Попередня         Головна         Наступна

ЦЕРКОВНО-ОРАТОРСЬКА І ПОВІСТЕВА ПРОЗА ІОАНІКІЙ ГАЛЯТОВСЬКИЙ

Представник церковного красномовства XVII ст. і теоретик схоластичної проповіді, Іоаннікій Галятовський вчився в Киево-Могилянській колегії і був учнем церковного діяча Лазаря Барановича; деякий час він був учителем колегії, а пізніше (1657 р.) і ректором її. В 1669 р. Галятовський став архімандритом Чернігівського Єлецького монастиря, де й помер у 1688 р. Він написав збірник проповідей «Ключ разумЂнія» (1659 р., перевиданий у 1663 і 1665 р.), додавши до нього трактат «Наука албо способ зложеня казаня»; видав збірник оповідань про чудеса богородиці «Небо новое» (вид. 1665, 1677, 1699 рр.) і збірник «Скарбница» 1676 р.; польською мовою написав трактати «Zabedź z piórami swemi», «Alphabetum rozmaitym heretykom», «Fundamenta» та ін.

Подаємо тут уривки з «Ключа разумЂнія», видання 1665 р.: «Казаньє на покров пресвятой богородици» (із скороченнями) і трактат «Наука албо способ зложеня казаня», а також кілька оповідань із збірника «Небо новое» 1665 і 1699 рр.

КЛЮЧ РАЗУМЂНІЯ

Казаньє на покров пресвятой богородици

Изважи ми огня тягость, или измЂри дыханіе вЂтра, пли возврати воспять день, иже мимо иде. 3. Ездра, 4.

Слушне аггел Гавріил назвал пречистую дЂву благословенною межы невЂстами ¹, мовячи: «Благословенна ты в женах», бо що колвек ² знаменитого якіи невЂсты учынили, тое все учынила пречистая дЂва.

 ³ жінками ⁴ будь-коли

Іаиль была валечная, СісарЂ гетманови мадіамскому спячому гвозд молотом в голову въбила, и на той час сон єго в смерть перемЂнилъся; и пречистая ДЂва єст валечная, скрутила голову СісарЂ пекелному през Христа, сына своего. Царица Савская была мудрая, пришла до Іерусалиму слухати мудрости Соломоновои, и принесла єму подарунки, золото, дорогое камЂнья и пахнучій зела; и пречистая дЂва єст мудрая, пошла до Іерусалиму небесного слухати мудрости бозскои и понесла богу великій дары: цноты свои, которыи золотом, дорогим камЂньем и пахнучим зЂльям называютъся. Єсфир была милосердная, гды Артаксерксес, кроль перскій, хотЂл выгубити въвесь народ ізраилскій; на той час Єсфир пошла на палац до кроля просити єго, жебы не губил люду ізраилского, и для єси прозбы не губил кроль ізраилтянов; и пречистая дЂва єст милосерднаа, пошла на палац небесный причинятися до бога, который єст кролем всего свЂта, жебы он не затрачал за грЂхи народу людского, и для єи причыны не затрачает бог людей грЂшных... Анна пророчица была чистая, побожная и повстягливая, по смерти мужа своего жыла осмдесят и чтыри лЂта при церк†в чистости, уставичне постила и богу ся молила, и пречистая дЂва была чистая, побожная и постница, от дитинных лЂт своих, аж до конца живота своего, жыла в чистости, в постЂ и в молитвах, зачым пречистая дЂва єст благословенная межы всЂми невЂстами, поневаж що колвек знаменитого якіи невЂсты учынили, тое и она учынила, не доказали зась того иншыи невЂсты, чого доказала пречистая дЂва: зважила огонь, змЂрила вЂтер и завернула назад день прешлый. Не поднявся того чынити и пророк Єздра, гды мовил до него аггел Уріил: Изважи ми огня тягость, или измЂри дыханіе вЂтра, или возврати воспят день, иже мимо иде. Отказал пророк Єздра: «Єда ли сія человЂк сотворит?» Хочу теды дня нынЂшнего, под час покрова пресвятои богородици показати, як пресвятая богородица зважила огонь, змЂрила вЂтер и завернула назад день прешлый...

Изважи ми огня тягость. Огнем єст бог, так мовит апостол Павел: «Бог наш огнь поядаяй єст». Огонь отлучает єдни речы от других, єдни палит, других ся не дотыкает, в печи Вавилонской не спалил огонь трох млоденцов вЂрных, а около печи далеко спалив невЂрных поганов; так гды свЂт будет чиститися огнем пред страшным судом, на той час грЂшных тылко людей, непріятелей божих, огонь спалит, а справедливых не доткнетъся... Огонь твердое желЂзо мякким чынит, гды его роспалит, глину зась мяккую твердою чынит, гды оную зъсушит. ЖелЂзом сут люде грЂшныи, ведлуг пророка ІеремЂи: «ЖелЂзо вси растлЂнны сут». Глиною называютъся люде справедливый, так мовит апостол Павел: «Имамы же сокровище сіе в скуделных сосудех». Маемо скарб той (науку євангелскую) в глиняных начынях: в тЂлах наших; тепер тое желЂзо твердо: люде грЂшныи, а глина мяккая: люде справедливыи, бо тепер люде грЂшныи мают власть над справедливыми, а в остатный день бог, которий єст огнем, желЂзо твердое мякким, а глину мяккую твердою учынит, бо на той час праведныи люде над грЂшными будут власть мЂти. Тепер люде злыи добрых, невЂрныи вЂрных, богатни убогих судят, мучат и губят, а в остатній день люде убогій богатых, добрыи злых и вЂрныи невЂрных будут судити посполу з Христом, и пошлют их до пекла на вЂчные муки... Тут Антіох, кроль сірійскій, судил и замордовал семи братов Маккавеов, а в остатній день Маккавеи будут Антіоха судити и будут до него мовити:

«Чи памятаеш ты Антіоху кролю сірійскій? же нас невинне мучилесь за бозскій закон и замордовалесь? Идиж тепер окрутный мучителю за тое до пекла, жебысь там на вЂки умирал и мучилъся»... Той теды огонь зважила пречистая дЂва (бога) завше єго в сердцу своем носила,єму завше служила и жаднои речы опроч бога мЂти не хотЂла...

Огнем называетъся и любов, так мовит дух святый в ПЂснях пЂсней: «Угліе огненно плами єя, вода многа не может угасити любве». Гды збудовали ізраилтяне прибыток ¹ богу на мешканье, на той час дал бог ізраилтяном огонь з неба, жебы тым огнем палили офЂры, и росказал ², жебы той огонь завше знайдовалъся в прибытку на олтарЂ, жебы нЂгды не згашал... Прибытком называетъся кождый человЂк побожный, бо як в прибытку бог мешкал, так и в добром человЂку мешкает. Олтарем єст сердце человЂчое, бо на олтарЂ завше горЂл огонь и нЂгды не угасал; так в сердцу человЂчом завшеся мает знайдовати любов и нЂгды не мает угасати, поневаж любов огнем ся иазывает... Пречистая дЂво южесь зважила огонь, бо завше мЂла єси в сердцу своем бога, который ся огнем называет, завше мЂла єси в сердцу своем до бога, до ближнего и до непріятелей любов, которая называется огнем.

Єще пречистая дЂво измЂри дыханіє вЂтра. ВЂтром называетъся житіє наше теперешнєє дочасное, так мовит праведный Іов: «Помяни же убо, яко дух мой живот». ВЂтер бывает нестатечный, часом теплый, часом зимный, и житіє наше єст нестатечное, сего дня человЂк веселый, завтра смутный, сего дня щасливый, завтра нещасливый, сего дня тріумфует, завтра ляментует. Дознал нестатечного житія Сеян великій, сенатор рымскій, которому погане, як богу, офЂры чынили, который на золотом возЂ Ђздил, и посполу з цесарем Тиверіем подписовалъся на листах, потым єго тое щастя отмЂнилося, утято єму голову и труп єго волочено по улицах рымских, на остаток в Тибер рЂку вкинено. Дознал нестатечного житія БелЂзарій, гетман грецкій, который килка кролев звЂтяжил, потым єму вылуплено очи и зостал жебраком убогим, так, же стоячи в Константинополю на рынку, просил людей о ялмужну ³ мовячи: дайтє пенязь БелЂзаріе†гетманови. Дознал нестатечного житія Баязет, кроль турецкій, валечный, пред которым Егіпет, Сірія, Арменія, и иншыи панства ⁴ држали, потым єго Тамерлянес, цар татарскій, поймавши на войнЂ всадил в клЂтку, и всЂдаючи на коня, ступал єму на шыю. Дознал нестатечного житія АдонЂвезек, кроль хананейскій, который мЂл у себе под столом сЂмдесят кролев з отятыми руками и ногами, збЂраючих и пожываючих одробины падаючыи з столу єго; потым его поймали на войнЂ ізраилтяне и оттяли єму руки и ноги, що он людем чынил, тое и єму люде учинили, ведлуг слов Христовых: «МЂрою, єюже мЂрите, возмЂритъся вам».

ЗмЂрила той вЂтер пречистая дЂва, бо вЂдала, же житіе наше єст короткое, и прудко як вЂтер премЂняет... Для того пречистая дЂва жыла на свЂтЂ побожне, жебы побожным житіем дочасным могла доступити в небЂ живота вЂчного...

...У Даріуша кроля перского три покоіовыи учынили квестію ⁵,

 ¹ церкву, скинію ² наказав ³ милостиню ⁴ держави ⁵ питання

що єст наймоцнЂйшого на свЂтЂ? єден мовил, же наймоцнЂйшое вино, бо кождого человЂка з ног звалит, кто єго пъет много, другій мовил, же наймоцнЂйшій кроль, бо он всЂми людми и на земли и на морЂ, в своем панст†владнет, третій мовил, же наймоцнЂйшая невЂста, бо она и кроля и тых, которыи виноград для вина садят, породила, и мы мусимо признати, же наймоцнЂйшая єст невЂста, але тая невЂста єст пречистая дЂва, матка Христова наймоцнЂйшая, бо она зважила огонь, змЂрила вЂтер и завернула назад день прешлый, чого не может жаден человЂк учынити. Погане шановали Артемиду богиню фалшивую, и в ЕфесЂ збудовали єй божницу, на срЂбрЂ єи рысовали, и хвалили волаючи: великая Артемида Ефеская. Православныи христіяне, мы шануймо пречистую дЂву, правдивую богородицу, будуймо церквы на єи имя, рысуймо єи на срЂбрЂ и на злотЂ, и хвалЂмо єи, мовячи: Великая єсть Марія, матка божая, бо великіе речи учынила: зважила огонь, змЂрила вЂтер, и завернула назад день прешлый...

НЕБО НОВОЕ

(РІК 1665)

Батій цар татарскій, гды пустошил землю Рускую, татаре єго притягнули до Холму, и хотЂли єго добывати. В той час д†девици княжны рускіи в ХолмЂ молилися пречистой дЂвЂ богородици, жебы их боронила от тых непріятелей; потым образ пресвятои богородици на вал мЂсцкій вынесено, и зараз гора холмская здалася татаром быти высокая аж под оболоки, и що мЂли приступати ближей до Холму, то далЂй отступовали.

(Чуда п. б. от образов єи, чудо 29).

В РымЂ был в яскинЂ ¹ базилЂшок ², который ядом своим много людей заразил и морил; теды Лео третій, папа рымскій, на успеніе пресвятои богородици зо всЂм людом рымским учынил процессію до церкви пречистои дЂвы, и за єи помочу зостали волными рымляне и безпечными от ядовитого базилЂшка.

(Чуда п. б. в церквах єи, чудо 24).

Грыфон законник маранЂтов ³ невЂрных наворочал наукою своєю до вЂры христіянскои, а гды з науки єго шидили ⁴ и смЂялися, мовил он до княжат их: чи увЂрите в Христа, єсли солнце назад вернется? Отказали маранЂтове: увЂримо. В той час Грыфон павши колЂнами на землю, почал молитися богу, жебы над тым народом умилосердиться и навернул єго до вЂры правдивои, для молитов пречистои дЂвы богородици, которои в той день успеніе хрістіяне праздновали; и зараз за предстательством матки божеи, солнце назад от заходу на всход и знову от всходу на заход вернулося, що видячи маранЂтове, з князем своим до Христа навернулися, и в него увЂрили.

(Чуда п. б. межи законниками, чудо 6).

Гды єдного часу войско полское приступило под монастыр Печерскій и хотели єго збурити чуючи, же там Шулга полковник з рыцерством запорозким знайдуєтъся, в той час пресвятая богородица монастыр свой от небезпеченства оборонила, бо за єи предстателством огнистый дожч зъпал з неба на войско польское, и одогнал єго от монастыря Печерского, що потым сами ляхове и нЂмци, которыи были з ними, повЂдали; над тым войском Бутлер и Жолтовскій были преложоными ⁵.

(Чуда п. б. печерскои, чудо 26).

В Фляндріи єден маляр маліовал образ пресвятои богородици яко могл найпіенкнЂй, а діавола маліовал яко могл найшпетнЂй; показалъся єму в снЂ злый дух з гнЂвом великим и напоминал єго и грозил, жебы єго так шпетне не маліовал, але маляр єще барзЂй тым побудилъся и намаліовал в церкви барзо сличную матку божую, а злого духа барзо шпетного намаліовал под ногами єй. Гды тое страшное дивовиско маляр в церкви на стЂнЂ маліовал, стоячи на рыштованю з тертиць учыненом, знагла великій вЂхор повстал и оное рыштованье на землю обалил ⁶. Видячи тое маляр почал пресвятую богородицу о ратунок просити, теды образ пресвятои богородици руку протяг и оного маляра задержал, от раны и от смерти заховал.

(Чуда п. б. межи злыми духами, чудо 5).

 ¹ в печері ² василіск, дракон ³ мароніти — християнська секта в Сірії ⁴ глузували ⁵ начальниками ⁶ повалив, перекинув

(РІК 1699)

В Малой Россіи, в повЂтЂ Галицком єст мЂсто Завалов, названное от валов давно высыпаных, которых єст три над тым мЂстом на горЂ; межи тыми трома валами знайдуется монастыр при церк†святого архієрея Ніколая. ПовЂдают люде старыи духовныи и свЂцкіи, которыи от дЂдов и прадЂдов своих чували, же Буняк (яко они мовят), але рачей Батій цар татарскій єгда воевал землю Рускую, на той час єден воевода на имя Роман, з землЂ Рускои вышол з войсками своими против ордам татарским, а видячи великую потугу поганеную, а свое малое войско христіянское, окопался трома валами и фрасовалъся и фрасуючися заснул; которому в снЂ показалъся святый архіерей Ніколай и казал єму ити смЂле на орды бЂсурманскіи и где бы нагонил поганов и звытяжил их; казал єму на том мЂсцу церков збудовати на честь пресвятои богородици, за которои помочу мЂл махометанов звытяжити, межи тыми зась трома валами казал збудовати церков на честь святому архіерею Ніколаю; очкнувшися от сна, Роман воевода рушилъся смЂле з войсками своими на татаров и погнал их и утЂкаючих гонил и доганял на тых полях, которые недалеко за местом Тысменицею знайдуютъся, и славное над ними одержал звытяство, по котором звытязт†на тым полю збудовал церков успенія пресвятои богородици, за которой предъстателством звытяжил орды поганьскіи. В той церк†єст намЂстный образ пресвятои богородици чудотворный, при той церк†знайдуетъся монастыр, который называетъся Погоня для того, же там Роман воевода погнал и догнал и розогнав татаров непріятелей своих и могл мовити слова Давыдовы: Пожену враги моя и постигну я и не возвращуся дондеже скончаютъся, оскорблю их и не возмогут стати, падут пред ногама моима. По звЂтязст†же межи трема валами збудовал церков святого архіерея Ніколая, который єму там в снЂ показался и казал єдну церков на честь пресвятои богородици, другую на имя свое збудовати.

(Чуда п. б. розныи, чудо 17).

Див. також:
Іоаннікій Галятовський. Наука, альбо способ зложення казання. Українська література XVII ст.
Байки в українській літературі XVII-XVIII ст. Київ, 1963.

Попередня         Головна         Наступна