Мъстиславь: «Не хочю и крови проливати за тое, ижь подступъ подо мною учинили, Юрью отдалися и его /332/ за кн̃зя к себЂ привели. Въкладаю на них ловцы албо подачку рочную». И казал писати грамоту такую:

«Се азъ, кн̃зь Мъстиславь, сн̃ь королевъ, внукь Романов, уставляю ловчия на берестяны навЂки за их крамолу от ста по д†лони²⁵⁴ меду, да по д†овцы и по пятнатцат десятков волны, по сто хлЂбов, по пяти цебровъ ωвса, по пятъ цебровь ржи албо жита, по дватцатъ кур от ста. А на горожанъ по чєтыре гривнЂ кун.

А кто мое слово порушит, станетъ со мною пред Бг̃омъ на судЂ! Вписал есмь в лЂтописцы крамолу ихь».

И, утвердивши в Берестъю свою засаду, поЂхалъ в Володимерь. ПриЂхавши, от всЂх с радостъю /332зв./ приняты, сЂль на столицы владимерскои, брата своего, на самыи Великъден, року 6797^Ш, апрЂля десятого дн̃я. Почал, справедливе и любовне со всЂми живучи, княжити, з Ляхами, ^Щ—з НЂмцами^—Щ і з Литвою в покою мешкати, княжениє свое по Лядскую землю, по Литовскую и по Татарскую держал.

Тогды ж литовскиї кнзи Будикид и братъ его Буивид²⁵⁵ даровали кн̃зю Мъстиславу свои город Волковскь, жебы з ними жив в покою. Тогды ж приЂхал кн̃зь Конратъ кь Мъстиславу, просячи от него помочи на ляхи, хотячи сЂсти на княжениї Судомирскомъ. Мъстиславъ, ударовавши кн̃зя Конрата и боярь его, послалъ /333/ за нимъ свое воиско. З которымъ пришовши Конратъ до Судомира, сЂлъ на княжениї Судомирскомъ, посажен помочъю сн̃а королева Мъстислава.

Глава 28²⁵⁶

Ω ВОИНЂ БОЛЕСЛАВА САМОВИТИЧА З ПОМОЧЮ КН̃ЗЯ ЛВА, ИНДРИХА, КН̃ЗЯ ВРОТИСЛАВСКОГО, ЗА СТОЛИЦУ КРАКОВСКУЮ /333зв./

По смерти Леска сЂль в Крако†Болеслав Самовитичъ, братъ Конратовъ. И пришовши АндрЂи албо Андрих, кн̃зь вротиславскиї, выгнал его, хотячи самъ княжити в КраковЂ. Теды Болеславъ, собравъ братию свою, Конрата и Локетка, пошли з воискомъ на Индриха кь Кракову. Индрихь, послышавши о томъ, выЂхалъ до Вротиславля, ωсадил Краковъ своими нЂмъцами, которыї ему присягли не подавати Кракова Белеславу и головы свои положити. Зоставил имъ Индрих и корму барзо много вь КраковЂ. А гды приЂхалъ Болеславь, стал на предмЂстъю, але города трудно было достати, /334/ бо был мурованныи крЂпко, и билися з него моцно. Стоялъ цЂлое лЂто, боячися^Ю, Болеслав, але ничего не учинилъ.

Того ж лЂта Левъ, сн̃ь короля Данила, братъ Мъстиславовъ, самъ пошол в помочъ Болеславу. И гды пришол къ Кракову, рад былъ ему барзо Болеслав, якь от̃цу, бо Левъ былъ крЂпокъ, на воинЂ храбрыи, ^Я—Я смЂлы, много доказывал на воинах многих. ОбЂздилъ около города Кракова Левъ, осмотруючи, куды бы его взяти и даючи пострах будучимъ в городЂ. Обачилъ твердостъ великую города и армату потужную, и пошол вь свои наметы. /334зв./ Назавтреє пошли к Отинцу крЂпко и мало не взяли города, многих граждан побили, инших ранили. А зъ своими цЂлъ пришол Левъ и пошол знову к Кракову. И справившися всЂ рускиі воиска з лядскиї, пошли под город, билися крЂпко. Туть пришла вЂдомость кь-о Лву, ижь воиска идутъ на него великии. Левь з Болеславом почали на тыї воиска пристроиватися, але обачили, ижь то гетманы лядскиї были положилися, абы не взято города. И подумавши, Лев зь своими боярами послал часть своего воиска на Индриха, до Вротиславля. Которыи, повоевавши землю /335/ Индрихову, без числа людеи, конеи и товару взяли, и корысти много, и з великою добычю, и з славою вернулися кь Лвови, николи бовЂмъ такъ глубоко не входило руское воиско.

Ωттоль поЂхалъ Левъ в землю Ческую кь королеви и докончилъ з нимъ покою, и утвердилъ. Ударовавши Лва, королъ отправадилъ его с чєстъю. ПриЂхалъ знову Левъ кь своему воиску под Краковъ, з которымъ, набравши много полону и корысти, вернулся додому.

Того жь лЂта кн̃зъ Мьстислав над гробомъ княгини Романовои змуровалъ гробницу албо каплицу, в манастырЂ Св̃тыхъ /335зв./ Иωакима и Анны, в которои и служба Бж̃ия отправовалося, а в ЧорторЂиску вежу каменную заложилъ.

Попередня     Головна     Наступна