Попередня     Головна     Наступна

КРОИНИКА Ω ЗЕМЛИ ПОЛСКОИ
ΩТКОЛЪ ПОЛЯКИ ЛЯХАМИ И ПОЛЯКАМИ НАЗВАННЫИ СУТЬ; Ω ПЕРШИХЬ И О ДАЛШИХ КНЗЕХ И КОРОЛЕХЪ ПОЛСКИХЪ, ЗЬ ИСТОРИКОВЬ ПОЛСКИХЬ ВКРАТЦЂ СОБРАННАЯ И РУСКИМЪ ЯЗЫКОМЪ СПИСАННАЯ ^А— ПРЕЗ ИЕРАМОНАХА ФЕОДОСИЯ СОФОНОВИЧА, ИГУМЕНА МАНАСТЫРЯ МИХАИЛОВСКОГО ЗОЛОТОВЕРХОГО КИЕВСКОГΩ^—А, /1зв./
РОКУ ОТ РОЖДЕСТВА ХРСТВА 1673^Б

ЛЕХЬ ПЕРШИЇ, КН̃ЗЬ ^в—в

Лехь^Г албо поляки едного поколЂня суть з русю, потомки Иафета, сн̃а Ноевого, языка словенского. Обои тыи народове были и до сего часу суть битныи і в воинахъ славныи, і всЂмъ народомъ страшныи. Ное благословил Иафета, абы владЂлъ и розширался. Имя тое Иафеть значить «розширение». Для того потомки его, «славяне» от «славы» названныи, своимь мужєствомъ /2/ и делами рыцерскими ширико^Д розширилися. З того славенского нараду^Е были два браты родныи: Чехь и Лехь. Чехь^Е—Е своими сЂль межи Дунаемъ и Лабою, реками, и тая земля от Чеха назвалася Ческая. Лехь зас осЂлъ над Вислою в поляхь, от которого Леха лехи, а оттол^Ж поляками названныи, под его владзою наидуючися. Тои Лехь много немецкихь мЂсть под свою владзу был подбилъ и, успокоЂвшися мало от военъ, проЂздался по поляхъ, усмотрюючи мЂстць, до будованя /2зв./ мЂсть и замков способныхь. И нашоль мЂсце барзо способное до будованя мЂста и до обороны, где много гнЂздь орлиихь было. На том тогды^З мЂсцу заложили^И мЂсто первое и славное, и назвалъ его ГнЂзно, от гнЂздь орлиихь, тамъ будучихь, и себЂ за гербъ взял орла. Потом, много звитязствъ доказавши и свою землю добре спорадивши, сеи свЂть пожегналъ.

ВЫШЕМИРЬ, КН̃ЗЬ ПОЛСКИЇ

По смерти Леха и иншиї были кн̃зи над лехами, рыцерствомъ значныи, по которыхъ /3/ потомокъ зъ внуковъ Леховых Вышемир зосталъ кн̃земъ полскимъ. Тои Полское розширилъ панство ажь до границь Дунского кролевства. И гды Сивардь, крол дунскиї, частыми жь наЂздами докучал Полскому о границу ^І—І панству, Вышемир, починивши лоди и наполнивши людми рыцерскими, по двакроть значное звитязство над кролемъ дунскимъ вдержалъ, островы дунскиї Имерию, Феондию, Салендию под себе взялъ и мЂста на них, названныи Вышемир, Лубечъ и Гданскъ, своими осадил людми, /3зв./ а кролевича дунского взявши в неволю, з многою корыстю вернулся до Полскои. Кролъ дунскиї и другиї, зараз от Вышемира значне пораженыи и прогнанныи, зь фрасунку умерль. Вышемиръ тежь, подбивши часть немалую под себе Дунского панства, без потомства зышолъ славно з сего свЂта.

ДВАНАТЦАТЬ ВОЕВОД

По смерти Вышемира поляки обрали дванатцатъ воевод, которыї панством Полскимъ радили, але же не згажалися /4/ зь собою, многиї будучи справцы, един над другого подносилъся, межи собою часто вадилися и билися, а иншиї земли, под панства Полское подбитыи, отторгалися.

КРАКЪ, КН̃ЗЬ ПОЛСКИЇ

Поляки, уваживши, ижь незгода многих воевод-справцовъ великую шкоду и убытокъ панству чинить Полскому, учинивши раду генералную албо сеимъ, значного на тотъ чась мужа на имя Крака, потомька Чехового, обрали себЂ згодне всЂ за кн̃зя. Тои кн̃зь /4зв./ полскиї Кракъ и своихъ незгодныхъ, і выбиваючихся з-под владзы полскои усмирилъ, и французовъ, которыи, Венгры^Ї попустошивши, в Полскую землю были вбЂгли, значне звитяжилъ. Потомъ над Выслою на скалЂ, Вавел названои, заложилъ мЂсто и назвалъ его от своего имени Краковь. В тои скалЂ былъ змии страшныи, которыи людеи пожиралъ. Кракъ, жалуючи людскои шкоды и быдла, шкуру воловую, наполнивши сЂрки, смолы и сЂлитры, и тамъ кноть зь огнемъ вложивши, поставил /5/ перед скалою. Змии, гды вышолъ зь скалы голодныи, розумЂючи, жє ему то покормъ наготован, быдля, пожерль оную шкуру приправную. И гды тое все вь єго чєре†загорЂлося, роспєклься^Й. А Кракъ, своимь Полским панствомъ добре радивши и добре спорядивши, умерль. Двох сн̃овъ, Крака и Леха, и третию дочку, паяну Ванду, по себЂ зоставилъ.

КРАКЬ И ЛЕХЬ, КН̃ЗИ

По смерти Крака сн̃ь его старшиї Кракъ /5зв./ зосталъ кн̃земъ полскимъ, которого брать его меншиї Лехь, на ловы з нимъ Ђдучи, забилъ. И сказавши полякомъ, ижь Кракъ, ^К—К Лехь зосталъ кн̃земъ полскимъ. Але гды поляки увЂдали Лехову хитрость и братоубииство, выгнали его с панства.

ВАНДА, ПАННА

Року от Рождества Хрства 730 Ванда, панна, дочка Кракова, после своих братиї зостала княгинею Полского панства и, якь мужь, мудро справовала /6/ панство Полское, подобно ОлзЂ, рускои княгинЂ. Была Вонда^Л на взорь пенкная, для того многия кн̃зи чюжоземъскии хотЂли еЂ за жону мЂти, але она не хотЂла замужь, паненство себЂ до смерти обравши. Ритагор, кн̃зь немецкии, посылал к неи, себЂ за жену еЂ сватаючи, а гды не хотЂла, поднесь воину на Полское панство. Ванда, собравши против его свои^М полскиї воиска, звитяжила его. Ритагор зь сорому того, ижь от панны былъ /6зв./ звитяженъ, из жалю мечем себе пробилъ. А Ванда, богомъ офЂруючи свое паненство, абы еи кто сватовствовом^Н болеи в панст†не пешкожалъ^О, в Вислу кинувшися, сама себе утопила. ТЂло еЂ знашовши, поховали от Кракова в мили, могилу высыпавши.

ДВАНАДЦАТЬ ВОЕВОД

По смерти Ванды, ижь дЂдича на панство Полское не было, знову поляки на панство себЂ обрали дванатцатъ воевод, але ижъ /7/ межи тыми воіводами была незгода и междусобная воина, для которои маркоманове^П, гунновє и нЂмцы землю Полскую воиною наЂжжали, ^Р—Р не улюбили поляки многихъ пановь, своих воевод.

ПРЕМЫСЛАВЪ АЛБО ЛЕСКО ПЕРШИЇ

Року от Рождества Хрства 750 Премыславь з-межи тыхь дванадцати воевод обранныи есть от всЂхь кн̃земъ полскимъ, которыи не своего, але отчизны пожитку шукаючи, гды /7зв./ моравяне пустошили землю Полскую и з великою добычъю, и с корыстми^С ворочалися, собравши полскиї воиска и догнавши моравянь, наголову всЂхь побилъ, неволников своихь і всю здобыч побралъ. И з славою вернувшися, пановалъ в земли Полскои. И многих рыцерскихъ дЂлъ доказавши, зышол з сего свЂта, потомства еднакь по собЂ не зоставилъ. /8/

^Т—ЛЕСКО ДРУГИЇ ^—т

Року 780 по смерти Премыслава Леска^У, же не остался потомъ^Ф дЂдичныи на панство Полское, вь обираню тЂж себЂ монархи не згодилися^Х панове радныи, ухвалили тои способь: поставили столпь перед Краковом, на немъ ^Ц—Ц корону и скипетр. ^Ч—Ч Кто бы от реки Прадники^Ш першии^Щ на кони добЂгь того столпа, всЂхь упередивши, тои и мЂль быти монархою полскимь. Един теды чл̃вкь подлого стану на имя Леско Хитры на тои дорозе, куды /8зв./ мЂли бЂгти, набиль гвоздя. И такь всЂ, не знаючи того, бЂсуючи^Ю до короны, поранены от гвоздя, не добЂгли. А Леско ^Я—Я, волною от гвоздя дорогою бЂгучи, добЂгь, всЂхь упередивши, и зосталь кн̃земь полскимь. Але потомь играючи молод, гды там же жартуючи, от реки Прадники бЂгли пЂшь^Ь до столпа навыпередки, покололи себЂ ноги, обачили ^А—з них^—А хитрость. ^6—б Един з них, хоть поколотыми ногами, добЂгь столпа. А того звали также Леско Другии^В. ДовЂдавшися тое хитрости, сената^Г /9/ зкинули з панства Леска Хитрого и конми росторгати казали, а сего, Другого Леска, монархою обрали. Котрии, поневаж с подлого стану быль на паньство обраныи, завше на кролевьскихь сукнах подлую носиль сукню, абы памяталъ на нестатокъ щастя.

Тое по немь и иньшии долго монархове чинили. Многих^Д потомь значных дЂль докозавши, Леско Вторыи зишоль з сего свЂта, потомка Леска Третего^Е зосталь^Є по себЂ. /9зв./

ЛЕСКО ТРЕТИИ^Ж—Ж

Ωтправивьши погребь своему отцу, Леско Третии зосталь монархою полскимь. Которыи, успокоивьши от неприятелеи Полское паньства, а не хотячи порожновати, венгромь и саξономь^З помогаль воевати противь короля^И, римского цесара. И року осмьсоть перваго з чехами и поморчаками ^І—І вь Слоньску подле Одери, рЂки, от короля забитыи зосталь.

МЂль ^Ї— единого сына правдиваго Попела и иньших дванатцат, але с подложницъ^—Ї. /10/

ПОПЕЛЬ ПЕРШИИ

По смерти Леска Третего сынь его Попель Перьшии, дЂдичь, зосталъ монархою полскимь. Тои з Кракова столицу перенесь до

ГнЂзна, потом до Крусвицы. Жиль роспустне. Гды клялься коли, тое мовиль: «^Й—Бог даи^—Й мя мыши зьЂли». Што и сталося не ему, але его сн̃у.

ПОПЕЛЬ ВТОРЫИ

Року 830 сн̃ь Попеля Першото /10зв./ Попель Вторыи зосталь монарьхою. Тои, иж мешкаль, якь и ωт̃ць его, роспустьне, не смотьречи справь Речи Посполитои, ^К—К и жона имь радила, зненавидень быль ωт пановь радьных. Для того, боячися, абы не был зъ паньства зкинень, а жебы стрыи его которыи не быль на паньство Полское обраньныи, за порадою своеи жоны змыслиль себе быти хоримь. Призваль до себе дватцат стриев своихь, кн̃зеи поморьскихь, и просил /11/ ихь, жебы по его смерти сына его, з двохь единого которого, учинили монархою полскимъ. Они охочо тое обЂцали, если сенаторове полскиі позволять. А жона Попелова, чашу з трутизною наготовавъши, дала имь пити, жебы кождыи за здоровье хорого пиль монархи.

Они, здрады не знаючи, гды охочо напилися, вышовьши от Пепеля, всЂ поумирали. ^Л—ЛЖона Попелова /11зв./ рекла, же боги ихь скарали, ижь злое мыслили монарсе, и казала тЂла ихь во ωзеро ^М—М вкинути. З которихь труповь^Н за помьстою Бж̃иею без числа мышеи ^О—О вышло. Которыи мыши ишли на замокь, монарху Попеля и жону его, и сыновь гризсти такь, ижь ни желЂзомь, ни огнемь ихь не могли отгнати, ажь Попель з жоною и з дЂтми мусиль на озеро ^П—П вь лодыи утекати, ^Р—Р сховалься, едьнакь и тамь плыли за ними /12/ мыши и, дошовьши Попеля з жоною и з дЂтми, поЂли.

ПЯСТЬ КРУСВИЦКИИ

Року от Рожестьва Христова 842, по зьЂденью от мышеи Попеля, собралися во Крусьвицы панове полски на обране монарха. Быль там же въ Крусвицы и чл̃вкь простыи, але людцкии и добрыи на имя Пясть³²². Трафилося, же под чась того пановь собраня уродилься у него /12зв./ сынь, на которого родины насытил меду и вепра забиль. В тои же чась два незнаемыи человЂки пришли, и хотЂли тамь внити, где зишлися на обране монархи. Туды гды ихь не пущено, пришли до Пястя, которыи ихь, людьско принявши, чостоваль. Они, новорожденьного маладца^С остригьши звычаемь поганьскимь, назвали его Семовить и отишли. Там же /13/ гды многимь, на обране ^т—т собраннымь, не достовала^У корму, ишли до Пястя куповати кормъ^Ф. ^Х—ХИмъ дармо з охотою даваль, и у него даемое спорилося. Для такои его людскости всЂ его улибивши^Ц, обрали монархою полскимь, хотя^Ч и с подлого стану. И быль монархою лЂть дватцат, славно зышоль зь сего свЂта От сего Пястя^Ш монархи полскои^Щ аж до Людовика Венгрина свою линию проводили. /13зв./

СЕМОВИТЬ

Року 895 Семовить ^Ю—по смерти от̃ца своего зостал монархою полскимъ, розумнымь и мужественными. Тои неприятеля от своего пнства часто пригонял славно, венгровь, чеховь, самибовь и поморчиковь до дованя данЂ себЂ примусил, и чтыре лЂта монархою был полскимь. Бывши в маладомь вЂку, животь свои оставил, Леска, сына, по себЂ зоставилъ^—Ю. /14/

ЛЕСКО ЧЕТВЕРТЫИ

Року 902 молодыи барзо Леско ^Я—Я по смерти от̃ца своего зосталь монарьхою полскимь. А быль под опекунами до выистя досконалаго лЂть возрасту своего. В покою монарьхию свою справоваль ^Ь—и вь молодомь вЂку умерль, зоставивши по себЂ Семомислава, сына своего^—Ь.

СЕМОМИСЛАВЬ

Року 921 Семомиславь по смерти от̃ца своего зосталь монархою /14зв./ полскимь. Справоваль, якь его продки, мудре паньства. Ледве в старасти дождаль, ижь родилься у него сынь, и тои слепыи. И, остригши его, назвали Мескои^А. ^6—А гды Семомиславь банкетоваль сенаторовь, на банкете сказоно отцу, ижь Меско^—Б по нареченю имени рихло прозрЂль. ВсЂ тому здивилися^В, гды обачили сына видячого, принесенного на банкеть. И гды пыталь вЂщковь оттець^Г , що бы то значило, отповЂдали, ижь през него /15/ Полская просвититца вЂрою християньскою и прозрить, ^Д— що і сталося^—Д. Затымь^Е Семомиславь, ^Є—вь покою монархию оставьши, жити престаль^—В.

МЕСКО АЛБО МЕЧИСЛАВЬ

^Ж—ЖПо смерти от̃ца своего Семомислава Меско, которыи слЂпымь уродился, зосталь кн̃земь албо монархою полскимь. МЂль сЂмь жонь, але ни з едьною не мЂль потомьства. Для того фрасовался, же быль без потомства /15зв./ НЂкоторыи теды чюжоземцы, християне, которыи на его дворе были, радили ему, абы приняль вЂру християньскою и зь едьною по християнску жиль жоною, обЂцуючи, ижь такь ему Бг̃ь дасть потомство. Услухавьши частои такои рады, Меско послаль до короля чеського Владислава^{З 323}, которыи забиль родного своего брата, ^И—свЂтого Вячеслава^—И, просячи, абы свою дочку, именемь Дубровну^І, /16/ за него отдаль. Владиславь^Ї обЂцаль свою дочку за Меска дати^Й, если бы окрестилься вь християньскую вЂру, бо чехове впередь християнами стали. Меско з охотою з всЂмь нарадом своимь полскимь ^324—окрестилься року 965^—324, и вьмЂсто Меска названь есть Мечиславь. Поняль за себе дочку короля ческого Дубровьну^І.

Роскозаль тежь по всемь своемь паньстве Полскомъ, абы вьсюды /16зв./ дня семого, марта мс̃ца, бальвановь розбивали и палили, што такь и учинено. Бо перед тымь поляки за боговь мЂли слонце, мЂсяць, вЂтерь, которого звали ПосвЂть^К, што свищеть, вЂючи, Ювьша, которого Еслою^Л, Плютона, которого Ладо^М, Цесару^Н, которую Инею^О, Венеру, которую Маруною, и Дияну^П, которую Зенонию^{Р С—}по своему назвали^—С, также Лелюмь, Полелюмь. ^Т—Т Которымь бальванамь празникь особливе ^У—У дватцать пятого мая и дватцат /17/ четьвертого июня на Рожестьво Предетечево^Ф отправавали. И еще ихь^Х до сего часу межи християнами иньде, особливе Лада и Лелюмь, Полелюмь, поминають.

Очистивши от бальвановь Полское паньство, Мечиславь на знакь правдиваго своего християньства пастановиль, абы под чась службы Бж̃ии все мужи вь цр̃кви, гды /17зв./ Еваньгилия читаетца^Ц, выимали шабли з поховь до половицы и так держали, ажь прочитаетьца Евангелия, и гды заспЂвають «Слава тебЂ, Гсди», тогды бы вь похви вкладали^Ч, ^Ш—тымь означаючи^—Ш, иж готовы до смерти битися за вЂру християньскую. Много поставиль^Щ Мечиславь цр̃кви и епископиі устоновиль.

З Дубровки Владислававны^Ю мЂль сына Болеслава Храброго, которого порадивши, рихло /18/ умерла, и похована вь ГнЂзнЂ. Взяль Мечислава^Я, кн̃зь полскиі, ^325—друю^Ь жону по смерти первои, Юдифу^—325, дочку короля веньгерского, ^А—А которая ему уродила сына

Мечислава. Посылаль по попежа Веденикта ³²⁶, просячи себЂ короны королевьскои. Але ему не даль, не довЂраючи, жебы доскончилим^Б быль християномь^В. ^г—Затымь Мечиславь умерль^—Г. /18зв./

БОЛЕСЛАВЬ ХРАБРЫИ

Року 999 Болеславь, от своихь значных дЂль рыцерских Храбрыи названыи, обраныи на монархию Полскую. Тои, набожьнымь будучи, откупиль, отваживши золотомь ^Д—Д Воитеха ³²⁷, от прусь^Е забитого, которого мощи Оттонь³²⁸, ^Є—є цесарь рымски, приЂхаль з Риму до Полскои навЂжаючи. Того цесаря Болеславь, монарха полскиі, зпоткаль за семь миль, великую ему честь выражаючи, /19/ сукнами дорогу всю устилаючи. Потомь вь ГнЂзнЂ великимь частоваль цесарь^Ж коштомь. Цесарь, вдячностью тую честь Болеславу нагорожаючи, там же вь ГнЂзнЂ коронукоролевьскую вложиль на голову Болеславу і королемь его, а не кн̃земь уже казаль оголосити, от даны и от вшелякои службы, абы не доваль^З цесаромь римскимь, увольниль. Дароваль тежь цесарь Болеславу гвоздь Христовь и копию^И /19зв./ светого Маврикия. А Болеславь цесарю даль раме ст̃ого Воитеха. На болшиі еще звязокь з собою цесарь свою ^329—вьнучку^І, дочку воеводы^—329 руского Рисху, отдаль за сн̃а Болеслававого Мечислава. И отЂхал цесарь до Риму.

Болеславь пограничныи значне воеваль земли, ^330—ческого кроля Болеслава^—330 звитяживьши, ослепити роскозал, и всю его землю попустошиль. Зь Ярославомь, кн̃земь рускимь, потужне воеваль и, Киева добывши, /20/ ^331—осадиль вь Киеве Ст̃ополка^—331, і с Киева скарбы великиі побравьши, вернулися до Полскои. Прусовь, сасов и кассубновь^Ї повоеваль ажь до мора НЂмецкого албо Бальтииского. А вь рЂце ОссЂ, вь мЂле от мЂста Рагозна, два столпы железныи поставиль. Такь свои границе^Й ширико^К роспростронивьши и сн̃а по себЂ Меска албо Менислава ^Л—Л оставивьши, славно зышол зь сего свЂта. /20зв./

^М—МЕСКО АЛЬБО^—М МЕЧИСЛАВЬ ВТОРЫИ

Року от Рожестьва Христова 1025 Меско Вторыи, по смерти от̃ца своего на королевьство Полское обраныи, кролеваль лЂть девять. Не рыцерско, але гнюсно и роспусьне жиль, ничого значного не доказоваль, ^Н—Н мЂль сына Казимера. Зневиденыи от всЂхь за свою гнюсьность, зышоль з сего свЂта.

^332—ИНЬТЕРЬРЕГНУМЬ ^—332

По смерти Меска албо Мечислава Второго сталося^О незгода межи /21/ полскими панами. Часто зежджаючися, не могли себЂ короля обрати^П. Казимера, дЂдича, не хотЂли мЂти за короля, боячися, жебы живучи, якь от̃ць, гнюсно, не згубиль паньства Полского. Едины хотели Ярослова, кн̃зя киевского, але, иж быль вЂры грецкои, для того иньшии не хотЂли. Иньшии хотели мазовецкого кн̃зя, иньши ческого, иньши /21зв./ з-межи себе хотЂли обрати, и такь не згожалися. А королевая ^Р—Р Мечиславовая, видичи себЂ з сыном своимь Казимеромь погоржоною, ^333—взявши корону королевскую^—333 и скарбы всЂ, з сыномь поЂхаль^С до брата, цесара, до Саскои земли.

Дала сына ^Т—Т Казимера ^334—на науки ^У—У да Парижя^—334, которыи потомь сталь мнихом. ^Ф—Ф Тымь часомь ^335—Ярославь, кн̃зь киевскии, безо отпору барзо попустошил /22/ землю Полскую^—335. А ^336—Братислав ческии^—336 з другои стороны повоевал Слонско, Врацьлавь, Познань и ГнЂздо, попустошил барзо. Видячи панове полскиї великов Полского кролевства без короля знищене и шкоду незносную, обачилися. И оттолъ уросло прислове тое: «По шкодЂ ляхь мудрыи». Послали до Волоскои земли шукати и просити Казимера, дЂдича, на королевство Полское. Ωн отмовлялъ, ижь не может, же сталъ мнихомъ. Теды за прозбою пановь полскихь папежь ^337—Венедикть Девятыи^—337 разрЂшил Казимера от обЂта /22зв./ мнишеского ^Х—Х и позволилъ королемъ полскимъ быти. А на поляков вложилъ папеж тую^Ц покуту, ^Ч— же Казимеромь, дЂдичом, погордЂли были^—Ч, абы на певныи^Ш ста в костелЂ лентиї албо стулу на себЂ носили і волосы коротко стригли, и жебы кождыи полякъ давал по пенязю на кождыи рокъ папежу на ωливу до лямпы св̃тго Петра. И названо тои замокъ^Щ Св̃топетре.

КАЗИМЕР ПЕРВЫИ

Року от Рождества Хрства 1041 Казимерь, сн̃ь Мечиславов, по выистю своем /23/ з Полскои да^Ю Волохь семого року, з монастыра Клуниацкого взятыи, приЂхавши до Полскои, вь ГнЂздЂ обраныи и коронованыи, зосталъ королемъ полским. Тои перше розбоиниковь и драпЂжников в Полскомъ панст†ускромил, потом краины, котрыи ^Я—з даваня^—Я дани были выбилися, до даваня дани примусилъ. ^338—Маслава, кн̃зя мозовецкого, з прусами и с печєнигами согласившогося, над Вислою два разы значне поразил^—338 такь, ижь ледве до Прусь утеклъ. Там жє от прусь^Ь за тое, же ихь воиска з нимь много згинуло, умученыи Маславь верьвкою, ^А—А /23зв./ животъ свои ^Б—Б скончалъ. ^В—В От того Маслава Мазовецкая земля названа. Понялъ себЂ Казимерь за жєну сестру Ярослава, кн̃зя киевского, Марию, з поколЂня цр̃еи грецкихь, которую назвалъ ДоброгнЂвою. Для неи церковь рускую в Крако†змуровалъ. З неи ^339—мЂлъ четырехъ^Г сн̃овь^—339, ^Д— Мешка, Отона, Болеслава і Владислава^—Д, и дочку Свитохну. Которых по себЂ зоставивши, зьишолъ зь сего свЂта.

БОЛЕСЛАВ СМЂЛЫИ

Року 1068 Болеслав, от смЂлости анимушу /24/ СмЂлыи названныи, сн̃ь старши Казимеровь, обранныи ^Е—Е зосталъ королемъ полскимь. Зараз ^340—Вратиславь, ческиі кроль^—340, поднесь воину против Болеслава, вторгнулъ до Слунска^Є, пустошачи. Болеславъ, собравши рихло воиско, прогналъ Вротислава і, в Ческои земли великиі побравши корысти, вернулся. ^Ж—Ж На пришлыи рокь знову кролъ Болеславъ, болши собравши воиска, пустошил

Ческую землю, ажь мусиль его Вротиславъ поеднати. Потомъ поморчики поднесли воину на Болеслава, которыхъ Болеславъ у Оси реки збил наголову /24зв./ и под свою моць Подморскую^З землю и многиї мЂста моравскиі подбилъ року 1069. Затымъ Беля ³⁴¹, дЂдичныи кролъ венгерскиї, выгнаныи з королевства през брата своего АндрЂя, упросиль себЂ на помочь Болеслава з воискомъ полскимъ. Болеславъ, пошовши^И до Венгерь, збилъ воиска цесара Генрика и ческиї, помагаючи АндрЂю, где и самого АндрЂя забито^І. А Белю, Мескову дочку за собою маючого, своего приятеля, посадил на кролевст†Венгерскомъ. Вернувшися з Венгерь, Болеславъ СмЂлыи княгиню рускую ^Ї— Вышеславу за^—Ї себе взялъ ^Й—Й.

Потомъ, гды ^342—кияне ^К—перше, а другиі раз^—К браты /25/ родныи ^Л—Л Изяслава выгнали^—342 зь княжения Киевского, Болеславь Изяслава, по двакротне з воискомъ своимъ притягнувши, посажовалъ на столицы киевскои. БЂлскиї повЂдаеть, же, вьезжаючи Болеславь в Киевь, тял бронею своею в Золотыи Ворота, знакь на славу свою зоставуючи. Потомъ знову з воиском своимъ^Ї ходилъ до Венгеръ и поеднал Белевых потомковь зь Соломономъ, венгерскимъ королемь. Вернувшися до Полскои, ^343—забилъ Станислава^—343, бискупа краковского, Болеславъ и пошолъ зь сн̃омъ своимь Мешком зь Полскои, и не знати где зышол зь сего свЂта. ^М—М /25зв./

ВЛАДИСЛАВ ГЕРМАНЪ

Року 1082 Владиславь Германь, по родномъ своемь братЂ Болесла†обранныи, и коронованныи есть^Н королемъ полскимъ. ^О—МЂль зь Юдифы³⁴⁴, Вратислава, кроля ческого, дочки, сн̃а^—О Болеслава Кривоустого, от кривыхъ усть названного. Другиі^П зас жоны, Генрика Четвертаго, цесаря рымъского, дочки^Р, мЂлъ три дочки. Прусов и поморчиковъ над рекою Драванчею побил и знову под свою моцъ подбилъ. Вратислава, кроля ческого, которыи почалъ былъ шкоды в Полскомъ панст†чинити, пославши краковского воеводу ^С—С зь сн̃омъ своимъ /26/ Болеславомъ, ^Т—Т звитяжилъ и Моравскую землю огнемъ и мечємъ попустошил. Потомъ, гды поморчики МежирЂчь, мЂсто моцноє, опановали, пославши своего сн̃а Болеслава, дванадцати лЂтъ будучого, зъ ^У—У Сечєхомъ, воеводою краковским, примусилъ облеженемъ до того, ижь мусили здатися и отдати от нихь взятое мЂсто. И такъ, значныи звитязства показавши, крол Владиславь Германъ ^Ф—вь старости умерлъ^—Ф. Понавал дватцать лЂтъ.

БОЛЕСЛАВЬ КРИВОУСТЫИ

Року 1103 Болеславь Кривоустыи по смерти от̃ца своего зосталъ кролемъ /26зв./ полскимъ. Скончивши рочную жалобу по от̃цы, оженился, взялъ себЂ за жону Збыславу, дочку кн̃зя киевского ^345—Михаила Св̃тополка, которыи церковь Св̃тго Михаила Золотоверхого в Кие†змуровал^—345. В тои час Збигневь, брать Болеславовь, ^Х—Х подвелъ Боривоя ³⁴⁶, ческого кроля, и Св̃тополка, кн̃зя моравского, на Болеслава. Але Болеслав ихъ звитяжилъ и прогналъ.

Потом другиї и третиї разь Ческую и Моравскую попустошилъ землю. Такъ жє и ^347—Поморскую землю, по килкакротъ Болеславь значне наезжаючи, пустошилъ^—347, Велъгорода^Ц, мЂста и замку моцного, добыл, ^Ч—Ч а иншиї ^Ш—Ш поддавалися, и с корыстьми ^Щ—Щ великими /27/ вернулися^Ю. Генрикъ Четвертыи, рымскиї цесар, гды за кривду чеховъ взявшися, пришол з воискомъ своимъ и з чєхами на Болеслава, и цесара значне Болеславь звитяжилъ. И гды цесаръ паслу^Я Болеславовому^Ь указалъ великую скриню червонных, повЂдаючи, ижь: «Маю чимъ воевати на Болеслава», укинулъ там же посел свои перстенъ золотыи, мовячи: «Иди золото до золота! Поляки не бояться золота, бо не в золотЂ, але в желЂзє остромъ кахаются^А». А потомъ з цесаром и приятелство Болеслав учинил, взял за себе по смерти Збыславы, жоны своеи, Адхлеиду, сестру цесареву, а за /27зв./ сн̃а своего Владислава, зь Збыславы урожоного, Христину, дочку того жь цесара взялъ за жону.

Потом поморчиковь и прусовь, которыи, присягу зламавши, Мазовшу воевали, повставши на Болеслава, звитяжилъ значне Болеславъ и знову под себе подбилъ. Такжє и ^348—Дунскую землю^—348 повоевал и скарбь кролевства Дунского зь всею фамилиею до Полскои заправадилъ. Потомъ з рускими князями Болеславъ, сточивши воину под Галичємъ, хотячи своего приятеля, кн̃зя галицкого, на Галицкомъ княжениі, выгнанного з Галича, посадити, от кнзеи руских звитяжены зосталъ и ледве на подломъ кони /28/ утеклъ до Полскои.

Для того, барзо зафросаваны, зь фрасунку захорЂлъ и рихло умерль, перед смертью ^349—панство свое сн̃омь розделивши^—349: старшому Владиславу, которого мЂлъ з рускои княгини Збыславы, далъ Краковское, Серадзское, Саское и Поморское княжение; Болеславу Кудравому — Мазовшу, Добринъ и Куяву; Меску албо Мечиславу — ГнЂзно, Познанъ^Б и Калишь; Генрику — Сендомирскую и Любелскую землю, а Казимерови, меншому, ничего не далъ. А гды сенаторове ему о КазимерЂ, абы даль ему часть, мовили, отповЂдил:

«Знаете, ижь у воза чтыри толко кола, /28зв./ на которых треба, жебы кто сидЂл». Тымъ означилъ, же после своих братиі мЂлъ Казимер всЂ ихь чтыри части посЂсти, што и сталося. Жилъ Болеслав вЂку всего лЂтъ 54, а пановал лЂтъ 36.

ВЛАДИСЛАВ ВТОРЫИ

Року 1140 Владиславъ Вторыи, сн̃ь старши Болеславовь, зосталъ кролем полскимъ. Тои не былъ подобень от̃цу своему, бо, послухавши жоны своеи, не контентуючися своим удЂломъ, братиї своихь умыслил зь их княжениі повыганяти. И поднеслъ на ихь воину, затягнувши себЂ рускии воиска./29/ Генрикъ, Болеслав Кудрявыи и Мечиславъ убЂгли до Познанского замку. Тамъ прибывши, Владиславь з воисками ихь облегь. Они, голодомъ притиснены, хотЂли здатїся, але за порадою жолнЂровъ старыхъ вночи, з запалеными свечами на подпиваючихь неприятелеи кинувшися, запалили обозы и ихь розбили. Владиславъ самъ до Кракова утеклъ. Братия его за нимъ гды вьслЂд гонили, побЂгь зь Кракова и ^350—утекль до НЂмец^—350, до приятелеи жоны своеи. За ним и жона его Христина зь сн̃ами своими пошла. Такъ, чюжого прагнучи, и свое власное панство утратилъ ^В—В. /29зв./

БОЛЕСЛАВ ЧЕТВЕРТЫИ КУДРЯВЫИ

^Г—Г По братЂ своемъ Владисла†Болеслав Кудрявыи, от волосовь кудравыхтакь названныи, зостал кролемь полскимь. Часто его Конрад, цесарь, молестовалъ, абы брата своего Владислава принялъ и далъ ему якую часть в Полскомь своемъ панствЂ. Алє Болеславъ не хотЂлъ дати, за што з Конратом и зь Фридериком, цесарами, воевал Болеславъ, и з нимъ они ничого не вскурали. Потомъ, умирившися, принялъ Владислава ласкаве, з НЂмецкои земли призвавши. Але рыхло ^351—в Полоцку^Д Владислав, знать, зь трутизны умерлъ^—351. Кроль Болеславъ /30/ оженился, взялъ за себе Анастасию, дочку кн̃зя галицкого. А Казимеръ за себе понялъ дочку руского кн̃зя велбьского^Е Всеволода. Затым крол Болеслав зь братиею своею Прусы огнем и мечем попустошилъ, потребуючи, абы крещение приняли. Але они, обЂцавши, не выполнили, лечъ собравшися, знову Мазовецкую землю воевали. Против ихь знову Болеславъ з братиею и з воиском пошолъ. Зь прусов^Є тогды ш два якобы передалися кролю зрадливе. Кролъ, имъ увЂривши, взялъ ихь за проводников, котрыи кроля в лесы густыи гды запровадили, прускиї воиска, з ^Ж—засадь зкикинувшися^—Ж, /30зв./ поляков барзо збили. Там же Генрикъ, сендомирскиї и любелскиї кн̃зь, братъ Болеславов, забитъ, а Болеславъ ледве з малымъ людомъ ушолъ до Полскои ^З—и, захорЂвши, умерлъ^—З року 1173, панованья своего 29, и похованъ вь Краковъ. Зьставилъ по себЂ сн̃а Леска БЂлого.

МЕСКО АЛБО МЕЧИСЛАВ ТРЕТИІ ^и—и

Року 1174 Мечиславъ Старыи, брат Болеславовъ, засталъ кролемъ полским. Былъ барзо лакамыи и окрутныи, на всЂхь ^І—І установлялъ подачки, не толко на простыхъ, але и на шляхту, справедливости жаднои не чинилъ, барзо самъ дралъ утискалъ людеи, и весь его двор. /31/ Для того от всЂхь был ненавидин, бо и никого, добрую раду даючого, не слухалъ. Гды теды поЂхалъ до Великои Полскои, сенаторове послали до Казимера, меншого его брата, и ему, ^Ї— хотяи вымовляючемуся^—Ї, дало^Й кролевство Полское.

КАЗИМЕР, СПРАВЕДЛИВЫИ НАЗВАНЫИ

Року 1184 Казимерь ^К—К Справедливыи зосталъ кролемъ полскимъ, права брата своего несправедливыи показовалъ^Л и шарпачовь ускромилъ, справедливе пануючи, за що его всЂ улюбили. Потом принял и Мечислава, /31зв./ с кролевства зложеного, брата своего, и дал ему Познанское княжение. А сам пошол на руских кн̃зеи воевати, на Всеволода и Владимера. Где гды з воискомь забавился, братъ его Мечиславь, знову кролевства жадаючи, пошол з людомъ до Кракова і взялъ мЂсто Краковь, але замку не взялъ. Казимер, тое услышавши, вернулся з Руси з воискомъ своимъ, взявши и кн̃зеи рускихь, Романа и иншихь, себЂ на помочь. Пришовши, взяль Краков, бунтовников годне скаралъ, а Мечиславь ушол. Сн̃а своего поимал былъ Казимерь, але отпустилъ. ^М—М Помятуючи ^Н—Н о забитю брата своего Генрика от прусовъ^О, выправился з великим воискомъ на Прусы и на Поморчики, /32/ попустошиль ихь землю и голдовниками ихь себЂ учинилъ. З тое воины вернувшися, умерль в Крако†зь трутизны.

ЛЕСКО ПЯТЫИ БЂЛЫИ ^п—п

По смерти от̃ца своего Казимера Леско БЂлыи, от бЂлых, волосов такь^Р названныи, зосталъ кролемъ полскимъ. Же молод был, и матка его Елена ³⁵², княгиня руская, з ним справовала панство Полское. Мечиславь Старыи, стриі Лесковъ, перешкажал ему в панованю, наЂхалъ з воискомъ до Кракова, але не пущеныи и отбиванныи^С, ранены ушол. Потом на Рус воиною пошол Леско, упрашены от кн̃зя Романа на помочь, абы Романа /32зв./ осадил на Галичи. Мечислав, не могучи силою, умыслиль хитростию кролевство держати; упросилъ Елены, ^Т—Т жебы ему позволила кролевство держати поты, поки доростетъ Леско дватцати лЂтъ. Ωна, яко добротливая, тое Мечиславу позволила. Але гды доросль Леско лЂть дватцати, а Елена упоминалася, абы отдалъ сн̃у еЂ Леску кролевство, Мечиславь не хотЂлъ, ажь санаторове, сеимь учинивши, скинули Мечислава с панства, Леску отдали кролевство.

Потом Мечиславъ ^У—У умерлъ, а Леско ^Ф—БЂлыи зрадою^{—Ф х—}от ^353—Св̃тополка, поморского старосты, забить^—353, же у него упоминался кролъ десяти тысячєи сребра, за лЂтъ килка дани^—Х. Так ^Ц—Ц Гвагнин пише^Ч. /33/ А Белскиї повЂдаетъ, ижь по смерти Старого Мечислава снъ его, Владиславъ Тонконогиї^Ш, былъ кролемъ, а потом знову Леску БЂлому уступилъ кролевства Полского.

И Леско з Конратомъ, братом, воевал на Романа, кн̃зя галицкого, на которои воинЂ кн̃зь Роман под Завихвостомъ забит зостал.

БОЛЕСЛАВ ПЯТЫИ ВЪСТЫДЛИВЫИ

Року 1243, по смерти от̃ца своего Леска БЂлого, Болеславъ Въстыдливыи зостал кролемъ полскимъ. Матка его, дочка Изяслава, кнзя руского, еще в опецЂ мЂла. А поневажь молод был, о его опекунство билися по килкократъ з собою Конрад, /33зв./ кн̃зь мазовецкии, з Генрикомъ Бородатымъ, кн̃земъ велкополскимъ. Тая ж вь Слонскои^Щ земли панавала междусобная воина. Затым вышол Батыї в шестикротъ^Ю сто тысячєи татарь, повоевал землю Рускую; з Русиї пришовши, повоевал і всю землю Полскую, мечемь и огнем попустошилъ.

Гды Болеславъ з Генриком, кн̃земъ велкополскимъ, и з великим воискомъ своимъ против татар вышли, ^354—татарове все воиско ихъ збили^—354. Болеслав ледве утеклъ самъ, а татарове, хотячи вЂдати, колко поляков в том воиску побили, едно ухо кождому забитому отрЂзывали и наполнили ухами девятъ меховъ барзо великихъ. Тогды ж татаре, пошовши^Я з Полскои, повоевали і Венгерскую всю землю /34/ и три лЂта в Венгерахь бывши, отишли. БатЂи в венгерахъ забить. Потомъ Болеславъ, ^Ь—Ь гды от татар мало усмирилася земля, вернулся на свою кролевскую столицу, мЂл воину по килкакрот з Конратом мазовецкимъ кн̃земъ, воевал з королемъ рускимъ Данииломъ посполу на Чехи и былъ под Оповаю. Потомъ бывши на кролевство лЂтъ тритцать семъ, зышол зь сего свЂта. ПовЂдаютъ для того Вьстыдливыи назван, ижь безженне весь вЂкь свои пережилъ. Под час воины татарскои, албо мало перед воиною знаки страшныи были. /34зв./ На небЂ ^А—А видЂно ^Б—Б воиска ^В—В биючися ^Г—Г крЂпко. Того жь року в земли Краковскои ^355—жена шляхецкая^—355 Вербославская уродила разомъ тритцать шесть детеи, ^Д—Д анурия 21 дн̃я. Того жь року в Калишу уродился быкъ з двома головами и з седма ногами, которого трупа ни псы, ни птахи не Ђли. Того ж року вь Слонску три дн̃и кривавии дождь ишоль.

ЛЕСКО ШЕСТЫИ ЧОРНЫИ

^Е—Е По смерти брата своего Болеслава Леско Чорныи, кн̃зь сЂрадцкии, зостал королемъ полскимъ. Тои кн̃зя Лва, сн̃а Даниила, кроля руского, /35/ которыи былъ Люблин звоевалъ, под Сендомиромъ звитяжилъ. Такьже Литву, два разы воюючую землю Полскую, значне побивалъ и звитяжал. Потом року 1285, мсца декабрия, множество великое татар з ^356—Нагаем, цр̃емъ, з Телебугою, гетманом своимъ^—356, взявши и руских кн̃зеи з собою, барзо попустошили землю Полскую, ажъ и около Кракова. Леско, силы столко, жебы против ихъ станул, не маючи, зьЂхал был з жоною до Венгерь. По отходЂ татар знову Леско воевался з Конрадом, кн̃зем мазовецкимъ. Конрадь взялъ от него /35зв./ любимыи замокъ Гостяное з помочъю Руси. Потомъ послалъ Леско воеводу сирадцкого на Мозовшу воевати. И гды тот воевода з Мазовши з полоном ворочался, догналъ его Конрад, розбил его воиско и самого воеводу забил, и свое все поотнималъ. О што зафросававшися, Леско впал в хоробу и умерль року 1289, похован в КраковЂ, потомъства не заставивши.

ГЕНРИКЬ ПРОБУСЬ

Року 1290 по Леску Чорномъ Генрикъ, Пробусь названныи, кн̃зь вратиславскии, наступил /36/ на монархию Полскую. И много незгоды і воины было о панство. ^357—Краковскии бискупь з иншими Болеслава, мазовецкого кн̃зя, призывалъ^—357 на монархию, але Генрикь, бившися о тое з Болеславомъ, звитяжил его. Потом Локетокь, братъ Лесковь родныи, кн̃зь сирадцкии, з помочъю велкополян на Генрика воевалъ и опановал былъ Краковъ, столеное мЂсто. Але Генрикь, здобывшися на силу, знову пришол до Кракова и ночъю впущены былъ в мЂсто Краковь от мещан, що послышавши несподЂване Локеток Владислав, не знаючи, що чинит, убЂгь /36зв./ до мнихов и оттол, в мишескои^Є одеждЂ зпущены през мурь, ледвє утеклъ. А Генрикь, не долго бывши кролемъ, умерль зь трутизны.

ПРЕМЫСЛАВ ВТОРЫИ

Року 1295^Ж Премыслав, кн̃зь велкополскиї і поморскиї, обраны и коронованныи королемь полскимь еще от Гендрика на тую монархию назначеныи, бо, почавши от Болеслава СмЂлого ажь до сего, жаден не был коронованныи на кролевство. Гдыж роздЂленое от Болеслава сн̃омь панство, кождыи сн̃ь и потомки ихь на особномъ княжении сидЂл^З, аж сеи /37/ Премысль усмирил ты^И кн̃зєи, пострах имъ учинивши. Але недолго, семь мс̃цеи толко был кролем. Болеслава, ^І—І Чорного жона, послала до своего сестренца Вячєслава, кроля полского^Ї, абы приЂхал на кролєвство Полское, яко на дЂдичное еи по Леску панство. РозгнЂвавшися теды ^358—Вячєславь, кролъ ческиї^—358, же его упередил Перемыславъ, на кролевство Полское направилъ марграбевь брандебурских, которыи зненацка, тихо пришовши^Й, ^359—Премыслава, банкетуючогося под Запусты, любо и моцно боронился, многиі раны задавши, забилъ^К—359. /37зв./

ВЯЧЕСЛАВ, ЧЕСКИЇ КРОЛ ^л—И ПОЛСКИЇ ^—л

Року 1300^М Вячеславъ, крол ческиі, засталъ кролемъ полскимь. Тои з Локетком, моцныи^Н, воевал о панство, всю Лакеткову державу посЂль, посажал тамь своих чеховь, а не поляковь. ХотЂл теж и самого Локетка поимати. Для того Локетокъ пошол до Венгерь, а оттол до Риму. Тогды ж рус, вбЂгши до Полскои, всю краину Сендомирскою спустошили і великиі полон побрал^О. Локетокъ, вернувшися з Риму, взял помочь от Венгерь и, пришовши в Полскую на Вячеслава, побрал значныи мЂста, и иншиї, ему зычливыи, поддавалися /38/. Того ж часу на его счастье умер Вячеслав. Сеи кролъ Вячеславь ческиі внеслъ гроши и монету рабити^П росказал. А перед тымъ^Р скурами^С и срЂбромъ неробленым, и иншими речами люде набывали себЂ потребных речєи, меняючи.

ВЛАДИСЛАВ ЛОКЕТОК

Року 1306 Владислав Локетокъ, от малости возросту такъ прозванныи, по многих бЂдах обран королем полскимъ, еднакъ не коронованныи, бо велкополяне хотЂли Генрика, кн̃зя глоговского, Конрадового сн̃а, сестренца Премыславового. Которого /38зв./ звитяживши, Локетокъ застал коронован кролем в КраковЂ, а до того часу вь ГнЂзнЂ короновано. Потом многокротне воевал, особливе с прусами, от которых през набЂганя поносила Полская кривды и шкоды великиї, и любо з утратою иногды своих, относилъ еднакъ значныи над прусами звитязства, побываючи ихь много і в неволю беручи. По долгих працахь военныхь умерлъ в Крако†року 1333.

КАЗИМЕРЬ ВЕЛИКИИ

^Т—ТПо смерти от̃ца своего Казимер Великиї того жь року, згодне от всЂхь обранныи, /39/ зосталь королем полскимъ. Впередь успокоилъ вь своемъ панст†домовы розрухи и розбои. Затым, сеимь зложивши, Людвика, сестренца своего, сн̃а Короля^У, венгерского кроля, оголосилъ по себЂ дЂдичнымъ кролем полскимъ. Потом, собравши воиска великиї, ^360—пошол на Рус воеват^Ф—360 і взял перше Лвовь зь великими скарбами, особливе взялъ з церкви два кресты золотыи, каменем^Х дорогимъ оправлены, в которых была часть Животворящего Древа Креста Хрства. Потомъ и иншиї Рускиі княжения и земли Премысльскую, Галицкую, Саноцкую, /39зв./ Лукомскую, Володимерскую, Любачовскую, Тренбовльскую^Ц и иншиї побраль и прилучил до Полскои, воеводства там установивши року 1340^Ч. ^{361— ш—}Воевалъ потом з чехами^—361 знову^—Ш. Року 1349 Казимер, выправившися з воиском, взял под себе мЂста волынскиі:

Луцкь, Белзъ, Холмъ, Брестье и иншиі. Але Литва часто за тыи мЂста билися^Щ з поляками, хотячи под собою держати, и одержовали, любо и знову от нихь крол отнималъ^Ю. Потомъ мазовецкии кн̃зи поддалися КоронЂ Полскои. Крол Казимер жилъ нечисто з подложницами, за що от духовных был строфованъ, але не дбалъ. Воиска /40/ свои посылалъ ^362—воевати Волоховь року 1359^—362, але волохи его воиска моцно поразили и иншихь в неволю побрали. ^363—Року потом 1301-г ^Я—363 Казимер, уганяючися на ловахь за еленем, з коня зпал и ногу зламал, оттого умерль в КраковЂ.

ЛЮДВИКЬ ВЕНГРИНЪ

През лЂть осмьсотъ и болшъ Полская мЂла дЂдичныхь кн̃зеи и королеи^Ь аж до Людвика, кромЂ Владислава Чеха. Гды умерлъ Казимер Великиї без потомства, наступил на кролевство Полское /40зв./ Людвикь Венгринъ року 1370. За понованя его мало що значного сталося, толко были забоиства немалыи, и един другого кривдилъ, бо самъ мешкал в Венгерахъ, а в Полскои ^364—матка его, кролевая, все справовала^—364. Потомъ року 1381 Людвикъ, крол, отдал свою ^365—дочку Марию за Жигмонта^—365, сна кролева^Ш, цесаря римского, короля ческаго, и хотЂлъ, ^А—А абы по нем Жигмунтъ зостал кролем полскимъ. Которыї то Жигмунть еще за живота Людвекового, з воискомъ пришовши до Полскои, нЂкоторых противных скарал и пошол просто на Семовита, кн̃зя /41/ мазовецкого, для того, же Семовитъ себЂ хотЂлъ кролевства Полскогω вьзьглядом своеи близкости. Попустошивши теды Мазовшу, пошол до столечного мЂста велкополского, до Познаня, гдЂ за монарху был принятъ. Тымъ часомъ умерль Людвикъ, крол и похован в Венгерах, дванадцатъ^Б лЂтъ бывши кролем полскимъ.

Поляцы^В, не хотячи Жигмунта за кроля мЂти, потаемне урадили взяти дочку Людвикову за дЂдичку кролевства Полского и отдати за такого монарху албо кн̃зя, которыи бы мудро /41зв./ справовалъ кролевствомъ и от неприятелєи боронилъ. Послали з тым до Людвиковои, до Венгерь. Она зь охотою прислала дочку свою^Г до Полскои Ядвигу, которую поляцы, вдячне принявши, вь Крако†короновали. ДовЂдавшися о том Ягело, кн̃зь литовскии, пенкностью, обычаими зацными кролевои Ядвиги знятыи, року 1385 прислал своих братов Скиргела и Бориса з великими барзо^Г и коштовными дарами до Ядвиги, малжєства еи жедаючи и кролевства, обЂцуючи, взявши еи в малженство, окреститися, неволников полских і всЂ мЂста /42/ побранныи вернути и Литовское княжение до Полского кролевства привернути, такжє Слонскь, Прусы, Поморскую землю шаблею до Полскои знову отшукати, скарбы свои на потребу Речи Посполитои Полскои обернути, і все тое дЂлати, що до пожитку и розширеня панства Полского належитъ. Тое поселство барзо вдячное было полякамъ, але королевая Ядвига не хотЂла за Ягелона в малженство, повЂдаючи, ижъ еще за живота от̃ца своего Людвика есть пошлюблена ^366—Вилгелму, кн̃зю ракускому ^{Д— 366}, и того барзо хотЂла. Поляки послали до Венгерь, до матки /42зв./ Ядвиговои, кролевои венгерскои, ознаимуючи о Ягелоновомъ поселствЂ. Матка призволила на тое, што полскимъ паномъ подобалося. Послали теды до Ягелона^Е поляки^Є, абы зо всЂмъ тымъ, што обЂцалъ, Ђхал до Короны Полскои взяти в малженство королевую Ядвигу. Тымъ часом кн̃зь ракускиї^Ж, послышавши о томъ всемъ, з двором своим значным и з коштовными дарами славно вьЂхал вь Краковъ, хотячи себЂ Ядвигу в малженство поняти. Вдячне от королевои Ядвиги принятыи, штодн̃я з нею банкетовал на замку. Видячи панове полски, /43/ же королевая барзЂи схиляется до Вилгелма, нижли до Ягелона^Е , не пустили Велгелма болеи до замку, ^Є—ани кролевои до его замку^—Є. Кролевая, розгнЂвавшися, почала секЂрою ворота зомковые^З рубати, ледве еи панове ^Є—от того^—Є отвели, непристоиность еи в том указуючи. В тои же чась пришла вЂдомость, ижь Ђдет Ягело. О томъ приЂздЂ послышавши Вилгелмь, і, видячи ему противных панов полских, з Кракова тихо отЂхал, зоставивши свои скарбы. ^И—И

Попередня     Головна     Наступна